ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಷಟ್ಚತ್ವಾರಿಂಶಸ್ಸರ್ಗಃ ।
ತತೋದ್ಯಾಮ್ಪೃಥಿವೀಞ್ಚೈವವೀಕ್ಷಮಾಣಾವನೌಕಸಃ ।
ದದೃಶುಃಸನ್ತತೌಬಾಣೈರ್ಭ್ರಾತರೌರಾಮಲಕ್ಷ್ಮಣೌ ॥ 1 ॥
ವೃಷ್ಟವೇವೋಪರತೇದೇವೇಕೃತಕರ್ಮಣಿರಾಕ್ಷಸೇ ।
ಆಜಗಾಮಾಥತನ್ದೇಶಂಸಸುಗ್ರೀವೋವಿಭೀಷಣಃ ॥ 2 ॥
ನೀಲದ್ವಿವಿದಮೈನ್ದಾಶ್ಚಸುಷೇಣಃಕುಮುದಾಙ್ಗದಾಃ ।
ತೂರ್ಣಂಹನುಮತಾಸಾರ್ಧಮನ್ವಶೋಚನ್ತರಾಘವೌ ॥ 3 ॥
ಅಚೇಷ್ಟೌಮನ್ದನಿಶ್ಶ್ವಾಸೌಶೋಣಿತೌಘಪರಿಪ್ಲುತೌ ।
ಶರಜಾಲಾಚಿತೌಸ್ತಬ್ದೌಶಯಾನೌಶರತಲ್ಪಯೋಃ ॥ 4 ॥
ನಿಃಶ್ವಸನ್ತೌಯಥಾಸರ್ಪೌನಿಶ್ಚೇಷ್ಟೌಮನ್ದವಿಕ್ರಮೌ ।
ರುಧಿರಸ್ರಾದ್ವಿಗ್ಧಾಙ್ಗೌತಾಪನೀಯಾವಿವಧ್ವಜೌ ॥ 5 ॥
ತೌವೀರಶಯನೇವೀರೌಶಯಾನೌಮನ್ದಚೇಷ್ಟಿತೌ ।
ಯೂಥಪೈಸ್ತೈಃ ಪರಿವೃತೌಬಾಷ್ಪವ್ಯಾಕುಲಲೋಚನೈಃ ॥ 6 ॥
ರಾಘವೌಪತಿತೌದೃಷ್ಟವಾಶರಜಾಲಸಮಾವೃತೌ ।
ಬಭೂವುರ್ವೇರ್ವ್ಯಥಿತಾಸ್ಸರ್ವೇವಾನರಾಸ್ಸವಿಭೀಷಣಾಃ ॥ 7 ॥
ಅನ್ತರಿಕ್ಷನ್ನಿರೀಕ್ಷನ್ತೋದಿಶಸ್ಸರ್ವಾಶ್ಚವಾನರಾಃ ।
ನಚೈನಮ್ಮಾಯಯಾಛನ್ನನ್ದದೃಶೂರಾವಣಿಃರಣೇ ॥ 8 ॥
ತನ್ತುಮಾಯಾಪ್ರತಿಚ್ಛನ್ನಮ್ಮಾಯಯೈವವಿಭೀಷಣಃ ।
ವೀಕ್ಷಮಾಣೋದದರ್ಶಾಥಭ್ರಾತುಃಪುತ್ರಮವಸ್ಥಿತಮ್ ॥ 9 ॥
ತಮಪ್ರತಿಕರ್ಮಾಣಮಪ್ರತಿದ್ವನ್ದ್ವಮಾಹವೇ ।
ದದರ್ಶಾನ್ತರ್ಹಿತಂವೀರಂವರದಾನಾದ್ವಿಭೀಷಣಃ ॥ 10 ॥
ತೇಜಸಾಯಶಸಾಚೈವವಿಕ್ರಮೇಣಚಸಮ್ಯುತಮ್ ।
ಇನ್ದ್ರಜಿತ್ತ್ವಾತ್ಮನಃಕರ್ಮತೌಶಯಾನೌಸಮೀಕ್ಷ್ಯಚ ॥ 11 ॥
ಉವಾಚಪರಮಪ್ರೀತೋಹರ್ಷಯನ್ ಸರ್ವನೈರೃತಾನ್ ।
ದೂಷಣಸ್ಯಚಹನ್ತಾರೌಖರಸ್ಯಚಮಹಾಬಲೌ ॥ 12 ॥
ಸಾದಿತೌಮಾಮಕೈರ್ಬಾಣೈರ್ಭ್ರಾತರೌರಾಮಲಕ್ಷ್ಮಣೌ ।
ನೇಮೌಮೋಕ್ಷಯಿತುಂಶಕ್ಯಾವೇತಸ್ಮಾದಿಷುಬನ್ಧನಾತ್ ॥ 13 ॥
ಸರ್ವೈರಪಿಸಮಾಗಮ್ಯಸರ್ಷಿಸಙ್ಘೈಸ್ಸುರಾಸುರೈಃ ।
ಯತ್ಕೃತೇಚಿನ್ತಯಾನಸ್ಯಶೋಕಾರ್ತಸ್ಯಪಿತುರ್ಮಮ ॥ 14 ॥
ಅಸ್ಪೃಷ್ಟವಾಶಯನಙ್ಗಾತ್ರೈಸ್ತ್ರಿಯಾಮಾಯಾತಿಶರ್ವರೀ ।
ತ್ಸ್ನೇಯಂಯತ್ಕೃತೇಲಙ್ಕಾನದೀವರ್ಷಾಸ್ವಿವಾಕುಲಾ ॥ 15 ॥
ಸೋಽಯಮ್ಮೂಲಹರೋಽನರ್ಥಃಸರ್ವೇಷಾನ್ನಿಹತೋಮಯಾ ।
ರಾಮಸ್ಯಲಕ್ಷ್ಮಣಸ್ಯೈವಸರ್ವೇಷಾಞ್ಚವನೌಕಸಾಮ್ ।
ವಿಕ್ರಮಾನಿಷ್ಫಲಾಃಸರ್ವೇಯಥಾಶರದಿತೋಯದಾಃ ॥ 16 ॥
ಏವಮುಕ್ತ್ವಾತುತಾನ್ ಸರ್ವಾನ್ರಾಕ್ಷಸಾನ್ಪರಿಪಾರ್ಶ್ವತಃ ॥ 17 ॥
ಯೂಥಪಾನಪಿತಾನ್ಸರ್ವಾಂಸ್ತಾಡಯಾಮಾಸರಾವಣಿಃ ।
ನೀಲನ್ನವಭಿರಾಹತ್ಯಮೈನ್ದಞ್ಚದ್ವಿವಿದನ್ತಥಾ ॥ 18 ॥
ತ್ರಿಭಿಸ್ತ್ರಿಭಿರಮಿತ್ರಘ್ನಸ್ತತಾಪಪ್ರವರೇಷುಭಿಃ ।
ಜಾಮ್ಬವನ್ತಮ್ಮಹೇಷ್ವಾಸೋವಿದ್ ಧ್ವಾಬಾಣೇನವಕ್ಷಸಿ ॥ 19 ॥
ಹನೂಮತೋವೇಗವತೋವಿಸಸರ್ಜಶರಾನ್ದಶ ।
ಗವಾಕ್ಷಂಶರಭಞ್ಚೈವದ್ವಾವಪ್ಯಮಿತತೇಜಸೌ ॥ 20 ॥
ದ್ವಾಭ್ಯಾನ್ದ್ವಾಭ್ಯಾಮ್ಮಹಾವೇಗೋವಿವ್ಯಾಧಯುಧಿರಾವಣಿಃ ।
ಗೋಲಾಙ್ಗೂಲೇಶ್ವರಞ್ಚೈವವಾಲಿಪುತ್ರಮಥಾಙ್ಗದಮ್ ॥ 21 ॥
ವಿವ್ಯಾಧಬಹುಭಿರ್ಬಾಣೈಸ್ತ್ವರಮಾಣೋಽಥರಾವಣಿಃ ।
ತಾನ್ವಾನರವರಾನ್ಭಿತ್ತ್ವಾಶರೈರಗ್ನಿಶಿಖೋಪಮೈಃ ॥ 22 ॥
ನನಾದಬಲವಾಂಸ್ತತ್ರಮಹಾಸತ್ತ್ವಸ್ಸರಾವಣಿಃ ।
ತಾನರ್ಧಯಿತ್ವಾಬಾಣೌಘೈಸ್ತ್ರಾಸಯಿತ್ವಾಚವಾನರಾನ್ ॥ 23 ॥
ಪ್ರಜಹಾಸಮಹಾಬಾಹುರ್ವಚನಞ್ಚೇದಮಬ್ರವೀತ್ ।
ಶರಶಬ್ದೇನಘೋರೇಣಮಯಾಬದ್ಧೌಚಮೂಮುಖೇ ॥ 24 ॥
ಸಹಿತೌಭ್ರಾತರವೇತೌನಿಶಾಮಯತರಾಕ್ಷಸಾಃ ।
ಏವಮುಕ್ತಾಸ್ತುತೇಸರ್ವೇರಾಕ್ಷಸಾಃಕೂಟಯೋಧಿನಃ ॥ 25 ॥
ಪರಂವಿಸ್ಮಯಾಮಾಜಗ್ಮುಃಕರ್ಮಣಾತೇನಹರ್ಷಿತಾಃ ।
ವಿನೇದುಶ್ಚಮಹಾನಾದಾನ್ ಸರ್ವೇತೇಜಲದೋಪಮಾಃ ॥ 26 ॥
ಹತೋ ರಾಮ;ಇತಿ ಜ್ನಾತ್ವಾ ರಾವಣಿಂ ಸಮಪೂಜಯನ್ ।
ನಿಷ್ಪನ್ದೌ ತು ತದಾ ದೃಷ್ಟ್ವಾ ತಾವ್ ಉಭೌ ರಾಮ ಲಕ್ಷ್ಮಣೌ ॥ 27 ॥
ವಸುಧಾಯಾಂ ನಿರುಚ್ಚ್ವಾಸೌ ಹತಾವ್ ಇತ್ಯ್ ಅನ್ವಮನ್ಯತ ।
ಹರ್ಷೇಣ ತು ಸಮಾವಿಷ್ಟ;ಇನ್ದ್ರಜಿತ್ ಸಮಿತಿಂ ಜಯಃ ॥ 28 ॥
ಪ್ರವಿವೇಶಪುರೀಂಲಙ್ಕಾಂಹರ್ಷಯನ್ ಸರ್ವನೈರ್ವೃತಾನ್ ।
ರಾಮಲಕ್ಷ್ಮಣಯೋರ್ದೃಷ್ಟವಾಶರೀರೇಸಾಯಕೈಶ್ಚಿತೇ ॥ 29 ॥
ಸರ್ವಾಣಿಚಾಙ್ಗೋಪಾಙ್ಗಾನಿಸುಗ್ರೀವಮ್ಭಯಮಾವಿಶತ್ ।
ಪರ್ಯವಸ್ಥಾಪಯಾತ್ಮಾನಮನಾಥಮ್ಮಾಞ್ಚವಾನರ ॥ 30 ॥
ಸತ್ಯಧರ್ಮಾಭಿರಕ್ತಾನಾನ್ನಾಸ್ತಿಮೃತ್ಯುಕೃತಮ್ಭಯಮ್ ।
ಏವಮುಕ್ತ್ವಾತತಸ್ತಸ್ಯಜಲಕ್ಲನ್ನೇನಪಾಣಿನಾ ॥ 31 ॥
ಸುಗ್ರೀವಸ್ಯಶುಭೇನೇತ್ರೇಪ್ರಮಮಾರ್ಜವಿಭೀಷಣಃ ।
ತತಸ್ಸಲಿಲಮಾದಾಯವಿದ್ಯಯಾಪರಿಜಪ್ಯಚ ॥ 32 ॥
ಸುಗ್ರೀವನೇತ್ರೇಧರ್ಮಾತ್ಮಾಸಮಮಾರ್ಜವಿಭೀಷಣಃ ।
ವಿಮೃಜ್ಯವದನನ್ತಸ್ಯಕಪಿರಾಜಸ್ಯಧೀಮತಃ ॥ 33 ॥
ಅಬ್ರವೀತ್ಕಾಲಸಮ್ಪ್ರಾಪ್ತಸಮ್ಭ್ರಾನ್ತಮಿದಂವಚಃ ।
ನಕಾಲಃಕಪಿರಾಜೇನ್ದ್ರವೈಕ್ಲಬ್ಯಮವಲಮ್ಬಿತುಮ್ ॥ 34 ॥
ಅತಿಸ್ನೇಹೋಽಪ್ಯಕಾಲೇಽಸ್ಮಿನ್ಮರಣಾಯೋಪಕಲ್ಪತೇ ।
ತಸ್ಮಾದುತ್ಸೃಜ್ಯವೈಕ್ಲಬ್ಯಂಸರ್ವಕಾರ್ಯವಿನಾಶನಮ್ ॥ 35 ॥
ಹಿತಂರಾಮಪುರೋಗಣಾಂಸೈನ್ಯಾನಾನುಚಿನ್ತ್ಯತಾಮ್ ।
ಅಥವಾರಕ್ಷ್ಯತಾಂರಾಮೋಯಾವತ್ಸಞ್ಜ್ಞಾವಿಪರ್ಯಯಃ ॥ 36 ॥
ಲಬ್ಧಸಞ್ಜ್ಞೌಹಿಕಾಕುತ್ಸ್ಥೌಭಯನ್ನೌವ್ಯಪನೇಷ್ಯತಃ ।
ನೈತತ್ಕಿಞ್ಚನರಾಮಸ್ಯನಚರಾಮೋಮುಮೂರ್ಷತಿ ॥ 37 ॥
ನಹ್ಯೇನಂಹಾಸ್ಯತೇಲಕ್ಷ್ಮೀದ್ದುರ್ಲಭಾಯಾಗತಾಯುಷಾಮ್ ।
ತಸ್ಮಾದಾಶ್ವಾಸಯಾತ್ಮಾನಮ್ಬಲಞ್ಚಾಶ್ವಾಸಯಸ್ವಕಮ್ ॥ 38 ॥
ಯಾವತ್ಕಾರ್ಯಾಣಿಸರ್ವಾಣಿಪುನಃಸಂಸ್ಥಾಪಯಾಮ್ಯಹಮ್ ।
ಏತೇಹಿಫುಲ್ಲನಯನಾಸ್ತ್ರಾಸಾದಾಗತಸಾಧ್ವಸಾಃ ॥ 39 ॥
ಕರ್ಣೇಕರ್ಣೇಪ್ರಕಥಿತಾಹರಯೋಹರಿಸತ್ತಮ ।
ಮಾನ್ತುದೃಷ್ಟವಾಪ್ರಧಾವನ್ತಮನೀಕಂಸಮ್ಪ್ರಹರ್ಷಿತುಮ್ ॥ 40 ॥
ತ್ಯಜಸ್ತುಹರಯಸ್ತ್ರಾಸಮ್ಭುಕ್ತಪೂರ್ವಾಮಿವಸ್ರಜಮ್ ।
ಸಮಾಶ್ವಾಸ್ಯತುಸುಗ್ರೀವಂರಾಕ್ಷಸೇನ್ದ್ರೋವಿಭೀಷಣಃ ॥ 41 ॥
ವಿದ್ರುತಂವಾನರಾನೀಕನ್ತತ್ಸಮಾಶ್ವಾಸಯತ್ಪುನಃ ।
ಇನ್ದ್ರಜಿತ್ತುಮಹಾಮಾಯಃಸರ್ವಸೈನ್ಯಸಮಾವೃತಃ ॥ 42 ॥
ಕರ್ಣೇ ಕರ್ಣೇ ಪ್ರಕಥಿತಾ ಹರಯೋ ಹರಿ ಪುಮ್ಗವ ।
ಮಾಂ ತು ದೃಷ್ಟ್ವಾ ಪ್ರಧಾವನ್ತಂ ಅನೀಕಂ ಸಮ್ಪ್ರಹರ್ಷಿತುಮ್ ॥ 43 ॥
ಆಚಚಕ್ಷೇಪ್ರಿಯಮ್ಪಿತ್ರೇನಿಹತೌರಾಮಲಕ್ಷ್ಮಣೌ ।
ಉತ್ಪಪಾತತತೋಹೃಷ್ಟಃಪುತ್ರಞ್ಚಪರಿಷಸ್ವಜೇ ॥ 44 ॥
ರಾವಣೋರಕ್ಷಸಾಮ್ಮಧ್ಯೇಶ್ರುತ್ವಾಶತ್ರೂನಿಪಾತಿತೌ ।
ಉಪಾಘ್ರಾಯಚತಮ್ಮೂದ್ ರ್ನೇನಮ್ಪಪ್ರಚ್ಛಪ್ರೀತಮಾನಸಃ ॥ 45 ॥
ಪೃಚ್ಛತೇಚಯಥಾವೃತ್ತಮ್ಪಿತ್ರೇತಸ್ಮೈಸರ್ವನ್ನ್ಯವೇದಯತ್ ।
ಯಥಾತೌಶರಬನ್ಧೇನನಿಶ್ಚೇಷ್ಟೌನಿಷ್ಪ್ರಭೌಕೃತೌ ॥ 46 ॥
ಸಹರ್ಷವೇಗಾನುಗತಾನ್ತರಾತ್ಮಾಶ್ರುತ್ವಾವಚಸ್ತಸ್ಯಮಹಾರಥಸ್ಯ ।
ಜಹೌಜ್ವರನ್ದಾಶರಥೇಃಸಮುತ್ಥಿತಮ್ಪ್ರಹೃಷ್ಯವಾಚಾಽಭಿನನನ್ದಪುತ್ರಮ್ ॥ 47 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಷಟ್ಚತ್ವಾರಿಂಶಸ್ಸರ್ಗಃ ॥
