ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಪಞ್ಚನವತಿತಮಸ್ಸರ್ಗಃ ।
ತಾನಿತಾನಿಸಹಸ್ರಾಣಿಸಾರೋಹಾಣಾಂ ಚ ವಾಜಿನಾಮ್ ।
ರಥಾನಾನ್ತ್ವಗ್ನಿವರ್ಣಾನಾಂಸಧ್ವಜಾನಾಂಸಹಸ್ರಶಃ ॥ 1 ॥
ರಾಕ್ಷಸಾನಾಂಸಹಸ್ರಾಣಿಗದಾಪರಿಘಯೋಧಿನಾಮ್ ।
ಕಾಞ್ಚನಧ್ವಜಚಿತ್ರಾಣಾಂಶೂರಾಣಾಙ್ಕಾಮರೂಪಿಣಾಮ್ ॥ 2 ॥
ನಿಹತಾನಿಶರೈರ್ದೀಸ್ತೀಕ್ಷ್ಣೈಸ್ತಪ್ತಕಾಞ್ಚನಭೂಷಣೈಃ ।
ರಾವಣೇನಪ್ರಯುಕ್ತಾನಿರಾಮೇಣಾಕ್ಲಿಷ್ಟಕರ್ಮಣಾ ॥ 3 ॥
ದೃಷ್ಟವಾಶ್ರುತ್ವಾ ಚ ಸಮ್ಭ್ರಾನ್ತಾಹತಶೇಷಾನಿಶಾಚರಾಃ ।
ರಾಕ್ಷಸೀಶ್ಚಸಮಾಗಮ್ಯದೀನಾಶ್ಚಿನ್ತಾಪರಿಪ್ಲುತಾಃ ॥ 4 ॥
ವಿಧವಾಹತಪುತ್ರಾಶ್ಚಕ್ರೋಶನ್ತ್ಯೋಹತಬಾನ್ದವಾಃ ।
ರಾಕ್ಷಸ್ಯಃಸಹಸಙ್ಗಮ್ಯದುಃಖಾರ್ತಾಃಪರ್ಯದೇವಯನ್ ॥ 5 ॥
ಕಥಂಶೂರ್ಪಣಖಾವೃದ್ಧಾಕರಾಲಾನಿರ್ಣತೋದರೀ ।
ಆಸಸಾದವನೇರಾಮಙ್ಕನ್ದರ್ಪಮಿವರೂಪಿಣಮ್ ॥ 6 ॥
ಸುಕುಮಾರಮ್ಮಹಾಸತ್ತ್ವಂಸರ್ವಭೂತಹಿತೇರತಮ್ ।
ತನ್ದೃಷ್ಟವಾಲೋಕನಿನ್ದ್ಯಾಸಾಹೀನರೂಪಾಪ್ರಕಾಮಿತಾ ॥ 7 ॥
ಕಥಂಸರ್ವಗುಣೈರ್ಹೀನಾಗುಣವನ್ತಮ್ಮಹೌಜಸಮ್ ।
ಸುಮುಖನ್ದುರ್ಮುಖೀರಾಮಙ್ಕಾಮಯಾಮಾಸರಾಕ್ಷಸೀ ॥ 8 ॥
ಜನಸ್ಯಾಸ್ಯಾಲ್ಪಭಾಗ್ಯತ್ವಾದ್ವಲಿನೀಶ್ವೇತಮೂರ್ಧಜಾ ।
ಅಕಾರ್ಯಮಪಹಾಸ್ಯಂ ಚ ಸರ್ವಲೋಕವಿಗರ್ಹಿತಮ್ ॥ 9 ॥
ರಾಕ್ಷಸಾನಾಂವಿನಾಶಾಯದೂಷಣಸ್ಯಖರಸ್ಯ ಚ ।
ಚಕಾರಾಪ್ರತಿರೂಪಾಸಾರಾಘವಸ್ಯಪ್ರಧರ್ಷಣಮ್ ॥ 10 ॥
ತನ್ನಿಮಿತ್ತಮಿದಂವೈರಂರಾವಣೇನಕೃತಮ್ಮಹತ್ ।
ವಧಾಯಸೀತಾಸಾಸೀತಾದಶಗ್ರೀವೇಣರಕ್ಷಸಾ ॥ 11 ॥
ನ ಚ ಸೀತಾನ್ದಶಗ್ರೀವಃಪ್ರಾಪ್ನೋತಿಜನಕಾತ್ಮಜಾಮ್ ।
ಬದ್ಧಮ್ಬಲವತಾವೈರಮಕ್ಷಯಂರಾಘವೇಣ ಚ ॥ 12 ॥
ವೈದೇಹೀಮ್ಪ್ರಾರ್ಥಯಾನನ್ತಂವಿರಾಧಮ್ಪ್ರೇಕ್ಷಯರಾಕ್ಷಸಮ್ ।
ಹತಮೇಕೇನರಾಮೇಣಪರ್ಯಾಪ್ತನ್ತನ್ನಿದರ್ಶನಮ್ ॥ 13 ॥
ಚತುರ್ಧಶಸಹಸ್ರಾಣಿರಕ್ಷಸಾಮ್ಭೀಮಕರ್ಮಣಾಮ್ ।
ನಿಹತಾನಿಜನಸ್ಥಾನೇಶರೈರಗ್ನಿಶಿಖೋಪಮೈಃ ॥ 14 ॥
ಖರಶ್ಚನಿಹತಃಸಙ್ಖ್ಯೇದೂಷಣಸ್ತ್ರಿಶಿರಾಸ್ತಥಾ ।
ಶರೈರಾದಿತಸಙ್ಕಾಶೈಃಪರ್ಯಾಪ್ತನ್ತನ್ನಿದರ್ಶನಮ್ ॥ 15 ॥
ಹತೋಯೋಜನಬಾಹುಶ್ಚಕಬನ್ದೋರುದಿರಾಶನಃ ।
ಕ್ರೋಧಾನ್ನಾದನ್ನದನ್ ಸೋಽಥಪರ್ಯಾಪ್ತನ್ತನ್ನಿದರ್ಶನಮ್ ॥ 16 ॥
ಜಘಾನಬಲಿನಂರಾಮಸ್ಸಹಸ್ರನಯನಾತ್ಮಜಮ್ ।
ವಾಲಿನಮ್ಮೇರುಸಙ್ಕಾಶಮ್ಪರ್ಯಾಪ್ತನ್ತನ್ನಿದರ್ಶನಮ್ ॥ 17 ॥
ಋಷ್ಯಮೂಕೇವಸಂಶ್ಚೈವದೀನೋಭಗ್ನಮನೋರಥಃ ।
ಸುಗ್ರೀವಃಪ್ರಾಪಿತೋರಾಜ್ಯಮ್ಪರ್ಯಾಪ್ತನ್ತನ್ನಿದರ್ಶನಮ್ ॥ 18 ॥
ಧರ್ಮಾರ್ಥಸಹಿತಂವಾಕ್ಯಂಸರ್ವೇಷಾಂರಕ್ಷಸಾಂಹಿತಮ್ ।
ಯುಕ್ತಂವಿಭೀಷಣೇನೋಕ್ತಮ್ಮೋಹತ್ತಸ್ಯ ನ ರೋಚತೇ ॥ 19 ॥
ವಿಭೀಷಣವಚಃಕುರ್ಯಾದ್ಯದಿಸ್ಮಧನದಾನುಜಃ ।
ಶ್ಮಶಾನಭೂತಾದುಃಖಾರ್ತಾನೇಯಂಲಙ್ಕಾಭವಿಷ್ಯತಿ ॥ 20 ॥
ಕುಮ್ಭಕರ್ಣಂಹತಂಶ್ರುತ್ವಾರಾಘವೇಣಮಹಾಬಲಮ್ ।
ಅತಿಕಾಯಂ ಚ ದುರ್ಮರ್ಷಂಲಕ್ಷ್ಮಣೇನಹತನ್ತದಾ ॥ 21 ॥
ಪ್ರಿಯಞ್ಚೇನ್ದ್ರಜಿತಮ್ಪುತ್ರಂರಾವಣೋನಾವಬುಧ್ಯತೇ ।
ಮಮಪುತ್ರೋಮಮಭ್ರಾತಾಮಮಭರ್ತಾರಣೇಹತಃ ॥ 22 ॥
ಇತ್ಯೇಷಶ್ರೂಯತೇಶಬ್ದೋರಾಕ್ಷಸೀನಾಙ್ಕುಲೇಕುಲೇ ।
ರಥಶ್ಚಾಶ್ವಾಶ್ಚನಾಗಾಶ್ಚಹತಾಃಶತಸಹಸ್ರಶಃ ॥ 23 ॥
ರಣೇರಾಮೇಣಶೂರೇಣಹತಾಶ್ಚಾಪಿಪದಾತಯಃ ।
ರುದ್ರೋವಾಯದಿವಾವಿಷ್ಣುರ್ಮಹೇನ್ದ್ರೋವಾಶತಕ್ರತುಃ ॥ 24 ॥
ಹನ್ತಿನೋರಾಮರೂಪೇಣಯದಿವಾಸ್ವಯಮನ್ತಕಃ ।
ಹತಪ್ರವೀರಾರಾಮೇಣನಿರಾಶಾಜೀವಿತೇವಯಮ್ ॥ 25 ॥
ಅಪಶ್ಯ್ನತ್ಯೋಭಯಸ್ಯಾನ್ತಮನಾಥಾವಿಲಪಾಮಹೇ ।
ರಾಮಹಸ್ತಾದ್ಧಶಗ್ರೀವಶ್ಶೂರೋದತ್ತಮಹಾವರಃ ॥ 26 ॥
ಇದಮ್ಭಯಮ್ಮಹಾಘೋರಂಸಮುತ್ಪನ್ನಂ ನ ಬುಧ್ಯತೇ ।
ತಂ ನ ದೇವಾ ನ ಗನ್ಧರ್ವಾ ನ ಪಿಶಾಚಾ ನ ರಾಕ್ಷಸಾಃ ॥ 27 ॥
ಉಪಸೃಷ್ಟಮ್ಪರಿತ್ರಾತುಂಶಕ್ತಾರಾಮೇಣಸಮ್ಯುಗೇ ।
ತ್ಪತಾಶ್ಚಾಪಿದೃಶ್ಯನ್ತೇರಾವಣಸ್ಯರಣೇರಣೇ ॥ 28 ॥
ಕಥಯನ್ತಿಹಿರಾಮೇಣರಾವಣಸ್ಯನಿಬರ್ಹಣಮ್ ।
ಪಿತಾಮಹೇನಪ್ರೀತೇನದೇವದಾನವರಾಕ್ಷಸೈಃ ॥ 29 ॥
ರಾವಣಸ್ಯಾಭಯನ್ದತ್ತಮ್ಮನುಷ್ಯೇಭ್ಯೋ ನ ಯಾಚಿತಮ್ ।
ತದಿದಮ್ಮಾನುಷಮ್ಮನ್ಯೇಪ್ರಾಪ್ತನ್ನಿಃಸಂಶಯಮ್ಭಯಮ್ ॥ 30 ॥
ಜೀವಿತಾನ್ತಕಙ್ಘೋರಂರಕ್ಷಸಾಂರಾವಣಸ್ಯ ಚ ।
ಪೀಡ್ಯಮಾನಾಸ್ತುಬಲಿನಾವರದಾನೇನರಕ್ಷಸಾ ॥ 31 ॥
ದೀಪ್ಸ್ಸೈಸ್ತಪೋಭಿರ್ವಿಬುಧಾಃಪಿತಾಮಹಮಪೂಜಯನ್ ।
ದೇವತಾನಾಂಹಿತಾರ್ಥಾಯಮಹಾತ್ಮಾವೈಪಿತಾಮಹಃ ॥ 32 ॥
ಉವಾಚದೇವತಾಃಸರ್ವಾಇದನ್ತುಷ್ಟೋಮಹದ್ವಚಃ ।
ಅದ್ಯಪ್ರಭೃತಿಲೋಕಾಂಸ್ತ್ರೀನ್ ಸರ್ವೇದಾನವರಾಕ್ಷಸಾಃ ॥ 33 ॥
ಭಯೇನಪ್ರಾವೃತಾನಿತ್ಯಂವಿಚರಿಷ್ಯನ್ತಿಶಾಶ್ವತಮ್ ।
ದೈವತೈಸ್ತುಸಮಾಗಮ್ಯಸರ್ವೈಶ್ಚೇನ್ದ್ರಪುರೋಗಮೈಃ ॥ 34 ॥
ವೃಷಧ್ವಜಸ್ತ್ರಿಪುರಹಾಮಹಾದೇವಃಪ್ರಸಾದಿತಃ ।
ಪ್ರಸನ್ನಸ್ತುಮಹಾದೇವೋದೇವಾನೇತದ್ವಚೋಽಬ್ರವೀತ್ ॥ 35 ॥
ಉತ್ಪತ್ಸ್ಯತಿಹಿತಾರ್ಥಂವೋನಾರೀರಕ್ಷಃಕ್ಷಯಾವಹಾ ।
ಏಷಾದೇವೈಃಪ್ರಯುಕ್ತಾತುಕ್ಷುದ್ಯಥಾದಾನವಾನ್ ಪುರಾ ॥ 36 ॥
ಭಕ್ಷಯಿಷ್ಯತಿನಃಸೀತಾರಾಕ್ಷಸಘ್ನೀಸರಾವಣಾನ್ ।
ರಾವಣಸ್ಯಾಪನೀತೇನದುರ್ವಿನೀತಸ್ಯದುರ್ಮತೇಃ ॥ 37 ॥
ಅಯನ್ನಿಷ್ಟಾನಕೋಘೋರಂಶೋಕೇನಸಮಭಿಪ್ಲುತಃ ।
ತನ್ನ ಪಶ್ಯಾಮಹೇಲೋಕೇಯೋನಃಶರಣದೋಭವೇತ್ ॥ 38 ॥
ರಾಘವೇಣೋಪಸೃಷ್ಟಾನಾಂ ಕಾಲೇನೇವ ಯುಗಕ್ಷಯೇ ।
ನಾಸ್ತಿನಃಶರಣಙ್ಕಶ್ಚಿದ್ಭಯೇಮಹತಿತಿಷ್ಠತಾಮ್ ॥ 39 ॥
ದಾವಾಗ್ನಿವೇಷ್ಟಿತಾನಾಂಹಿಕರೇಣೂನಾಂಯಥಾವನೇ ।
ಪ್ರಾಪ್ತಕಾಲಙ್ಕೃತನ್ತೇನಪೌಲಸ್ತ್ಯೇನಮಹಾತ್ಮನಾ ॥ 40 ॥
ಯತಏವಮ್ಭಯನ್ದೃಷ್ಟನ್ತಮೇವಶರಣಙ್ಗತಃ ।
ಇತೀವಸರ್ವಾರಜನೀಚರಸ್ತ್ರಿಯಃಪರಸ್ಪರಂಸಮ್ಪರಿರಭ್ಯಬಾಹುಭಿಃ ।
ವಿಷೇದುರಾರ್ತಾತಿಭಯಾಭಿಪೀಡಿತಾವಿನೇದುರುಚ್ಚೈಶ್ಚತದಾಸುದಾರುಣಮ್ ॥ 41 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಪಞ್ಚನವತಿತಮಸ್ಸರ್ಗಃ ॥
