ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಸಪ್ತಾಶೀತಿತಮಸ್ಸರ್ಗಃ ।
ಏವಮುಕ್ತ್ವಾತುಸೌಮಿತ್ರಿಞ್ಜಾತಹರ್ಷೋವಿಭೀಷಣಃ ।
ಧನುಷ್ಪಾಣಿನ್ನಮಾದಾಯತ್ವರಮಾಣೋಜಗಾಮಸಃ ॥ 1 ॥
ಅವಿದೂರನ್ತತೋಗತ್ವಾಪ್ರವಿಶ್ಯತುಮಹದ್ವನಮ್ ।
ದರ್ಶಮಾಮಾಸತತ್ಕರ್ಮಲಕ್ಷ್ಮಣಾತವಿಭೀಷಣಃ ॥ 2 ॥
ನೀಲಜೀಮೂತಸಙ್ಕಾಶನ್ನ್ಯಗ್ರೋಧಮ್ಭೀಮದರ್ಶನಮ್ ।
ತೇಜಸ್ವೀರಾವಣಭ್ರಾತಾಲಕ್ಷ್ಮಣಾಯನ್ಯವೇದಯತ್ ॥ 3 ॥
ಇಹೋಪಹಾರಮ್ಭೂತಾನಾಮ್ಬಲವಾನ್ರಾವಣಾತ್ಮಜಃ ।
ಉಪಹೃತ್ಯತತಃಪಶ್ಚಾತ್ಸಙ್ಗ್ರಾಮಮಭಿವರ್ತತೇ ॥ 4 ॥
ಅದೃಶ್ಟಸ್ಸರ್ವಭೂತಾನಾನ್ತತೋಭವತಿರಾಕ್ಷಸಃ ।
ನಿಹನ್ತಿಸಮರೇಶತ್ರೂನ್ ಬಧ್ನಾತಿ ಚ ಶರೋತ್ತಮೈಃ ॥ 5 ॥
ತಮಪ್ರವಿಷ್ಟನ್ನ್ಯಗ್ರೋಧಮ್ಬಲಿನಂರಾವಣಾತ್ಮಜಮ್ ।
ವಿಧ್ವಂಸಯಶರೈರ್ದೀಪ್ಟೈಃ ಸರಥಂಸಾಶ್ವಸಾರಥಿಮ್ ॥ 6 ॥
ತಥೇತ್ಯುಕ್ತ್ವಾಮಹಾತೇಜಾಸ್ಸೌಮಿತ್ರಿರ್ಮಿತ್ರನನ್ದನಃ ।
ಬಭೂವಾವಸ್ಥಿತಸ್ತತ್ರಚಿತ್ರಂವಿಸ್ಫಾರಯನ್? ಧನುಃ ॥ 7 ॥
ಸ ರಥೇನಾಗ್ನಿವರ್ಣೇನಬಲವಾನ್ರಾವಣಾತ್ಮಜಃ ।
ಇನ್ದ್ರಜಿತ್ಕವಚೀಖಙ್ಗೀಸಧ್ವಜಃಪ್ರತ್ಯದೃಶ್ಯತ ॥ 8 ॥
ತಮುವಾಚಮಹಾತೇಜಾಃಪೌಲಸ್ತ್ಯಮಪರಾಜಿತಮ್ ।
ಸಮಹ್ವಯೇತ್ವಾಂಸಮರೇಸಮ್ಯಗ್ಯುದ್ಧಮ್ಪ್ರಯಚ್ಛಮೇ ॥ 9 ॥
ಏವಮುಕ್ತೋಮಹಾತೇಜಾಮನಸ್ವೀರಾವಣಾತ್ಮಜಃ ।
ಅಬ್ರವೀತ್ಪರುಷಂವಾಕ್ಯನ್ತತ್ರದೃಷ್ಟವಾವಿಭೀಷಣಮ್ ॥ 10 ॥
ಇಹತ್ವಞ್ಜಾತಸಮ್ವೃದ್ಧಃಸಾಕ್ಷಾದ್ಭ್ರಾತಾಪಿತುರ್ಮಮ ।
ಕಥನ್ದ್ರುಹ್ಯಸಿಪುತ್ರಸ್ಯಪಿತೃವ್ಯೋಮಮರಾಕ್ಷಸ ॥ 11 ॥
ನ ಜ್ಞಾತಿತ್ವಂ ನ ಸೌಹಾರ್ಧಂ ನ ಜಾತಿಸ್ತವದುರ್ಮತೇ ।
ಪ್ರಮಾಣಂ ನ ಚ ಸೌದರ್ಯಂ ನ ಧರ್ಮೋಧರ್ಮದೂಷಣ ॥ 12 ॥
ಶೋಚ್ಯಸ್ತ್ವಮಸಿದುರ್ಬುದ್ಧೇನಿನ್ದನೀಯಶ್ಚಸಾಧುಭಿಃ ।
ಯಸ್ತ್ವಂಸ್ವಜನಮುತ್ಸೃಜ್ಯಪರಭೃತ್ಯತ್ವಮಾಗತಃ ॥ 13 ॥
ನೈತಛಚಿಥಿಲಯಾಬುದ್ಧ್ಯಾತ್ವಂವೇಸತಿಮಹದನ್ತರಮ್ ।
ಕ್ವ ಚ ಸ್ವಜನಸಮ್ವಾಸಃಕ್ವ ಚ ನೀಚಪರಾಶ್ರಯಃ ॥ 14 ॥
ಗುಣವಾನ್ವಾಪರಜನಃಸ್ವಜನೋನಿರ್ಗುಣೋಽಪಿವಾ ।
ನಿರ್ಗುಣಃಸ್ವಜನಃಶ್ರೇಯಾನ್ ಯಃಪರಃಪರಏವಸಃ ॥ 15 ॥
ಯಸಸ್ಸ್ವಪಕ್ಷಮ್ಪರಿತ್ಯಜ್ಯಪರಪಕ್ಷನ್ನಿಷೇವತೇ ।
ಸ ಸ್ವಪಕ್ಷೇಕ್ಷ್ಯಮ್ಪ್ರಾಪ್ತೇಪಶ್ಚಾಸ್ತ್ತೈರೇವಹನ್ಯತೇ ॥ 16 ॥
ನಿರನುಕ್ರೋಶತಾಚೇಯಂಯಾದೃಶೀತೇನಿಶಾಚರ ।
ಸ್ವಜನೇನತ್ವಯಾಶಕ್ಯಮ್ಪೌರುಷಂರಾವಣಾನುಜ ॥ 17 ॥
ಇತ್ಯುಕ್ತೋಭ್ರಾತೃಪುತ್ರೇಣಪ್ರತ್ಯುವಾಚವಿಭೀಷಣಃ ।
ಅಜಾನನ್ನಿವಮಛಚೀಲಙ್ಕಿಂರಾಕ್ಷಸವಿಕತ್ಥಸೇ ॥ 18 ॥
ರಾಕ್ಷಸೇನ್ದ್ರಸುತಾಸಾಧೋಪಾರುಷ್ಯನ್ತ್ಯಜಗೌರವಾತ್ ।
ಕುಲೇಯದ್ಯಪ್ಯಹಞ್ಜಾತೋರಕ್ಷಸಾಙ್ಕ್ರೂರಕರ್ಮಣಾಮ್ ॥ 19 ॥
ಗುಣೋಯಃಪ್ರಥಮೋನೃಣನ್ತನ್ಮೇಶೀಲಮರಾಕ್ಷಸಮ್ ।
ನ ರಮೇದಾರುಣೇನಾಹಂ ನ ಚಾಧರ್ಮೇಣವೈರಮೇ ॥ 20 ॥
ಭ್ರಾತ್ರಾವಿಷಶೀಲೋಽಪಿಕಥಮ್ಭ್ರಾತಾನಿರಸ್ಯತೇ ।
ಧರ್ಮಾತ್ಪ್ರಚ್ಯುತಶೀಲಂಹಿಪುರುಷಮ್ಪಾಪನಿಶ್ಚಯಮ್ ॥ 21 ॥
ತ್ಯಕ್ತ್ವಾಸುಖಮವಾಪ್ನೋತಿಹಸ್ತಾದಾಶೀವಿಷಂಯಥಾ ।
ಪರಸ್ವಹರಣೇಯುಕ್ತಮ್ಪರದಾರಾಭಿಮರ್ಶಕಮ್ ॥ 22 ॥
ತ್ಯಾಜ್ಯಮಾಹುರ್ದುರಾತ್ಮಾನಂವೇಶ್ಮಪ್ರಜ್ವಲಿತಂಯಥಾ ।
ಪರಸ್ವಾನಾಂ ಚ ಹರಣಮ್ಪರದಾರಾಭಿಮರ್ಶನಮ್ ॥ 23 ॥
ಸುಹೃದಾಮತಿಶಙ್ಕಾ ಚ ತ್ರಯೋದೋಷಾಃಕ್ಷಯಾವಹಾಃ ।
ಮಹರ್ಷೀಣಾಂವಧೋಘೋರಸ್ಸರ್ವದೇವೈಶ್ಚವಿಗ್ರಹಃ ॥ 24 ॥
ಅಭಿಮಾನಶ್ಚದೋಷಶ್ಚವೈರಿತ್ವಮ್ಪ್ರತಿಕೂಲತಾ ।
ಏತೇದೋಷಾಮಮಭ್ರಾತುರ್ಜೀವಿತೈಶ್ವರ್ಯನಾಶನಾಃ ॥ 25 ॥
ಗುಣಾನ್ಪ್ರಚ್ಛಾದಯಾಮಾಸುಃಪರ್ವತಾನಿವತೋಯದಾಃ ।
ದೋಷೈರೇತೈಃಪರಿತ್ಯಕ್ತೋಮಯಾಭ್ರಾತಾಪಿತಾತವ ॥ 26 ॥
ನೇಯಮಸ್ತಿಪುರೀಲಙ್ಕಾ ನ ಚ ತ್ವಂ ನ ಚ ತೇಪಿತಾ ।
ಅತಿಮಾನನೀ ಚ ಬಾಲಶ್ಚದುರ್ವಿನೀತಶ್ಚರಾಕ್ಷಸ ।
ಬದ್ಧಸ್ತ್ವಙ್ಕಾಲಪಾಶೇನಬ್ರೂಹಿಮಾಂಯದ್ಯದಿಚ್ಛಸಿ ॥ 27 ॥
ಅದ್ಯತೇವ್ಯಸನಮ್ಪ್ರಾಪ್ತಙ್ಕಿಮ್ಮಾನ್ತ್ವಾಮಿಹವಕ್ಷ್ಯಸಿ ।
ಪ್ರವೇಷ್ಟುಂ ನ ತ್ವಯಾಶಕ್ಯನ್ನ್ಯಗ್ರೋಧಂರಾಕ್ಷಸಾಧಮ ॥ 28 ॥
ಧರ್ಷಯಿತ್ವಾ ಚ ಕಾಕುತ್ಸ್ಥಂ ನ ಶಕ್ಯಞ್ಜೀವಿತುನ್ತ್ವಯಾ ।
ಯುಧ್ಯಸ್ವನರದೇವೇನಲಕ್ಷ್ಮಣೇನರಣೇಸಹ ॥ 29 ॥
ಹತಸ್ತ್ವನ್ದೇವತಾಕಾರ್ಯಙ್ಕರಿಷ್ಯಸಿಯಮಕ್ಷಯೇ ।
ನಿದರ್ಶಯಿತ್ವಾತ್ಮಬಲಂಸಮುದ್ಯತಙ್ಕುರುಷ್ವಸರ್ವಾಯುಧಸಾಯಕವ್ಯಯಮ್ ।
ನ ಲಕ್ಷ್ಮಣಸ್ಯೈತ್ಯಹಿಬಾಣಗೋಚರನ್ತ್ವಮದ್ಯಜೀವನ್ ಸಬಲೋಗಮಿಷ್ಯಸಿ ॥ 30 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಸಪ್ತಾಶೀತಿತಮಸ್ಸರ್ಗಃ ॥
