ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಸಪ್ತದಶಾಧಿಕಶತತಮಸ್ಸರ್ಗಃ ।
ಸ ಉವಾಚಮಹಾಪ್ರಾಮಸ್ಸೋಽಭಿವಾದ್ಯಪ್ಲವಙ್ಗಮಃ ।
ರಾಮಂವಚನಮರ್ಥಜ್ಞೋವರಂಸರ್ವಧನುಷ್ಮತಾಮ್ ॥ 1 ॥
ಯನ್ನಿಮಿತ್ತೋಽಯಮಾರಮ್ಬಃಕರ್ಮಣಾಂಯಃಫಲೋದಯಃ ।
ತಾನ್ದೇವೀಂಶೋಕಸನ್ತಪ್ತಾನ್ದ್ರಷ್ಟುಮರ್ಹಸಿಮೈಥಿಲೀಮ್ ॥ 2 ॥
ಸಾಹಿಶೋಕಸಮಾವಿಷ್ಟಾಬಾಷ್ಪಪರ್ಯಾಕುಲೇಕ್ಷಣಾ ।
ಮೈಥಿಲೀವಿಜಯಂಶ್ರುತ್ವಾದ್ರಷ್ಟುನ್ತ್ವಾಮಭಿಕಾಙ್ಕ್ಷತಿ ॥ 3 ॥
ಪೂರ್ವಕಾತ್ಪ್ರತ್ಯಯಾಚ್ಚಾಹಮುಕ್ತೋವಿಶ್ವಸ್ತಯಾತಯಾ ।
ಭರ್ತಾರನ್ದ್ರಷ್ಟುಮಿಚ್ಛಾಮಿಕೃತಾರ್ಥಂಸಹಲಕ್ಷ್ಮಣಮ್ ॥ 4 ॥
ಏವಮುಕ್ತೋಹನುಮತಾರಾಮೋಧರ್ಮಭೃತಾಂವರಃ ।
ಆಗಚ್ಛತ್ಸಹಸಾಧ್ಯಾನಮೀಷದ್ಭಾಷ್ಪಪರಿಪ್ಲುತಃ ॥ 5 ॥
ದೀರ್ಘಮುಷ್ಣಂವಿನಿಃಶ್ವಸ್ಯಜಗತೀಮವಲೋಕಯನ್ ।
ಉವಾಚಮೇಘಸಙ್ಕಾಶಂವಿಭೀಷಣಮುಪಸ್ಥಿತಮ್ ॥ 6 ॥
ದಿವ್ಯಾಙ್ಗರಾಗಾಂವೈದೇಹೀನ್ದಿವ್ಯಾಭರಣಭೂಷಿತಾಮ್ ।
ಇಹಸೀತಾಂಶಿರಃಸ್ನಾತಾಮುಪಸ್ಥಾಪಯಮಾಚಿರಮ್ ॥ 7 ॥
ಏವಮುಕ್ತಸ್ತುರಾಮೇಣತ್ವರಮಾಣೋವಿಭೀಷಣಃ ।
ಪ್ರವಿಶ್ಯಾನ್ತಃಪುರಂಸೀತಾಂಸ್ತ್ರೀಭಿಸ್ಸ್ವಾಭಿರೋಚದಯತ್ ॥ 8 ॥
ತತಸ್ಸೀತಾಮ್ಮಹಾಭಾಗಾನ್ದೃಷ್ಟವೋವಾಚವಿಭೀಷಣಃ ।
ಮೂರ್ಧ್ನಿಬದ್ಧಾಞ್ಜಲಿಶ್ರೀಮಾನ್ವಿನೀತೋರಾಕ್ಷಸೇಶ್ವರಃ ॥ 9 ॥
ದಿವ್ಯಾಙ್ಗರಾಗಾವೈದೇಹೀದಿವ್ಯಾಭರಣಭೂಷಿತಾ ।
ಯಾನಮಾರೋಹಭದ್ರನ್ತೇಭರ್ತಾತ್ವಾನ್ದ್ರಷ್ಟುಮಿಚ್ಛತಿ ॥ 10 ॥
ಏವಮುಕ್ತಾತುವೈದೇಹೀಪ್ರತ್ಯುವಾಚವಿಭೀಷಣಮ್ ।
ಅಸ್ನಾತ್ವಾದ್ರಷ್ಟುಮಿಚ್ಛಾಮಿಭರ್ತಾರಂರಾಕ್ಷಸೇಶ್ವರ ॥ 11 ॥
ತಸ್ಯಾಸ್ತದ್ವಚನಂಶ್ರುತ್ವಾಪ್ರತ್ಯುವಾಚವಿಭೀಷಣಃ ।
ಯಥಾಹರಾಮೋಭಹರ್ತಾತೇತತ್ತಥಾಕರ್ತುಮಾರ್ಹಸಿಮಾರ್ಹಸಿ ॥ 12 ॥
ತಸ್ಯತದ್ವಚನಂಶ್ರುತ್ವಾಮೈಥಿಲೀಪತಿದೇವತಾ ।
ಭರ್ತೃಭಕ್ತ್ಯಾವೃತಾಸಾಧ್ವೀತಥೇತಿಪ್ರತ್ಯಭಾಷತ ॥ 13 ॥
ತತಸ್ಸೀತಾಂಶಿರಃಸ್ನಾತಾಂಸಂಯುಕ್ತಾಮ್ಪ್ರತಿಕರ್ಮಣಾ ।
ಮಹಾರ್ಹಾಭರಣೋಪೇತಾಮ್ಮಹಾರ್ಹಾಮ್ಬರಧಾರಿಣೀಮ್ ॥ 14 ॥
ಆರೋಪ್ಯಶಿಬಿಕಾನ್ದೀಪ್ತಾಮ್ಪರಾರ್ಘ್ಯಾಮ್ಬರಸಮ್ವೃತಾಮ್ ।
ರಾಕ್ಷಸೈರ್ಭಹುಭಿರ್ಗುಪ್ತಾಮಾಜಹಾರವಿಭೀಷಣಃ ॥ 15 ॥
ಸೋಽಭಿಗಮ್ಯಮಹಾತ್ಮಾನಞ್ಜ್ಞಾತಾವಪಿಧ್ಯಾನಮಾಸ್ಥಿತಮ್ ।
ಪ್ರಣತಶ್ಚಪ್ರಹೃಷ್ಟಶ್ಚಪ್ರಾಪ್ತಾಂಸೀತಾನ್ನ್ಯವೇದಯತ್ ॥ 16 ॥
ತಾಮಾಗತಾಮುಪಶ್ರುತ್ಯರಕ್ಷೋಗೃಹಚಿರೋಷಿತಾಮ್ ।
ಹರ್ಷೋದೈನ್ಯಞ್ಚ ರೋಷಶ್ಚತ್ರಯಂರಾಘವಮಾವಿಶತ್ ॥ 17 ॥
ತತಃಪಾರ್ಶ್ವಗತನ್ದೃಷ್ಟವಾಸವಿಮರ್ಶಂವಿಚಾರಯನ್ ।
ವಿಭೀಷಣಮಿದಂವಾಕ್ಯಮಹೃಷ್ಟೋರಾಘವೋಽಬ್ರವೀತ್ ॥ 18 ॥
ರಾಕ್ಷಸಾಧಿಪತೇಸೌಮ್ಯನಿತ್ಯಮ್ಮದ್ವಿಜಯೇರತ ।
ವೈದೇಹೀಸನ್ನಿಕರ್ಷಮ್ಮೇಶೀಘ್ರಂಸಮುಪಗಚ್ಛತು ॥ 19 ॥
ತಸ್ಯತದ್ವಚನಂಶ್ರುತ್ವಾರಾಘವಸ್ಯವಿಭೀಷಣಃ ।
ತೂರ್ಣಮುತ್ಸಾರಣನ್ತತ್ರಕಾರಯಾಮಾಸಧರ್ಮವಿತ್ ॥ 20 ॥
ಕಞ್ಚುಕೋಷ್ಣೀಷಿಣಸ್ತತ್ರವೇತ್ರಜರ್ಜರಪಾಣಯಃ ।
ಉತ್ಸಾರಯನ್ತಸ್ತಾನ್ಯೋಧಾನ್ಸಮನ್ತಾತ್ ಪರಿಚಕ್ರಮುಃ ॥ 21 ॥
ಋಕ್ಷಾಣಾಂವಾನರಾಣಾಂ ಚ ರಾಕ್ಷಸಾನಾಂ ಚ ಸರ್ವಶಃ ।
ವೃನ್ದಾನ್ಯುತ್ಸಾರ್ಯಮಾಣಾನಿದೂರಮುತ್ತಸ್ಥುರನ್ತತಃ ॥ 22 ॥
ತೇಷಾಮುತ್ಸಾರ್ಯಮಾಣಾನಾನ್ನಿಃಸ್ವನಃಸುಮಹಾನಭೂತ್ ।
ವಾಯುನೋದ್ಧೂಯಾಮಾನಸ್ಯಸಾಗರಸ್ಯೇವನಿಃಸ್ವನಃ ॥ 23 ॥
ಉತ್ಸಾರ್ಯಮಾಣಾನ್ ದೃಷ್ಟವಾಥಜಗತ್ಯಾಞ್ಜಾತಸಮ್ಭ್ರಮಾನ್ ।
ದಾಕ್ಷಿಣ್ಯಾತ್ತದಮರ್ಷಾಚ್ಚವಾರಯಾಮಾಸರಾಘವಃ ॥ 24 ॥
ಸಂರಮ್ಬಶ್ಚಾಬ್ರವೀದ್ರಾಮಶ್ಚಕ್ಷುಷಾಪ್ರದಹನ್ನಿವ ।
ವಿಭೀಷಣಮ್ಮಹಾಪ್ರಾಜ್ಞಂಸೋಪಾಲಮ್ಬಮಿದಂವಚಃ ॥ 25 ॥
ಕಿಮರ್ಥಮ್ಮಾಮನಾದೃತ್ಯಕ್ಲಿಶ್ಯತೇಽಯನ್ತ್ವಯಾಜನಃ ।
ನಿವರ್ತಯೈನಮುದ್ಯೋಗಞ್ಜನೋಽಯಂಸ್ವಜನೋಮಮ ॥ 26 ॥
ನ ಗೃಹಾಣಿ ನ ವಸ್ತ್ರಾಣಿ ನ ಪ್ರಾಕಾರಾಸ್ತಿರಸ್ಕ್ರಿಯಾ ।
ನೇದೃಶಾರಾಜಸತ್ಕಾರಾವೃತ್ತಮಾವರಣಂಸ್ತ್ರಿಯಾಃ ॥ 27 ॥
ವ್ಯಸನೇಷು ನ ಕೃಚ್ಛ್ರೇಷು ನ ಯುದ್ಧೇಷುಸ್ವಯಂವರೇ ।
ನ ಕ್ರತೌನೋವಿವಾಹೇವಾದರ್ಶನನ್ದೂಷ್ಯತೇಸ್ತ್ರಿಯಾಃ ॥ 28 ॥
ಸೈಷಾವಿಪದ್ಗತಾಚೈವಕೃಚ್ಛ್ರೇವ ಚ ಮಹತಿಸ್ಥಿತಾ ।
ದರ್ಶನೇನಾಸ್ತಿದೋಷೋಽಸ್ಯಾಮತ್ಸಮೀಪೇವಿಶೇಷತಃ ॥ 29 ॥
ವಿಸೃಜ್ಯಶಿಬಿಕಾನ್ತಸ್ಮಾತ್ಪದ್ಭ್ಯಾಮೇವೋಪಸರ್ಪತು ।
ಸಮೀಪೇಮಮವೈದೇಹೀಮ್ಪಶ್ಯನ್ತ್ವೇತೇವನೌಕಸಃ ॥ 30 ॥
ಏವಮುಕ್ತಸ್ತುರಾಮೇಣಸವಿಮರ್ಶೋವಿಭೀಷಣಮ್ ।
ರಾಮಸ್ಯೋಪಾನಯಸತೀತಾಂಸನ್ನಿಕರ್ಷಂವಿನೀತವತ್ ॥ 31 ॥
ತತೋಲಕ್ಷ್ಮಣಸುಗ್ರೀವೌಹನೂಮಾಂಶ್ಚಪ್ಲವಙ್ಗಮಃ ।
ನಿಶಮ್ಯವಾಕ್ಯಂರಾಮಸ್ಯಬಭೂವುರ್ವ್ಯಥಿತಾಭೃಶಮ್ ॥ 32 ॥
ಇಮಮಾರ್ಷಂ ಸ್ತವಂ ದಿವ್ಯಮಿತಿಹಾಸಂ ಪುರಾತನಮ್ ॥ 33 ॥
ಲಜ್ಜಯಾತ್ವವಲೀಯನ್ತೀಸ್ವೇಷುಗಾತ್ರೇಷುಮೈಥಿಲೀ ।
ವಿಭೀಷಣೇನಾನುಗತಾಭರ್ತಾರಂಸಾಭ್ಯವರ್ತತ ॥ 34 ॥
ವಿಸ್ಮಯಾಚ್ಛಪ್ರಹರ್ಷಾಚ್ಚಸ್ನೇಹಾಚ್ಚಪತಿದೇವತಾ ।
ಉದೈಕ್ಷತಮುಖಮ್ಭರ್ತುಃಸೌಮ್ಯಂಸೌಮ್ಯತರಾನನಾ ॥ 35 ॥
ಅಥಸಮಪನುದನ್ಮನಃಕ್ಲಮಂಸಾಸುಚಿರಮದೃಷ್ಟಮುದೀಕ್ಷ್ಯವೈಪ್ರಿಯಸ್ಯ ।
ವದನಮುದಿತಚನ್ದ್ರಪೂರ್ಣಕಾನ್ತಂವಿಮಲಶಶಾಙ್ಕನಿಭಾನನಾತದಾನೀಮ್ ॥ 36 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಸಪ್ತದಶಾಧಿಕಶತತಮಸ್ಸರ್ಗಃ ॥
