ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಷಣ್ಣವತಿತಮಸ್ಸರ್ಗಃ ।
ಆರ್ತಾನಾಂರಾಕ್ಷಸೀನಾನ್ತುಲಙ್ಕಾಯಾಂವೈಕುಲೇಕುಲೇ ।
ರಾವಣಃಕರುಣಂಶಬ್ದಂಶುಶ್ರಾವಪರಿದೇವಿತಮ್ ॥ 1 ॥
ಸ ತುದೀರ್ಘಂವಿನಿಃಶ್ವಸ್ಯಮುಹೂರ್ತನ್ಧ್ಯಾನಮಾಸ್ಥಿತಃ ।
ಬಭೂವಪರಮಕ್ರುದ್ಧೋರಾವಣೋಭೀಮದರ್ಶನಃ ॥ 2 ॥
ಸನ್ದಶ್ಯದಶನೈರೋಷ್ಠಙ್ಕ್ರೋಧಸಮ್ರಕ್ತಲೋಚನಃ ।
ರಾಕ್ಷಸೈರಪಿದುರ್ದರ್ಶಃಕಾಲಾಗ್ನಿರಿವಮೂರ್ಛಿತಃ ॥ 3 ॥
ಉವಾಚ ಚ ಸಮೀಪಸ್ಥಾನ್ರಾಕ್ಷಸಾನ್ರಾಕ್ಷಸೇಶ್ವರಃ ।
ಕ್ರೋಧಾವ್ಯಕ್ತಕಥಸ್ತತ್ರನಿರ್ದಹನ್ನಿವಚಕ್ಷುಷಾ ॥ 4 ॥
ಮಹೋದರಮ್ಮಹಾಪಾರ್ಶ್ವಂವಿರೂಪಾಕ್ಷಂ ಚ ರಾಕ್ಷಸಮ್ ।
ಶೀಘ್ರಂವದತಸೈನ್ಯಾನಿನಿರ್ಯಾತೇತಿಮಮಾಜ್ಞಯಾ ॥ 5 ॥
ತಸ್ಯತದ್ವಚನಂಶ್ರುತ್ವಾರಾಕ್ಷಸಾಸ್ತೇಭಯಾರ್ದಿತಾಃ ।
ಚೋದಯಾಮಾಸುರವ್ಯಗ್ರಾನ್ರಾಕ್ಷಸಾಂಸ್ತಾನ್ನೃಪಾಜ್ಞಯಾ ॥ 6 ॥
ತೇತುಸರ್ವೇತಥೇತ್ಯುಕ್ತ್ವಾರಾಕ್ಷಸಾಭೀಮದರ್ಶನಾಃ ।
ಕೃತಸ್ವಸ್ತ್ವಯನಾಃಸರ್ವೇತೇರಣಾಭಿಮುಖಾಯಯುಃ ॥ 7 ॥
ಪ್ರತಿಪೂಜ್ಯಯಥಾನ್ಯಾಯಂರಾವಣನ್ತೇಮಹಾರಥಾಃ ।
ತಸ್ಥುಃಪ್ರಾಞ್ಜಲಯಃಸರ್ವೇಭರ್ತುರ್ವಿಜಯಕಾಙ್ಕ್ಷಿಣಃ ॥ 8 ॥
ಅಥೋವಾಚಪ್ರಹಸ್ಯೈತಾನ್ರಾವಣಃಕ್ರೋಧಮೂರ್ಛಿತಃ ।
ಮಹೋದರಮಹಾಪಾರ್ಶ್ವೌವಿರೂಪಾಕ್ಷಂ ಚ ರಾಕ್ಷಸಮ್ ॥ 9 ॥
ಅದ್ಯಬಾಣೈರ್ಧನುರ್ಮುಕ್ಸ್ಸೈರ್ಯುಗಾನ್ತಾದಿತ್ಯಸನ್ನಿಭೈಃ ।
ರಾಘವಂಲಕ್ಷ್ಮಣಞ್ಚೈವನೇಷ್ಯಾಮಿಯಮಸಾದನಮ್ ॥ 10 ॥
ಖರಸ್ಯಕುಮ್ಭಕರ್ಣಸ್ಯಪ್ರಹಸೇನ್ದ್ರಜಿತೋಸ್ತಥಾ ।
ಕರಿಷ್ಯಾಮಿಪ್ರತೀಕಾರಮದ್ಯಶತ್ರುವಧಾದಹಮ್ ॥ 11 ॥
ನೈವಾನ್ತರಿಕ್ಷಂ ನ ದಿಶೋ ನ ನದ್ಯೌರ್ನಾಪಿಸಾಗರಾಃ ।
ಪ್ರಕಾಶತ್ವಙ್ಗಮಿಷ್ಯನ್ತಿಮದ್ಬಾಣಜಲದಾವೃತಾಃ ॥ 12 ॥
ಅದ್ಯವಾನರಮುಖ್ಯಾನಾನ್ತಾನಿಯೂಥಾನಿಭಾಗಶಃ ।
ಧನುಷಾಶರಜಾಲೇನವಧಿಷ್ಯಾಮಿಪತತ್ರಿಣಾ ॥ 13 ॥
ಅದ್ಯವಾನರಸೈನ್ಯಾನಿರಥೇನಪವನೌಜಸಾ ।
ಧನುಸ್ಸಮುದ್ರಾದುದ್ಭೂತೈರ್ಮಥಿಷ್ಯಾಮಿಶರೋರ್ಮಿಭಿಃ ॥ 14 ॥
ವ್ಯಾಕೋಶಪದ್ಮವಕ್ತ್ರಾಣಿಪದ್ಮಕೇಸರವರ್ಚಸಾಮ್ ।
ಅದ್ಯಯೂಥತಟಾಕಾನಿಗಜವತ್ಪ್ರಮಥಾಮ್ಯಹಮ್ ॥ 15 ॥
ಸಶರೈರದ್ಯವದನೈಸ್ಸಙ್ಖ್ಯೇವಾನರಯೂಥಪಾಃ ।
ಮಣ್ಡಯಿಷ್ಯನ್ತಿವಸುಧಾಂಸನಾಲೈರಿವಪಙ್ಕಜೈಃ ॥ 16 ॥
ಅದ್ಯಯೂಥಪ್ರಚಣ್ಡಾನಾಂಹರೀಣಾನ್ದ್ರುಮಯೋಧಿನಾಮ್ ।
ಮುಕ್ತೇನೈಕೇಷುಣಾಯುದ್ಧೇಭೇತ್ಸ್ಯಾಮಿ ಚ ಶತಂಶತಮ್ ॥ 17 ॥
ಹತೋಭರ್ತಾಹತೋಭ್ರಾತಾಯಾಸಾಂ ಚ ಚತನಯೋಹತಃ ।
ವಧೇನಾದ್ಯರಿಪೋಸ್ತಾಸಾಙ್ಕರೋಮ್ಯಶ್ರುಪ್ರಮಾರ್ಜನಮ್ ॥ 18 ॥
ಅದ್ಯಮದ್ಭಾಣನಿರ್ಭಿನ್ನೈಃಪ್ರಕೀರ್ಣೈರ್ಗತಚೇತನೈಃ ।
ಕರೋಮಿವಾನರೈರ್ಯುದ್ಧೇಯತ್ನಾವೇಕ್ಷ್ಯತಲಾಮ್ಮಹೀಮ್ ॥ 19 ॥
ಅದ್ಯಗೋಮಯವೋಗೃಧ್ರಾಶ್ಚಯೇ ಚ ಮಾಂಸಾಶಿನೋಽಪರೇ ।
ಸರ್ವಾಂಸ್ತಾಂಸ್ತರ್ಪಯಿಷ್ಯಾಮಿಶತ್ರುಮಾಂಸೈಶ್ಶರಾರ್ದಿತೈಃ ॥ 20 ॥
ಕಲ್ಪ್ಯತಾಮ್ಮೇರಥಂಶೀಘ್ರಙ್ಕ್ಷಿಪ್ರಮಾನೀಯತಾನ್ಧನುಃ ।
ಅನುಪ್ರಯಾನ್ತುಮಾಂಯುದ್ಧೇಯೇಽತ್ರಶಿಷ್ಟಾನಿಶಾಚರಾಃ ॥ 21 ॥
ತಸ್ಯತದ್ವಚನಂಶ್ರುತ್ವಾಮಹಾಪಾರ್ಶ್ವೋಽಬ್ರವೀದ್ವಚಃ ।
ಬಲಾಧ್ಯಕ್ಷಾನ್ ಸ್ಥಿಥಾಂಸ್ತತ್ರಬಲಂಸನ್ತ್ವರ್ಯತಾಮಿತಿ ॥ 22 ॥
ಬಲಾಧ್ಯಕ್ಷಾಸ್ತುಸಮ್ರಬ್ದಾರಾಕ್ಷಸಾಂಸ್ತಾನ್ ಗೃಹೇಗೃಹೇ ।
ಚೋದಯನ್ತಃಪರಿಯಯುರ್ಲಙ್ಕಾಂಲಘುಪರಾಕ್ರಮಾಃ ॥ 23 ॥
ತತೋಮುಹೂರ್ತಾನ್ನಿಷ್ಪೇತೂರಾಕ್ಷಸಾಭೀಮದರ್ಶನಾಃ ।
ನದನ್ತೋಭೀಮವದನಾನಾನಾಪ್ರಹರಣೈರ್ಭುಜೈಃ ॥ 24 ॥
ಅಸಿಭಿಃಪಟ್ಟಸೈಃ ಶೂಲೈರ್ಗದಾಭಿರ್ಮುಸಲೈರ್ಹಲೈಃ ।
ಶಕ್ತಿಭಿಸ್ತೀಕ್ಷ್ಣಧಾರಾಭಿರ್ಮಹದ್ಭಿಃ ಕೂಟಮುದ್ಗರೈಃ ॥ 25 ॥
ಯಷ್ಟಿಭಿರ್ವಿಮಲೈಶ್ಚಕ್ರೈರ್ನಿಶಿತೈಶ್ಚಪರಶ್ವಥೈಃ ।
ಭಿನ್ದಿಪಾಲೈಃಶತಘ್ನೀಭಿರನ್ಯೈಶ್ಚಾಪಿವರಾಯುಧೈಃ ॥ 26 ॥
ಅಥಾನಯದ್ಬಲಾಧ್ಯಕ್ಷಸ್ಸತ್ವರೋರಾವಣಾಜ್ಞಯಾ ।
ದ್ರುತಂಸೂತಸಮಾಯುಕ್ತಂಯುಕ್ತಾಷ್ಟತುರಗಂರಥಮ್ ।
ಆರುರೋಹತದಾಭೀಮೋದೀಪ್ಯಮಾನಂಸ್ವತೇಜಸಾ ॥ 27 ॥
ತತಃಪ್ರಯಾತಸ್ಸಹಸಾರಾಕ್ಷಸೈರ್ಭಹುಭಿರ್ವೃತಃ ॥ 28 ॥
ರಾವಣಃಸತ್ತ್ವಗಾಮ್ಭೀರ್ಯಾದ್ದಾರಯನ್ನಿವಮೇದಿನೀಮ್ ।
ರಾವಣೇನಾಭ್ಯನುಜ್ಞಾತೌಮಹಾಪಾರ್ಶ್ವಮಹೋದರೌ ।
ವಿರೂಪಾಕ್ಷಶ್ಚದುರ್ಧರ್ಷೋರಥಾನಾರುರುಹುಸ್ತದಾ ॥ 29 ॥
ಮೋಕ್ಷಿತನ್ ಚಾತ್ಮನೋ ದೃಷ್ಟ್ವಾ ಪ್ರಹಾರಂ ತೇನ ರಕ್ಷಸಾ ।
ಸ ದದರ್ಶಾನ್ತರನ್ ತಸ್ಯ ವಿರೂಪಾಕ್ಷಸ್ಯ ವಾನರಃ ॥ 30 ॥
ತತೋಯುದ್ಧಾಯತೇಜಸ್ವೀರಕ್ಷೋಗಣಬಲೈರ್ವೃತಃ ।
ನಿರ್ಯಯಾವುದ್ಯತಧನುಃಕಾಲಾನ್ತಕಯಮೋಪಮಃ ॥ 31 ॥
ತತಃಪ್ರಜವಿತಾಶ್ವೇನರಥೇನ ಸ ಮಹಾರಥಃ ।
ದ್ವಾರೇಣನಿರ್ಯಯೌತೇನಯತ್ರತೌರಾಮಲಕ್ಷ್ಮಣೌ ॥ 32 ॥
ತತೋನಷ್ಟಪ್ರಭಃಸೂರ್ಯೋದಿಶಶ್ಚತಿಮಿರಾವೃತಾಃ ।
ದ್ವಿಜಾಶ್ಚನೇದುರ್ಘೋರಾಶ್ಚಸಞ್ಚಚಾಲ ಚ ಮೇದಿನೀ ॥ 33 ॥
ವವರ್ಷರುಧಿರನ್ದೇವಶ್ಚಸ್ಖಲುಶ್ಚತುರಙ್ಗಮಾಃ ।
ಧ್ವಜಾಗ್ರೇನ್ಯಪತದ್ಗೃಧ್ರೋವಿನೇದುಶ್ಚಾಶಿವಾಃಶಿವಾಃ ॥ 34 ॥
ನಯನಞ್ಚಾಸ್ಫುರದ್ವಾಮಂವಾಮೋಬಾಹುರಕಮ್ಪತ ।
ವಿವರ್ಣವದನಶ್ಸಾಕತಿಞ್ಚಿದಭ್ರಶ್ಯತಸ್ವನಃ ॥ 35 ॥
ತತೋನಿಷ್ಪತತೋಯುದ್ಧೇದಶಗ್ರೀವಸ್ಯರಕ್ಷಸಃ ।
ರಣೇನಿಧನಶಂಸೀನಿರೂಪಾಣ್ಯೇತಾನಿಜಜ್ಞಿರೇ ॥ 36 ॥
ಅನ್ತರಿಕ್ಷಾತ್ಪಪಾತೋಲ್ಕಾನಿರಾಘತಸಮನಿರ್ಘಾಸ್ವನಾ ।
ವಿನೇದುರಶಿವಾಗೃಧ್ರಾವಾಯಸೈರಭಿಮಿಶ್ರಿತಾಃ ॥ 37 ॥
ಏತಾನಚಿನ್ತಯನ್ಘೋರಾನುತ್ಪಾತಾನ್ಸಮವಸ್ಥಿತಾನ್ ।
ನಿರ್ಯಯೌರಾವಣೋಮೋಹಾದ್ವಧಾರ್ಥಙ್ಕಾಲಚೋದಿತಃ ॥ 38 ॥
ತೇಷಾನ್ತುರಥಘೋಷೇಣರಾಕ್ಷಸಾನಾಮ್ಮಹಾತ್ಮನಾಮ್ ।
ವಾನರಾಣಾಮಪಿಚಮೂರ್ಯುದ್ಧಾಯೈವಾಭ್ಯವರ್ತತ ॥ 39 ॥
ತೇಷಾನ್ತುತುಮುಲಂಯುದ್ಧಮ್ಬಭೂವಕಪಿರಕ್ಷಸಾಮ್ ।
ಅನ್ಯೋನ್ಯಮಾಹ್ವಯಾನಾನಾಙ್ಕ್ರುದ್ಧಾನಾಞ್ಜಯಮಿಚ್ಛತಾಮ್ ॥ 40 ॥
ತತಃಕ್ರುದ್ಧೋದಶಗ್ರೀವಶ್ಶರೈಃಕಾಞ್ಚನಭೂಷಣೈಃ ।
ವಾನರಾಣಾಮನೀಕೇಷುಚಕಾರಕದನಮ್ಮಹತ್ ॥ 41 ॥
ವಿಕೃತ್ತಶಿರಸಃಕೇಚಿದ್ರಾವಣೇನವಲೀಮುಖಾಃ ।
ಕೇಚಿದ್ವಿಚ್ಛಿನ್ನಹೃದಯಾಃಕೇಚಿಚ್ಛ್ರೋತ್ರವಿವರ್ಜಿತಾಃ ॥ 42 ॥
ನಿರುಚ್ಛವಾಸಾಹತಾಃಕೇಚಿತ್ಕೇಚಿತ್ಪಾರ್ಶ್ವೇಷುದಾರಿತಾಃ ।
ಕೇಚಿದ್ವಿಭಿನ್ನಶಿರಸಃಕೇಚಿಚ್ಚಕ್ಷುರ್ವಿನಾಕೃತಾಃ ॥ 43 ॥
ದಶಾನನಃಕ್ರೋಧವಿವೃತ್ತನೇತ್ರೋಯತೋಯತೋಽಭ್ಯೇತಿರಥೇವಸಙ್ಖ್ಯೇ ।
ತತಸ್ತತಸ್ತಸ್ಯಶರಪ್ರವೇಗಂಸೋಢುಂ ನ ಶೇಕುರ್ಹರಿಯೂಥಪಾಸ್ತೇ ॥ 44 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಷಣ್ಣವತಿತಮಸ್ಸರ್ಗಃ ॥
