ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಪಞ್ಚಚತ್ವಾರಿಂಶಸ್ಸರ್ಗಃ ।
ಸತಸ್ಯಗತಿಮನ್ವಿಚ್ಛನ್ರಾಜಪುತ್ರಃಪ್ರತಾಪವಾನ್ ।
ದಿದೇಶಾತಿಬಲೋರಾಮೋದಶವಾನರಯೂಥಪಾನ್ ॥ 1 ॥
ದ್ವೌಸುಷೇಣಸ್ಯದಾಯಾದೌನೀಲಞ್ಚಪ್ಲವಗರ್ಷಪಮ್ ।
ಅಙ್ಗದಂವಾಲಿಪುತ್ರಞ್ಚಶರಭಞ್ಚತರಸ್ವಿನಮ್ ॥ 2 ॥
ವಿನತಞ್ಜಾಮ್ಬವನ್ತಞ್ಚಸಾನುಪ್ರಸ್ಥಮ್ಮಹಾಬಲಮ್ ।
ಋಷಭಞ್ಚರ್ಷಭಸ್ಕನ್ಥಮಾದಿದೇಶಪರನ್ತಪಃ ॥ 3 ॥
ತೇಸಮ್ಪ್ರಹೃಷ್ಟಾಹರಯೋಭೀಮಾನುದ್ಯಮ್ಯಪಾದಪಾನ್ ।
ಆಕಾಶಂವಿವಿಶುಸ್ಸರ್ವೇಮಾರ್ಗಮಾಣಾದಿಶೋದಶಃ ॥ 4 ॥
ತೇಷಾಂವೇಗವತಾಂವೇಗಮಿಷುಭಿರ್ವೇಗವತ್ತರೈಃ ।
ಅಸ್ತ್ರವಿತ್ಪರಮಾಸ್ತೈರೈಸ್ತುವಾರಯಾಮಾಸರಾವಣಿಃ ॥ 5 ॥
ತಮ್ಭೀಮಮಾರ್ಗಮಾಣಾದಿಶೋದಶಃವೇಗಾಹರಯೋನಾರಾಚೈಃಕ್ಷತವಿಗ್ರಹಾಃ ।
ಅನ್ಧಕಾರೇನದದೃಶುರ್ಮೇಘೈಸ್ಸೂರ್ಯಮಿವಾವೃತಮ್ ॥ 6 ॥
ರಾಮಲಕ್ಷ್ಮಣಯೋರೇವಸರ್ವದೇಹಭಿದಶ್ಶರಾನ್ ।
ಭೃಶಮಾವೇಶಯಾಮಾಸರಾವಣಿಸ್ಸಮಿತಿಞ್ಜಯಃ ॥ 7 ॥
ನಿರನ್ತರಶೀರೀರೌತುತಾವುಭೌರಾಮಲಕ್ಷ್ಮಣೌ ।
ಕ್ರುದ್ಧೇನೇನ್ದ್ರಜಿತಾವೀರೌಪನ್ನಗೈಶ್ಶರತಾಙ್ಗತೈಃ ॥ 8 ॥
ತಯೋಃಕ್ಷತಜಮಾರ್ಗೇಣಸುಸ್ರಾವರುಧಿರಮ್ಬಹು ।
ತಾವುಭೌಚಪ್ರಕಾಶೇತೇಪುಷ್ಪಿತಾವಿವಕಿಂಶುಕೌ ॥ 9 ॥
ತತಃಪರ್ಯನ್ತರಕ್ತಾಕ್ಷೋಭಿನ್ನಾಞ್ಜನಚಯೋಪಮಃ ।
ರಾವಣಿರ್ಭ್ರಾತರೌವಾಕ್ಯಮನ್ತರ್ಧಾನಗತೋಽಬ್ರವೀತ್ ॥ 10 ॥
ಯುಧ್ಯಮಾನಮನಾಲಕ್ಷಯಂಶಕ್ರೋಽಪಿತ್ರಿದಶೇಶ್ವರಃ ।
ದ್ರಷ್ಟುಮಾಸಾದಿತುಂವಾಪಿನಶಕ್ತಃಕಿಮ್ಪುನರ್ಯುವಾಮ್ ॥ 11 ॥
ಪ್ರಾವೃತಾವಿಷುಜಾಲೇನರಾಘವೌಕಙ್ಕಪತ್ರಿಣಾ ।
ಏಷರೋಷಪರೀತಾತ್ಮಾನಯಾಮಿಯಮಸಾದನಮ್ ॥ 12 ॥
ಏವಮುಕ್ತ್ವಾತುಧರ್ಮಜ್ಞೌಭ್ರಾತರೌರಾಮಲಕ್ಷ್ಮಣೌ ।
ನಿರ್ಬಿಭೇದಶಿತೈರ್ಬಾಣೈಃಪ್ರಜಹರ್ಷನನಾದಚ ॥ 13 ॥
ಭಿನ್ನಾಞ್ಜನಚಯಶ್ಯಾಮೋವಿಷ್ಫಾರ್ಯವಿಪುಲನ್ಧನುಃ ।
ಭೂಯೋಭೂಯಶ್ಶರಾನ್ಘೋರಾನ್ ವಿಸಸರ್ಜಮಹಾಮೃಥೇ ॥ 14 ॥
ತತೋಮರ್ಮಸುಮರ್ಮಜ್ಞೋಮಜ್ಜಯನನಿಶಿತಾನ್ ಶರಾನ್ ।
ರಾಮಲಕ್ಷ್ಮಣಯೋರ್ವೀರೋನನದಾಚಮುಹುರ್ಮುಹುಃ ॥ 15 ॥
ಬದ್ಧೌತುಶರಶಬ್ದೇನತಾವುಭೌರಣಮೂರ್ಧನಿ ।
ನಿಮೇಷಾನ್ತರಮಾತ್ರೇಣನಶೇಕತುದೀಕ್ಷಿತುಮ್ ॥ 16 ॥
ತತೋವಿಭಿನ್ನಸರ್ವಾಙ್ಗೌಶರಶಲ್ಯಾಚಿತಾವುಭೌ ।
ಧ್ವಜಾವಿವಮಹೇನ್ದ್ರಸ್ಯರಜ್ಜುಮುಕ್ತೌಪ್ರಕಮ್ಪಿತೌ ॥ 17 ॥
ತೌಸಮ್ಪ್ರಚಲಿತೌವೀರೌಮರ್ಮಭೇದೇನಕರ್ಶಿತೌ ।
ನಿಪೇತತುರ್ಮಹೇಷ್ವಾಸೌಜಗತ್ಯಾಞ್ಜಗತೀಪತೀ ॥ 18 ॥
ತೌವೀರಶಯನೇವೀರೌಶಯಾನೌರುಧಿರೋಕ್ಷಿತೌ ।
ಶರವೇಷ್ಟಿತಸರ್ವಾಙ್ಗೈವಾರ್ತೌಪರಮಪೀಡಿತೌ ॥ 19 ॥
ನ ಹ್ಯ್ ಅವಿದ್ಧಂ ತಯೋರ್ ಗಾತ್ರಂ ಬಭೂವ ಅನ್ಗುಲಂ ಅನ್ತರಮ್ ।
ನ ಅನಿರ್ಭಿನ್ನಂ ನ ಚ ಅಸ್ತಬ್ಧಂ ಆ ಕರ ಅಗ್ರಾದ್ ಅಜಿಹ್ಮಗೈಃ ॥ 20 ॥
ತೌತುಕ್ರೂರೇಣನಿಹತೌರಕ್ಷಸಾಕಾಮರೂಪಿಣಾ ।
ಅಸೃಕ್ಸುಸ್ರುವತುಸ್ತೀವ್ರಞ್ಜಲಮ್ಪ್ರಸ್ರವಣಾವಿವ ॥ 21 ॥
ಪಪಾತಪ್ರಥಮಂರಾಮೋವಿದ್ಧೋಮರ್ಮಸುಮಾರ್ಗಣೈಃ ।
ಕ್ರೋಧಾದಿನ್ದ್ರಜಿತಾಯೇನಪುರಾಶಕ್ರೋವಿನಿರ್ಜಿತಃ ॥ 22 ॥
ರುಕ್ಮಪುಙ್ಖೈಃಪ್ರಸನ್ನಾಗ್ರೈರಧೋಗತಿಭಿರಾಶುಗೈಃ ।
ನಾರಾಚೈರರ್ಧನಾರಾಚೈರ್ಭಲ್ಲೈರಞ್ಜಲಿಕೈರಪಿ ॥ 23 ॥
ವಿವ್ಯಾಧವತ್ಸದನ್ತೈಶ್ಚಸಿಂಹದಂಷ್ಟ್ರೈಃಕ್ಷುರೈಸ್ತಥಾ ।
ಸವೀರಶಯನೇಶಿಶ್ಯೇವಿಜ್ಯಮಾದಾಯಕಾರ್ಮುಕಮ್ ॥ 24 ॥
ಭಿನ್ನಮುಷ್ಟಿಪರೀಣಾಹನ್ತ್ರಿಣತಂರುಕ್ಮಭೂಷಿತಮ್ ।
ಬಾಣಪಾತಾನ್ತರೇರಾಮಮ್ಪತಿತಮ್ಪುರುಷರ್ಷಭಮ್ ॥ 25 ॥
ಸತತ್ರಲಕ್ಷ್ಮಣೋದೃಷ್ಟವಾನಿರಾಶೋಜೀವಿತೇಽಭವತ್ ।
ರಾಮಙ್ಕಮಲಪತ್ರಾಕ್ಷಂಶರಬನ್ಧಪರಿಕ್ಷತಮ್ ॥ 26 ॥
ಶುಶೋಚಭ್ರಾತರನ್ದೃಷ್ಟವಾಪತಿತನ್ಧರಣೀತಲೇ ।
ಹರಯಶ್ಚಾಪಿತನ್ದೃಷ್ಟವಾಸನ್ತಾಪಮ್ಪರಮಙ್ಗತಾಃ ॥ 27 ॥
ಶೋಕಾರ್ತಾಶ್ಚುಕ್ರಶುರ್ಘೋರಮಶ್ರುಪೂರಿತಲೋಚನಾಃ ।
ಬದ್ಧೌತುವೀರೌಪತಿತೌಶಯಾನೌತೇವಾನರಾಸ್ಸಮ್ಪರಿವಾರ್ಯತಸ್ಥುಃ ।
ಸಮಾಗತಾವಾಯುಸುತಪ್ರಮುಖ್ಯಾವಿಷಾದಮಾರ್ತಾಃಪರಮಞ್ಚಜಗ್ಮುಃ ॥ 28 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಪಞ್ಚಚತ್ವಾರಿಂಶಸ್ಸರ್ಗಃ ॥
