ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಏಕಷಷ್ಟಿತಮಸ್ಸರ್ಗಃ ।
ತತೋರಾಮೋಮಹಾತೇಜಾಧನುರಾದಾಯವೀರ್ಯವಾನ್ ।
ಕಿರೀಟಿನಮ್ಮಹಾಕಾಯಙ್ಕುಮ್ಭಕರ್ಣನ್ದದರ್ಶ ಹ ॥ 1 ॥
ತನ್ದೃಷ್ಟವಾರಾಕ್ಷಸಶ್ರೇಷ್ಠಮ್ಪರ್ವತಾಕಾರದರ್ಶನಮ್ ।
ಕ್ರಮಮಾಣಮಿವಾಕಾಶಮ್ಪುರಾನಾರಾಯಣಮ್ಪ್ರಭುಮ್ ॥ 2 ॥
ಸತೋಯಾಮ್ಬುದಸಙ್ಕಾಶಙ್ಕಾಞ್ಚನಾಙ್ಗದಭೂಷಣಮ್ ।
ದೃಷ್ಟವಾಪುನಃಪ್ರದುದ್ರವಾವಾನರಾಣಾಮ್ಮಹಾಚಮೂಃ ॥ 3 ॥
ವಿದ್ರುತಾಂವಾಹಿನೀನ್ದೃಷ್ಟವಾವರ್ಧಮಾನಂ ಚ ರಾಕ್ಷಸಮ್ ।
ಸವಿಸ್ಮಯಮಿದಂರಾಮೋವಿಭೀಷಣಮುವಾಚ ಹ ॥ 4 ॥
ಕೋಽಸೌಪರ್ವತಸಙ್ಕಾಶಃಕಿರೀಟೀಹರಿಲೋಚನಃ ।
ಲಙ್ಕಾಯಾನ್ದೃಶ್ಯತೇವೀರಃಸವಿದ್ಯುದಿವತೋಯದಃ ॥ 5 ॥
ಪೃಥಿವ್ಯಾಙ್ಕೇತುಭೂತೋಽಸೌಮಹಾನೇಕೋಽತ್ರದೃಶ್ಯತೇ ।
ಯನ್ದೃಷ್ಟವಾವಾನರಾಸ್ಸರ್ವೇವಿದ್ರವನ್ತಿತತಸ್ತತಃ ॥ 6 ॥
ಆಚಕ್ಷವಸುಮಹಾನ್ ಕೋಽಸೌರಕ್ಷೋವಾಯದಿವಾಽಸುರಃ ।
ನ ಮಯೈವಂವಿಧಮ್ಭೂತನ್ದೃಷ್ಟಪೂರ್ವಙ್ಕದಾಚನ ॥ 7 ॥
ಸಮ್ಪೃಷ್ಟೋರಾಜಪುತ್ರೇಣರಾಮೇಣಾಕ್ಲಿಷ್ಟಕರ್ಮಣಾ ।
ವಿಭೀಷಣೋಮಹಾಪ್ರಾಜ್ಞಃಕಾಕುತ್ಥ್ಸಮಿದಮಬ್ರವೀತ್ ॥ 8 ॥
ಯೇನವೈವಸ್ವತೋಯುದ್ಧೇವಾಸವಶ್ಚಪರಾಜಿತಃ ।
ಸೈಷವಿಶ್ರವಸಃಪುತ್ರಃಕುಮ್ಭಕರ್ಣಃಪ್ರತಾಪವಾನ್ ॥ 9 ॥
ಅಸ್ಯಪ್ರಮಾಣಸದೃಶೋರಾಕ್ಷಸಾಽನ್ಯೋ ನ ವಿದ್ಯತೇ ।
ಏತೇನದೇವಾಯುಧಿದಾನವಾಶ್ಚಯಕ್ಷಾಭುಜಙ್ಗಾಃಪಿಶಿತಾಶನಾಶ್ಚ ।
ಗನ್ಧರ್ವವಿದ್ಯಾಧರಕಿನ್ನರೈಶ್ಚಸಹಸ್ರಶೋರಾಘವಸಮ್ಪ್ರಭಗ್ನಾಃ ॥ 10 ॥
ಶೂಲಪಾಣಿಂವಿರೂಪಾಕ್ಷಙ್ಕುಮ್ಭಕರ್ಣಮ್ಮಹಾಬಲಮ್ ।
ಹನ್ತುಂ ನ ಶೇಕುಸ್ತ್ರಿದಶಾಃಕಾಲೋಽಯಮಿತಿಮೋಹಿತಾಃ ॥ 11 ॥
ಪ್ರಕೃತ್ಯಾಹ್ಯೇಷತೇಜಸ್ವೀಕುಮ್ಭಕರ್ಣೋಮಹಾಬಲಃ ।
ಅನ್ಯೇಷಾಂರಾಕ್ಷಸೇನ್ದ್ರಾಣಾಂವರದಾನಕೃತಮ್ಬಲಮ್ ॥ 12 ॥
ಏತೇನಜಾತಮಾತ್ರೇಣಕ್ಷುಧಾರ್ತೇನಮಹಾತ್ಮನಾ ।
ಭಕ್ಷಿತಾನಿಸಹಸ್ರಾಣಿಸತ್ತ್ವಾನಾಂಸುಬಹೂನ್ಯಪಿ ॥ 13 ॥
ತೇಷುಸಮ್ಭಕ್ಷಯಮಾಣೇಷುಪ್ರಜಾಭಯನಿಪೀಡಿತಾಃ ।
ಯಾನ್ತಿಸ್ಮಶರಣಂಶಕ್ರನ್ತಮಪ್ಯರ್ಥನ್ನ್ಯವೇದಯನ್ ॥ 14 ॥
ಸಕುನ್ಭಕರ್ಣಙ್ಕುಪಿತೋಮಹೇನ್ದ್ರೋಜಘಾನವಜ್ರೇಣಶಿತೇನವಜ್ರೀ ।
ಸಶಕ್ರವಜ್ರಾಭಿಹತೋಮಹಾತ್ಮಾಚಚಾಲಕೋಪಾಚ್ಚಭೃಶನ್ನನಾದ ॥ 15 ॥
ತಸ್ಯನಾನದ್ಯಮಾನಸ್ಯಕುಮ್ಭಕರ್ಣಸ್ಯರಕ್ಷಸಃ ।
ಶ್ರುತ್ವಾನಿನಾದಂವಿತ್ರಸ್ತಾಃಭೂಮಿಭೂಯೋವಿತತ್ರಸೇ ॥ 16 ॥
ತತ್ರಕೋಪಾನ್ಮಹೇನ್ದ್ರಸ್ಯಕುಮ್ಭಕರ್ಣೋಮಹಾಬಲಃ ।
ವಿಕೃಷ್ಯೈರಾವತಾದ್ಧನ್ತಞ್ಜಘಾನೋರಸಿವಾಸವಮ್ ॥ 17 ॥
ಕುಮ್ಭಕರ್ಣಪ್ರಹಾರಾರ್ತೋವಿಜಜ್ವಾಲ ಸ ವಾಸವಃ ।
ತತೋವಿಷೇದುಸ್ಸಹಸಾದೇವಾಬ್ರಹ್ಮರ್ಷಿದಾನವಾಃ ॥ 18 ॥
ಪ್ರಜಾಭಿಸ್ಸಹಶಕ್ರಶ್ಚಯಯೌಸ್ಥಾನಂಸ್ವಯಮ್ಭುವಃ ।
ಕುಮ್ಭಕರ್ಣಸ್ಯದೌರಾತ್ಮ್ಯಂಶಶಂಸುಸ್ತೇಪ್ರಜಾಪತೇಃ ॥ 19 ॥
ಪ್ರಜಾನಾಮ್ಭಕ್ಷಣಞ್ಚಾಪಿಧರ್ಷಣಂ ಚ ದಿವೌಕಸಾಮ್ ।
ಆಶ್ರಮಧ್ವಂಸನಞ್ಚಾಪಿಪರಸ್ತ್ರೀಹರಣಮ್ಭೃಶಮ್ ॥ 20 ॥
ಏವಮ್ಪ್ರಜಾಯದಿತ್ವೇಷಭಕ್ಷಯಿಷ್ಯತಿನಿತ್ಯಶಃ ।
ಅಚಿರೇಣೈವಕಾಲೇನಶೂನ್ಯೋಲೋಕೋಭವಿಷ್ಯತಿ ॥ 21 ॥
ವಾಸವಸ್ಯವಚಶ್ಶ್ರುತ್ವಾಸರ್ವಲೋಕಪಿತಾಮಹಃ ।
ರಕ್ಷಾಂಸ್ಯಾವಾಹಯಾಮಾಸಕುಮ್ಭಕರ್ಣನ್ದದರ್ಶ ಹ ॥ 22 ॥
ಕುಮ್ಭಕರ್ಣಂಸಮೀಕ್ಷ್ಯೈವವಿತತ್ರಾಸಪ್ರಜಾಪತಿಃ ।
ದೃಷ್ಟವಾವಿಶ್ವಾಸ್ಯಚೈವೈನಂಸ್ವಯಮ್ಭೂರಿದಮಬ್ರವೀತ್ ॥ 23 ॥
ಧ್ರುವಂಲೋಕವಿನಾಶಾಯಪೌಲಸ್ತ್ಯೇನಾಸಿನಿರ್ಮಿತಃ ।
ತಸ್ಮಾತ್ತ್ವಮದ್ಯಪ್ರಭೃತಿಮೃತಕಲ್ಪಃಶಯಿಷ್ಯಸೇ ॥ 24 ॥
ಬ್ರಹ್ಮಶಾಪಾಭಿಭೂತೋಽಥನಿಪಪಾತಾಗ್ರತಃಪ್ರಭೋಃ ।
ತತಃಪರಮಸಮ್ಭ್ರಾನ್ತೋರಾವಣೋವಾಕ್ಯಮಬ್ರವೀತ್ ॥ 25 ॥
ವಿವೃದ್ಧಃಕಾಞ್ಚನೋವೃಕ್ಷಃಫಲಕಾಲೇನಿಕೃತ್ಯತೇ ।
ನ ನಪ್ತಾರಂಸ್ವಕನ್ನ್ಯಾಯಂಶಪ್ತುಮೇವಮ್ಪ್ರಜಾಪತೇ ॥ 26 ॥
ನ ಮಿಥ್ಯಾವಚನಶ್ಚತ್ವಂಸ್ವಪ್ಸ್ಯತ್ಯೇಷ ನ ಸಂಶಯಃ ।
ಕಾಲಸ್ತುಕ್ರಿಯತಾಮಸ್ಯಶಯನೇಜಾಗರೇತಥಾ ॥ 27 ॥
ರಾವಣಸ್ಯವಚಶ್ಶ್ರುತ್ವಾಸ್ವಯಮ್ಭೂರಿದಮಬ್ರವೀತ್ ।
ಶಯಿತಾಹ್ಯೇಷಷಣ್ಮಾಸಾನೇಕಾಹಞ್ಜಾಗರಿಷ್ಯತಿ ॥ 28 ॥
ಏಕೇನಾಹ್ನಾ ತ್ವಸೌ ವೀರಶ್ಚ ರನ್ ಭೂಮಿಂ ಬುಭುಕ್ಷಿತಃ ।
ವ್ಯಾತ್ತಾಸ್ಯೋ ಭಕ್ಷಯೇಲ್ಲೋಕಾನ್ ಸಮ್ವೃದ್ಧ ಇವ ಪಾವಕಃ ॥ 29 ॥
ಸೋಽಸೌವ್ಯಸಮಾಪನ್ನಃಕುಮ್ಭಕರ್ಣಮಬೋಧಯತ್ ।
ತ್ವತ್ಪರಾಕ್ರಮಭೀತಶ್ಚರಾಜಾಸಮ್ಪ್ರತಿರಾವಣಃ ॥ 30 ॥
ಸ ಏಷನಿರ್ಗತೋವೀರಃಶಿಬಿರಾದ್ಭೀಮವಿಕ್ರಮಃ ।
ವಾನರಾನ್ಭೃಶಸಙ್ಕೃದ್ಧೋಭಕ್ಷಯನ್ಪರಿಧಾವತಿ ॥ 31 ॥
ಕುಮ್ಭಕರ್ಣಂಸಮೀಕ್ಷ್ಯೈವಹರಯೋಽದ್ಯಪ್ರವಿದ್ರುತುಃ ।
ಕಥಮೇನಂರಣೇಕ್ರುದ್ಧಂವಾರಯಿಷ್ಯನ್ತಿವಾನರಾಃ ॥ 32 ॥
ಉಚ್ಯನ್ತಾಂವಾನರಾಃಸರ್ವೇಯನ್ತ್ರಮೇತತ್ಸಮುಚ್ಛ್ರಿತಮ್ ।
ಇತಿವಿಜ್ಞಾಯಹರಯೋಭವಿಷ್ಯನ್ತೀಹನಿರ್ಭಯಾಃ ॥ 33 ॥
ವಿಭೀಷಣವಚಶ್ಶ್ರುತ್ವಾಹೇತುಮತ್ಸುಮುಖೇರಿತಮ್ ।
ಉವಾಚರಾಘವೋವಾಕ್ಯನ್ನೀಲಂಸೇನಾಪತಿನ್ತದಾ ॥ 34 ॥
ಗಚ್ಛಸೈನ್ಯಾನಿಸರ್ವಾಣಿವ್ಯೂಹ್ಯತಿಷ್ಠಸ್ವಪಾವಕೇ ।
ದ್ವಾರಾಣ್ಯಾದಾಯಲಙ್ಕಾಯಾಶ್ಚರ್ಯಾಶ್ಚಾಪ್ಯಥಸಙ್ಕ್ರಮಾನ್ ॥ 35 ॥
ಶೈಲಶೃಙ್ಗಾಣಿವೃಕ್ಷಾಂಶ್ಚಶಿಲಾಶ್ಚಾಪ್ಯುಪಸಂಹರ ।
ತಿಷ್ಠನ್ತುಸಾಯುಧಾಸ್ಸರ್ವೇಸಾಯುಧಾಶ್ಶೈಲಪಾಣಯಃ ॥ 36 ॥
ರಾಘವೇಣಸಮಾದಿಷ್ಟೋನೀಲೋಹರಿಚಮೂಪತಿಃ ।
ಶಶಾಸವಾನರಾನೀಕಂಯಥಾವತ್ಕಪಿಕುಞ್ಜರಃ ॥ 37 ॥
ತತೋಗವಾಕ್ಷಶ್ಶರಭೋಹನೂಮಾನಙ್ಗದಸ್ತಥಾ ।
ಶೈಲಶೃಙ್ಗಾಣಿಶೈಲಾಭಾಗೃಹೀತ್ವಾದ್ವಾರಮಭ್ಯಯುಃ ॥ 38 ॥
ರಾಮವಾಕ್ಯಮುಪಶ್ರುತ್ಯ ಹರಯೋ ಜಿತಕಾಶಿನಃ ।
ಪಾದಪೈರರ್ದಯವನೀರಾವಾನರಾಃಪರವಾಹಿನೀಮ್ ॥ 39 ॥
ತತೋಹರೀಣಾನ್ತದನೀಕಮುಗ್ರಂರರಾಜಶೈಲೋದ್ಯತದೀಪ್ತಹಸ್ತಮ್ ।
ಗಿರೇಃಸಮೀಪಾನುಗತಂಯಥೈವಹನ್ಮಹಾಮ್ಭೋಧರಜಾಲಮುಗ್ರಮ್ ॥ 40 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಏಕಷಷ್ಟಿತಮಸ್ಸರ್ಗಃ ॥
