ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಷಡಶೀತಿತಮಸ್ಸರ್ಗಃ ।
ಅಥತಸ್ಯಾಮವಸ್ಥಾಯಾಂಲಕ್ಷ್ಮಣಂರಾವಣಾನುಜಃ ।
ಪರೇಷಾಮಹಿತಂವಾಕ್ಯಮರ್ಥಸಾಧಕಮಬ್ರವೀತ್ ॥ 1 ॥
ಯದೇತದ್ರಾಕ್ಷಸಾನೀಕಮ್ಮೇಘಶ್ಯಾಮಂವಿಲೋಕ್ಯತೇ ।
ಏತದಾಯೋಧ್ಯತಾಂಶೀಘ್ರಙ್ಕಪಿಭಿಪಾದಪಾಯುಧೈಃ ॥ 2 ॥
ಅಸ್ಯಾನೀಕಸ್ಯಮಹತೋಭೇದನೇಯತಲಕ್ಷ್ಮಣ ।
ರಾಕ್ಷಸೇನ್ದ್ರಸುತೋಽಪ್ಯತ್ರಭಿನ್ನೇದೃಶ್ಯೋಭವಿಷ್ಯತಿ ॥ 3 ॥
ಸತ್ವಮಿನ್ದ್ರಾಶನಿಪ್ರಖ್ಯೈಃಶರೈರವಕಿರನ್ಪರಾನ್ ।
ಅಭಿದ್ರವಾಶುಯಾವದ್ವೈನೈತತ್ಕರ್ಮಸಮಾಪ್ಯತೇ ॥ 4 ॥
ಜ ಹಿವೀರದುರಾತ್ಮಾನಮ್ಮಾಯಾಪರಮಧಾರ್ಮಿಕಮ್ ।
ರಾವಣಿಙ್ಕ್ರೂರಕರ್ಮಾಣಂಸರ್ವಲೋಕಭಯಾವಹಮ್ ॥ 5 ॥
ವಿಭೀಷಣವಚ್ಶ್ರುತ್ವಾಲಕ್ಷ್ಮಣಶ್ಶುಭಲಕ್ಷಣಃ ।
ವವರ್ಷಶರವರ್ಷಾಣಿರಾಕ್ಷಸೇನ್ದ್ರಸುತಮ್ಪ್ರತಿ ॥ 6 ॥
ಋಕ್ಷಾಃಶಾಖಾಮೃಗಾಶ್ಚೈವದ್ರುಮದ್ರಿನಖಯೋಧಿನಃ ।
ಅಭ್ಯಧಾವನ್ತಸಹಿತಾಸ್ತದನೀಕಮವಸ್ಥಿತಮ್ ॥ 7 ॥
ರಾಕ್ಷಸಾಶ್ಚಶಿತೈರ್ಭಾಣೈರಸಿಭಿಶ್ಶಕ್ತಿತೋಮರೈಃ ।
ಉದ್ಯದೈಸಸಂ ವರ್ತನ್ತಸಮರೇಕಪಿಸೈನ್ಯಜಿಘಾಂಸವಃ ॥ 8 ॥
ಸ ಸಮ್ಪ್ರಹಾರಸ್ತುಮುಲಃಸಞ್ಜಜ್ಞೇಕಪಿರಕ್ಷಸಾಮ್ ।
ಶಬ್ದೇನಮಹತಾಲಙ್ಕಾನ್ನಾದಯನ್ವೈಸಮನ್ತತಃ ॥ 9 ॥
ಶಸ್ತ್ರಶ್ಚವಿವಿಧಾಕಾರೈಶ್ಶಿತೈರ್ಬಾಣೈಶ್ಚಪಾದಪೈಃ ।
ಉದ್ಯತೈರ್ಗಿರಿಶೃಙ್ಗೈಶ್ಚಘೋರೈರಾಕಾಶಮಾವೃತಮ್ ॥ 10 ॥
ತೇರಾಕ್ಷಸಾವಾನರೇಷುವಿಕೃತಾನನಬಾಹವಃ ।
ನಿವೇಶಯನ್ತಃಶಸ್ತ್ರಾಣಿಚಕ್ರುಸ್ತೇಸುಮಹದ್ಭಯಮ್ ॥ 11 ॥
ತಥೈವಸಕಲೈರ್ವೃಕ್ಷೈರ್ಗಿರಿಶೃಙ್ಗೈಶ್ಚವಾನರಾಃ ।
ಅಭಿಜಘ್ನುಜಘ್ನುಶ್ಚಸಮರೇರಾಕ್ಷಸರ್ಷಭಾನ್ ॥ 12 ॥
ಋಕ್ಷವಾನರಮುಖ್ಯೈಶ್ಚಮಹಾಕಾಯೈರ್ಮಹಾಬಲೈಃ ।
ರಕ್ಷಸಾಂಯುಧ್ಯಮಾನಾನಾಮ್ಮಹದ್ಭಯಮಜಾಯತ ॥ 13 ॥
ಸ್ವಮನೀಕಂವಿಷಣ್ಣನ್ತುಶ್ರುತ್ವಾಶತ್ರುಭಿರರ್ದಿತಮ್ ।
ಉದತಿಷ್ಠತದುರ್ದರ್ಷಃ ಸ ಕರ್ಮಣ್ಯನನುಷ್ಠಿತೇ ॥ 14 ॥
ವೃಕ್ಷಾನ್ಧಕಾರಾನ್ನಿರ್ಗಮ್ಯಜಾತಕ್ರೋಧಃ ಸ ರಾವಣಿಃ ।
ಆರುರೋಹರಥಂಸಜ್ಜಮ್ಪೂರ್ವಯುಕ್ತಂಸುಸಂಯತಮ್ ॥ 15 ॥
ಸ ಭೀಮಕಾರ್ಮುಕಧರಃಕಾಲಮೇಘಸಮಪ್ರಭಃ ।
ರಕ್ತಾಸ್ಯನಯನೋಕೃದ್ಧೋಮಭೌಮೃತ್ಯುರಿವಾನ್ತಕಃ ॥ 16 ॥
ದೃಷ್ಟವೈವತುರಥಸ್ಥನ್ತಮ್ಪರ್ಯವರ್ತತತದ್ಬಲಮ್ ।
ರಕ್ಷಸಾಮ್ಭೀಮವೇಗಾನಾಂಲಕ್ಷ್ಮಣೇನಯುಯುತ್ಸತಾಮ್ ॥ 17 ॥
ತಸ್ಮಿನ್ ಕಾಲೇತುಹನೂಮಾನುದ್ಯಮ್ಯಸುದುರಾಸದಮ್ ।
ಧರಣೀಧರಸಙ್ಕಾಶೋಮಹಾವೃಕ್ಷಮರಿನ್ದಮಃ ॥ 18 ॥
ಸ ರಾಕ್ಷಸಾನಾನ್ತತ್ಸೈನ್ಯಙ್ಕಾಲಾಗ್ನಿರಿವನಿರ್ದಹನ್ ।
ಚಕಾರಬಹುಭಿರ್ವಕ್ಷೈರ್ನಿಃಸಞ್ಜ್ಞಂಯುಧಿವಾನರಃ ॥ 19 ॥
ವಿಧ್ವಂಸನ್ತನ್ತರಸಾದೃಷ್ಟವೈವಪವನಾತ್ಮಜಮ್ ।
ರಾಕ್ಷಸಾನಾಂಸಹಸ್ರಾಣಿಹನೂಮನ್ತಮವಾಕಿರನ್ ॥ 20 ॥
ಶಿತಶೂಲಧರಾಶ್ಶೂಲೈರಸಿಭಿಶ್ಚಾಸಿಪಾಣಯಃ ।
ಶಕ್ತಿಹಸ್ತಾಶ್ಚಭಿಶ್ಶಕ್ತಿಪಟ್ಟಸೈಃ ಪಟ್ಟಸಾಯುಧಾಃ ॥ 21 ॥
ಪರಿಘೈಶ್ಚಗದಾಭಿಶ್ಚಕುನ್ತೈಶ್ಚಶುಭದರ್ಶನೈಃ ।
ಶತಶಶ್ಚಶತಘ್ನೀಭಿರಾಯಸೈರಪಿಮುದ್ಗರೈಃ ॥ 22 ॥
ಘೋರೈಃಪರಶುಭಿಶ್ಚೈವಭಿದನಿಪಾಲೈಶ್ಚರಾಕ್ಷಸಾಃ ।
ಮುಷ್ಟಿಭಿರ್ವಜ್ರಕಲ್ಪೈಶ್ಚತಲೈರಶನಿಸನ್ನಿಭೈಃ ॥ 23 ॥
ಅಭಿಜಘ್ನುಃಸಮಾಸಾದ್ಯಸಮನ್ತಾತ್ಪರ್ವತೋಪಮಮ್ ।
ತೇಷಾಮಪಿ ಚ ಸಙ್ಗ್ರುದ್ಧಶ್ಚಕಾರಕದನಮ್ಮಹತ್ ॥ 24 ॥
ಸ ದದರ್ಶಕಪಿಶ್ರೇಷ್ಠಮಚಲೋಪಮಮಿನ್ದ್ರಜಿತ್ ।
ಸೂದಮಾನಮಸನ್ತ್ರಸ್ತಮಮಿತ್ರಾನ್ ಪವನಾತ್ಮಜಮ್ ॥ 25 ॥
ಸ ಸಾರಥಿಮುವಾಚೇದಂಯಾಹಿಯತ್ರೈಷವಾನರಃ ।
ಕ್ಷಯಮೇವಹಿನಃಕುರ್ಯಾದ್ರಾಕ್ಷಸಾಮುಪೇಕ್ಷಿತಃ ॥ 26 ॥
ಇತ್ಯುಕ್ತಸ್ಸಾರಥಿಸ್ತೇನಯಯೌಯತ್ರ ನ ಮಾರುತಿಃ ।
ವಹನ್ ಪರಮದುರ್ಧರ್ಷಂಸ್ಥಿತಮಿನ್ದ್ರಜಿತಂರಥೇ ॥ 27 ॥
ಸೋಽಭ್ಯುಪೇತ್ಯಶರಾನ್ಖಙ್ಗಾನ್ಪಟ್ಟಸಾಸಿಪರಶ್ವಧಾನ್ ।
ಅಭ್ಯವರ್ಷತದುರ್ಧರ್ಷಃಕಪಿಮೂರ್ಥನಿರಾಕ್ಷಸಃ ॥ 28 ॥
ತಾನಿಶಸ್ತ್ರಾಣಿಘೋರಾಣಿಪ್ರತಿಗೃಹ್ಯ ಸ ಮಾರುತಿಃ ।
ರೋಷೇಣಮಹತಾವಿಷ್ಟೋವಾಕ್ಯಞ್ಚೇದಮುವಾಚ ಹ ॥ 29 ॥
ಯುಧ್ಯಸ್ವಯದಿಶೂರೋಽಸಿರಾವಣಾತ್ಮಜದುರ್ಮತೇ ।
ವಾಯುಪುತ್ರಂಸಮಾಸಾದ್ಯ ನ ಜೀವನ್ ಪ್ರತಿಯಾಸ್ಯಸಿ ॥ 30 ॥
ಬಾಹುಭ್ಯಾಂಸಮ್ಪ್ರತಿಯುಧ್ಯಸ್ವಯದಿಮೇದ್ವನ್ದ್ವಮಾಹವೇ ।
ವೇಗಂಸಹಸ್ವದುರ್ಬುದ್ಧೇತತಸ್ತ್ವಂರಕ್ಷಸಾಂವರಃ ॥ 31 ॥
ಹನೂಮನ್ತಞ್ಜಿಘಾಂಸನ್ತಂಸಮುದ್ಯತಶರಾಸನಮ್ ।
ರಾವಣಾತ್ಮಜಮಾಚಷ್ಟೇ ಲಕ್ಷ್ಮಣಾಯ ವಿಭೀಷಣಃ ॥ 32 ॥
ಯಸ್ಸವಾಸವನಿರ್ಜೇತಾರಾವಣಸ್ಯಾತ್ಮಸಮ್ಭವಃ ।
ಸ ಏಷರಥಮಾಸ್ಥಾಯಹನೂಮನ್ತಞ್ಜಿಘಾಂಸತಿ ॥ 33 ॥
ತಮಪ್ರತಿಮಸಂಸ್ಥಾನೈಶ್ಶರೈಶ್ಶತ್ರುನಿವಾರಣೈಃ ।
ಜೀವಿತಾನ್ತಕರೈರ್ಘೋರೈಃಸೌಮಿತ್ರೇರಾವಣಿಞ್ಜಹಿ ॥ 34 ॥
ಇತ್ಯೇವಮುಕ್ತಸ್ತುತದಾಮಹಾತ್ಮಾವಿಭೀಷಣೇನಾರಿವಿಭೀಷಣೇನ ।
ದದರ್ಶತಮ್ಪರ್ವತಸನ್ನಿಕಾಶಂರಥಸ್ಥಿತಮ್ಭೀಮಬಲನ್ದುರಾಸದಮ್ ॥ 35 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಷಡಶೀತಿತಮಸ್ಸರ್ಗಃ ॥
