ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ತ್ರಿಸಪ್ತತಿತಮಸ್ಸರ್ಗಃ ।
ತತೋಹತಾನ್ರಾಕ್ಷಸಪುಙ್ಗವಾಂಸ್ತಾನ್ ದೇವಾನ್ತಕಾದಿತ್ರಿಶಿರೋತಿಕಾಯಾನ್ ।
ರಕ್ಷೋಗಣಾಸ್ತತ್ರಹತಾವಶಿಷ್ಟಾಸ್ತೇರಾವಣಾಯತ್ವರಿತಾಶ್ಶಶಂಸುಃ ॥ 1 ॥
ತತೋಹತಾಂಸ್ತಾನ್ ಸಹಸಾನಿಶಮ್ಯರಾಜಾಮುಮೋಹಪರಿಪ್ಲುತಾಕ್ಷಃ ।
ಪುತ್ರಕ್ಷಯಮ್ಭ್ರಾತೃವಧಂ ಚ ಘೋರಂವಿಚಿನ್ತ್ಯರಾಜಾವಿಪುಲಮ್ಪ್ರದಧ್ಯೌ ॥ 2 ॥
ತತಸ್ತುರಾಜಾನಮುದೀಕ್ಷ್ಯದೀನಂಶೋಕಾರ್ಣವೇಸಮ್ಪರಿಪುಪ್ಲುವಾನಮ್ ।
ರಥರ್ಷಭೋರಾಕ್ಷಸರಾಜಸೂನುಸ್ತಮಿನ್ದ್ರಜಿದ್ವಾಕ್ಯಮಿದಮ್ಬಭಾಷೇ ॥ 3 ॥
ನ ತಾತ ಮೋಹಮ್ಪರಿಗನ್ತುಮರ್ಹಸಿಯತ್ರೇನ್ದ್ರಜಿಜಜೀವತಿರಾಕ್ಷಸೇನ್ದ್ರ ।
ನೇನ್ದ್ರಾರಿಬಾಣಾಭಿಹತೋಹಿಕಶ್ಚಿತ್ಪ್ರಾಣಾನ್ ಸಮರ್ಥಸ್ಸಮರೇಽಭಿಪಾತುಮ್ ॥ 4 ॥
ಪಶ್ಯಾದ್ಯರಾಮಂಸಹಲಕ್ಷ್ಮಣೇನಮದ್ಬಾಣನಿರ್ಭಿನ್ನವಿಕೀರ್ಣದೇಹಮ್ ।
ಗತಾಯುಷಮ್ಭೂಮಿತಲೇಶಯಾನಂಶಿತೈಶ್ಶರೈರಾಚಿತಸರ್ವಗಾತ್ರಮ್ ॥ 5 ॥
ಇಮಾಮ್ಪ್ರತಿಜ್ಞಾಂಶೃಣುಶಕ್ರಶತ್ರೋಃಸುನಿಶ್ಚಿತಾಮ್ಪೌರುಷದೈವಯುಕ್ತಾಮ್ ।
ಅದ್ಯೈವರಾಮಂಸಹಲಕ್ಷ್ಮಣೇನಸನ್ತರ್ಪಯಿಷ್ಯಾಮಿಶರೈರಮೋಘೈಃ ॥ 6 ॥
ಅದ್ಯೇನ್ದ್ರವೈವಸ್ವತವಿಷ್ಣುಮಿತ್ರಸಾಧ್ಯಾಶ್ಚವೈಶ್ವಾನರಚನ್ದ್ರಸೂರ್ಯಾಃ ।
ದ್ರಕ್ಷ್ಯನ್ತುಮೇವಿಕ್ರಮಮಪ್ರಮೇಯಂವಿಷ್ಣೋರಿವೋಗ್ರಮ್ಬಲಿಯಜ್ಞವಾಟೇ ॥ 7 ॥
ಸ ಏವಮುಕ್ತ್ವಾತ್ರಿದಶೇನ್ದ್ರಶತ್ರುರಾಪೃಚ್ಛಯರಾಜಾನಮದೀನಸತ್ತ್ವಃ ।
ಸಮಾರುರೋಹಾನಿತುಲ್ಯವೇಗಂರಥಙ್ಖರಶ್ರೇಷ್ಠಸಮಾಧಿಯುಕ್ತಮ್ ॥ 8 ॥
ತಮಾಸ್ಥಾಯಮಹಾತೇಜಾರಥಂಹರಿರಥೋಪಮಮ್ ।
ಜಗಾಮಸಹಸಾತತ್ರಯತ್ರಯುದ್ಧಮರಿನ್ದಮಃ ॥ 9 ॥
ತಮ್ಪ್ರಸ್ಥಿತಮ್ಮಹಾತ್ಮಾನಮನುಜಗ್ಮುರ್ಮಹಾಬಲಾಃ ।
ಸಮ್ಹರ್ಷಮಾಣಾಬಹನೋಧನುಷ್ಪ್ರವರಪಾಣಯಃ ॥ 10 ॥
ಗಜಸ್ಕನ್ಧಗತಾಃಕೇಚಿತ್ಕೇಚಿತ್ಪ್ರವರವಾಜಿಭಿಃ ।
ವ್ಯಾಘ್ರವೃಶ್ಚಿಕಮಾರ್ಜಾರಖರೋರೋಷ್ಟ್ರೈಶ್ಚಭುಜಙ್ಗಮೈಃ ॥ 11 ॥
ವರಾಹೈಶ್ಶ್ವಾಪದೈಸ್ಸಿಂಹೈರ್ಜಮ್ಬುಕೈಃಪರ್ವತೋಪಮೈಃ ।
ಕಾಕಹಂಸಮಯೂರೈಶ್ಚರಾಕ್ಷಸಾಭೀಮವಿಕ್ರಮಾಃ ॥ 12 ॥
ಪ್ರಾಸಮುದ್ಗರನಿಸ್ತ್ರಿಂಶಪರಶ್ವಥಗದಾಧರಾಃ ।
ಭುಶುಣ್ಡಿಮುದ್ಗರಾಯಷ್ಟಿಶತಘ್ನೀಪರಿಘಾಯುಧಾ ॥ 13 ॥
ಸ ಶಙ್ಖನಿನದೈಃಪೂರ್ಣೈರ್ಭೇರೀಣಾಞ್ಚಾಪಿನಿಸ್ಸ್ವನೈಃ ।
ಜಗಾಮತ್ರಿದಶೇನ್ದ್ರಾಸ್ತೂಯಮಾನೋನಿಶಾಚರೈಃ ॥ 14 ॥
ಸ ಶಙ್ಖಶಶಿವರ್ಣೇನಛತ್ರೇಣರಿಪುಸೂದನಃ ।
ರರಾಜಪ್ರತಿಪೂರ್ಣೇನನಭಶ್ಚನ್ದ್ರಮಸಾಯಥಾ ॥ 15 ॥
ಅವೀಜ್ಯತತತೋವೀರೋಹೈಮೈರ್ಹೇಮವಿಭೂಷಿತೈಃ ।
ಚಾರುಚಾಮರಮುಖ್ಯೈಶ್ಚಮುಖ್ಯಸ್ಸರ್ವಧನುಷ್ಮತಾಮ್ ॥ 16 ॥
ಸ ತುದೃಷ್ಟವಾವಿನಿರ್ಯಾನ್ತಮ್ಬಲೇನಮಹಾತಾವೃತಮ್ ।
ರಾಕ್ಷಸಾಧಿಪತಿಶ್ರಶೀಮಾನ್ ರಾವಣಃಪುತ್ರಮಬ್ರವೀತ್ ॥ 17 ॥
ತ್ವಮಪ್ರತಿರಥಃಪುತ್ರತ್ವಯಾವೈವಾಸವೋಜಿತಃ ।
ಕಿಮ್ಪುನರ್ಮಾನುಷನ್ಧೃಷ್ಯನ್ನಿಹನಿಷ್ಯಸಿರಾಘವಮ್ ॥ 18 ॥
ತಥೋಕ್ತೋರಾಕ್ಷಸೇನ್ದ್ರೇಣಪ್ರತ್ಯಗೃಹ್ಣಾನ್ಮಹಾಶಿಷಃ ।
ತಸ್ತ್ವಿನ್ದ್ರಜಿತಾಲಙ್ಕಾಸೂರ್ಯಪ್ರತಿಮತೇಜಸಾ ॥ 19 ॥
ರರಾಜಾಪ್ರತಿವೀರ್ಯೇಣದ್ಯೌರಿವಾರ್ಕೇಣಭಾಸ್ವತಾ ।
ಸಮ್ಪ್ರಾಪ್ಯಮಹಾತೇಜಾಯುದ್ಧಭೂಮಿಮರಿನ್ದಮಃ ॥ 20 ॥
ಸ್ಥಾಪಯಾಮಾಸರಕ್ಷಾಂಸಿರಥಮ್ಪ್ರತಿಸಮನ್ತತಃ ।
ತತಸ್ತುಹುತಭೋಕ್ತಾರಂಹುತಭುಕ್ಸದೃಶಪ್ರಭಃ ॥ 21 ॥
ಜುಹಾವರಾಕ್ಷಸಶ್ರೇಷ್ಠೋಮನ್ತ್ರವದ್ವಿಧಿವತ್ತದಾ ।
ಸಹವಿರ್ಲಾಜಸಂಸ್ಕಾರೈರ್ಮಾಲ್ಯಗನ್ಧಪುರಸ್ಕೃತೈಃ ॥ 22 ॥
ಜುಹುವೇಪಾವಕನ್ತತ್ರರಾಕ್ಷನೇನ್ದ್ರಃಪ್ರತಾಪವಾನ್ ।
ಶಸ್ತ್ರಾಣಿಶರಪತ್ರಾಣಿಸಮಿಧೋಽಥವಿಭೀತಕಾಃ ॥ 23 ॥
ಲೋಹಿತಾನಿ ಚ ವಾಸಾಂಸಿಸ್ರುವಙ್ಕಾರ್ಷ್ಣಾಯಸನ್ತಥಾ ।
ಸತತ್ರಾಗ್ನಿಂಸಮಾಸ್ತೀರ್ಯಶರಪತ್ರೈಸ್ಸತೋಮರೈಃ ॥ 24 ॥
ಹವಿಸ್ತತ್ಪ್ರತಿಜಗ್ರಾಹ ಪಾವಕಃ ಸ್ವಯಮುತ್ಥಿತಃ ।
ಸೋಽಸ್ತ್ರಮಾಹಾರಯಾಮಾಸ ಬ್ರಾಹ್ಮಮಸ್ತ್ರವಿದಾಂ ವರಃ ॥ 25 ॥
ಹವಿಸ್ತತ್ಪ್ರತಿಜಗ್ರಾಹಪಾವಕಸ್ಸ್ವಯಮಾಸ್ಥಿತಃ ।
ಸೋಽಸ್ತ್ರಮಾಹಾರಯಾಮಾಸಬ್ರಾಹ್ಮಮಿನ್ದ್ರರಿಪುಸ್ತದಾ ॥ 26 ॥
ಧನುಶ್ಚಾತ್ಮರಥಞ್ಚೈವಸರ್ವನ್ತತ್ರಾಭ್ಯಮನ್ತ್ರಯತ್ ।
ತಸ್ಮಿನ್ನಾಹೂಯಮಾನೇಸ್ತ್ರೇಹೂಯಮಾನೇ ಚ ಪಾವಕೇ ॥ 27 ॥
ಸಾರ್ಧಙ್ಗ್ರಹೇನ್ದುನಕ್ಷತ್ರೈರ್ವಿತತ್ರಾಸನಭಸ್ಥ್ಸಲಮ್ ।
ಸ ಪಾವಕಮ್ಪಾವಕದೀಪ್ತತೇಜಾಹುತ್ವಾಮಹೇನ್ದ್ರಪ್ರತಿಮಪ್ರಭಾವಃ ।
ಸ ಚಾಪಬಾಣಾಸಿರಥಾಶ್ವಸೂತಃಖೇಽನ್ತರ್ದಧೇಽತ್ಮಾನಮಚಿನ್ತ್ಯರೂಪಃ ॥ 28 ॥
ತತೋಹಯರಥಾಕೀರ್ಣಮ್ಪತಾಕಾಧ್ವಜಶೋಭಿತಮ್ ।
ನಿರ್ಯಯೌರಾಕ್ಷಸಬಲನ್ನರ್ದಮಾನಂಯಯುತ್ಸಯಾ ॥ 29 ॥
ತೇಶರೈರ್ಬಹುಭಿಶ್ಚಿತ್ರೈಸ್ತೀಕ್ಷ್ಣವೇಗೈರಲಙ್ಕೃತೈಃ ।
ತೋಮರೈರಙ್ಕುಶೈಶ್ಚಾಪಿವಾನರಾನ್ ಜಘ್ನುರಾಹವೇ ॥ 30 ॥
ರಾವಣಿಸ್ತುತತಸ್ಸಙ್ಕೃದ್ಧಸ್ತಾನ್ನಿರೀಕ್ಷ್ಯನಿಶಾಚರಾನ್ ।
ಹೃಷ್ಟಾಭವನ್ತೋಯುಧ್ಯನ್ತುವಾನರಾಣಾಞ್ಜಿಘಾಂಸಯಾ ॥ 31 ॥
ತತಸ್ತೇರಾಕ್ಷಸಾಸ್ಸರ್ವೇನರ್ಧನ್ತೋಜಯಕಾಙ್ಕ್ಷಿಣಃ ।
ಅಭ್ಯವರ್ಷಂಸ್ತತೋಘೋರಾನ್ವಾನರಾನ್ ಶರವೃಷ್ಟಿಭಿಃ ॥ 32 ॥
ಸ ತುನಾಲೀಕನಾರಾಚೈರ್ಗದಾಭಿರ್ಮುಸಲೈರಪಿ ।
ರಕ್ಷೋಭಿಸ್ಸಮ್ವೃತಸ್ಸಙ್ಖ್ಯೇವಾನರಾನ್ ವಿಚಕರ್ತ ಹ ॥ 33 ॥
ತೇವಧ್ಯಮಾನಾಸ್ಸಮರೇವಾನರಾಃಪಾದಪಾಯುಧಾಃ ।
ಅಭ್ಯವರ್ಷನ್ತಸಹಸಾರಾವಣಿಂಶೈಲಪಾದಪೈಃ ॥ 34 ॥
ಇನ್ದ್ರಜಿತ್ತುತದಾಕ್ರುದ್ಧೋಮಹಾತೇಜಾಮಹಾಬಲಃ ।
ವಾನರಾಣಾಂಶರೀರಾಣಿವ್ಯಧಮದ್ರಾವಣಾತ್ಮಜಃ ॥ 35 ॥
ಶರೇಣೈಕೇನ ಚ ಹರೀನ್ನವಪಞ್ಚ ಚ ಸಪ್ತ ಚ ।
ಬಿಭೇದಸಮರೇಕ್ರುದ್ಧೋರಾಕ್ಷಸಾನ್ ಸಮ್ಪ್ರಹರ್ಷಯನ್ ॥ 36 ॥
ಸ ಶರೈಸ್ಸೂರ್ಯಸಙ್ಕಾಶೈಶ್ಶಾತಕುಮ್ಭವಿಭೂಷಿತೈಃ ।
ವಾನರಾನ್ ಸಮರೇವೀರಃಪ್ರಮಮಾಥಸುದುರ್ಜಯಃ ॥ 37 ॥
ತೇಭಿನ್ನಗಾತ್ರಾಸ್ಸಮರೇವಾನರಾಶ್ಶರಪೀಡಿತಾಃ ।
ಪೇತುರ್ಮಥಿತಸಙ್ಕಲ್ಪಾಸ್ಸುರೈರಿವಮಹಾಸುರಾಃ ॥ 38 ॥
ತನ್ತಪನ್ತಮಿವಾದಿತ್ಯಙ್ಘೋರೈರ್ಬಾಣಗಭಸ್ತಿಭಿಃ ।
ಅಭ್ಯಧಾವನ್ತಸಙ್ಕೃದ್ಧಾಸ್ಸಮ್ಯುಗೇವಾನರರ್ಷಭಾಃ ॥ 39 ॥
ತತಸ್ತುವಾನರಾಸ್ಸರ್ವೇಭಿನ್ನದೇಹಾವಿಚೇತಸಃ ।
ವ್ಯಥಿತಾವಿದ್ರವನ್ತಿಸ್ಮರುಧಿರೇಣಸಮುಕ್ಷಿತಾಃ ॥ 40 ॥
ರಾಮಸ್ಯಾರ್ಥೇಪರಾಕ್ರಮ್ಯವಾನರಾಸ್ತ್ಯಕ್ತಜೀವಿತಾಃ ।
ನರ್ದನ್ತಸ್ತೇಽಭಿವೃತ್ತಾಸ್ತುಸಮರೇಸಶಿಲಾಯುಧಾಃ ॥ 41 ॥
ತೇದ್ರುಮೈಃಪರ್ವತಾಗ್ರೈಶ್ಚಶಿಲಾಭಿಶ್ಚಪ್ಲವಙ್ಗಮಾಃ ।
ಅಭ್ಯವರ್ಷನ್ತಸಮರೇರಾವಣಿಮ್ಪರ್ಯವಸ್ಥಿತಾಃ ॥ 42 ॥
ತದ್ರುಮಾಣಾಂಶಿಲಾನಾಂ ಚ ವರ್ಷಮ್ಪ್ರಾಣಹರಮ್ಮಹತ್ ।
ವ್ಯಪೋಹತಮಹಾತೇಜಾರಾವಣಿಸ್ಸಮಿತಿಞ್ಜಯಃ ॥ 43 ॥
ತತಃಪಾವಕಸಙ್ಕಾಶೈಶ್ಶರೈರಾಶೀವಿಷೋಪಮೈಃ ।
ವಾನರಾಣಾಮನೀಕಾನಿಬಿಭೇದಸಮರೇಪ್ರಭುಃ ॥ 44 ॥
ಅಷ್ಟಾದಶಶರೈಸ್ತೀಕ್ಷ್ಣೈಸ್ಸವಿದದ್ವಾಗನ್ಧಮಾದನಮ್ ।
ವಿವ್ಯಾಥನವಭಿಶ್ಚೈವನಲನ್ದೂರಾದವಸ್ಥಿತಮ್ ॥ 45 ॥
ಸಪ್ತಭಿಸ್ತುಮಹಾವೀರ್ಯೋಮೈನ್ದಮ್ಮರ್ಮವಿದಾರಣೈಃ ।
ಪಞ್ಚಭಿರ್ವಿಶಿಖೈಶ್ಚೈವಗಜಂವಿವ್ಯಾಥಸಂಯುಗೇ ॥ 46 ॥
ಜಾಮ್ಬವನ್ತನ್ತುದಶಭಿರ್ನೀಲನ್ತ್ರಿಂಶದ್ಭಿರೇವ ಚ ।
ಸುಗ್ರೀವಮೃಷಭಞ್ಚೈವಸೋಽಙ್ಗದನ್ದ್ವಿವಿಧನ್ತಥಾ ॥ 47 ॥
ಘೋರೈರ್ದತ್ತವರೈಸ್ತೀಕ್ಷ್ಣೈರ್ನಿಷ್ಪ್ರಾಣಾನಕರೋತ್ತದಾ ।
ಅನ್ಯಾನಪಿತದಾಮುಖ್ಯಾನ್ವಾನರಾನ್ ಬಹುಭಿಶ್ಶರೈಃ ॥ 48 ॥
ಅರ್ದಯಾಮಾಸಸಙ್ಕೃದ್ಧಃಕಾಲಾನಗಿರಿವಮೂರ್ಛಿತಃ ।
ಸಶರೈಸ್ಸೂರ್ಯಸಙ್ಕಾಶೈಸ್ಸುಮುಕ್ಸೈಶಶೀಘ್ರಗಾಮಿಭಿಃ ॥ 49 ॥
ವಾನರಾಣಾಮನೀಕಾನಿನಿರ್ಮಮನ್ಥಮಹಾರಣೇ ।
ಆಕುಲಾಂವಾನರೀಂಸೇನಾಂಶರಜಾಲೇನಮೋಹಿತಾಮ್ ॥ 50 ॥
ಹೃಷ್ಟಸ್ಸಪರಯಾಪ್ರೀತ್ಯಾದದರ್ಶಕ್ಷತಜೋಕ್ಷಿತಾಮ್ ।
ವಾನರೇವಮಹಾತೇಜಾರಾಕ್ಷಸೇನ್ದ್ರಾತ್ಮಜೋಬಲೀ ॥ 51 ॥
ಸಂಸೃಜ್ಯಬಾಣವರ್ಷಂ ಚ ಶಸ್ತ್ರವರ್ಷಂ ಚ ದಾರುಣಮ್ ।
ಮಮರ್ದವಾನರಾನೀಕಮಿನ್ದ್ರಜಿತ್ತ್ವರಿತೋಬಲೀ ॥ 52 ॥
ಸ್ವಸೈನ್ಯಮುತ್ಸೃಜ್ಯಸಮೇತ್ಯತೂರ್ಣಮ್ಮಹಾರಣೇವಾನರವಾಹಿನೀಷು ।
ಅದೃಶ್ಯಮಾನಶ್ಶರಜಾಲಮುಗ್ರಂವವರ್ಷನೀಲಾಮ್ಬುಧರೋಯಥಾಮ್ಬು ॥ 53 ॥
ತೇಶಕ್ರಜಿದ್ಬಾಣವಿಶೀರ್ಣದೇಹಾಮಾಯಾಹತಾವಿಸ್ವರಮುನ್ನದನ್ತಃ ।
ರಣೇನಿಪೇತುರ್ಹರಯೋಽದ್ರಿಕಲ್ಪಾಯಥೇನ್ದ್ರವಜ್ರಾಭಿಹತಾನಗೇನ್ದ್ರಾಃ ॥ 54 ॥
ತೇಕೇವಲಂಸನ್ದದೃಶುಶಶಿತಾಗ್ರಾನ್ಬಾಣಾನ್ರಣೇವಾನರವಾಹಿನೀಷು ।
ಮಾಯಾನಿಗೂಢನ್ತುಸುರೇನ್ದ್ರಶತ್ರುಂ ನ ಚಾವೃತಂರಾಕ್ಷಸಮಭ್ಯಪಶ್ಯನ್ ॥ 55 ॥
ತತಸ್ಸರಕ್ಷೋಧಿಪತಿರ್ಮಹಾತ್ಮಾಸರ್ವಾದಿಶೋಬಾಣಗಣೈಶಶಿತಾಗ್ರೈಃ ।
ಪ್ರಚ್ಛಾದಯಾಮಾಸರವಿಪ್ರಕಾಶೈರ್ವಿಪಾದಯಾಮಾಸ ಚ ವಾನರೇನ್ದ್ರಾನ್ ॥ 56 ॥
ಸ ಶೂಲನಿಸ್ತ್ರಿಂಶಪರಶ್ವಧಾನಿವ್ಯಾವಿಧ್ಯದೀಪ್ತಾನಲಸನ್ನಿಭಾನಿ ।
ಸವಿಸ್ಫುಲಿಙ್ಗೋಜ್ಜ್ವಲಪಾವಕಾನಿವವರ್ಷತೀವ್ರಮ್ಪ್ಲವಗೇನ್ದ್ರಸೈನ್ಯೇ ॥ 57 ॥
ತತೋಜ್ವಲನಸಙ್ಕಾಶೈಶ್ಶರೈರ್ವಾನರಯೂಥಪಾಃ ।
ತಾಡಿತಾಶ್ಶಕ್ರಜಿದ್ಬಾಣೈಃಪ್ರಫುಲ್ಲಾಇವಕಿಂಶುಕಾಃ ॥ 58 ॥
ತೇನ್ಯೋನ್ಯಮಭಿಸರ್ಪನ್ತೋನಿನದನ್ತಶ್ಚವಿಸ್ವರಮ್ ।
ರಾಕ್ಷಸೇನ್ದ್ರಾಸ್ತ್ರನಿರ್ಭಿನ್ನಾನಿಪೇತುರ್ವಾನರರ್ಷಭಾಃ ॥ 59 ॥
ಉದೀಕ್ಷಮಾಣಾಗಗನಙ್ಕೇಚಿನ್ನೇತ್ರೇಷುತಾಡಿತಾಃ ।
ಶರೈರ್ವಿವಿಶುರನ್ಯೋನ್ಯಮ್ಪೇತುಶ್ಚಜಗತೀತಲೇ ॥ 60 ॥
ಹನೂಮನ್ತಂ ಚ ಸುಗ್ರೀವಮಙ್ಗದಙ್ಗನ್ಧಮಾದನಮ್ ।
ಜಾಮ್ಬವನ್ತಂಸುಷೇಣಂ ಚ ವೇಗದರ್ಶಿನಮೇವ ಚ ॥ 61 ॥
ಮೈನ್ದಂ ಚ ದ್ವಿವಿದನ್ನೀಲಙ್ಗವಾಕ್ಷಙ್ಗಜಗೋಮುಭೌ ।
ಕೇಸರಿಂಹರಿಲೋಮಾನಂವಿದ್ಯುದ್ಧಂಷ್ಟ್ರಂ ಚ ವಾನರಮ್ ॥ 62 ॥
ಸ ಬಾಣವರ್ಷೈರಭಿವರ್ಷ್ಯಮಾಣೋ ।
ಧಾರಾನಿಪಾತಾನಿವ ತಾನ್ವಿಚಿನ್ತ್ಯ ।
ಸಮೀಕ್ಷಮಾಣಃ ಪರಮಾದ್ಭುತಶ್ರೀ ।
ರಾಮಸ್ತದಾ ಲಕ್ಷ್ಮಣಮಿತ್ಯುವಾಚ ॥ 63 ॥
ಪ್ರಸೈಶ್ಶೂಲೈಶ್ಶಿತೈರ್ಬಾಣೈರಿನ್ದ್ರಜಿನ್ಮನ್ತ್ರಸಮ್ಹಿತೈಃ ।
ವಿವ್ಯಾಧಹರಿಶಾರ್ದೂಲಾನ್ ಸರ್ವಾಂಸ್ತಾನ್ರಾಕ್ಷಸೋತ್ತಮಃ ॥ 64 ॥
ಸ ವೈಗದಾಭಿರ್ಹರಿಯೂಥಮುಖ್ಯಾನ್ನಿರ್ಭಿದ್ಯಬಾಣೈಸ್ತಪನೀಯವಙ್ಖೈಃ ।
ವವರ್ಷರಾಮಂಶರವೃಷ್ಟಿಜಾಲೈಸ್ಸಲಕ್ಷ್ಮಣಮ್ಭಾಸ್ಕರರಮಶಿಕಲ್ಪೈಃ ॥ 65 ॥
ಸ ಬಾಣವರ್ಷೈರಭಿವೃಷ್ಯಮಾಣೋಧಾರಾನಿಪಾತಾನಿವತಾನಚ್ನಿತ್ಯ ।
ಸಮೀಕ್ಷಮಾಣಃಪರಮಾದ್ಭುತಶ್ರೀರಾಮತದಾಲಕ್ಷ್ಮಣಮಿತ್ಯುವಾಚ ॥ 66 ॥
ಅಸೌಪುನರ್ಲಕ್ಷ್ಮಣರಾಕ್ಷಸೇನ್ದ್ರೋಬ್ರಹ್ಮಾಸ್ತ್ರಮಾಶ್ರಿತ್ಯಸುರೇನ್ದ್ರಶತ್ರುಃ ।
ನಿಪಾತಯಿತ್ವಾಹರಿಸೈನ್ಯಮುಗ್ರಮಸ್ಮಾನ್ಶರೈರರ್ದಯತಿಪ್ರಸಕ್ತಃ ॥ 67 ॥
ಸ್ವಯಮ್ಭುವಾದತ್ತವರೋಮಹಾತ್ಮಾ ।
ಸಮಾಹಿತೋನ್ತರ್ಹಿತಭೀಮಕಾಯಃ ।
ಕಥನ್ನುಶಕ್ಯೋಯುಧಿನಷ್ಟದೇಹೋನಿಹನ್ತುಮದ್ಯೇನ್ದ್ರಜಿದುದ್ಯತಾಸ್ತ್ರಃ ॥ 68 ॥
ಮನ್ಯೇಸ್ವಯಮ್ಭುರ್ಭಗವಾನಚ್ನಿತ್ಯೋಯಸ್ಯೈತದಸ್ತ್ರಮ್ಪ್ರಭವಶ್ಚಯೋಽಸ್ಯ ।
ಬಾಣಾವಪಾತಾಸ್ತ್ವಮಿಹಾದ್ಯಧೀಮನ್ಮಯಾಸಹಾವ್ಯಗ್ರಮನಾಸ್ಸಹಸ್ವ ॥ 69 ॥
ಪ್ರಚ್ಛಾದಯತ್ಯೇಷಹಿರಾಕ್ಷಸೇನ್ದ್ರಸ್ಸರ್ವಾಧಿಶಸ್ಸಾಯಕವೃಷ್ಟಿಜಾಲೈಃ ।
ಏತಚ್ಚಸರ್ವಮ್ಪತಿತಾಗ್ಯ್ರಶೂರಂ ನ ಭ್ರಾಜತೇವಾನರರಾಜಸೈನ್ಯಮ್ ॥ 70 ॥
ಆವಾನ್ತುದೃಷ್ಟವಾಪತಿತೌವಿಸಞ್ಜ್ಞೌನಿವೃತ್ತಯುದ್ದೌಗತರೋಷಹರ್ಷೇ ।
ಧ್ರುವಮ್ಪ್ರವೇಕ್ಷ್ಯತ್ಯಮರಾರಿವಾಸಮಸೌಸಮಾದಾಯರಣಾಗ್ರಲಕ್ಷ್ಮೀಮ್ ॥ 71 ॥
ತತಸ್ತುತಾವಿನ್ದ್ರಜಿದಸ್ತ್ರಜಾಲೈರ್ಭಭೂವತುಸ್ತತ್ರತಥಾವಿಶಸ್ತೌ ।
ಸ ಚಾಪಿತೌತತ್ರವಿದರ್ಶಯಿತ್ವಾನನಾದಹರ್ಷಾದ್ಯುಧಿರಾಕ್ಷಸೇನ್ದ್ರಃ ॥ 72 ॥
ಸತತ್ತದಾವಾನರಸೈನ್ಯಮೇವಂರಾಮಂ ಚ ಸಙ್ಖ್ಯೇಸಹಲಕ್ಷ್ಮಣೇನ ।
ವಿಷಾದಯಿತ್ವಾಸಹಸಾವಿವೇಶಪುರೀನ್ದಶಗ್ರೀವಭುಜಾಭಿಗುಪ್ತಾಮ್ ॥ 73 ॥
ಸನ್ಸ್ತೂಯಮಾನಸ್ಸತುಯಾತುಧಾನೈಃ ।
ಪತ್ರೇ ಚ ಸರ್ವಂಹೃಷಿತೋಽಭ್ಯುವಾಚ ॥ 74 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ತ್ರಿಸಪ್ತತಿತಮಸ್ಸರ್ಗಃ ॥
