ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಸಪ್ತದಶಸ್ಸರ್ಗಃ ।
ಇತ್ಯುಕ್ತ್ವಾಪರುಷಂವಾಕ್ಯಂರಾವಣಂರಾವಣಾನುಜಃ ।
ಆಜಗಾಮಮುಹೂರ್ತೇನಯತ್ರರಾಮಸ್ಸಲಕ್ಷ್ಮಣಃ ॥ 1 ॥
ತಮ್ಮೇರುಶಿಖರಾಕಾರನ್ದೀಪ್ತಾಮಿವಶತಹ್ರದಾಮ್ ।
ಗಗನಸ್ಥಮ್ಮಹೀಸ್ಥಾಸ್ತೇದದೃಶುಸರ್ವವಾನರಾಃ ॥ 2 ॥
ತೇ ಚಾಪ್ಯನುಚರಾಸ್ತಸ್ಯ ಚತ್ವಾರೋ ಭೀಮವಿಕ್ರಮಾಃ ।
ತೇಽಪಿ ವರ್ಮಾಯುಧೋಪೇತಾ ಭೂಷಣೋತ್ತಮಭೂಷಿತಾಃ ॥ 3 ॥
ಸ ಚ ಮೇಘಾಚಲಪ್ರಖ್ಯೋ ವಜ್ರಾಯುಧಸಮಪ್ರಭಃ ।
ವರಾಯುಧಧರೋ ವೀರೋ ದಿವ್ಯಾಭರಣಭೂಷಿತಃ ॥ 4 ॥
ತಮಾತ್ಮಪಞ್ಚಮನ್ದೃಷ್ಟವಾಸುಗ್ರೀವೋವಾಹಿನೀಪತಿಃ ।
ವಾನರೈಸ್ಸಹದುರ್ಧರ್ಷಚಿನ್ತಯಾಮಾಸಬುದ್ಧಿಮಾನ್ ॥ 5 ॥
ಚಿನ್ತಯಿತ್ವಾಮುಹೂರ್ತನ್ತುವಾನರಾಂಸ್ತಾನುವಾಚಹ ।
ಹನುಮತ್ಪ್ರಮುಖಾನ್ಸರ್ವಾನಿದಂವಚನಮುತ್ತಮಮ್ ॥ 6 ॥
ಏಷಸರ್ವಾಯುಧೋಪೇತಶ್ಚತುರ್ಭಿಸ್ಸಹರಾಕ್ಷಸೈಃ ।
ರಾಕ್ಷಸೋಽಭ್ಯೇತಿಪಶ್ಯಧ್ವಮಸ್ಮಾನ್ಹನ್ತುನ್ನಸಂಶಯಃ ॥ 7 ॥
ಸುಗ್ರೀವಸ್ಯ ವಚಃ ಶ್ರುತ್ವಾ ಸರ್ವೇ ತೇ ವಾನರ ಉತ್ತಮಾಃ ।
ಸಾಲಾನ್ ಉದ್ಯಮ್ಯ ಶೈಲಾಮಃ ಚ ಇದಂ ವಚನಂ ಅಬ್ರುವನ್ ॥ 8 ॥
ಶೀಘ್ರಂವ್ಯಾದಿಶನೋರಾಜನ್ವಧಾಯೈಷಾನ್ದುರಾತ್ಮನಾಮ್ ।
ನಿಪತನ್ತುಹತಾಶ್ಚೈತೇಧರಣ್ಯಾಮಲ್ಪತೇಜಸಃ ॥ 9 ॥
ತೇಷಾಸಮ್ಭಾಷಮಾಣಾನಾಮನ್ಯೋನ್ಯಂಸವಿಭೀಷಣಃ ।
ಉತ್ತರನ್ತೀರಮಾಸಾದ್ಯಖಸ್ಥಏವವ್ಯತಿಷ್ಠತ ॥ 10 ॥
ಉವಾಚಮಹಾಪ್ರಾಜ್ಞಸ್ಸ್ವರೇಣಮಹತಾಮಹಾನ್ ।
ಸುಗ್ರೀವನ್ತಾಂಶ್ಚಸಮ್ಪ್ರೇಕ್ಷ್ಯಸರ್ವಾನ್ವಾನರಯೂಥಪಾನ್ ॥ 11 ॥
ರಾವಣೋ ನಾಮ ದುರ್ವೃತ್ತೋ ರಾಕ್ಷಸೋ ರಾಕ್ಷಸ ಈಶ್ವರಃ ।
ತಸ್ಯ ಅಹಂ ಅನುಜೋ ಭ್ರಾತಾ ವಿಭೀಷಣ ಇತಿ ಶ್ರುತಃ ॥ 12 ॥
ತೇನಸೀತಾಜನಸ್ಥಾನಾದ್ಧೃತಾಹತ್ವಾಜಟಾಯುಷಮ್ ।
ರುದ್ದಾಚವಿವಶಾದೀನಾರಾಕ್ಷಸೀಭಿಸ್ಸುರಕ್ಷಿತಾ ॥ 13 ॥
ತಮಹಂಹೇತುಭಿರ್ವಾಕ್ಯೈರ್ವಿವಿಧೈಶ್ಚನ್ಯದರ್ಶಯಮ್ ।
ಸಾಧುನಿರ್ಯಾತ್ಯತಾಂಸೀತಾರಾಮಾಯೇತಿಪುನಃಪುನಃ ॥ 14 ॥
ಸ ಚ ನ ಪ್ರತಿಜಗ್ರಾಹ ರಾವಣಃ ಕಾಲ ಚೋದಿತಃ ।
ಉಚ್ಯಮಾನೋ ಹಿತಂ ವಾಕ್ಯಂ ವಿಪರೀತ ಇವ ಔಷಧಮ್ ॥ 15 ॥
ಸೋಽಹಮ್ಪರುಷಿತಸ್ತೇನದಾಸವಚ್ಚಾವಮಾನಿತಃ ।
ತ್ಯಕ್ತ್ವಾಪುತ್ರಾಂಶ್ಚದಾರಾಂಶ್ಚರಾಘವಂಶರಣಙ್ಗತಃ ॥ 16 ॥
ಸರ್ವಲೋಕಶರಣ್ಯಾಯರಾಘವಾಯಮಹಾತ್ಮನೇ ।
ನಿವೇದಯತಮಾಙ್ಕ್ಷಿಪ್ರಂವಿಭೀಷಣಮುಪಸ್ಥಿತಮ್ ॥ 17 ॥
ಏತತ್ತುವಚನಂಶ್ರುತ್ವಾಸುಗ್ರೀವೋಲಘುವಿಕ್ರಮಃ ।
ಲಕ್ಷ್ಮಣಸ್ಯಾಗ್ರತೋರಾಮಂಸಮ್ರಬ್ಧಮಿದಮಬ್ರವೀತ್ ॥ 18 ॥
ಪ್ರವಿಷ್ಟಃ ಶತ್ರು ಸೈನ್ಯಂ ಹಿ ಪ್ರಾಪ್ತಃ ಶತ್ರುರತರ್ಕಿತಃ ।
ನಿಹನ್ಯಾದನ್ನ್ತರಂ ಲಬ್ಧ್ವಾ ಉಲೂಕೋ ವಾಯಸಾನಿವ ॥ 19 ॥
ಮನ್ತ್ರೇವ್ಯೂಹೇನಯೇಚಾರೇಯುಕ್ತೋಭವಿತುಮರ್ಹಸಿ ।
ವಾನರಾಣಾಞ್ಚಭದ್ರನ್ತೇಪರೇಷಾಞ್ಚಪರನ್ತಪ ॥ 20 ॥
ಅನ್ತರ್ಧಾನಗತಾಹ್ಯೇತೇರಾಕ್ಷಸಾಃಕಾಮರೂಪಿಣಃ ।
ಶೂರಾಶ್ಚನಿಕೃತಿಜ್ಞಾಶ್ಚತೇಷಾಞ್ಜಾತುನವಿಶ್ವಸೇತ್ ॥ 21 ॥
ಪ್ರಣಿಧೀರಾಕ್ಷಸೇನ್ದ್ರಸ್ಯರಾವಣಸ್ಯಭವೇದಯಮ್ ।
ಅನುಪ್ರವಿಶ್ಯಸೋಽಸ್ಮಾಸುಭೇದಙ್ಕುರ್ಯಾನ್ನಸಂಶಯಃ ॥ 22 ॥
ಅಥವಾಸ್ವಯಮೇವೈಷಛಿದ್ರಮಾಸಾದ್ಯಬುದ್ಧಿಮಾನ್ ।
ಅನುಪ್ರವಿಶ್ಯವಿಶ್ವಸ್ತೇಕದಾಚಿತ್ಪ್ರಹರೇದಪಿ ॥ 23 ॥
ಮಿತ್ರಾಟವೀಬಲಞ್ಚೈವಮೌಲಭೃತ್ಯಬಲನ್ತಥಾ ।
ಸರ್ವಮೇತದ್ಬಲಙ್ಗ್ರಾಹ್ಯಂವರ್ಜಯಿತ್ವಾದ್ವಿಷದ್ಬಲಮ್ ॥ 24 ॥
ಪ್ರಕೃತ್ಯಾರಾಕ್ಷಸೇನ್ದ್ರಸ್ಯಭ್ರಾತಾಽಮಿತ್ರಸ್ಯತೇಪ್ರಭೋಃ ।
ಆಗತಶ್ಚರಿಪೋಸ್ಸಾಕ್ಷಾತ್ಕಥಮಸ್ಮಿನ್ಹಿವಿಶ್ವಸೇತ್ ॥ 25 ॥
ರಾವಣೇನಪ್ರಣಿಹಿತನ್ತಮವೇಹಿವಿಭೀಷಣಮ್ ।
ತಸ್ಯಾಹನ್ನಿಗ್ರಹಮ್ಮನ್ಯೇಕ್ಷಮಙ್ಕ್ಷಮವತಾಂವರ ॥ 26 ॥
ರಾಕ್ಷಸೋಜಿಹ್ಮಯಾಬುದ್ಧ್ಯಾಸನ್ದಿಷ್ಟೋಽಯಮುಪಾಗತಃ ।
ಪ್ರಹರ್ತುಮ್ಮಾಯಯಾಚ್ಛನ್ನೋವಿಶ್ವಸ್ತೇತ್ವಯಿರಾಘವ ॥ 27 ॥
ಪ್ರವಿಷ್ಟಶ್ಶತ್ರುಸೈನ್ಯಂಹಿಪ್ರಾಪ್ತಶ್ಶತ್ರುರತರ್ಕಿತಃ ।
ನಿಹನ್ಯಾದನ್ತರಂಲಬ್ಧ್ವಾಉಲೂಕವಾಯಸಾನಿವ ॥ 28 ॥
ವಧ್ಯತಾಮೇಷತೀವ್ರೇಣದಣ್ಡೇನಸಚಿವೈಸ್ಸಹ ।
ರಾವಣಸ್ಯನೃಶಂಸಸ್ಯಭ್ರಾತಾಹ್ಯೇಷವಿಭೀಷಣಃ ॥ 29 ॥
ಏವಮುಕ್ತ್ವಾತುತಂರಾಮಂಸಮ್ರಬ್ಧೋವಾಹಿನೀಪತಿಃ ।
ವಾಕ್ಯಜ್ಞೋವಾಕ್ಯಕುಶಲನ್ತತೋಮೌನಮುಪಾಗಮತ್ ॥ 30 ॥
ಸುಗ್ರೀವಸ್ಯತುತದ್ವಾಕ್ಯಂಶ್ರುತ್ವಾರಾಮೋಮಹಾಯಶಾಃ ।
ಸಮೀಪಸ್ಥಾನುವಾಚೇದಂಹನುಮತ್ಪ್ರಮುಖಾನ್ಹರೀನ್ ॥ 31 ॥
ಯದುಕ್ತಙ್ಕಪಿರಾಜೇನರಾವಣಾವರಜಮ್ಪ್ರತಿ ।
ವಾಕ್ಯಂಹೇತುಮದತ್ಯರ್ಥಞ್ಚಭವದ್ಭಿರಪಿತಚ್ಛ್ರುತಮ್ ॥ 32 ॥
ಸುಹೃದಾಮರ್ಥಕೃಚ್ಛೇಷುಯುಕ್ತಮ್ಬುದ್ಧಿಮತಾಸದಾ ।
ಸಮರ್ಥೇನೋಪನಿರ್ದೇಷ್ಟುಂಶಾಶ್ವತೀಮ್ಭೂತಿಮಿಚ್ಛತಾ ॥ 33 ॥
ಇತ್ಯೇವಮ್ಪರಿಪೃಷ್ಟಾಸ್ತೇಸ್ವಂಸ್ವಮ್ಮತಮತನ್ದ್ರಿತಾಃ ।
ಸೋಪಚಾರನ್ತದಾರಾಮಮೂಚುರ್ಹಿತಚಿಕೀರ್ಷವಃ ॥ 34 ॥
ಅಜ್ಞಾತನ್ನಾಸ್ತಿತೇಕಿಞ್ಚಿತ್ತ್ರಿಷುಲೋಕೇಷುರಾಘವಃ ।
ಆತ್ಮಾನಂಸೂಚಯನ್ರಾಮಃ ಪೃಚ್ಛಸ್ಯಸ್ಮಾನ್ ಸುಹೃತ್ತಯಾ ॥ 35 ॥
ತ್ವಂಹಿಸತ್ಯವ್ರತಶ್ಶೂರೋಧಾರ್ಮಿಕೋದೃಢವಿಕ್ರಮಃ ।
ಪರೀಕ್ಷ್ಯಕಾರೀಸ್ಮೃತಿಮಾನ್ನಿಸೃಷ್ಟಾತ್ಮಾಸುಹೃತ್ಸುಚ ॥ 36 ॥
ತಸ್ಮಾದೇಕೈಕಶಸ್ತಾವದ್ಬ್ರುವನ್ತುಸಚಿವಾಸ್ತವ ।
ಹೇತುತೋಮತಿಸಮ್ಪನ್ನಾಸ್ಸಮರ್ಥಾಶ್ಚಪುನಃ ಪುನಃ ॥ 37 ॥
ಇತ್ಯುಕ್ತೇರಾಘವಾಯಾಽಥಮತಿಮಾನಙ್ಗದೋಽಗ್ರತಃ ।
ವಿಭೀಷಣಪರೀಕ್ಷಾರ್ಥಮುವಾಚವಚನಂಹರಿಃ ॥ 38 ॥
ಶತ್ರೋಸ್ಸಕಾಶಾತ್ಸಮ್ಪ್ರಾಪ್ತಸ್ಸರ್ವಥಾಶಙ್ ಕ್ಯಏವಹಿ ।
ವಿಶ್ವಾಸಯೋಗ್ಯಸ್ಸಹಸಾನಕರ್ತವ್ಯೋವಿಭೀಷಣಃ ॥ 39 ॥
ಛಾದಯಿತ್ವಾಽತ್ಮಭಾವಂಹಿಚರನ್ತಿಶಠಬುದ್ಧಯಃ ।
ಪ್ರಹರನ್ತಿಚರನ್ಧ್ರೇಷುಸೋಽನರ್ಥಸ್ಸುಮಹಾನ್ಭವೇತ್ ॥ 40 ॥
ಅರ್ಥಾನರ್ಥೌವಿನಿಶ್ಚಿತ್ಯವ್ಯವಸಾಯಮ್ಭಜೇತಹ ।
ಗುಣತಸ್ಸಙ್ಗ್ರಹಙ್ಕುರ್ಯಾದ್ದೋಷತಸ್ತುವಿಸರ್ಜಯೇತ್ ॥ 41 ॥
ಯದಿದೋಷೋಮಹಾಂಸ್ತಸ್ಮಿಂಸ್ತ್ಯಜ್ವತಾಮವಿಶಙ್ಕಿತಮ್ ।
ಗುಣಾನ್ವಾಪಿಬಹೂನ್ ಜ್ಞಾತ್ವಾಸಙ್ಗ್ರಹಃಕ್ರಿಯತಾನ್ನೃಪ ॥ 42 ॥
ಶರಭಸ್ತ್ವಥನಿಶ್ಚಿತ್ಯಸಾರ್ಥಂವಚನಮಬ್ರವೀತ್ ।
ಕ್ಷಿಪ್ರಮಸ್ಮಿನ್ನರವ್ಯಾಘ್ರ ಚಾರಃಪ್ರತಿವಿಧೀಯತಾಮ್ ॥ 43 ॥
ಪ್ರಣಿಧಾಯಹಿಚಾರೇಣಯಥಾವತ್ಸೂಕ್ಷ್ಮಬುದ್ಧಿನಾ ।
ಪರೀಕ್ಷ್ಯಚತತಃಕಾರ್ಯೋಯಥಾನ್ಯಾಯಮ್ಪರಿಗ್ರಹಃ ॥ 44 ॥
ಜಾಮ್ಬವಾಂಸ್ತ್ವಥಸಮ್ಪ್ರೇಕ್ಷ್ಯಶಾಸ್ತ್ರಬುಧ್ಯಾವಿಚಕ್ಷಣಃ ।
ವಾಕ್ಯಂವಿಜ್ಞಾಪಯಾಮಾಸಗುಣವದ್ದೋಷವರ್ಜಿತಮ್ ॥ 45 ॥
ಬದ್ಧವೈರಾಚ್ಚಪಾಪಾಚ್ಚರಾಕ್ಷೇಸೇನ್ದ್ರಾದ್ವಿಭೀಷಣಃ ।
ಅದೇಶಕಾಲೇಸಮ್ಪ್ರಾಪ್ತಸ್ಸರ್ವಥಾಶಙ್ ಕ್ಯತಾಮಯಮ್ ॥ 46 ॥
ತತೋಮೈನ್ದಸ್ತುಸಮ್ಪ್ರೇಕ್ಷ್ಯನಯಾಪನಯಕೋವಿದಃ ।
ವಾಕ್ಯಂವಚನಸಮ್ಪನ್ನೋಬಭಾಷೇಹೇತುಮತ್ತರಮ್ ॥ 47 ॥
ವಜನನ್ನಾಮತಸ್ಯೈಷರಾವಣಸ್ಯವಿಭೀಷಣಃ ।
ಪೃಚ್ಛಯತಾಮ್ಮಧುರೇಣಾಯಂಶನೈರ್ನರಪತೀಶ್ವರ ॥ 48 ॥
ಭಾವಮಸ್ಯತುವಿಜ್ಞಾಯತತ್ತ್ವತಸ್ತ್ವಙ್ಕರಿಷ್ಯಸಿ ।
ಯದಿದುಷ್ಟೋನದುಷ್ಟೋವಾಬುದ್ಧಿಪೂರ್ವನ್ನರರ್ಷಭ ॥ 49 ॥
ಅಥಸಂಸ್ಕಾರಸಮ್ಪನ್ನೋಹನುಮಾನ್ ಸಚಿವೋತ್ತಮಃ ।
ಉವಾಚವಚನಂಶ್ಲಕ್ಷ್ಣಮರ್ಥವನ್ಮಧುರಂಲಘು ॥ 50 ॥
ನಭವನ್ತಮ್ಮತಿಶ್ರೇಷ್ಠಂಸಮರ್ಥಂವದತಾಂವರಮ್ ।
ಅತಿಶಾಯಯಿತುಂಶಕ್ತೋಬೃಹಸ್ಪತಿರಪಿಬ್ರುವನ್ ॥ 51 ॥
ನವಾದಾನ್ನಪಿಸಙ್ಘರ್ಷಾನ್ನಾಧಿಕ್ಯಾನ್ನಚಕಾಮತಃ ।
ವಕ್ಷ್ಯಾಮಿವಚನಂರಾಜನ್ಯಥಾರ್ಥಂರಾಮಗೌರವಾತ್ ॥ 52 ॥
ಅರ್ಥಾನರ್ಥನಿಮಿತ್ತಂಹಿಯದುಕ್ತಂಸಚಿವೈಸ್ತವ ।
ತತ್ರದೋಷಮ್ಪ್ರಪಶ್ಯಾಮಿಕ್ರಿಯಾನಹ್ಯುಪಪದ್ಯತೇ ॥ 53 ॥
ಋತೇನಿಯೋಗಾತ್ಸಾಮರ್ಥ್ಯಮವಬೋದ್ಧುನ್ನಶಕ್ಯತೇ ।
ಸಹಸಾವಿನಿಯೋಗೋಹಿದೋಷವಾನ್ಪ್ರತಿಭಾತಿಮೇ ॥ 54 ॥
ಚಾರಪ್ರಣಿಹಿತಂಯುಕ್ತಂಯದುಕ್ತಂಸಚಿವೈಸ್ತವ ।
ಅರ್ಥಸ್ಯಾಸಮ್ಭವಾತ್ತತ್ರಕಾರಣನ್ನೋಪಯುಜ್ಯತೇ ॥ 55 ॥
ಅದೇಶ ಕಾಲೇ ಸಮ್ಪ್ರಾಪ್ತ ಇತಿ ಅಯಂ ಯದ್ ವಿಭೀಷಣಃ ।
ವಿವಕ್ಷಾ ಚ ಅತ್ರ ಮೇ ಅಸ್ತಿ ಇಯಂ ತಾಂ ನಿಬೋಧ ಯಥಾ ಮತಿ ॥ 56 ॥
ಸಏಷದೇಶಃ ಕಾಲಶ್ಚಭವತೀತಿಯಥಾತಥಾ ।
ಪುರುಷಾತ್ಪುರುಷಮ್ಪ್ರಾಪ್ಯತಥಾದೋಷಗುಣಾವಪಿ ॥ 57 ॥
ತ್ಮ್ಯಂರಾವಣೇದೃಷ್ಟವಾವಿಕ್ರಮಞ್ಚತಥಾತ್ವಯಿ ।
ಯುಕ್ತಮಾಗಮನಂಹ್ಯತ್ರಸದೃಶನ್ತಸ್ಯಬುದ್ಧಿತಃ ॥ 58 ॥
ಅಜ್ಞಾತರೂಪೈಃಪುರುಷೈಸ್ಸರಾಜನ್ಪೃಚ್ಛ್ ಯತಾಮಿತಿ ।
ಯದುಕ್ತಮತ್ರಮೇಪ್ರೇಕ್ಷಾಕಾಚಿದಸ್ತಿಸಮೀಕ್ಷಿತಾ ॥ 59 ॥
ಪೃಚ್ಛಯಮಾನೋವಿಶಙ್ಕೇತಸಹಸಾಬುದ್ಧಿಮಾನ್ವಚಃ ।
ತತ್ರಮಿತ್ರಮ್ಪ್ರದುಷ್ಯೇತಮಿಥ್ಯಾಪೃಷ್ಟಂಸುಖಾಗತಮ್ ॥ 60 ॥
ಅಶಕ್ಯಸ್ಸಹಸಾರಾಜನ್ಭಾವೋಬೋದ್ಧುಮ್ಪರಸ್ಯವೈ ।
ಅನ್ತಸ್ಸ್ವಭಾವೈರ್ಗೀತೈಸ್ತೈರ್ನೈಪುಣ್ಯಮ್ಪಶ್ಯತಾಮ್ಭೃಶಮ್ ॥ 61 ॥
ನತ್ವಸ್ಯಬ್ರುವತೋಜಾತುಲಕ್ಷ್ಯತೇದುಷ್ಟಭಾವತಾ ।
ಪ್ರಸನ್ನಂವದನಞ್ಚಾಪಿತಸ್ಮಾನ್ಮೇನಾಸ್ತಿಸಂಶಯಃ ॥ 62 ॥
ಅಶಙ್ಕಿತಮತಿಸ್ಸ್ವಸ್ಥೋನಶಠಃಪರಿಸರ್ಪತಿ ।
ನಚಾಸ್ಯದುಷ್ಟಾವಾಕ್ಚಾಪಿತಸ್ಮಾನ್ನಾಸ್ತೀಹಸಂಶಯಃ ॥ 63 ॥
ಆಕಾರಶ್ಚಾದ್ಯಮಾನೋಽಪಿನಶಕ್ಯೋವಿನಿಗೂಹಿತಮ್ ।
ಬಲಾದ್ಧಿವಿವೃಣೋತ್ಯೇವಭಾವಮನ್ತರ್ಗತನ್ನೃಣಾಮ್ ॥ 64 ॥
ದೇಶಕಾಲೋಪಪನ್ನಞ್ಚಕಾರ್ಯಙ್ಕಾರ್ಯವಿದಾಂವರಃ ।
ಸ್ವಫಲಙ್ಕುರುತೇಕ್ಷಿಪ್ರಮ್ಪ್ರಯೋಗೇಣಾಭಿಸಂಹಿತಮ್ ॥ 65 ॥
ಉದ್ಯೋಗನ್ತವಸಮ್ಪ್ರೇಕ್ಷ್ಯಮಿಥ್ಯಾವೃತ್ತಞ್ಚರಾವಣಮ್ ।
ವಾಲಿನಞ್ಚಹತಂಶ್ರುತ್ವಾಸುಗ್ರೀವಞ್ಚಾಭಿಷೇಚಿತಮ್ ॥ 66 ॥
ರಾಜ್ಯಮ್ಪ್ರಾರ್ಥಯಮಾನಶ್ಚಬುದ್ಧಿಪೂರ್ವಮಿಹಾಗತಃ ।
ಏತಾವತ್ತುಪುರಸ್ಕೃತ್ಯಯುಜ್ಯತೇತಸ್ಯಸಙ್ಗ್ರಹಃ ॥ 67 ॥
ಯಥಾಶಕ್ತಿಮಯೋಕ್ತನ್ತುರಾಕ್ಷಸಸ್ಯಾರ್ಜವಮ್ಪ್ರತಿ ।
ಪ್ರಮಾಣನ್ತ್ವನ್ತುಶೇಷಸ್ಯಶೃತ್ವಾಬುದ್ಧಿಮತಾಂವರಃ ॥ 68 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಸಪ್ತದಶಸ್ಸರ್ಗಃ ॥
