ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಷಡಧಿಕಶತತಮಸ್ಸರ್ಗಃ ।
ಸತುಮೋಹಾತ್ಸುಸಙ್ಕ್ರುದ್ಧಃಕೃತಾನ್ತಬಲಚೋದಿತಃ ।
ಕ್ರೋಧಸಂರಕ್ತನಯನೋರಾವಣಂಸೂತಮಬ್ರವೀತ್ ॥ 1 ॥
ಹೀನವೀರ್ಯಮಿವಾಶಕ್ತಮ್ಪೌರುಷೇಣವಿವರ್ಜಿತಮ್ ।
ಭೀರುಂಲಘುಮಿವಾಸತ್ತ್ವಂವಿಹೀನಮಿವತೇಜಸಾ ॥ 2 ॥
ವಿಮುಕ್ತಮಿವಮಾಯಾಭಿರಸ್ತ್ರೈರಿವಬಹಿಷ್ಕೃತಮ್ ।
ಮಾಮವಜ್ಞಾಯದುರ್ಬುದ್ಧೇಸ್ವಯಾಬುದ್ಧ್ಯಾವಿಚೇಷ್ಟಸೇ ॥ 3 ॥
ಕಿಮರ್ಥಮ್ಮಾಮವಜ್ಞಾಯಮಚ್ಛನ್ದಮನವೇಕ್ಷ್ಯ ಚ ।
ತ್ವಯಾಶತ್ರುಸಮಕ್ಷಮ್ಮೇರಥೋಽಯಮಪವಾಹಿತಃ ॥ 4 ॥
ತ್ವಯಾದ್ಯಹಿಮಮಾನಾರ್ಯ ಚಿರಕಾಲಸಮಾರ್ಜಿತಮ್ ।
ಯಶೋವೀರ್ಯಂ ಚ ತೇಜಶ್ಚಪ್ರತ್ಯಯಶ್ಚವಿನಾಶಿತಃ ॥ 5 ॥
ಪ್ರಖ್ಯಾತವೀರ್ಯಸ್ಯರಞ್ಜನೀಯಸ್ಯವಿಕ್ರಮೈಃ ।
ಪಶ್ಯತೋಯುದ್ಧಲುಬ್ಧೋಽಹಙ್ಕೃತಙ್ಕಾಪುರುಷಸ್ತ್ವಯಾ ॥ 6 ॥
ಯಸ್ತ್ವಂರಥಮಿದಮ್ಮೋಹಾನ್ನಚೇದ್ವಹಸಿದುರ್ಮತೇ ।
ಸತ್ಯೋಽಪ್ರತಿತರ್ಕೋಮೇಪರೇಣತ್ವಮುಪಸ್ಕೃತಃ ॥ 7 ॥
ನ ಹಿತದ್ವಿದ್ಯತೇಕರ್ಮಸುಹೃದೋಹಿತಕಾಙ್ಕ್ಷಿಣಃ ।
ರಿಪೂಣಾಂಸದೃಶನ್ತ್ವೇತದ್ಯತತ್ತ್ವಯೈತದನುಷ್ಠಿತಮ್ ॥ 8 ॥
ನಿವರ್ತಯರಥಂಶೀಘ್ರಂಯಾವನ್ನಾಪೈತಿಮೇರಿಪುಃ ।
ಯದಿವಾಧ್ಯುಷಿತೋಽಸಿತ್ವಂಸ್ಮರ್ಯತೇಯದಿಮೇಗುಣಃ ॥ 9 ॥
ಏವಮ್ಪುರುಷಮುಕ್ತಸ್ತುಹಿತಬುದ್ಧಿಬುದ್ಧಿನಾ ।
ಅಬ್ರವೀದ್ರಾವಣಂಸೂತೋಹಿತಂಸಾನುನಯಂವಚಃ ॥ 10 ॥
ನ ಭೀತೋಽಸ್ಮಿ ನ ಮೂಢೋಽಸ್ಮಿನೋಪಜಪ್ತೋಽಸ್ಮಿಶತ್ರುಭಿಃ ।
ನ ಪ್ರಮತ್ತೋ ನ ನಿಃಸ್ನೇಹೋವಿಸ್ಮೃತಾ ನ ಚ ಸತ್ಕ್ರಿಯಾ ॥ 11 ॥
ಮಯಾತುಹಿತಕಾಮೇವಯಶಶ್ಚಪರಿರಕ್ಷತಾ ।
ಸ್ನೇಹಪ್ರಸನ್ನಮನಸಾಹಿತಮಿತ್ಯಪ್ರಿಯಙ್ಕೃತಮ್ ॥ 12 ॥
ನಾಸ್ಮಿನ್ನರ್ಥೇಮಹಾರಾಜ ತ್ವಮ್ಮಾಮ್ಪ್ರಿಯಹಿತೇರತಮ್ ।
ಕಶ್ಚಿಲ್ಲಘುರಿವಾನಾರ್ಯೋದೋಷತೋಗನ್ತುಮರ್ಹಸಿ ॥ 13 ॥
ಪರಿತುಷ್ಟಃ ಸ ರಾಮಸ್ಯ ತೇನ ವಾಕ್ಯೇನ ಮಾತಲಿಃ ।
ಪ್ರಚೋದಯಾಮಾಸ ರಥನ್ ಸುರಸಾರಥಿಸತ್ತಮಃ ॥ 14 ॥
ಶ್ರಮನ್ತವಾವಗಚ್ಛಾಮಿಮಹತಾರಣಕರ್ಮಣಾ ।
ನ ಹಿತೇವೀರ್ಯಸೌಮುಖ್ಯಮ್ಪ್ರಕರ್ಷಂವೋಪಧಾರಯೇ ॥ 15 ॥
ರಥೋದ್ವಹನಖಿನ್ನಾಶ್ಚಭಗ್ನಾಮೇರಥವಾಜಿನಃ ।
ದೀನಾಘರ್ಮಪರಿಶ್ರಾನ್ತಾಗಾವೋವರ್ಷಹತಾಇವ ॥ 16 ॥
ನಿಮಿತ್ತಾನಿ ಚ ಭೂಯಿಷ್ಠಂಯಾನಿಪ್ರಾದುರ್ಭವನ್ತಿನಃ ।
ತೇಷುತೇಷ್ವಭಿಪನ್ನೇಷುಲಕ್ಷ್ಯಾಮ್ಯಪ್ರದಕ್ಷಿಣಮ್ ॥ 17 ॥
ದೇಶಕಾಲೌ ಚ ವಿಜ್ಞೇಯೌಲಕ್ಷಣಾನೀಙ್ಗಿತಾನಿ ಚ ।
ದೈನ್ಯಂಹರ್ಷಶ್ಚಖೇದಶ್ಚರಥಿನಶ್ಚಬಲಾಬಲಮ್ ॥ 18 ॥
ಸ್ಥಲನಿಮ್ನಾನಿಭೂಮೇಶ್ಚಸಮಾನಿವಿಷಮಾಣಿ ಚ ।
ಯುದ್ಧಕಾಲಶ್ಚವಿಜ್ಞೇಯಃಪರಸ್ಯಾನ್ತರದರ್ಶನಮ್ ॥ 19 ॥
ಉಪಯಾನಾಪಯಾನೇ ಚ ಸ್ಥಾನಮ್ಪ್ರತ್ಯಪಸರ್ಪಣಮ್ ।
ಸರ್ವಮೇತದ್ರಥಸ್ಥೇನಜ್ಞೇಯಂರಥಕುಟುಮ್ಭಿನಾ ॥ 20 ॥
ತವವಿಶ್ರಾಮಹೇತೋಸ್ತುತಥೈಷಾಂರಥವಾಜಿನಾಮ್ ।
ರೌದ್ರಂವರ್ಜಯತಾಖೇದಙ್ಕ್ಷಮಙ್ಕೃತಮಿದಮ್ಮಯಾ ॥ 21 ॥
ಸ್ವೇಚ್ಛಯಾನ ಮಯಾವೀರರಥೋಽಯಮಪವಾಹಿತಃ ।
ಭರ್ತೃಸ್ನೇಹಪರೀತೇನಮಯೇದಂಯತ್ಕೃತಮ್ಪ್ರಭೋ ॥ 22 ॥
ಆಜ್ಞಾಪಯಯಥಾತತ್ತ್ವಂವಕ್ಷ್ಯಸ್ಯರಿನಿಷೂದನ ।
ತತ್ಕರಿಷ್ಯಾಮ್ಯಹಂವೀರಗತಾನೃಣ್ಯೇನಚೇತಸಾ ॥ 23 ॥
ಸನ್ತುಷ್ಟಸ್ತೇನವಾಕ್ಯೇನರಾವಣಸ್ತಸ್ಯಸಾರಥೇಃ ।
ಪ್ರಶಸ್ಯೈನಮ್ಬಹುವಿಧಂಯುದ್ಧಲುಬ್ಧೋಽಬ್ರವೀದಿದಮ್ ॥ 24 ॥
ರಥಂಶೀಘ್ರಮಿದಂಸೂತರಾಘವಾಭಿಮುಖನ್ನಯ ।
ನಾಹತ್ವಾಸಮರೇಶತ್ರೂನ್ನಿವರ್ತಿಷ್ಯತಿರಾವಣಃ ॥ 25 ॥
ಏವಮುಕ್ತ್ವಾತತಸ್ತುಷ್ಟೋರಾವಣೋರಾಕ್ಷಸೇಶ್ವರಃ ।
ದದೌತಸ್ಯಶುಭಂಹ್ಯೇಕಂಹಸ್ತಾಭರಣಮುತ್ತಮಮ್ ॥ 26 ॥
ಶ್ರುತ್ವಾರಾವಣವಾಕ್ಯಾನಿಸಾರಥಿಸ್ಸನ್ಯವರ್ತತ ।
ತತೋದ್ರುತಂರಾವಣವಾಕ್ಯಚೋದಿತಃಪ್ರಚೋದಯಾಮಾಸಹಯಾನ್ಸಸಾರಥಿಃ ।
ಸ ರಾಕ್ಷಸೇನ್ದ್ರಸ್ಯ ತತೋ ಮಹಾರಥಃಕ್ಷಣೇನರಾಮಸ್ಯರಥಾಗ್ರತೋಽಭವತ್ ॥ 27 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಷಡಧಿಕಶತತಮಸ್ಸರ್ಗಃ ॥
