ಹನುಮ ಕ್ಱ್ತ ಶಕ್ತಿ ಸ್ವರೂಪ ಸೀತಾ ರಾಮ ಮನ್ತ್ರಮ್

Collection of Spiritual and Devotional Literature in Various Indian Languages

View this in:

This document is in ಶುದ್ಧ ಕನ್ನಡ with the right anusvaras marked. View this in ಸರಳ ಕನ್ನಡ, with simplified anusvaras for easier reading.

ಅಯೋಧ್ಯಾಪುರನೇತಾರಂ ಮಿಥಿಲಾಪುರನಾಯಿಕಾಮ್ ।
ರಾಘವಾಣಾಮಲಙ್ಕಾರಂ ವೈದೇಹಾನಾಮಲಙ್ಕ್ರಿಯಾಮ್ ॥1॥

ರಘೂಣಾಂ ಕುಲದೀಪಂ ಚ ನಿಮೀನಾಂ ಕುಲದೀಪಿಕಾಮ್ ।
ಸೂರ್ಯವಂಶಸಮುದ್ಭೂತಂ ಸೋಮವಂಶಸಮುದ್ಭವಾಮ್ ॥2॥

ಪುತ್ರಂ ದಶರಥಸ್ಯಾದ್ಯಂ ಪುತ್ರೀಂ ಜನಕಭೂಪತೇಃ ।
ವಶಿಷ್ಠಾನುಮತಾಚಾರಂ ಶತಾನನ್ದಮತಾನುಗಾಮ್ ॥3॥

ಕೌಸಲ್ಯಾಗರ್ಭಸಮ್ಭೂತಂ ವೇದಿಗರ್ಭೋದಿತಾಂ ಸ್ವಯಮ್ ।
ಪುಣ್ಡರೀಕವಿಶಾಲಾಕ್ಷಂ ಸ್ಫುರದಿನ್ದೀವರೇಕ್ಷಣಾಮ್ ॥4॥

ಚನ್ದ್ರಕಾನ್ತಾನನಾಮ್ಭೋಜಂ ಚನ್ದ್ರಬಿಮ್ಬೋಪಮಾನನಾಮ್ ।
ಮತ್ತಮಾತಙ್ಗಗಮನಂ ಮತ್ತಹಂಸವಧೂಗತಾಮ್ ॥5॥

ಚನ್ದನಾರ್ದ್ರಭುಜಾಮಧ್ಯಂ ಕುಙ್ಕುಮಾರ್ದ್ರಕುಚಸ್ಥಲೀಮ್ ।
ಚಾಪಾಲಙ್ಕೃತಹಸ್ತಾಬ್ಜಂ ಪದ್ಮಾಲಙ್ಕೃತಪಾಣಿಕಾಮ್॥6॥

ಶರಣಾಗತಗೋಪ್ತಾರಂ ಪ್ರಣಿಪಾದಪ್ರಸಾದಿಕಾಮ್ ।
ಕಾಲಮೇಘನಿಭಂ ರಾಮಂ ಕಾರ್ತಸ್ವರಸಮಪ್ರಭಾಮ್ ॥7॥

ದಿವ್ಯಸಿಂಹಾಸನಾಸೀನಂ ದಿವ್ಯಸ್ರಗ್ವಸ್ತ್ರಭೂಷಣಾಮ್ ।
ಅನುಕ್ಷಣಂ ಕಟಾಕ್ಷಾಭ್ಯಾಂ ಅನ್ಯೋನ್ಯೇಕ್ಷಣಕಾಙ್ಕ್ಷಿಣೌ ॥8॥

ಅನ್ಯೋನ್ಯಸದೃಶಾಕಾರೌ ತ್ರೈಲೋಕ್ಯಗೃಹದಮ್ಪತೀ ।
ಇಮೌ ಯುವಾಂ ಪ್ರಣಮ್ಯಾಹಂ ಭಜಾಮ್ಯದ್ಯ ಕೃತಾರ್ಥತಾಮ್ ॥9॥

ಅನೇನ ಸ್ತೌತಿ ಯಃ ಸ್ತುತ್ಯಂ ರಾಮಂ ಸೀತಾಂ ಚ ಭಕ್ತಿತಃ ।
ತಸ್ಯ ತೌ ತನುತಾಂ ಪುಣ್ಯಾಸ್ಸಮ್ಪದಃ ಸಕಲಾರ್ಥದಾಃ ॥10॥

ಏವಂ ಶ್ರೀರಾಚನ್ದ್ರಸ್ಯ ಜಾನಕ್ಯಾಶ್ಚ ವಿಶೇಷತಃ ।
ಕೃತಂ ಹನೂಮತಾ ಪುಣ್ಯಂ ಸ್ತೋತ್ರಂ ಸದ್ಯೋ ವಿಮುಕ್ತಿದಮ್ ।
ಯಃ ಪಠೇತ್ಪ್ರಾತರುತ್ಥಾಯ ಸರ್ವಾನ್ ಕಾಮಾನವಾಪ್ನುಯಾತ್ ॥11॥

Browse Related Categories: