ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಪಞ್ಚದಶಾಧಿಕಶತತಮಸ್ಸರ್ಗಃ ।
ತೇರಾವಣವಧನ್ದೃಷ್ಟವಾದೇವಗನ್ಧರ್ವದಾನವಾಃ ।
ಜಗ್ಮುಸ್ಸ್ವೈಸ್ವೈರ್ವಿಮಾನೈಸ್ತೇಕಥಯನ್ತಶ್ಶುಭಾಃಕಥಾಃ ॥ 1 ॥
ರಾವಣಸ್ಯವಧಙ್ಘೋರಂರಾಘವಸ್ಯಪರಾಕ್ರಮಮ್ ।
ಸುಯುದ್ಧಂವಾನರಾಣಾಂ ಚ ಸುಗ್ರೀವಸ್ಯ ಚ ಮನ್ತ್ರಿತಮ್ ॥ 2 ॥
ಅನುರಾಗಂ ಚ ವೀರ್ಯಂ ಚ ಸೌಮಿತ್ರೇರ್ಲಕ್ಷ್ಮಣಸ್ಯ ಚ ।
ಪತಿವ್ರತಾತ್ವಂಸೀತಾಯಾಹನೂಮತಿಪರಾಕ್ರಮಮ್ ॥ 3 ॥
ಕಥಯನ್ತೋಮಹಾಭಾಗಾಜಗ್ಮುರ್ಹಷ್ಟಾಯಥಾಗತಮ್ ।
ರಾಘವಸ್ತುರಥನ್ದಿವ್ಯಮಿನ್ದ್ರದತ್ತಂಶಿಖಿಪ್ರಭಮ್ ॥ 4 ॥
ಅನುಜ್ಞಾಯಮಹಾಭಾಗೋರ್ಮಾತಲಿಮ್ಪ್ರತ್ಯಪೂಜಯತ್ ।
ರಾಘವೇಣಾಭ್ಯನುಜ್ಞಾತೋಮಾತಲಿಶ್ಶಕ್ರಸಾರಥಿಃ ॥ 5 ॥
ದಿವ್ಯನ್ತಂರಥಮಾಸ್ಥಾಯದಿವಮೇವಾರೂರೋಹಸಹ ।
ತಸ್ಮಿಂಸ್ತುದಿವಮಾರೂಢೇಸುಸಾರಥಿಸನ್ತಮೇ ॥ 6 ॥
ರಾಘವಃಪರಮಪ್ರೀತಸ್ಸುಗ್ರೀವಮ್ಪರಿಷಸ್ವಜೇ ।
ಪರಿಷ್ವಜ್ಯ ಚ ಸುಗ್ರೀವಂಲಕ್ಷ್ಮಣೇನಾಭಿವಾದಿತಃ ॥ 7 ॥
ಪೂಜ್ಯಮಾನೋಹರಿಗಣೈರಾಜಗಾಮಬಲಾಲಯಮ್ ।
ಅಥೋವಾಚ ಸ ಕಾಕುತ್ಸ್ಥಸ್ಸಮೀಪಪರಿವರ್ತಿನಮ್ ॥ 8 ॥
ಸೌಮಿತ್ರಿಂಸತ್ತ್ವಸಮ್ಪನ್ನಂಲಕ್ಷ್ಮಣಂಶುಭಲಕ್ಷಣಮ್ ।
ಭೀಷಣಮಿಮಂಸೌಮ್ಯ ಲಙ್ಕಾಯಾಮಭಿಷೇಚಯ ॥ 9 ॥
ಅನುರಕ್ತಂ ಚ ಭಕ್ತಂ ಚ ತಥಾಪೂರ್ವೋಪಕಾರಿಣಮ್ ।
ಏಷಮೇಪರಮಃಕಾಮೋಯದಿಮಂರಾವಣಾನುಜಮ್ ॥ 10 ॥
ಲಙ್ಕಾಯಾಂಸೌಮ್ಯ ಪಶ್ಯೇಮಭಿಷಿಕ್ತಂವಿಭೀಷಣಮ್ ।
ಏವಮುಕ್ತಸ್ತುಸೌಮಿತ್ರೀರಾಘವೇಣಮಹಾತ್ಮನಾ ॥ 11 ॥
ತಥೇತ್ಯುಕ್ತ್ವಾಸುಸಮ್ಹೃಷ್ಟಃಸೌವರ್ಣಙ್ಘಟಮಾದದೇ ।
ತಮ್ಘಟಂವಾನರೇನ್ದ್ರಾಣಾಂಹಸ್ತೇದತ್ತ್ವಾಮನೋಜವಾನ್ ॥ 12 ॥
ವ್ಯಾದಿದೇಶಮಹಾಸತ್ತ್ವಃ ಸಮುದ್ರಸಲಿಲನ್ತದಾ ।
ಅತಿಶೀಘ್ರನ್ತತೋಗತ್ವಾವಾನರಾಸ್ತೇಮನೋಜವಾಃ ॥ 13 ॥
ಆಗತಾಸ್ತುಜಲಙ್ಗೃಹ್ಯಸಮುದ್ರಾದ್ವಾನರೋತ್ತಮಾಃ ।
ತತಃಸ್ತ್ವೇಕಙ್ಘಟಙ್ಗೃಹ್ಯಸಮ್ಸ್ಥಾಪ್ಯಪರಮಾಸನೇ ॥ 14 ॥
ಘಟೇನತೇನಸೌಮಿತ್ರಿರಭ್ಯಷಿಞ್ಚದ್ವಿಭೀಷಣಮ್ ।
ಲಙ್ಕಾಯಾಂರಕ್ಷಸಾಮ್ಮಧ್ಯೇರಾಜಾನಂರಾಮಶಾಸನಾತ್ ॥ 15 ॥
ವಿಧಿನಾಮನ್ತ್ರದೃಷ್ಟೇನಸುಹೃದ್ಗಣಸಮಾವೃತಃ ।
ಅಭ್ಯಷಿಞ್ಚಂಸ್ತದಾಸರ್ವೇರಾಕ್ಷಸಾವಾನರಾಸ್ತಥಾ ॥ 16 ॥
ಪ್ರಹರ್ಷಮತುಲಙ್ಗತ್ವಾತುಷ್ಟುವೂರಾಮಮವೇ ಹ ।
ತಸ್ಯಾಮಾತ್ಯಾಜಹೃಷಿರೇಭಕ್ತಾಯೇಚಾಸ್ಯರಾಕ್ಷಸಾಃ ॥ 17 ॥
ದೃಷ್ಟವಾಭಿಷಿಕ್ತಂಲಙ್ಕಾಯಾಂರಾಕ್ಷಸೇನ್ದ್ರಂವಿಭೀಷಣಮ್ ।
ರಾಘವಃಪರಮಾಮ್ಪ್ರೀತಿಞ್ಜಗಾಮಸಹಲಕ್ಷ್ಮಣಃ ॥ 18 ॥
ಸ ತದ್ರಾಜ್ಯಮ್ಮಹತ್ಪ್ರಾಪ್ಯರಾಮದತ್ತಂವಿಭೀಷಣಃ ।
ಪ್ರಕೃತಯಸ್ಸಾನ್ತ್ವಯಿತ್ವಾ ಚ ತತೋರಾಮಮುಪಾಗಮತ್ ॥ 19 ॥
ದಧ್ಯಕ್ಷತಾನ್ಮೋದಕಾಂಶ್ಚಲಾಜಾಸ್ಸುಮನಸಸ್ತಥಾ ।
ಆಜಹ್ರುರಥಸನ್ತುಷ್ಟಾಃಪೌರಾಸ್ತಸ್ಮೈನಿಶಾಚರಾಃ ॥ 20 ॥
ಸಃತಾನ್ ಗೃಹೀತ್ವಾದುರ್ಧರ್ಷೋರಾಘವಾಯನ್ಯವೇದಯತ್ ॥ 21 ॥
ಮಾಙ್ಗಲ್ಯಮ್ಮಙ್ಗಲಂಸರ್ವಂಲಕ್ಷ್ಮಣಾಯ ಚ ವೀರ್ಯವಾನ್ ।
ಕೃತಕಾರ್ಯಂಸಮೃದ್ಧಾರ್ಥನ್ದೃಷ್ಟವಾರಾಮೋವಿಭೀಷಣಮ್ ॥ 22 ॥
ಪ್ರತಿಜಗ್ರಾಹತತ್ಸರ್ವನ್ತಸ್ಯೈವಪ್ರಿಯಕಾಮ್ಯಯಾ ।
ತತಃಶೈಲೋಪಮಂವೀರಮ್ಪ್ರಾಞ್ಜಲಿಮ್ಪ್ರಣತಂಸ್ಥಿತಮ್ ॥ 23 ॥
ಉವಾಚೇದಂವಚೋರಾಮೋಹನೂಮನ್ತಮ್ಪ್ಲವಙ್ಗಮಮ್ ।
ಅನುಜ್ಞಾಪ್ಯಮಹಾರಾಜಮಿಮಂಸೌಮ್ಯ ವಿಭೀಷಣಮ್ ॥ 24 ॥
ಪ್ರವಿಶ್ಯನಗರೀಂಲಙ್ಕಾಙ್ಕೌಶಲಮ್ಬ್ರೂಹಿಮೈಥಿಲೀಮ್ ।
ವೈದೇಹ್ಯೈಮಾಙ್ಕುಶಲಿನಂಸುಗ್ರೀವಂ ಚ ಸಲಕ್ಷ್ಮಣಮ್ ॥ 25 ॥
ಆಚಕ್ಷ್ವವದತಾಂಶ್ರೇಷ್ಠರಾವಣಂ ಚ ಹತಂರಣೇ ।
ಪ್ರಿಯಮೇತದುದಾಹೃತ್ಯವೈದೇಹ್ಯಾಸ್ತ್ವಂಹರೀಶ್ವರ ॥ 26 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಪಞ್ಚದಶಾಧಿಕಶತತಮಸ್ಸರ್ಗಃ ॥
