ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ತ್ರಿಂಶದಧಿಕಶತತಮಸ್ಸರ್ಗಃ ।
ಶ್ರುತ್ವಾತುಪರಮಾನನ್ದಮ್ಭರತಸ್ಸತ್ಯವಿಕ್ರಮಃ ।
ಹೃಷ್ಟಮಾಜ್ಞಾಪಯಾಮಾಸಶತ್ರುಘ್ನಮ್ಪರವೀರಹಾ ॥ 1 ॥
ದೈವತಾನಿ ಚ ಸರ್ವಾಣಿಚೈತ್ಯಾನಿನಗರಸ್ಯ ಚ ।
ಸುಗನ್ಧಮಾಲ್ಯೈರ್ಯಾದಿತ್ರೈರರ್ಚನ್ತು ಶುಚಯೋ ನರಾಃ ॥ 2 ॥
ಸೂತಾಸ್ಸ್ತುತಿಪುರಾಣಜ್ಞಾಸ್ಸರ್ವೇವೈತಾಲಿಕಾಸ್ತಥಾ ।
ಸರ್ವೇವಾದಿತ್ರಕುಶಲಾಗಣಿಕಾಶ್ಚೈವಸಙ್ಘಶಃ ॥ 3 ॥
ರಾಜದಾರಾಸ್ತಥಾಮಾತ್ಯಾಸ್ಸೈನ್ಯಾಸ್ಸೇನಾಙ್ಗನಾಗಣಾಃ ।
ಬ್ರಾಹ್ಮಣಾಶ್ಚಸರಾಜನ್ಯಾಶ್ರೇಣಿಮುಖ್ಯಾಸ್ತಥಾಗಣಾಃ ॥ 4 ॥
ಅಭಿನಿರ್ಯಾನ್ತುರಾಮಸ್ಯದ್ರಷ್ಟುಂಶಶಿನಿಭಮ್ಮುಖಮ್ ।
ಭರತಸ್ಯವಚ್ಶ್ರುತ್ವಾಶತ್ರುಘ್ನಃಪರವೀರಹಾ ॥ 5 ॥
ವಿಷ್ಟೀರನೇಕಸಾಹಸ್ರೀಶ್ಚೋದಯಾಮಾನಭಾಗಶಃ ।
ಸಮೀಕುರುತನಿಮ್ನಾನಿವಿಷಮಾನಿಸಮಾನಿ ಚ ॥ 6 ॥
ಸ್ಥಾನಾನಿತುನಿರಸ್ಯನ್ತಾನ್ನನ್ದಿಗ್ರಾಮಾದಿತಃಪರಮ್ ।
ಸಿಞ್ಚಸ್ತುಪೃಥಿವೀಙ್ಕೃತ್ಸ್ನಾಂಹಿವಶೀತೇವವಾರಿಣಾ ॥ 7 ॥
ತತೋಽಭ್ಯವಕಿರನ್ತ್ವನ್ಯೇಲಾಜೈಃಪುಷ್ಪೈಶ್ಚಸರ್ವತಃ ।
ಸುಮುಚ್ಛ್ರಿತಪತಾಕಾಸ್ತುರಥ್ಯಾಃಪುರವರೋತ್ತಮೇಃ ॥ 8 ॥
ಶೋಭಯನ್ತು ಚ ವೇಶ್ಮಾನಿಸೂರ್ಯಸ್ಯೋದಯನಮ್ಪ್ರತಿ ।
ಸ್ರಗ್ದಾಮಮುಕ್ತಪುಷ್ಪೈಶ್ಚಸುಗನ್ಧೈಃ ಪಞ್ಚವರ್ಣಕೈಃ ॥ 9 ॥
ರಾಜಮಾರ್ಗಮಸಮ್ಬಾಧಙ್ಕಿರನ್ತುಶತಶೋನರಾಃ ।
ತಸ್ತಚ್ಛಾಸನಂಶ್ರುತ್ವಾಶತ್ರುಘ್ನಸ್ಯಮುದಾನ್ವಿತಾಃ ॥ 10 ॥
ಧೃಷ್ಟಿರ್ಜಯನ್ತೋವಿಜಯಸ್ಸಿದ್ಧಾರ್ಥಶ್ಚಾರ್ಥಸಾಧಕಃ ।
ಅಶೋಕೋಮನ್ತ್ರಪಾಲಶ್ಚಸುಮನ್ತ್ರಶ್ಚಾಪಿನಿರ್ಯಯುಃ ॥ 11 ॥
ಮತ್ತೈರ್ನಾಗಸಹಸ್ರೈಶ್ಚಸಧ್ವಜೈಸ್ಸುವಿಭೂಷಿತೈಃ ।
ಅಪರೇಹೇಮಕಕ್ಷಾಭಿಸ್ಸಗಜಾಭಿಃಕರೇಣುಭಿಃ ॥ 12 ॥
ನಿರ್ಯಯುಸ್ತುರರಥೈಶ್ಚಸುಮಹಾರಥಾಃ ।
ಶಕ್ತ್ಯೃಷ್ಟಿಪಾಶಹಸ್ತಾನಾಂಸಧ್ವಜಾನಾಮ್ಪತಾಕಿನಾಮ್ ॥ 13 ॥
ತುರಗಾಣಾಂಸಹಸ್ರೈಶ್ಚಮುಖ್ಯೈರ್ಮುಖ್ಯತರಾನ್ವಿತೈಃ ।
ಪದಾತೀನಾಂಸಹಸ್ರೈಶ್ಚವೀರಾಃಪರಿವೃತಾಯಯುಃ ॥ 14 ॥
ತತೋಯಾನಾನ್ಯುಪಾರೂಢಾಸ್ಸರ್ವಾದಶರಥಸ್ತ್ರಿಯಃ ।
ಕೌಸಲ್ಯಾಮ್ಪ್ರಮುಖೇಕೃತ್ವಾಸುಮಿತ್ರಾಞ್ಚಾಪಿನಿರ್ಯಯುಃ ॥ 15 ॥
ಕೈಕೇಯ್ಯಾಸಹಿತಾಃಸರ್ವಾನನ್ದಿಗ್ರಾಮಮುಪಾಗಮನ್ ।
ದ್ವಿಜಾತಿಮುಖ್ಯೈರ್ಧರ್ಮಾತ್ಮಾಶ್ರೇಣೀಮುಖ್ಯೈಸ್ಸನೈಗಮೈಃ ॥ 16 ॥
ಮಾಲ್ಯಮೋದಕಹಸ್ತೈಶ್ಚಮನ್ತ್ರಿಭಿರ್ಭರತೋವೃತಃ ।
ಶಙ್ಖಭೇರೀನಿನಾದೈಶ್ಚವನ್ದಿಭಿಶ್ಚಾಭಿವನನ್ದಿತಃ ॥ 17 ॥
ಆರ್ಯಪಾದೌಗೃಹೀತ್ವಾತೌಶಿರಸಾಧರ್ಮಕೋವಿದಃ ।
ಪಾಣ್ಡುರಞ್ಛತ್ರಮಾದಾಯಶುಕ್ಲಮಾಲ್ಯೋಪಶೋಭಿತಮ್ ॥ 18 ॥
ಶುಕ್ಲೇ ಚ ವಾಲವ್ಯಜನೇರಾಜಾರ್ಹೇಹೇಮಭೂಷಿತೇ ।
ಉಪವಾಸಕೃಶೋದೀನಶ್ಚೀರಕೃಷ್ಣಾಜಿನಾಮ್ಬರಃ ॥ 19 ॥
ಭ್ರಾತುರಾಗಮನಂಶ್ರುತ್ವಾತತ್ಪೂರ್ವಂಹರ್ಷಮಾಗತಃ ।
ಪ್ರತ್ಯುದ್ಯಯೌತದಾರಾಮಮ್ಮಹಾತ್ಮಾಸಚಿವೈಸ್ಸಹ ॥ 20 ॥
ಅಶ್ವಾನಾಙ್ಖುರಶಬ್ದೈಶ್ಚರಥನೇಮಿಸ್ವನೇನ ಚ ।
ಶಙ್ಖದುನ್ದುಭಿನಾದೇನಸಞ್ಚಚಾಲೇವಮೇದಿನೀ ॥ 21 ॥
ಕೃತ್ಸ್ನನ್ತುನಗರನ್ತತ್ತುನನ್ದಿಗ್ರಾಮಮುಪಾಗಮತ್ ।
ಸಮೀಕ್ಷ್ಯಭರತೋವಾಕ್ಯಮುವಾಚಪವನಾತ್ಮಜಮ್ ॥ 22 ॥
ಕಚ್ಚಿನ್ನಖಲುಕಾಪೇಯೀಸೇವ್ಯತೇಚಕಚಿತ್ತತಾ ।
ನ ಹಿಪಶ್ಯಾಮಿಕಾಕುತ್ಸ್ಥಂರಾಮಮಾರ್ಯಮ್ಪರನ್ತಪಮ್ ॥ 23 ॥
ಅಥೈವಮುಕ್ತೇವಚನೇಹನೂಮಾನಿದಮಬ್ರವೀತ್ ।
ಅರ್ಥ್ಯಂವಿಜ್ಞಾಪಯನ್ನೇವಭರತಂಸತ್ಯವಿಕ್ರಮಮ್ ॥ 24 ॥
ಸದಾಫಲಾನ್ಕುಸುಮಿತಾನ್ವೃಕ್ಷಾನ್ ಪ್ರಾಪ್ಯಮಧುಸ್ರವಾನ್ ।
ಭರದ್ವಾಜಪ್ರಸಾದೇನಮತ್ತಭ್ರಮರನಾದಿತಾನ್ ॥ 25 ॥
ತಸ್ಯಚೈಷವರೋದತ್ತೋವಾಸವೇನಪರನ್ತಪ ।
ಸಸೈನ್ಯಸ್ಯತವಾತಿಥ್ಯಙ್ಕೃತಂಸರ್ವಗುಣಾನ್ವಿತಮ್ ॥ 26 ॥
ನಿಸ್ಸ್ವನ್ಶ್ರೂಯತೇಭೀಮಃಪ್ರಹೃಷ್ಟಾನಾಂವನೌಕಸಾಮ್ ।
ಮನ್ಯೇವಾನರಸೇನಾಸಾನದೀನ್ತರತಿಗೋಮತೀಮ್ ॥ 27 ॥
ರಜೋವರ್ಷಂಸಮುದ್ಭೂತಮ್ಪಶ್ಯಸಾಲವನಮ್ಪ್ರತಿ ।
ಮನ್ಯೇಸಾಲವನಂರಮ್ಯಂಲೋಪಯನ್ತಿಪ್ಲವಙ್ಗಮಾಃ ॥ 28 ॥
ತದೇತದ್ದೃಶ್ಯತೇದೂರಾದ್ವಿಮಾನಞ್ಚನ್ದ್ರಸನ್ನಿಭಮ್ ।
ವಿಮಾನಮ್ಪುಷ್ಪಕನ್ದಿವ್ಯಮ್ಮನಸಾಬ್ರಹ್ಮನಿರ್ಮಿತಮ್ ॥ 29 ॥
ರಾವಣಮ್ಬಾನ್ಧವೈಃಸಾರ್ಥಂಹತ್ವಾಲಬ್ಧಮ್ಮಹಾತ್ಮನಾ ।
ತರುಣಾದಿತ್ಯಸಙ್ಕಾಶಂವಿಮಾನಂರಾಮವಾಹನಮ್ ॥ 30 ॥
ಧನದಸ್ಯಪ್ರಸಾದೇನದಿವ್ಯಮೇತನ್ಮನೋಜವಮ್ ।
ಏತಸ್ಮಿನ್ ಭ್ರಾತರೌವೀರೌವೈದೇಹ್ಯಾಸಹರಾಘವೌ ॥ 31 ॥
ಸುಗ್ರೀವಶ್ಚಮಹಾತೇಜಾರಾಕ್ಷಸಶ್ಚವಿಭೀಷಣಃ ।
ಏತೋಹರ್ಷಸಮುದ್ಭೂತೋನಿಃಸ್ವನೋದಿವಮಸ್ಪೃಶತ್ ॥ 32 ॥
ಸ್ತ್ರೀಬಾಲಯುವವೃದ್ಧಾನಾಂರಾಮೋಽಯಮಿತಿಕೀರ್ತಿತೇ ।
ರಥಕುಞ್ಜರವಾಜಿಭ್ಯಸ್ತೇಽವತೀರ್ಯಮಹೀಙ್ಗತಾಃ ॥ 33 ॥
ದದೃಶುಸ್ತಂವಿಮಾನಸ್ಥನ್ನರಾಸ್ಸೋಮಮಿವಾಮ್ಬರೇ ।
ಪ್ರಾಜ್ಞಲಿರ್ಭರತೋಭೂತ್ವಾಪ್ರಸೃಷ್ಟೋರಾಘವೋನ್ಮುಖಃ ॥ 34 ॥
ಸ್ವಾಗತೇನಯಥಾರ್ಹೇಣತತೋರಾಮಮಪೂಜಯತ್ ।
ಮನಸಾಬ್ರಹ್ಮಣಾಸೃಷ್ಟೇವಿಮಾನೇಭರತಾಗ್ರಜಃ ॥ 35 ॥
ರರಾಜಪೃಥುದೀರ್ಘಾಕ್ಷೋವಜ್ರಪಾಣಿರಿವಾಪರಃ ।
ತತೋವಿಮಾನಾಗ್ರಗತಮ್ಭರತೋಭ್ರಾತರನ್ತದಾ ॥ 36 ॥
ವವನ್ದೇಪ್ರಣತೋರಾಮಮ್ಮೇರುಸ್ಥಮಿವಭಾಸ್ಕರಮ್ ।
ತತೋರಾಮಾಭ್ಯನುಜ್ಞಾತನ್ತದ್ವಿಮಾನಮನುತ್ತಮಮ್ ॥ 37 ॥
ಹಂಸಯುಕ್ತಮ್ಮಹಾವೇಗನ್ನಿಪಪಾತಮಹೀತಲೇ ।
ಆಪಿತೋವಿಮಾನನ್ತದ್ಭರತಸ್ಸತ್ಯವಿಕ್ರಮಃ ॥ 38 ॥
ರಾಮಮಾಸಾದ್ಯಮುದಿತಃಪುನರೇವಾಭ್ಯವಾದಯತ್ ।
ತಂಸಮುತ್ಥಾಪ್ಯಕಾಕುತ್ಸ್ಥಶ್ಚಿರಸ್ಯಾಕ್ಷಿರಥಙ್ಗತಮ್ ॥ 39 ॥
ಅಙ್ಕೇಭರತಮಾರೋಪ್ಯಮುದಿತಃಪರಿಷಸ್ವಜೇ ।
ತತೋಲಕ್ಷ್ಮಣಮಾಸಾದ್ಯವೈದೇಹೀಂ ಚ ಪರನ್ತಪಃ ॥ 40 ॥
ಅಥಾಭ್ಯವಾದಯಪ್ರತೀತೋಭರತೋನಾಮಚಾಬ್ರವೀತ್ ।
ಸುಗ್ರೀವಙ್ಕೇಕಯೀಪುತ್ರೋಜಾಮ್ಬವನ್ತಮಥಾಙ್ಗದಮ್ ॥ 41 ॥
ಮೈನ್ದಂ ಚ ದ್ವಿವಿದನ್ನೀಲಮೃಷಭಮ್ಪರಿಷಸ್ವಜೇ ।
ಸುಷೇಣಂ ಚ ನಲಞ್ಚೈವಗವಾಕ್ಷಙ್ಗನ್ಧಮಾದನಮ್ ॥ 42 ॥
ಶರಭಮ್ಪನಸಞ್ಚೈವಪರಿತಃಪರಿಷಸ್ವಜೇ ।
ತೇಕೃತ್ವಾಮಾನುಷಂರೂಪಂವಾನರಾಃಕಾಮರೂಪಿಣಃ ॥ 43 ॥
ಕುಶಲಮ್ಪರ್ಯಪೃಚ್ಛಂಸ್ತೇಪ್ರಹೃಷ್ಟಾಭರತನ್ತದಾ ।
ಅಥಾಬ್ರವೀದ್ರಾಜಪುತ್ರಸ್ಸುಗ್ರೀವಂವಾನರರ್ಷಭಮ್ ॥ 44 ॥
ಪರಿಷ್ವಜ್ಯಮಹಾತೇಜಾಭರತೋಧರ್ಮಿಣಾಂವರಃ ।
ತ್ವಮ್ಸ್ಮಾಕಞ್ಚತುರ್ಣಾಂವೈಭ್ರಾತಾಸುಗ್ರೀವಪಞ್ಚಮಃ ॥ 45 ॥
ಸೌಹಾರ್ದಾಜ್ಜಾಯತೇಮಿತ್ರಮಪಕಾರೋಽರಿಲಕ್ಷಣಮ್ ।
ವಿಭೀಷಣಂ ಚ ಭರತಃಸಾನ್ತ್ವವಾಕ್ಯಮಥಾಬ್ರವೀತ್ ॥ 46 ॥
ದಿಷ್ಟ್ಯಾತ್ವಯಾಸಹಾಯೇನಕೃತಙ್ಕರ್ಮಸುದುಷ್ಕರಮ್ ।
ಶತ್ರುಘ್ನಶ್ಚತದಾರಾಮಮಭಿವಾದ್ಯಸಲಕ್ಷ್ಮಣಮ್ ॥ 47 ॥
ಸೀತಾಯಾಶ್ಚರಣೌವೀರೋವಿನಯಾದಭ್ಯವಾದಯತ್ ।
ರಾಮೋಮಾತರಮಾಸಾದ್ಯವಿವರ್ಣಾಂಶೋಕಕರ್ಶಿತಾಮ್ ॥ 48 ॥
ಜಗ್ರಾಹಪ್ರಣತಃಪಾದೌಮನೋಮಾತುಃಪ್ರಹರ್ಷಯನ್ ।
ಅಭಿವಾದ್ಯಸುಮಿತ್ರಾಂ ಚ ಕೈಕೇಯೀಂ ಚ ಯಶಸ್ವಿನೀಮ್ ॥ 49 ॥
ಸ ಮಾತ್ರೂಶ್ಚತತಸ್ಸರ್ವಾಪುರೋಹಿತಮುಪಾಗಮತ್ ।
ಸ್ವಾಗತನ್ತೇಮಹಾಬಾಹೋಕೌಸಲ್ಯಾನನ್ದವರ್ಧನಾ ॥ 50 ॥
ಇತಿಪ್ರಾಞ್ಜಲಯಃಸರ್ವೇನಾಗರಾರಾಮಮಬ್ರುವನ್ ।
ತಾನ್ಯಞ್ಜಲಿಸಹಸ್ರಾಣಿಪ್ರಗೃಹೀತಾನಿನಾಗರೈಃ ॥ 51 ॥
ವ್ಯಾಕೋಚಾನೀವಪದ್ಮಾನಿದದರ್ಶಭರತಾಗ್ರಜಃ ।
ಪಾದುಕೇತೇತುರಾಮಸ್ಯಗೃಹೀತ್ವಾಭರತಸ್ಸ್ವಯಮ್ ॥ 52 ॥
ಚರಣಾಭ್ಯಾನ್ನರೇನ್ದ್ರಸ್ಯಯೋಜಯಾಮಾಸಧರ್ಮವಿತ್ ।
ಅಬ್ರವೀಚ್ಚತದಾರಾಮಮ್ಭರತಃ ಸ ಕೃತಾಞ್ಜಲಿಃ ॥ 53 ॥
ಏತತ್ತೇಸಕಲಂರಾಜ್ಯನ್ನ್ಯಾಸನ್ನಿರ್ಯಾತಿತಮ್ಮಯಾ ।
ಅದ್ಯಜನ್ಮಕೃತಾರ್ಥಮ್ಮೇಸಮ್ವೃತ್ತಶ್ಚಮನೋರಥಃ ॥ 54 ॥
ಯತ್ತ್ವಾಮ್ಪಶ್ಯಾಮಿರಾಜಾನಮಯೋಧ್ಯಾಮ್ಪುನರಾಗತಮ್ ।
ಅವೇಕ್ಷತಾಮ್ಭವಾನ್ಶೋಕಙ್ಕೋಷ್ಠಾಗಾರಙ್ಗೃಹಮ್ಬಲಮ್ ॥ 55 ॥
ಭವತಸ್ತೇಜಸಾಸರ್ವಙ್ಕೃತನ್ದಶಗುಣಮ್ಮಯಾ ।
ತಥಾಬ್ರುವಾಣಮ್ಭರತನ್ದೃಷ್ಟವಾತಮ್ಭ್ರಾತೃವತ್ಸಲಮ್ ॥ 56 ॥
ಮುಮುಚುರ್ವಾನರಾಬಾಷ್ಪಂರಾಕ್ಷಸಶ್ಚವಿಭೀಷಣಃ ।
ತತಃಪ್ರಹರ್ಷಾದ್ಭರತಮಙ್ಗಮಾರೋಪ್ಯರಾಘವಃ ॥ 57 ॥
ಯಯೌತೇನವಿಮಾನೇನಸಸೈನ್ಯೋಭರತಾಶ್ರಮಮ್ ।
ಭರತಾಶ್ರಮಮಾಸಾದ್ಯಸಸೈನ್ಯೋರಾಘವಸ್ತದಾ ॥ 58 ॥
ಅವತೀರ್ಯವಿಮಾನಾಗ್ರಾದವತಸ್ಥೇಮಹೀತಲೇ ।
ಅಬ್ರವೀತ್ತುತದಾರಾಮಸ್ತದ್ವಿಮಾನಮನುತ್ತಮಮ್ ॥ 59 ॥
ವಹವೈಶ್ರವಣನ್ದೇವಮನುಜಾನಾಮಿಗಮ್ಯತಾಮ್ ।
ತತೋರಾಮಾಭ್ಯನುಜ್ಞಾತನ್ತದ್ವಿಮಾನಮನುತ್ತಮಮ್ ॥ 60 ॥
ಉತ್ತರಾನ್ದಿಶಮುದ್ದಿಶ್ಯಜಗಾಮಧನದಾಲಯಮ್ ।
ವಿಮಾನಮ್ಪುಷ್ಪಕನ್ದಿವ್ಯಂಸಮ್ಗೃಹೀತನ್ತುರಕ್ಷಸಾ ॥ 61 ॥
ಅಗಮದ್ಧನದಂವೇಗಾದ್ರಾಮವಾಕ್ಯಪ್ರಚೋದಿತಮ್ ।
ಪುರೋಹಿತಸ್ಯಾತ್ಮಸಮಸ್ಯರಾಘವೋಬೃಹಸ್ಪತೇಶ್ಶಕ್ರೈವಾಮರಾಧಿಪಃ ।
ನಿಪೀಡ್ಯಪಾದೌಪೃಥಗಾನನೇಶುಭೇಸಹೈವತೇನೋಪವಿವೇಶವೀರ್ಯವಾನ್ ॥ 62 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ತ್ರಿಂಶದಧಿಕಶತತಮಸ್ಸರ್ಗಃ ॥
