ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಪಞ್ಚಸಪ್ತತಿತಮಸ್ಸರ್ಗಃ ।
ತತೋಽಬ್ರವೀನ್ಮಹಾತೇಜಾಸ್ಸುಗ್ರೀವೋವಾನರಾಧಿಪಃ ।
ಅರ್ಥ್ಯಂವಿಜ್ಞಾಪಯಂಶ್ಚಾಪಿಹನೂಮನ್ತಮಿದಂವಚಃ ॥ 1 ॥
ಯತೋಹತಃಕುಮ್ಭಕರ್ಣಃಕುಮಾರಾಶ್ಚನಿಷೂದಿತಾಃ ।
ನೇದಾನೀಮುಪನಿರ್ಹಾರಂರಾವಣೋದಾತುಮರ್ಹತಿ ॥ 2 ॥
ಯೇಯೇಮಹಾಬಲಾಸ್ಸನ್ತಿಲಘವಶ್ಚಪ್ಲವಙ್ಗಮಾಃ ।
ಲಙ್ಕಾಮಭ್ಯುತನ್ತ್ಯಾಶುಗೃಹ್ಯೋಲ್ಕಾಃಪ್ಲವಗರ್ಷಭಾಃ ॥ 3 ॥
ಹರಯೋಹರಿಸಙ್ಕಾಶಾಃಪ್ರದಗ್ಧುಂರಾವಣಾಲಯಮ್ ।
ತೋಸ್ತಙ್ಗತಆದಿತ್ಯೇರೌದ್ರೇತಸ್ಮಿನ್ನಿಶಾಮುಖೇ ॥ 4 ॥
ಲಙ್ಕಾಮಭಿಮುಖಾಸ್ಸೋಲ್ಕಾಜಗ್ಮುಸ್ತೇಪ್ಲವಗರ್ಷಭಾಃ ।
ಉಲ್ಕಾಹಸ್ಸೈರ್ಹರಿಗಣೈಸ್ಸರ್ವತಸ್ಸಮಭಿದ್ರುತಾಃ ॥ 5 ॥
ಆರಕ್ಷಸ್ಥಾವಿರೂಪಾಕ್ಷಾಸ್ಸಹಸಾವಿಪ್ರದದ್ರುವುಃ ।
ಗೋಪುರಾಟ್ಟಪ್ರತೋಲೀಷುಚರ್ಯಾಸುವಿವಿಧಾಸು ಚ ॥ 6 ॥
ಪ್ರಾಸಾದೇಷು ಚ ಸಮ್ಹೃಷ್ಟಾಸ್ಸಸೃಜುಸ್ತೇಹುತಾಶನಮ್ ।
ತೇಷಾಙ್ಗೃಹಸಹಸ್ರಾಣಿದದಾಹಹುತಭುಕ್ತದಾ ॥ 7 ॥
ಪ್ರಾಸಾದಾಃಪರ್ವತಾಕಾರಾಃಪತನ್ತಿಧರಣೀತಲೇ ।
ಅಗುರುರ್ದಹ್ಯತೇತತ್ರವರಂ ಚ ಹರಿಚನ್ದನಮ್ ॥ 8 ॥
ಮೌಕ್ತಿಕಾಮಣಯಸ್ಸ್ನಿಗ್ಧಾವಜ್ರಞ್ಚಾಪಿಪ್ರವಾಲಕಮ್ ।
ಕ್ಷೌಮಂ ಚ ದಹ್ಯತೇತತ್ರಕೌಶೇಯಞ್ಚಾಪಿಶೋಭನಮ್ ॥ 9 ॥
ಆವಿಕಂವಿವಿಧಞ್ಚೌರ್ಣಙ್ಕಾಞ್ಚನಮ್ಭಾಣ್ಡಮಾಯುಧಮ್ ।
ನಾನಾವಿಕೃತಸಂಸ್ಥಾನಂವಾಜಿಭಾಣ್ಡಪರಿಚ್ಛದೌ ॥ 10 ॥
ಗಜಗ್ರೈವೇಯಕಕ್ಷ್ಯಾಶ್ಚರಥಭಾಣ್ಡಾಶ್ಚಸಮ್ಸ್ಕೃತಾಃ ।
ನುತ್ರಾಣಿ ಚ ಯೋಧಾನಾಂಹಸ್ತ್ಯಶ್ವಾನಾಂ ವ ಚರ್ಮ ಚ ॥ 11 ॥
ಖಡಗಾಧನೂಂಷಿಜ್ವಾಬಾಣಾಸ್ತೋಮರಾಙ್ಕುಶಶಕ್ತಯಃ ।
ರೋಮಜಂವಾಲಜಞ್ಚರ್ಮವ್ಯಾಘ್ರಜಞ್ಚಣ್ಡಜಮ್ಬಹು ॥ 12 ॥
ಮುಕ್ತಾಮಣಿವಿಚಿತ್ರಾಂಶ್ಚಪ್ರಾಸಾದಾಂಶ್ಚಸಮನ್ತತಃ ।
ವಿವಿಧಾನಸ್ತ್ರಸಂಯೋಗಾನಗ್ನಿರ್ದಹತಿತತ್ರವೈ ॥ 13 ॥
ನಾನಾವಿಧಾನ್ಗೃಹಚ್ಛನ್ದಾನ್ಧದಾಹಹುತಭುಕ್ತದಾ ।
ಆವಾಸಾನ್ರಾಕ್ಷಸಾನಾಂ ಚ ಸರ್ವೇಷಾಙ್ಗೃಹಗರ್ಥಿನಾಮ್ ॥ 14 ॥
ಹೇಮಚಿತ್ರತನುತ್ರಾಣಸ್ರಗ್ದಾಮಾಮ್ಭರಧಾರಿಣಾಮ್ ।
ಶೀಧುಪಾನಚಲಾಕ್ಷಾಣಾಮ್ಮದ್ವಿಹ್ವಲಗಾಮಿನಾಮ್ ॥ 15 ॥
ಕಾನ್ತಾಲಮ್ಬಿತವಸ್ತ್ರಾಣಾಂಶತ್ರುಸಞ್ಜಾತಮನ್ಯುನಾಮ್ ।
ಗದಾಶೂಲಾಸಿಹಸ್ತಾನಾಙ್ಖಾದತಾಮ್ಪಿಬತಾಮಪಿ ॥ 16 ॥
ಶಯನೇಷುಮಹಾರ್ಹೇಷುಪ್ರಸುಪ್ತಾನಾಮ್ಪ್ರಿಯೈಸ್ಸಹ ।
ತ್ರಸ್ತಾನಾಙ್ಗಚ್ಛತಾನ್ತೂರ್ಣಮ್ಪುತ್ರಾನಾದಾಯಸರ್ವತಃ ॥ 17 ॥
ತೇಷಾಂಶತಸಹಸ್ರಾಣಿತದಾಲಙ್ಕಾನಿವಾಸಿನಾಮ್ ।
ಅದಹತ್ಪಾವಕಸ್ತತ್ರಜಜ್ವಾಲ ಚ ಪುನಃಪುನಃ ॥ 18 ॥
ಸಾರವನ್ತಿಮಹಾರ್ಹಾಣಿಗಮ್ಭೀರಗುಣವನ್ತಿ ಚ ।
ಹೇಮಚನ್ದ್ರಾರ್ಧಚನ್ದ್ರಾಣಿಚನ್ದ್ರಶಾಲೋನತಾನಿ ಚ ॥ 19 ॥
ತತ್ರಚಿತ್ರಗವಾಕ್ಷಾಣಿಸಾಧಿಷ್ಠಾನಾನಿಸರ್ವಶಃ ।
ಮಣಿವಿದ್ರುಮಚಿತ್ರಾಣಿಸ್ಪೃಶನ್ತೀವದಿವಾಕರಮ್ ॥ 20 ॥
ಕ್ರೌಞ್ಚಬರ್ಹಿಬವೀಣಾನಾಮ್ಭೂಷಣಾನಾಂ ಚ ನಿಸ್ಸ್ವನೈಃ ।
ನಾದಿತಾನ್ಯಚಲಾಭಾನಿವೇಶ್ಮಾನ್ಯಗ್ನಿರ್ದದಾಹ ಸ ॥ 21 ॥
ಜ್ವಲನೇನಪರೀತಾನಿತೋರಣಾನಿಚಕಾಶಿರೇ ।
ವಿದ್ಯುದ್ಭಿರಿವನದ್ಧಾನಿಮೇಘಜಾಲಾನಿಘರ್ಮಗೇ ॥ 22 ॥
ಜ್ವಲನೇನಪರೀತಾನಿನಿಪೇತುರ್ಭವನಾನ್ವಥ ।
ವಜ್ರಿವಜ್ರಹತಾನೀವಶಿಖರಾಣಿಮಹಾಗಿರೇಃ ॥ 23 ॥
ವಿಮಾನೇಷುಪ್ರಸುಸ್ತಾಶ್ಚದಹ್ಯಮಾನಾವರಾಙ್ಗನಾಃ ।
ತ್ಯಕ್ತಾಭರಣಸರ್ವಾಙ್ಗಾಹಾಹೇತ್ಯುಚ್ಚೈರ್ವಿಚುಕ್ರುಶುಃ ॥ 24 ॥
ತತ್ರಚಾಗ್ನಿಪರೀತಾನಿನಿಪೇತುರ್ಭವನಾನ್ಯಪಿ ।
ವಜ್ರಿವಜ್ರಹತಾನೀವಶಿಖರಾಣಿಮಹಾಗಿರೇಃ ॥ 25 ॥
ತಾನಿನಿರ್ದಹ್ಯಮಾನಾನಿದೂರತಃಪ್ರಚಕಾಶಿರೇ ।
ಹಿಮವಚ್ಛಿಖರಾಣೀವದೀಪ್ತೌಷದಿವನಾನಿಚ ॥ 26 ॥
ಹರ್ಮ್ಯಾಗ್ರೈರ್ದಹ್ಯಮಾನೈಶ್ಚಜ್ವಾಲಾಪ್ರಜ್ವಲಿತೈರಪಿ ।
ರಾತ್ರೌಸಾದೃಶ್ಯತೇಲಙ್ಕಾಪುಷ್ಪಿತೈರಿವಕಿಂಶುಕೈಃ ॥ 27 ॥
ಹಸ್ತ್ಯಧ್ಯಕ್ಷೈರ್ಗಜೈರ್ಮುಕೈರ್ಮುಕೈಶ್ಚ ತುರಗೈರಪಿ ।
ಬಭೂವ ಲಙ್ಕಾ ಲೋಕಾನ್ತೇ ಭ್ರಾನ್ತಗ್ರಾಹ ಇವಾರ್ಣವಃ ॥ 28 ॥
ಅಶ್ವಮ್ಮುಕ್ತಙ್ಗಜೋದೃಷ್ಟವಾಕ್ವಚಿದ್ಭೀತೋಽಪಸರ್ಪತಿ ।
ಭೀತೋಭೀತಙ್ಗಜನ್ದೃಷ್ಟವಾಕ್ವಚಿದಶ್ವೋನಿವರ್ತತೇ ॥ 29 ॥
ಲಙ್ಕಾಯಾಂ ದಹ್ಯಮಾನಾಯಾಂ ಶುಶುಭೇ ಚ ಮಹೋದಧಿಃ ।
ಚಾಯಾಸಂಸಕ್ತಸಲಿಲೋ ಲೋಹಿತೋದ ಇವಾರ್ಣವಃ ॥ 30 ॥
ಸಾಬಭೂವಮುಹೂರ್ತೇನಹರಿಭಿರ್ದೀಪಿತಾಪುರೀ ।
ಲೋಕಸ್ಯಾಸ್ಯಕ್ಷ್ಯೇಘೋರೇಪ್ರದೀಪ್ತೇವವಸುನ್ದರಾ ॥ 31 ॥
ನಾರೀಜನಸ್ಯಧೂಮೇನವ್ಯಾಪ್ತಸ್ಯೋಚ್ಚೈರ್ವಿನೇದುಷಃ ।
ಸ್ವನೋಜ್ವಲನತಪ್ತಸ್ಯಶುಶ್ರುವೇಶತಯೋಜನಮ್ ॥ 32 ॥
ಪ್ರದಗ್ಧಕಾಯಾನಪರಾನ್ ರಾಕ್ಷಸಾನ್ನಿರ್ಗತಾನ್ ಬಹಿಃ ।
ಸಹಸಾಭ್ಯುತ್ಪತನ್ತಿಸ್ಮಹರಯೋಽಥಯುಯುತ್ಸವಃ ॥ 33 ॥
ಉದ್ಘುಷ್ಟಂವಾನರಾಣಾಂ ಚ ರಾಕ್ಷಸಾನಾಂ ಚ ನಿಸ್ಸ್ವನಃ ।
ದಿಶೋದಶಸಮುದ್ರಂ ಚ ಪೃಥಿವೀಞ್ಚಾನ್ವನಾದಯತ್ ॥ 34 ॥
ವಿಶಲ್ಯೌತುಮಹಾತ್ಮಾನೌತಾವುಭೌರಾಮಲಕ್ಷ್ಮಣೌ ।
ಅಸಮ್ಭ್ರಾನ್ತೌಜಗೃಹತುಸ್ತದೋಭೌಧನುಷೀವರೇ ॥ 35 ॥
ತತೋವಿಸ್ಫಾರಯಾನಸ್ಯರಾಮಸ್ಯಧನುರುತ್ತಮಮ್ ।
ಬಭೂವತುಮುಲಶ್ಶಬ್ದೋರಾಕ್ಷಸಾನಾಮ್ಭಯಾವಹಃ ॥ 36 ॥
ಅಶೋಭತತದಾರಾಮೋಧನುರ್ವಿಷ್ಫಾರಯನ್ ಮಹತ್ ।
ಭಗವಾನಿವಸಙ್ಕೃದ್ಧೋಭವೋವೇದಮಯನ್ಧನುಃ ॥ 37 ॥
ಉದ್ಘುಷ್ಟಂವಾನರಾಣಾಂ ಚ ರಾಕ್ಷಸಾನಾಂ ಚ ನಿಸ್ಸ್ವನಮ್ ।
ಜ್ಯಾಶಬ್ದಸ್ತಾವುಭೌಶಬ್ದಾವತಿರಾಮಸ್ಯಶುಶ್ರುವೇ ॥ 38 ॥
ವಾನರೋದ್ಘುಷ್ಟಘೋಷಶ್ಚರಾಕ್ಷಸಾನಾಂ ಚ ನಿಸ್ಸ್ವನಃ ।
ಜ್ಯಾಶಬ್ದಶ್ಚಾಪಿರಾಮಸ್ಯತ್ರಯಂವ್ಯಾಪ್ಯದಿಶೋದಶ ॥ 39 ॥
ತಸ್ಯಕಾರ್ಮುಕಮುಕ್ಸೈಶ್ಚಶರೈಸ್ತತ್ಪುರಗೋಪುರಮ್ ।
ಕೈಲಾಸಶೃಙ್ಗಪ್ರತಿಮಂವಿಶೀರ್ಣಮಪತದ್ಭುವಿ ॥ 40 ॥
ತತೋರಾಮಶರಾನ್ ದೃಷ್ಟವಾವಿಮಾನೇಷುಗೃಹೇಷು ಚ ।
ಸನ್ನಾಹೋರಾಕ್ಷಸೇನ್ದ್ರಾಣಾನ್ತುಮುಲಸ್ಸಮಪದ್ಯತ ॥ 41 ॥
ತೇಷಾಂಸನ್ನಹ್ಯಮಾನಾನಾಂಸಿಂಹನಾದಂ ಚ ಕುರ್ವತಾಮ್ ।
ಶರ್ವರೀರಾಕ್ಷಸೇನ್ದ್ರಾಣಾಂರೌದ್ರೀವಸಮಪದ್ಯತ ॥ 42 ॥
ಆದಿಷ್ಟಾವಾನರೇನ್ದ್ರಾಸ್ತೇಸುಗ್ರೀವೇಣಮಹಾತ್ಮನಾ ।
ಆಸನ್ನದ್ವಾರಮಾಸಾದ್ಯಯುಧ್ಯಧ್ವಮ್ಪ್ಲವಗರ್ಷಭಾಃ ॥ 43 ॥
ಯಶ್ಚವೋವಿತಥಙ್ಕುರ್ವಾತ್ತತ್ರತತ್ರವ್ಯವಸ್ಥಿತಃ ।
ಸ ಹನ್ತವ್ಯೋಹಿಸಮ್ಫ್ಲುತ್ಯರಾಜಶಾಸನದೂಷಕಃ ॥ 44 ॥
ತೇಷುವಾನರಮುಖೇಷುದೀಪ್ತೋಲ್ಕೋಜ್ಜ್ವಲಪಾಣಿಷು ।
ಸ್ಥಿತೇಷುದ್ವಾರಮಾಸಾದ್ಯರಾವಣಮ್ಮನ್ಯುರಾವಿಶತ್ ॥ 45 ॥
ತಸ್ಯಜೃಮ್ಭಿತವಿಕ್ಷೇಪಾದ್ವ್ಯಾಮಿಶ್ರಾವೈದಿಶೋದಶ ।
ರೂಪವಾನಿವರುದ್ರಸ್ಯಮನ್ಯುರ್ಗಾತ್ರೇಷ್ವದೃಶ್ಯತ ॥ 46 ॥
ಸ ನಿಕುಮ್ಭಂ ಚ ಕುಮ್ಭಂ ಚ ಕುಮ್ಭಕರ್ಣಾತ್ಮಜಾವುಭೌ ।
ಪ್ರೇಷಯಾಮಾಸಸಙ್ಕೃದ್ಧೋರಾಕ್ಷಸಸೈರ್ಬಹುಭಿಸ್ಸಹ ॥ 47 ॥
ಯೂಪಾಕ್ಷಶ್ಶೋಣಿತಾಕ್ಷಶ್ಚಪ್ರಜಙ್ಘಃಕಮ್ಪನಸ್ತಥಾ ।
ನಿರ್ಯಯುಃಕೌಮ್ಭಕರ್ಣಿಭ್ಯಾಂಸಹರಾವಣಶಾಸನಾತ್ ॥ 48 ॥
ಶಶಾಸಚೈವತಾನ್ ಸರ್ವಾನ್ರಾಕ್ಷಸಾನ್ ಸುಮಹಾಬಲಾನ್ ।
ರಾಕ್ಷಸಾಗಚ್ಛತಾದ್ಯೈವಸಿಂಹನಾದಂ ಚ ನಾದಯನ್ ॥ 49 ॥
ತತಸ್ತುಚೋದಿತಾಸ್ತೇನರಾಕ್ಷಸಾಜ್ವಲಿತಾಯುಧಾಃ ।
ಲಙ್ಕಾಯಾನಿರ್ಯಯುರ್ವೀರಾಃಪ್ರಣದನ್ತಃಪುನಃಪುನಃ ॥ 50 ॥
ರಕ್ಷಸಾಮ್ಭೂಷಣಸ್ಥಾಭಿರ್ಭಾಭಿಸ್ಸ್ವಾಭಿಶ್ಚಸರ್ವಶಃ ।
ಚಕ್ರುಸ್ತೇಸಪ್ರಭಂವ್ಯೋಮಹರಯಶ್ಚಾಗ್ನಿಭಿಸ್ಸಹ ॥ 51 ॥
ತತ್ರತಾರಾಧಿಪಸ್ಯಾಭಾತಾರಾಣಾಂ ಚ ತಥೈವ ಚ ।
ತಯೋರಾಭರಣಾಸಾ ಚ ಬಲಯೋರ್ದ್ಯಾಮಭಾಸಯನ್ ॥ 52 ॥
ಚನ್ದ್ರಾಭಾಭೂಷಣಾಭಾ ಚ ಗೃಹಾಣಾಂಸಾಗರಃಪುನಃ ।
ಹರಿರಾಕ್ಷಸಸೈನ್ಯಾನಿಭ್ರಾಜಯಾಮಾಸಸರ್ವತಃ ॥ 53 ॥
ತತ್ರಚೋರ್ಧ್ವಮ್ಪ್ರದೀಪ್ತಾನಾಙ್ಗೃಹಾಣಾಂಸಾಗರಃಪುನಃ ।
ಭಾಭಿಸ್ಸಂಸಕ್ತಸಲಿಲಶ್ಚಲೋರ್ಮಿಶ್ಶುಶುಭೇಽಧಿಕಮ್ ॥ 54 ॥
ಪತಾಕಾಧ್ವಜಸಂಸಕ್ತಮುತ್ತಮಾಸಿಪರಶ್ವಧಮ್ ।
ಭೀಮಾಶ್ವರಥಮಾತಙ್ಗನ್ನಾನಾಪತತಿಸಮಾಕುಲಮ್ ॥ 55 ॥
ದೀಪ್ತಶೂಲಗದಾಖಡಗಪ್ರಾಸತೋಮರಕಾರ್ಮುಕಮ್ ।
ತದ್ರಾಕ್ಷಸಬಲಙ್ಘೋರಭೀಮಂವಿಕ್ರಮಪೌರುಷಮ್ ॥ 56 ॥
ದದೃಶೇಜ್ವಲಿತಪ್ರಾಸಙ್ಕಿಙ್ಕಿಣೀಶತನಾದಿತಮ್ ।
ಹೇಮಜಾಲಾಚಿತಭುಜಂವ್ಯಾವೇಷ್ಟಿತಪರಶ್ವಥಮ್ ॥ 57 ॥
ವ್ಯಾಘೂರ್ಣಿತಮಹಾಶಸ್ತ್ರಮ್ಬಾಣಸಂಸಕ್ತಕಾರ್ಮುಕಮ್ ।
ಗನ್ಧಮಾಲ್ಯಮಧೂತ್ಸೇಕಸಮ್ಮೋದಿತಮಹಾನಿಲಮ್ ॥ 58 ॥
ಘೋರಂಶೂರಜನಾಕೀರ್ಣಮ್ಮಹಾಮ್ಬುದರನಿಸ್ಸ್ವನಮ್ ।
ತದ್ದೃಷ್ಟವಾಬಲಮಾಯಾತಂರಾಕ್ಷಸಾನಾಂಸುದಾರುಣಮ್ ॥ 59 ॥
ಸಞ್ಚಚಾಲಪ್ಲವಙ್ಗಾನಾಮ್ಬಲಮುಚ್ಚೈರ್ನನಾದ ಚ ।
ಜವೇನಾಫ್ಲುತ್ಯ ಚ ಪುನಸ್ತದ್ಬಲಂರಕ್ಷಸಾಮ್ಮಹತ್ ॥ 60 ॥
ಅಭ್ಯಯಾತ್ಪ್ರತ್ಯರಿಬಲಮ್ಪತಙ್ಗಾಇವಪಾವಕಮ್ ।
ತೇಷಾಮ್ಭುಜಪರಾಮರ್ಶವ್ಯಾಮೃಷ್ಟಪರಿಘಾಶನಿ ॥ 61 ॥
ರಾಕ್ಷಸಾನಾಮ್ಬಲಂಶ್ರೇಷ್ಠಮ್ಭೂಯಸ್ತರಮಶೋಭತ ।
ತತ್ರೋನ್ಮತ್ತಾಇವೋತ್ಪೇತುರ್ಹರಯೋಽಥಯುಯುತ್ಸವಃ ॥ 62 ॥
ತರುಶೈಲೈರಭಿಘ್ನನ್ತೋಮುಷ್ಟಿಭಿಶ್ಚನಿಶಾಚರಾನ್ ।
ತಥೈವಾಪತತಾನ್ತೇಷಾಙ್ಕಪೀನಾಮಸಿಭಿಶಶಿತೈಃ ॥ 63 ॥
ಶಿರಾಂಸಿಸಹಸಾಜಹ್ರೂರಾಕ್ಷಸಾಭೀಮದರ್ಶನಾ ।
ದಶನೈರ್ಹತಕರ್ಣಾಶ್ಚಮುಷ್ಟಿನಿಷ್ಕೀರ್ಣಮಸ್ತಕಾಃ ॥ 64 ॥
ಶಿಲಾಪ್ರಹಾರಭಗ್ನಾಙ್ಗಾವಿಚೇರುಸ್ತತ್ರರಾಕ್ಷಸಾಃ ।
ತಥೈವಾಪ್ಯಪರೇತೇಷಾಙ್ಕಪೀನಾಮಭಿಲಕ್ಷಿತಾ ॥ 65 ॥
ಪ್ರವೀರಾನಭಿತೋಜಘ್ನುರ್ಘೋರರೂಪಾನಿಶಾಚರಾಃ ।
ಘ್ನನ್ತಮನ್ಯಞ್ಜಘಾನಾನ್ಯಃಪಾತಯನ್ತಮಪಾತಯತ್ ॥ 66 ॥
ಗರ್ಹಮಾಣಞ್ಜಗರ್ಹೇಽನ್ಯೋದಶನ್ತಮಪರೋಽದಶತ್ ।
ದೇಹೀತ್ಯನ್ಯೋದದಾತ್ಯನ್ಯೋದದಾಮೀತ್ಯಪರಃಪುನಃ ॥ 67 ॥
ಕಿಙ್ಕ್ಲೇಶಯಸಿತಿಷ್ಠೇತಿತತ್ರಾನ್ಯೋನ್ಯಮ್ಬಭಾಷಿರೇ ।
ವಿಪ್ರಲಮ್ಭಿತವಸ್ತ್ರಂ ಚ ವಿಮುಕ್ತಕವಚಾಯುಧಮ್ ॥ 68 ॥
ಸಮುದ್ಯತಮಹಾಪ್ರಾಸಂಯಷ್ಟಿಶೂಲಾಸಿಸಙ್ಕುಲಮ್ ।
ಪ್ರಾವರ್ತತಮಹಾರೌದ್ರಂಯುದ್ಧಂವಾನರರಕ್ಷಸಾಮ್ ॥ 69 ॥
ವಾನರಾನ್ದಶಸಪ್ತೇತಿರಾಕ್ಷಸಾಜಘ್ನುರಾಹವೇ ।
ರಾಕ್ಷಸಾನ್ದಶಸಪ್ತೇತಿವಾನರಾಶ್ಚಾಭ್ಯಪಾತಯನ್ ॥ 70 ॥
ವಿಸ್ರಸ್ತಕೇಶವಸನಂವಿಧ್ವಸ್ತಕವಚಧ್ವಜಮ್ ।
ಬಲಂರಾಕ್ಷಸಮಾಲಮ್ಬ್ಯವಾನರಾಃಪರ್ಯವಾರಯನ್ ॥ 71 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಪಞ್ಚಸಪ್ತತಿತಮಸ್ಸರ್ಗಃ ॥
