ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ತ್ರಯೋದಶಾಧಿಕಶತತಮಸ್ಸರ್ಗಃ ।
ರಾವಣನ್ನಿಹತನ್ದೃಷ್ಟವಾರಾಘವೇಣಮಹಾತ್ಮನಾ ।
ಅನ್ತಃಪುರಾದ್ವಿನಿಷ್ಪೇತೂರಾಕ್ಷಸ್ಯಶ್ಶೋಕಕರ್ಶಿತಾಃ ॥ 1 ॥
ವಾರ್ಯಮಾಣಾಸ್ಸುಬಹುಶೋವೇಷ್ಟನ್ತ್ಯಃಕ್ಷಿತಿಪಾಂಸುಷು ।
ವಿಮುಕ್ತಕೇಶ್ಯಶ್ಶೋಕಾರ್ತಾಗಾವೋವತ್ಸಹತಾಯಥಾ ॥ 2 ॥
ಉತ್ತರೇಣವಿನಿಷ್ಕ್ರಮ್ಯದ್ವಾರೇಣಸಹರಾಕ್ಷಸೈಃ ।
ಪ್ರವಿಶ್ಯಾಯೋಧನಙ್ಘೋರಂವಿಚಿನ್ವನ್ತ್ವೋಹತಮ್ಪತಿಮ್ ॥ 3 ॥
ಆರ್ಯಪುತ್ರೇತಿವಾದಿನ್ಯೋಹಾನಾಥೇತಿ ಚ ಸರ್ವಶಃ ।
ಪರಿಪೇತುಃಕಬನ್ಧಾಙ್ಕಾಮ್ಮಹೀಂಶೋಣಿತಕರ್ದಮಾಮ್ ॥ 4 ॥
ದೃಷ್ಟ್ವಾ ಸಮಾಗತಂ ದೇವೀ ಹನೂಮನ್ತಂ ಮಹಾಬಲಮ್ ।
ತೂಷ್ಣೀಮಾಸ್ತ ತದಾ ದೃಷ್ಟ್ವಾ ಸ್ಮೃತ್ವಾ ಹೃಷ್ಟಾಭವತ್ತದಾ ॥ 5 ॥
ದದೃಶುಸ್ತಾಮಹಾಕಾಯಮ್ಮಹಾವೀರ್ಯಮ್ಮಹಾದ್ಯುತಿಮ್ ।
ರಾವಣನ್ನಿಹತಮ್ಭೂಮೌನೀಲಾಞ್ಜನಚಯೋಪಮಮ್ ॥ 6 ॥
ತಾಃಪತಿಂಸಹಸಾದೃಷ್ಟವಾಶಯಾನಂರಣಪಾಂಸುಷು ।
ನಿಪೇತುಸ್ತಸ್ಯಗಾತ್ರೇಷುಛಿನ್ನಾವನಲತಾಇವ ॥ 7 ॥
ಬಹುಮಾನಾತ್ಪರಿಷ್ವಜ್ಯಕಾಚಿದೇವಂರುರೋದ ಹ ।
ಚರಣೌಕಾಚಿದಾಲಮ್ಬ್ಯಕಾಚಿತ್ಕಣ್ಠೇಽವಲಮ್ಬ್ಯ ಚ ॥ 8 ॥
ಉತ್ಕ್ಷಿಪ್ಯ ಚ ಭುಜೌಕಾಚಿದ್ಭೂಮೌಸುಪರಿವರ್ತತೇ ।
ಹತಸ್ಯವದನನ್ದೃಷ್ಟವಾಕಾಚಿನ್ಮೋಹಮುಪಾಗಮತ್ ॥ 9 ॥
ಕಾಚಿದಙ್ಕೇಶಿರಃಕೃತ್ವಾರುರೋದಮುಖಮೀಕ್ಷತೀ ।
ಸ್ನಾಪಯನ್ತೀಮುಖಮ್ಬಾಷ್ಪೈಸ್ತುಷಾರೈರಿವಪಙ್ಕಜಮ್ ॥ 10 ॥
ಏವಮಾರ್ತಾಃಪತಿನ್ದೃಷ್ಟವಾರಾವಣನ್ನಿಹತಮ್ಭುವಿ ।
ಚುಕ್ರುಶುರ್ಭಹುಧಾಶೋಕಾದ್ಭೂಯಸ್ತಾಃಪರ್ಯದೇವಯನ್ ॥ 11 ॥
ಯೇನಮಿತ್ರಾಸಿತಃಶಕ್ರೋಯೇನವಿತ್ರಾಸಿತೋಯಮಃ ।
ಯೇನವೈಶ್ರವಣೋರಾಜಾಪುಷ್ಪಕೇಣವಿಯೋಜಿತಃ ॥ 12 ॥
ಗನ್ಧರ್ವಾಣಾಮೃಷೀಣಾಂ ಚ ಸುರಾಣಾಂ ಚ ಮಹಾತ್ಮನಾಮ್ ।
ಭಯಂಯೇನರಣೇದತ್ತಂಸೋಽಯಂಶೇತೇರಣೇಹತಃ ॥ 13 ॥
ಅಸುರೇಭ್ಯಃಸುರೇಭ್ಯೋವಾಪನ್ನಗೇಭ್ಯೋಽಪಿವಾತಥಾ ।
ಭಯಂಯೋ ನ ವಿಜಾನಾತಿತಸ್ಯೇದಮ್ಮಾನುಷಾದ್ ಭಯಮ್ ॥ 14 ॥
ಅವಧ್ಯೋದೇವತಾನಾಂಯಸ್ತಥಾದಾನವರಾಕ್ಷಸಾಮ್ ।
ಹತಃಸೋಽಯಂರಣೇಶೇತೇಮಾನುಷೇಣಪದಾತಿನಾ ॥ 15 ॥
ಯೋ ನ ಶಕ್ಯಸ್ಸುರೈರ್ಹನ್ತುಂ ನ ಯಕ್ಷೈರ್ನಾಸುರೈಸ್ತಥಾ ।
ಸೋಽಯಙ್ಕಶ್ಚಿದಿವಾಸತ್ತ್ವೋಮೃತ್ಯುಮ್ಮರ್ತ್ಯೇನಲಮ್ಭಿತಃ ॥ 16 ॥
ಏವಂವದನ್ತ್ಯೋರುರುದುಸ್ತಸ್ಯತಾದುಃಖಿತಾಃಸ್ತ್ರಿಯಃ ।
ಭೂಯಏವ ಚ ದುಃಖಾರ್ತಾವಿಲೇಪುಶ್ಚಪುನಃಪುನಃ ॥ 17 ॥
ಅಶೃಣ್ವತಾತುಸುಹೃದಾಂಸತತಂಹಿತವಾದಿನಾಮ್ ।
ಮರಣಾಯಹೃತಾಸೀತಾರಾಕ್ಷಸಾಶ್ಚನಿಪಾತಿತಾಃ ॥ 18 ॥
ಏತಾಸ್ಸಮಮಿದಾನೀನ್ತೇವಯಮಾತ್ಮಾ ಚ ಪಾತಿತಃ ।
ಬ್ರುವಾಣೋಽಪಿಹಿತಂವಾಕ್ಯಮಿಷ್ಟೋಭ್ರಾತಾವಿಭೀಷಣಃ ॥ 19 ॥
ಧೃಷ್ಟಮ್ಪರುಷಿತೋಮೋಹತ್ತ್ವಯಾತ್ಮವಥಕಾಙ್ಕ್ಷಿಣಾ ।
ದಿನಿರ್ಯಾತಿತಾತೇಸ್ವಾಸತೀತಾರಾಮಾಯಮೈಥಿಲೀ ॥ 20 ॥
ನನಸ್ಸ್ಯಾದ್ವ್ಯಸನಙ್ಘೋರಮಿದಮ್ಮೂಲಹರಮ್ಮಹತ್ ।
ವೃತ್ತಕಾಮೋಭವೇದ್ಭ್ರಾತಾರಾಮೋಮಿತ್ರಕುಲಮ್ಭವೇತ್ ॥ 21 ॥
ವಯಞ್ಚಾಧ್ವಿವಾಃಸರ್ವಾಃಸಕಮಾ ನ ಚ ಶತ್ರವಃ ।
ತ್ವಯಾಪುನರ್ನೃಶಂಶಂಸೇನಸೀತಾಂಸಂರುನ್ಧತಾಬಲಾತ್ ॥ 22 ॥
ರಾಕ್ಷಸಾವಯಮಾತ್ಮಾ ಚ ತ್ರಯನ್ತುಲ್ಯನ್ನಿಪಾತಿತಮ್ ।
ನ ಕಾಮಕಾರಃಕಾಮಂವಾತವರಾಕ್ಷಸಪುಙ್ಗವ ।
ದೈವಞ್ಚೇಷ್ಟಯತೇಸರ್ವಂಹತನ್ದೈವೇನಹನ್ಯತೇ ॥ 23 ॥
ವಾನರಾಣಾಂವಿನಾಶೋಽಯಂರಾಕ್ಷಸಾನಾಂ ಚ ತೇರಣೇ ।
ತವಚೈವಮಹಾಬಾಹೋ ದೈವಯೋಗಾದುಪಾಗತಃ ॥ 24 ॥
ನೈವಾರ್ಥೇನ ನ ಕಾಮೇನವಿಕ್ರಮೇಣ ನ ಚಾಜ್ಞಯಾ ।
ಶಕ್ಯಾದೈವಗತಿರ್ಲೋಕೇನಿವರ್ತಯಿತುಮುದ್ಯತಾ ॥ 25 ॥
ತತಃ ಶುಭತರಂ ವಾಕ್ಯಮುವಾಚ ಪವನಾತ್ಮಜಮ್ ।
ಅತಿಲಕ್ಷಣಸಮ್ಪನ್ನಂ ಮಾಧುರ್ಯಗುಣಭೂಷಿತಮ್ ॥ 26 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ತ್ರಯೋದಶಾಧಿಕಶತತಮಸ್ಸರ್ಗಃ ॥
