ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ತ್ರಯೋದಶಸ್ಸರ್ಗಃ ।
ರಾವಣಙ್ಕ್ರುದ್ಧಮಾಜ್ಞಾಯಮಹಾಪಾರ್ಶ್ವೋಮಹಾಬಲಃ ।
ಮುಹೂರ್ತಮನುಸಞ್ಚಿನ್ತ್ಯಪ್ರಾಞ್ಜಲಿರ್ವಾಕ್ಯಮಬ್ರವೀತ್ ॥ 1 ॥
ಯಃಖಲ್ವಪಿವನಮ್ಪ್ರಾಪ್ಯಮೃಗವ್ಯಾಲನಿಷೇವಿತಮ್ ।
ನಪಿಬೇನ್ಮಧುಸಮ್ಪ್ರಾಪ್ಯಸನರೋಬಾಲಿಶೋಭವೇತ್ ॥ 2 ॥
ಈಶ್ವರಸ್ಯೇಶ್ವರಃಕೋಽಸ್ತಿತವಶತ್ರುನಿಬರ್ಹಣಃ ।
ರಮಸ್ವಸಹವೈದೇಹ್ಯಾಶತ್ರೂನಾಕ್ರಮ್ಯಮೂರ್ಧಸು ॥ 3 ॥
ಬಲಾತ್ಕುಕ್ಕುಟವೃತ್ತೇನಪ್ರವರ್ತಸ್ವಮಹಾಬಲಃ ।
ಆಕ್ರಮ್ಯಾಕ್ರಮ್ಯಸೀತಾಂವೈತಾಮ್ಭುಙ್ ಕ್ಷ್ವಚರಮಸ್ವಚ ॥ 4 ॥
ಲಬ್ಧಕಾಮಸ್ಯತೇಪಶ್ಚಾದಾಗಮಿಷ್ಯತಿಯದ್ಭಯಮ್ ।
ಪ್ರಾಪ್ತಮಪ್ರಾಪ್ತಕಾಲಂವಾಸರ್ವಮ್ಪ್ರತಿಸಹಿಷ್ಯತಿ ॥ 5 ॥
ಕುಮ್ಭಕರ್ಣಸ್ಸಹಾಸ್ಮಾಭಿರಿನ್ದ್ರಜಿಚ್ಚಮಹಾಬಲಃ ।
ಪ್ರತಿಷೇಧಯಿತುಂಶಕ್ತೌಸವಜ್ರಮಪಿವಜ್ರಿಣಮ್ ॥ 6 ॥
ಉಪಪ್ರದಾನಂಸಾನ್ತ್ವಂವಾಭೇದಂವಾಕುಶಲೈಃಕೃತಮ್ ।
ಸಮತಿಕ್ರಮ್ಯದಣ್ಡೇನಸಿದ್ಧಿಮರ್ಥೇಷುರೋಚಯೇ ॥ 7 ॥
ಇಹಪ್ರಾಪ್ತಾನ್ವಯಂಸರ್ವಾನ್ ಶತ್ರೂಂಸ್ತವಮಹಾಬಲಃ ।
ವಶೇಶಸ್ತ್ರಪ್ರತಾಪೇನಕರಿಷ್ಯಾಮೋನಸಂಶಯಃ ॥ 8 ॥
ಏವಮುಕ್ತಸ್ತದಾರಾಜಾಮಹಾಪಾರ್ಶ್ವೇನರಾವಣಃ ।
ತಸ್ಯಸಮ್ಪೂಜಯನ್ವಾಕ್ಯಮಿದಂವಚನಮಬ್ರವೀತ್ ॥ 9 ॥
ಮಹಾಪಾರ್ಶ್ವನಿಬೋಧತ್ವಂರಹಸ್ಯಙ್ಕಿಞ್ಚಿದಾತ್ಮನಃ ।
ಚಿರವೃತ್ತನ್ತದಾಖ್ಯಾಸ್ಯೇಯದವಾಪ್ತಮ್ಪುರಾಮಯಾ ॥ 10 ॥
ಪಿತಾಮಹಸ್ಯಭವನಙ್ಗಚ್ಛನ್ತೀಮ್ಪುಞ್ಜಿಕಸ್ಥಲಾಮ್ ।
ಚಞ್ಚೂರ್ಯಮಾಣಾಮದ್ರಾಕ್ಷಮಾಕಾಶೇಽಗ್ನಿಶಿಖಾಮಿವ ॥ 11 ॥
ಸಾಪ್ರಸಹ್ಯಮಯಾಭುಕ್ತಾಕೃತಾವಿವಸನಾತತಃ ।
ಸ್ವಯಮ್ಭೂಭವನಮ್ಪ್ರಾಪ್ತಾಲೋಲಿತಾನಲಿನೀಯಥಾ ॥ 12 ॥
ತಚ್ಚತಸ್ಯತದಾಮನ್ಯೇಜ್ಞಾತಮಾಸೀನ್ಮಹಾತ್ಮನಃ ।
ಅಥಸಙ್ಕುಪಿತೋದೇವೋಮಾಮಿದಂವಾಕ್ಯಮಬ್ರವೀತ್ ॥ 13 ॥
ಅದ್ಯಪ್ರಭೃತಿಯಾಮನ್ಯಾಬಲಾನ್ನಾರೀಙ್ಗಮಿಷ್ಯಸಿ ।
ತದಾತೇಶತಧಾಮೂರ್ಧಾಫಲಿಷ್ಯತಿನಸಂಶಯಃ ॥ 14 ॥
ಇತ್ಯಹನ್ತಸ್ಯಶಾಪಸ್ಯಭೀತಃಪ್ರಸಭಮೇವತಾಮ್ ।
ನಾರೋಹಯೇಬಲಾತ್ಸೀತಾಂವೈದೇಹೀಂಶಯನೇಶುಭೇ ॥ 15 ॥
ಸಾಗರಸ್ಯೇನಮೇವೇಗೋಮಾರುತಸ್ಯೇವಮೇಗತಿಃ ।
ನೈತದ್ದಾಶರಥಿರ್ವೇದಹ್ಯಾಸಾದಯತಿತೇನಮಾಮ್ ॥ 16 ॥
ಕೋಹಿಸಿಂಹಮಿವಾಸೀನಂಸುಪ್ತಙ್ಗಿರಿಗುಹಾಶಯೇ ।
ಕ್ರುದ್ಧಮ್ಮೃತ್ಯುಮಿವಾಽಸೀನಂಸಮ್ಭೋಧಯಿತುಮಿಚ್ಛತಿ ॥ 17 ॥
ನಮತ್ತೋನಿಶಿತಾನ್ಬಾಣಾನ್ದ್ವಿಜಿಹ್ವಾನ್ಪನ್ನಗಾನಿವ ।
ರಾಮಃಪಶ್ಯತಿಸಙ್ಗ್ರಾಮೇತೇನಮಾಮಭಿಗಚ್ಛತಿ ॥ 18 ॥
ಕ್ಷಿಪ್ರಂವಜ್ರಸಮೈರ್ಬಾಣೈಶ್ಶತಥಾಕಾರ್ಮುಕಚ್ಯುತೈಃ ।
ರಾಮಮಾದೀಪಯಿಷ್ಯಾಮಿಉಲ್ಕಾಭಿರಿವಕುಞ್ಜರಮ್ ॥ 19 ॥
ತಚ್ಚಾಸ್ಯಬಲಮಾದಾಸ್ಯೇಬಲೇನಮಹತಾವೃತಃ ।
ಉದಿತಸ್ಸವಿತಾಕಾಲೇನಕ್ಷತ್ರಾಣಾಮಿವಪ್ರಭಾಮ್ ॥ 20 ॥
ನವಾಸನೇನಾಪಿಸಹಸ್ರಚಕ್ಷುಷಾಯುಧಾಽಸ್ಮಿಶಕ್ಯೋವರುಣೇನವಾಪುನಃ ।
ಮಯಾತ್ವಿಯಮ್ಬಾಹುಬಲೇನನಿರ್ಜಿತಾಪುರಾಪುರೀವೈಶ್ರವಣೇನಪಾಲಿತಾ ॥ 21 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ತ್ರಯೋದಶಸ್ಸರ್ಗಃ ॥
