ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಅಷ್ಟಾದಶಸ್ಸರ್ಗಃ ।
ಅಥರಾಮಃಪ್ರಸನ್ನಾತ್ಮಾಶೃತ್ವಾವಾಯುಸುತಸ್ಯಹ ।
ಪ್ರತ್ಯಭಾಷತದುರ್ಧಷಶ್ರುತವಾನಾತ್ಮನಿಸ್ಥಿತಮ್ ॥ 1 ॥
ಮಮಾಪಿತುವಿವಕ್ಷಾಽಸ್ತಿಕಾಚಿತ್ಪ್ರತಿವಿಭೀಷಣಮ್ ।
ಶ್ರೋತುಮಿಚ್ಛಾಮಿತತ್ಸರ್ವಮ್ಭವದ್ಭಿಶ್ಶ್ರೇಯಸಿಸ್ಥಿತೈಃ ॥ 2 ॥
ಮಿತ್ರಭಾವೇನಸಮ್ಪ್ರಾಪ್ತನ್ನತ್ಯಜೇಯಙ್ಕಥಞ್ಚನ ।
ದೋಷೋಯದ್ಯಪಿತಸ್ಯಸ್ಯಾತ್ಸತಾಮೇತದಗರ್ಹಿತಮ್ ॥ 3 ॥
ಸುಗ್ರೀಸ್ತ್ವಥತದ್ವಾಕ್ಯಮಾಭಾಷ್ಯಚವಿಮೃಶ್ಯಚ ।
ತತಶ್ಶುಭತರಂವಾಕ್ಯಮುವಾಚಹರಿಪುಙ್ಗವಃ ॥ 4 ॥
ಸುದುಷ್ಟೋವಾಪ್ಯದುಷ್ಟೋವಾಕಿಮೇಷರಜನೀಚರಃ ।
ಈದೃಶಂವ್ಯಸನಮ್ಪ್ರಾಪ್ತಮ್ಭ್ರಾತರಂಯಃಪರಿತ್ಯಜೇತ್ ॥ 5 ॥
ಕೋನಾಮಸಭವೇತ್ತಸ್ಯಯಮೇಷನಪರಿತ್ಯಜೇತ್ ।
ವಾನರಾಧಿಪತೇರ್ವಾಕ್ಯಂಶ್ರುತ್ವಾಸರ್ವಾನುದೀಕ್ಷ್ಯಚ ॥ 6 ॥
ಈಷದುತ್ಸ್ಮಯಮಾನಸ್ತುಲಕ್ಷ್ಮಣಮ್ಪುಣ್ಯಲಕ್ಷಣಮ್ ।
ಇತಿಹೋವಾಚಕಾಕುತ್ಸ್ಥೋವಾಕ್ಯಂಸತ್ಯಪರಾಕ್ರಮಃ ॥ 7 ॥
ಅನಧೀತ್ಯಚಶಾಸ್ತ್ರಾಣಿವೃದ್ಧಾನನುಪಸೇವ್ಯಚ ।
ನಶಕ್ಯಮೀದೃಶಂವಕ್ತುಂಯದುವಾಚಹರೀಶ್ವರಃ ॥ 8 ॥
ಅಸ್ತಿಸೂಕ್ಷ್ಮತರಙ್ಕಿಞ್ಚಿದ್ಯದತ್ರಪ್ರತಿಭಾತಿಮೇ ।
ಪ್ರತ್ಯಕ್ಷಂಲೌಕಿಕಞ್ಚಾಪಿವಿದ್ಯತೇಸರ್ವರಾಜಸು ॥ 9 ॥
ಅಮಿತ್ರಾಸ್ತತ್ಕುಲೀನಾಶ್ಚಪ್ರಾತಿದೇಶ್ಯಾಶ್ಚಕೀರ್ತಿತಾಃ ।
ವ್ಯಸನೇಷುಪ್ರಹರ್ತಾರಸ್ತಸ್ಮಾದಯಮಿಹಾಗತಃ ॥ 10 ॥
ಅಪಾಪಾಸ್ತತ್ಕುಲೀನಾಶ್ಚಮಾನಯನ್ತಿಸ್ವಕಾನ್ಹಿತಾನ್ ।
ಏಷಪ್ರಾಯೋನರೇನ್ದ್ರಾಣಾಂಶಙ್ಕನೀಯಸ್ತುಶೋಭನಃ ॥ 11 ॥
ಯಸ್ತುದೋಷಸ್ತ್ವಯಾಪ್ರೋಕ್ತೋಹ್ಯಾದಾನೇಽರಿಬಲಸ್ಯಚ ।
ತತ್ರತೇಕೀರ್ತಯಿಷ್ಯಾಮಿಯಥಾಶಾಸ್ತ್ರಮಿದಂಶೃಣು ॥ 12 ॥
ನವಯನ್ತತ್ಕುಲೀನಾಶ್ಚರಾಜ್ಯಕಾಙ್ ಕ್ಷೀಚರಾಕ್ಷಸಃ ।
ಪಣ್ಡಿತಾಹಿಭವಿಷ್ಯನ್ತಿತಸ್ಮಾದ್ಗ್ರಾಹ್ಯೋವಿಭೀಷಣಃ ॥ 13 ॥
ಅವ್ಯಗ್ರಾಶ್ಚಪ್ರಹೃಷ್ಟಾಶ್ಚನಭವಿಷ್ಯನ್ತಿಸಙ್ಗತಾ ।
ಪ್ರಣಾದಶ್ಚಮಹಾನೇಷತತೋಽಸ್ಯಭಯಮಾಗತಮ್ ॥ 14 ॥
ಇತಿಭೇದಙ್ಗಮಿಷ್ಯನ್ತಿತಸ್ಮಾಗ್ರಾಹ್ಯೋವಿಭೀಷಣಃ ।
ನಸರ್ವೇಭ್ರಾತರಸ್ತಾತಭವನ್ತಿಭರತೋಪಮಾಃ ।
ಮದ್ವಿಥಾವಾಪಿತುಃಪುತ್ರಾಸ್ಸುಹೃದೋನಾಭವದ್ವಿಥಾಃ ॥ 15 ॥
ಏವಮುಕ್ತಸ್ತುರಾಮೇಣಸುಗ್ರೀವಸ್ಸಹಲಕ್ಷ್ಮಣಃ ।
ಉತ್ಥಾಯೇದಮ್ಮಹಾಪ್ರಾಜ್ಞಃಪ್ರಣತೋವಾಕ್ಯಮಬ್ರವೀತ್ ॥ 16 ॥
ರಾವಣೇನಪ್ರಣಿಹಿತನ್ತಮವೇಹಿವಿಭೀಷಣಮ್ ।
ತಸ್ಯಾಹನ್ನಿಗ್ರಹಮ್ಮನ್ಯೇಕ್ಷಮಙ್ಕ್ಷಮವತಾಂವರ ॥ 17 ॥
ರಾಕ್ಷಸೋಜಿಹ್ಮಯಾಬುಧ್ಯಾಸನ್ದಿಷ್ಟೋಽಯಮಿಹಾಗತಃ ।
ಪ್ರಹರ್ತುನ್ತ್ವಯಿವಿಶ್ವಸ್ತೇಪ್ರಚ್ಛನ್ನೋಮಯಿವಾನಘ ॥ 18 ॥
ಲಕ್ಷ್ಮಣೇವಾಮಹಾಬಾಹೋ ಸವಧ್ಯಸ್ಸಚಿವೈಸ್ಸಹಾ ।
ರಾವಣಸ್ಯನೃಶಂಸಸ್ಯಭ್ರಾತಾಹ್ಯೇಷವಿಭೀಷಣಃ ।
ಏವಮುಕ್ತ್ವಾರಘುಶ್ರೇಷ್ಠಂಸುಗ್ರೀವೋವಾಹಿನೀಪತಿಃ ।
ವಾಕ್ಯಜ್ಞೋವಾಕ್ಯಕುಶಲನ್ತತೋಮೌನಮುಪಾಗಮತ್ ॥ 19 ॥
ಸುಗ್ರೀವಸ್ಯತುತದ್ವಾಕ್ಯಂರಾಮಶ್ರುತ್ವಾವಿಮೃಶ್ಯಚ ।
ತತಶ್ಶುಭತರಂವಾಕ್ಯಮುವಾಚಹರಿಪುಙ್ಗವಮ್ ॥ 20 ॥
ಸುದುಷ್ಟೋವಾಪ್ಯದುಷ್ಟೋವಾಕಿಮೇಷರಜನೀಚರಃ ।
ಸೂಕ್ಷ್ಮಮಪ್ಯಹಿತಙ್ಕರ್ತುಮ್ಮಮಾಶಕ್ತಃಕಥಞ್ಚನ ॥ 21 ॥
ತತಃ ಶುಭತರಂ ವಾಕ್ಯಂ ಉವಾಚ ಹರಿ ಪುಮ್ಗವಮ್ ।
ಸುದುಷ್ಟೋ ವಾ ಅಪಿ ಅದುಷ್ಟೋ ವಾ ಕಿಂ ಏಷ ರಜನೀ ಚರಃ ॥ 22 ॥
ಶ್ರೂಯತೇಹಿಕಪೋತೇನಶತ್ರುಶ್ಶರಣಮಾಗತಃ ।
ಅರ್ಚಿತಶ್ಚಯಥಾನ್ಯಾಯಂಸ್ವೈಶ್ಚಮಾಂಸೈರ್ನಿಮನ್ತ್ರಿತಃ ॥ 23 ॥
ಸಹಿತಮ್ಪ್ರತಿಜಗ್ರಾಹಭಾರ್ಯಾಹರ್ತಾರಮಾಗತಃ ।
ಕಪೋತೋವಾನರಶ್ರೇಷ್ಠಃ ಕಿಮ್ಪುನರ್ಮದ್ವಿಧೋಜನಃ ॥ 24 ॥
ಋಷೇಃಕಣ್ವಸ್ಯಪುತ್ರೇಣಕಣ್ಡುನಾಪರಮರ್ಷಿಣಾ ।
ಶೃಣುಗಾಥಾಮ್ಪುರಾಗೀತಾನ್ಧರ್ಮಿಷ್ಠಾಸತ್ಯವಾದಿನಾ ॥ 25 ॥
ಬದ್ಧಾಞ್ಜಲಿಪುಟನ್ದೀನಂಯಾಚನ್ತಂಶರಣಾಗತಮ್ ।
ನಹನ್ಯದಾನೃಶಂಸ್ಯಾರ್ಥಮಪಿಶತ್ರುಮ್ಪರನ್ತಪ ॥ 26 ॥
ಆರ್ತೋವಾಯದಿವಾದೃಪ್ತಃಪರೇಷಾಂಶರಣಾಙ್ಗತಃ ।
ಅರಿಃಪ್ರಾಣಾನ್ಪರಿತ್ಯಜ್ಯರಕ್ಷಿತವ್ಯಃಕೃತಾತ್ಮನಾ ॥ 27 ॥
ಸಚೇದ್ಭಯಾದ್ವಾಮೋಹಾದ್ವಾಕಾಮಾದ್ವಾಪಿನರಕ್ಷತಿ ।
ಸ್ವಯಾಶಕ್ತ್ಯಾಯಥಾಸತ್ತ್ವನ್ತತ್ಪಾಪಂಲೋಕಗರ್ಹಿತಮ್ ॥ 28 ॥
ವಿನಷ್ಟಃಪಶ್ಯತಸ್ತಸ್ಯಾರಕ್ಷಿಣಶ್ಶರಣಾಗತಃ ।
ಆದಾಯಸುಕೃತನ್ತಸ್ಯಸರ್ವಙ್ಗಚ್ಛೇದರಕ್ಷಿತಃ ॥ 29 ॥
ಏವನ್ದೋಷೋಮಹಾನತ್ರಪ್ರಪನ್ನಾನಾಮರಕ್ಷಣೇ ।
ಅಸ್ವರ್ಗ್ಯಞ್ಚಾಯಶಸ್ಯಞ್ಚಬಲವೀರ್ಯವಿನಾಶನಮ್ ॥ 30 ॥
ಕರಿಷ್ಯಾಮಿಯಥಾರ್ಥನ್ತುಕಣ್ಡೋರ್ವಚನಮುತ್ತಮಮ್ ।
ಧರ್ಮಿಷ್ಠಞ್ಚಯಶಸ್ಯಞ್ಚಸ್ವರ್ಗ್ಯಂಸ್ಯಾತ್ತುಫಲೋದಯೇ ॥ 31 ॥
ಸಕೃದೇವಪ್ರಪನ್ನಾಯತವಾಸ್ಮೀತಿಚಯಾಚತೇ ।
ಅಭಯಂಸರ್ವಭೂತೇಭ್ಯೋದದಾಮ್ಯೇತದ್ವ್ರತಮ್ಮಮ ॥ 32 ॥
ಅನಯೈನಂಹರಿಶ್ರೇಷ್ಠಃ ದತ್ತಮಸ್ಯಾಭಯಮ್ಮಯಾ ।
ವಿಭೀಷಣೋವಾಸುಗ್ರೀವಃ ಯದಿವಾರಾವಣಸ್ಸ್ವಯಮ್ ॥ 33 ॥
ರಾಮಸ್ಯತುವಚ್ಶುತ್ವಾಸುಗ್ರೀವಃಪ್ಲವಗೇಶ್ವರಃ ।
ಪ್ರತ್ಯಭಾಷತಕಾಕುತ್ಸ್ಥಂಸೌಹಾರ್ದೇನಪ್ರಚೋದಿತಃ ॥ 34 ॥
ಕಿಮತ್ರಚಿತ್ರನ್ಧರ್ಮಜ್ಞಃ ಲೋಕನಾಥಃ ಸುಖಾವಹಾಃ ।
ಯತ್ತ್ವಮಾರ್ಯಮ್ಪ್ರಭಾಷೇಥಾಸ್ಸತ್ತ್ವವಾನ್ ಸತ್ಪಥೇಸ್ಥಿತಃ ॥ 35 ॥
ಮಮಚಾಪ್ಯನ್ತರಾತ್ಮಾಯಂಶುದ್ಧಂವೇತ್ತಿವಿಭೀಷಣಮ್ ।
ಅನುಮಾನಾಚ್ಚಭಾವಾಚ್ಚಸರ್ವತಸ್ಸುಪರೀಕ್ಷಿತಃ ॥ 36 ॥
ತಸ್ಮಾತ್ ಕ್ಷಿಪ್ರಂಸಹಾಸ್ಮಾಭಿಸ್ತುಲ್ಯೋಭವತರಾಘವಃ ।
ವಿಭೀಷಣೋಮಹಾಪ್ರಾಜ್ಞಸ್ಸಖಿತ್ವಞ್ಚಾಭ್ಯುಪೈತುನಃ ॥ 37 ॥
ತತಸ್ತುಸುಗ್ರೀವವಚೋನಿಶಮ್ಯತದ್ದರೀಶ್ವರೇಣಾಭಿಹಿತನ್ನರೇಶ್ವರಃ ।
ವಿಭೀಷಣೇನಾಶುಜಗಾಮಸಙ್ಗಮಮ್ಪತತ್ತ್ರಿರಾಜೇನಯಥಾಪುರನ್ದರಃ ॥ 38 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಅಷ್ಟಾದಶಸ್ಸರ್ಗಃ ॥
