ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಅಷ್ಟಾದಶಾಧಿಕಶತತಮಸ್ಸರ್ಗಃ ।
ತಾನ್ತುಪಾಶ್ವಸ್ಥಿತಾಮ್ಪ್ರಹ್ವಾಂರಾಮಸ್ಸಮ್ಪ್ರೇಕ್ಷ್ಯಮೈಥಿಲೀಮ್ ।
ಹೃದಯಾನ್ತರ್ಗತಙ್ಕ್ರೋಧವ್ಯಾಹರ್ತುಮುಪಚಕ್ರಮೇ ॥ 1 ॥
ಏಷಾಸಿನಿರ್ಜಿತಾಭದ್ರೇಶತ್ರುಞ್ಜಿತ್ವಾರಣಾಜಿರೇ ।
ಪೌರುಷಾದ್ಯದನುಷ್ಠೇಯಮ್ಮಯೈತದುಪಪಾದಿತಮ್ ॥ 2 ॥
ಗತೋಽಸ್ಮ್ಯನ್ತಮಮರ್ಷಸ್ಯಧರ್ಷಣಾಸಮ್ಪ್ರಮಾರ್ಜಿತಾ ।
ಅವಮಾನಶ್ಚಶತ್ರುಶ್ಚಯುಗಪನ್ನಿಹತೌಮಯಾ ॥ 3 ॥
ಅದ್ಯಮೇಪೌರುಷನ್ದೃಷ್ಟಮದ್ಯಮೇಸಫಲ್ಶ್ರಮಃ ।
ಅದ್ಯತೀರ್ಣಪ್ರತಿಜ್ಞೋಽತ್ವಾಪ್ರಭವಾಮ್ಯದ್ಯಚಾತ್ಮನಃ ॥ 4 ॥
ಯಾತ್ವಂವಿರಹಿತಾನೀತಾಚಲಚಿತ್ತೇನರಕ್ಷಸಾ ।
ದೈವಸಮ್ಪಾದಿತೋದೋಷೋಮಾನುಷೇಣಮಯಾಜಿತಃ ॥ 5 ॥
ಸಮ್ಪ್ರಾಪ್ತಮವಮಾನಂಯಸ್ತೇಜಸಾ ನ ಪ್ರಮಾರ್ಜತಿ ।
ಕಸ್ತಸ್ಯಪುರುಷಾರ್ಥೋಮಹತಾಪ್ಯಲ್ಪಚೇತಸಃ ॥ 6 ॥
ಲಙ್ಘನಂ ಚ ಸಮುದ್ರಸ್ಯಲಙ್ಕಾಯಾಶ್ಚಾಪಿಮರ್ಧನಮ್ ।
ಸಫಲನ್ತಸ್ಯ ಚ ಶ್ಲಾಘ್ಯಮದ್ಯಕರ್ಮಹನೂಮತಃ ॥ 7 ॥
ಯುದ್ಧೇವಿಕ್ರಮತಶ್ಚೈವಹಿತಮ್ಮನ್ತ್ರಯತಸ್ತಥಾ ।
ಸುಗ್ರೀವಸ್ಯಸಸೈನ್ಯಸ್ಯಸಫಲೋಽದ್ಯಪರಿಶ್ರಮಃ ॥ 8 ॥
ವಿಭೀಷಣಸ್ಯ ಚ ತಥಾಸಫಲೋಽದ್ಯಪರಿಶ್ರಮಃ ।
ವಿಗುಣಮ್ಭ್ರಾತರನ್ತ್ಯಕ್ತ್ವಾಯೋಮಾಂಸ್ವಯಮುಪಸ್ಥಿತಃ ॥ 9 ॥
ಇತ್ಯೇವಂವದತ್ಶ್ರುತ್ವಾಸೀತಾರಾಮಸ್ಯತದ್ವಚಃ ।
ಮೃಗೀವೋತ್ಫುಲ್ಲನಯನಾಬಭೂವಾಶ್ರುಪರಿಪ್ಲುತಾ ॥ 10 ॥
ಪಶ್ಯತಸ್ತಾನ್ತುರಾಮಸ್ಯಸಮೀಪೇಹೃದಯಪ್ರಿಯಾಮ್ ।
ಜನವಾದಭಯಾದ್ರಾಜ್ಞೋಬಭೂವಹೃದಯನ್ದ್ವಿಧಾ ॥ 11 ॥
ಸೀತಾಮುತ್ಪಲಪತ್ರಾಕ್ಷೀನ್ನೀಲಕುಞ್ಚಿತಮೂರ್ಥಜಾಮ್ ।
ಅವದದ್ವೈವರಾರೋಹಮ್ಮಧ್ಯೇವಾನರರಕ್ಷಸಾಮ್ ॥ 12 ॥
ಯತ್ಕರ್ತವ್ಯಮ್ಮನುಷ್ಯೇಣಧರ್ಷಣಾಮ್ಪ್ರತಿಮಾರ್ಜತಾ ।
ತತ್ಕೃತಂರಾವಣಂಹತ್ವಾಮಯೇದಮ್ಮಾನಕಾಙ್ಕ್ಷಿಣಾ ॥ 13 ॥
ನಿರ್ಜಿತಾಜೀವಲೋಕಸ್ಯತಪಸಾಭಾವಿತಾತ್ಮನಾ ।
ಅಗಸ್ತ್ಯೇನದುರಾಧರ್ಷಾಮುನಿನಾದಕ್ಷಿಣೇವಧಿಕ್ ॥ 14 ॥
ವಿದಿತಶ್ಚಾಸ್ತುಭತ್ರನ್ತೇಯೋಽಯಂರಣಪರಿಶ್ರಮಃ ।
ಸುತೀರ್ಣಃಸುಹೃದಾಂವೀರ್ಯಾನ್ನತ್ವದರ್ಥಮ್ಮಯಾಕೃತಃ ॥ 15 ॥
ರಕ್ಷತಾತುಮಯಾವೃತ್ತಪಮವಾದಂ ಚ ಸರ್ವತಃ ।
ಪ್ರಖ್ಯಾತಸ್ಯಾತ್ಮವಂಶಸ್ಯವ್ಯಙ್ಗ್ಯಂ ಚ ಪರಿಮಾರ್ಜತಾ ॥ 16 ॥
ಪ್ರಾಪ್ತಚಾರಿತ್ರಸನ್ದೇಹಾಮಮಪ್ರತಿಮುಖೇಸ್ಥಿತಾ ।
ದೀಪೋನೇತ್ರಾತುರಸ್ಯೇವಪ್ರತಿಕೂಲಾಸಿಮೇದೃಢಮ್ ॥ 17 ॥
ತದ್ಗಚ್ಛತ್ವಾನುಜಾನೇಽದ್ಯಯಥೇಷ್ಟಞ್ಜನಕಾತ್ಮಜೇ ।
ಏತಾದಶದಿಶೋಭದ್ರೇಕಾರ್ಯಮಸ್ತಿ ನ ಮೇತ್ವಯಾ ॥ 18 ॥
ಕಃಪುಮಾಂಸ್ತುಕುಲೇಜಾತಸ್ಸ್ತ್ರಯಮ್ಪರಗೃಹಾಷಿತಾಮ್ ।
ತೇಜಸ್ವೀಪುನರಾದದ್ಯಾತ್ಸುಹೃಲ್ಲೇಖ್ಯೇನಚೇತಸಾ ॥ 19 ॥
ರಾವಣಾಙ್ಕಪರಿಕ್ಲಿಷ್ಟಾನ್ದೃಷ್ಟಾನ್ದುಷ್ಟೇನಚಕ್ಷುಷಾ ।
ಕಥನ್ತ್ವಾಪುನರಾದದ್ಯಾಙ್ಕುಲಂವ್ಯಪದಿಶನ್ ಮಹತ್ ॥ 20 ॥
ತದರ್ಥನ್ನಿರ್ಜಿತಾಮೇತ್ವಂಯಶಃಪ್ರತ್ಯಾಹೃತಮ್ಮಯಾ ।
ನಾಸ್ತಿಮೇತ್ಯಯ್ಯಭಿಷ್ವಙ್ಗೋಯಥೇಷ್ಟಙ್ಗಮ್ಯತಾಮಿತಃ ॥ 21 ॥
ತದದ್ಯವ್ಯಾಹೃತಮ್ಭದ್ರೇಮಯೈತತ್ ಕೃತಬುಧದಿನಾ ।
ಲಕ್ಷ್ಮಣೇನಾಥಭರತೇಕುರುಬುಧದಿಂಯಥಾಸುಖಮ್ ॥ 22 ॥
ಶತ್ರುಘ್ನೇವಾಥಸುಗ್ರೀವೇರಾಕ್ಷಸೇವಾವಿಭೀಷಣೇ ।
ನಿವೇಶಯಮನಸ್ಸೀತೇಯಥಾವಾಸುಖಮಾತ್ಮನಃ ॥ 23 ॥
ನ ಹಿತ್ವಾಂರಾವಣೋದೃಷ್ಟವಾದಿವ್ಯರೂಪಾಮ್ಮನೋರಮಾಮ್ ।
ಮರ್ಷಯೇತಚಿರಂಸೀತೇಸ್ವಗೃಹೇಪರ್ಯವಸ್ಥಿತಾಮ್ ॥ 24 ॥
ತತಃಪ್ರಿಯಾರ್ಹಶ್ರವಣಾತದಪ್ರಿಯಮ್ಪ್ರಿಯಾದುಪಶ್ರುತ್ಯಚಿರಸ್ಯಮೈಥಿಲೀ ।
ಮುಮೋಚಬಾಷ್ಪಂಸುಭೃಶಮ್ಪ್ರವೇಪಿತಾಗಜೇನ್ದ್ರಹಸ್ತಾಭಿಹತೇವಸಲ್ಲಕೀ ॥ 25 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಅಷ್ಟಾದಶಾಧಿಕಶತತಮಸ್ಸರ್ಗಃ ॥
