ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಚತುರಧಿಕಶತತಮಸ್ಸರ್ಗಃ ।
ತಸ್ಯಕ್ರುದ್ಧಸ್ಯವದನನ್ದೃಷ್ಟವಾರಾಮಸ್ಯಧೀಮತಃ ॥ 1 ॥
ಸರ್ವಭೂತಾನಿವಿತ್ರೇಸುಃಪ್ರಾಕಮ್ಪತ ಚ ಮೇದಿನೀ ।
ಸಿಂಹಶಾರ್ದೂಲಾನ್ಶೈಲಸ್ಸಞ್ಚಚಾಲಚಲದ್ದ್ರುಮಃ ।
ಬಭೂವಚಾಪಿಕ್ಷುಭಿತಃಸಮುದ್ರಃಸರಿತಾಮ್ಪತಿಃ ॥ 2 ॥
ಖರಾಶ್ಚಖರನಿರ್ಘೋಷಾಗಗನೇಪರುಷಾಘನಾಃ ।
ಔತ್ಪಾತಿಕಾನಿನರ್ದನ್ತಸ್ಸಮನ್ತಾತ್ಪರಿಚಕ್ರಮುಃ ॥ 3 ॥
ರಾಮನ್ದೃಷ್ಟವಾಸುಸಙ್ಕ್ರುದ್ಧಮುತ್ಪಾತಾಂಶ್ಚೈವಸುದಾರುಣಾನ್ ।
ವಿತ್ರೇಸುಸ್ಸರ್ವಭೂತಾನಿರಾವಣಸ್ಯಾಭವದ್ಭಯಮ್ ॥ 4 ॥
ವಿಮಾನಸ್ಥಾಸ್ತದಾದೇವಾಗನ್ಧರ್ವಾಶ್ಚಮಹೋರಗಾಃ ।
ಋಷಿದಾವನದೈತ್ಯಾಶ್ಚಗರುತ್ಮನ್ತಶ್ಚಖೇಚರಾಃ ॥ 5 ॥
ದದೃಶುಸ್ತೇತದಾಯುದ್ಧಂಲೋಕಸಮ್ವರ್ತಸಂಸ್ಥಿತಮ್ ।
ನಾನಾಪ್ರಹರಣೈರ್ಭೀಮೈಶ್ಶೂರಯೋಸ್ಸಮ್ಪ್ರಯುಧ್ಯತೋಃ ॥ 6 ॥
ಊಚುಸ್ಸುರಾಸುರಾಸ್ಸರ್ವೇತದಾವಿಗ್ರಹಮಾಗತಾಃ ।
ಪ್ರೇಕ್ಷಮಾಣಾಮಹರ್ಯುದ್ಧಂವಾಕ್ಯಮ್ಭಕ್ತ್ಯಾಪ್ರಹೃಷ್ಟವತ್ ॥ 7 ॥
ದಶಗ್ರೀವಞ್ಜಯೇತ್ಯಾಹುರಸುರಾಃಸಮವಸ್ಥಿತಾಃ ।
ದೇವಾರಾಮಮವೋಚಂಸ್ತೇತ್ವಞ್ಜಯೇತಿಪುನಃಪುನಃ ॥ 8 ॥
ಏತಸ್ಮಿನ್ನನ್ತರೇಕ್ರೋಧಾದ್ರಾಘವಸ್ಯ ಸ ರಾವಣಃ ।
ಪ್ರಹರ್ತುಕಾಮೋದುಷ್ಟಾತ್ಮಾಸ್ಪೃಶನ್ ಪ್ರಹರಣಮ್ಮಹತ್ ॥ 9 ॥
ವಜ್ರಸಾರಮ್ಮಹಾನಾದಂಸರ್ವಶತ್ರುನಿಬರ್ಹಣಮ್ ।
ಶೈಲಶೃಙ್ಗನಿಭೈಃಕೂಟೈಶ್ಚಿತ್ತದೃಷ್ಟಿಭಯಾವಹಮ್ ॥ 10 ॥
ಸಧೂಮಮಿವತೀಕ್ಷ್ಣಾಗ್ರಂಯುಗಾನ್ತಾಗ್ನಿಚಮೋಪಮಮ್ ।
ಅತಿರೌದ್ರಮನಾಸಾದ್ಯಙ್ಕಾಲೇನಾಪಿದುರಾಸದಮ್ ॥ 11 ॥
ತ್ರಾಸನಂಸರ್ವಭೂತಾನಾನ್ದಾರಣಮ್ಭೇದನನ್ತಥಾ ।
ಪ್ರದೀಪ್ತಮಿವರೋಷೇಣಶೂಲಞ್ಜಗ್ರಾಹರಾವಣಃ ॥ 12 ॥
ತಚ್ಛೂಲಮ್ಪರಮಕ್ರುದ್ಧೋಮಧ್ಯೇಜಗ್ರಾಹವೀರ್ಯವಾನ್ ।
ಅನೇಕೈಃಸಮರೇಶ್ಶೂರೈರಾಕ್ಷಸೈಃಪರಿವಾರಿತಃ ॥ 13 ॥
ಸಮುದ್ಯಮ್ಯಮಹಾಕಾಯೋನನಾದಯುಧಿಭೈರವಮ್ ।
ಸಂರಕ್ತನಯನೋರೋಷಾತ್ಸ್ವಸೈನ್ಯಮಭಿಹರ್ಷಯನ್ ॥ 14 ॥
ಪೃಥಿವೀಞ್ಚಾನ್ತರಿಕ್ಷಂ ಚ ದಿಶಶ್ಚಪ್ರದಿಶಸ್ತಥಾ ।
ಪ್ರಾಕಮ್ಪಯತ್ತದಾಶಬ್ದೋರಾಕ್ಷಸೇನ್ದ್ರಸ್ಯದಾರುಣಃ ॥ 15 ॥
ಅತಿನಾದಸ್ಯ್ಯದಾನೇನತೇನತಸ್ಯದುರಾತ್ಮನಃ ।
ಸರ್ವಭೂತಾನಿವಿತ್ರೇಸುಸ್ಸಾಗರಶ್ಚಪ್ರಚುಕ್ಷುಭೇ ॥ 16 ॥
ಸ ಗೃಹೀತ್ವಾಮಹಾವೀರ್ಯಶ್ಶೂಲನ್ತದ್ರಾವಣೋಮಹತ್ ।
ವಿನದ್ಯಸುಮಹಾನಾದಂರಾಮಮ್ಪರುಷಮಬ್ರವೀತ್ ॥ 17 ॥
ಶೂಲೋಽಯಂವಜ್ರಸಾರಸ್ತೇರಾಮರೋಷಾನ್ಮಯೋದ್ಯತಃ ।
ತವಭ್ರಾತೃಸಹಾಯಸ್ಯಸಮ್ಯಕ್ ಪ್ರಾಣಾನ್ ಹರಿಷ್ಯತಿ ॥ 18 ॥
ರಕ್ಷಸಾಮದ್ಯಶೂರಾಣಾನ್ನಿಹತಾನಾಞ್ಚಮೂಮುಖೇ ।
ತ್ವಾನ್ನಿಹತ್ಯರಣಶ್ಲಾಘೀಕರೋಮಿತರಸಾಸಮಮ್ ॥ 19 ॥
ತಿಷ್ಠೇದಾನೀನ್ನಿಹಮನಿತ್ವಾಮೇಷಶೂಲೇನರಾಘವ ।
ಏವಮುಕ್ತ್ವಾ ಸ ಚಿಕ್ಷೇಪತಚ್ಛೂಲಂರಾಕ್ಷಸಾಧಿಪಃ ॥ 20 ॥
ತದ್ರಾವಣಕರಾನ್ಮುಕ್ತಂವಿದ್ಯುನ್ಮಾಲಾಸಮಾವೃತಮ್ ।
ಅಷ್ಟಘಣ್ಟಮ್ಮಹಾನಾದಂವಿಯದ್ಗತಮಶೋಭತ ॥ 21 ॥
ತಚ್ಛೂಲಂರಾಘವೋದೃಷ್ಟವಾಜ್ವಲನ್ತಙ್ಘೋರದರ್ಶನಮ್ ।
ಸಸರ್ಜವಿಶಿಖಾನ್ರಾಮಶ್ಚಾಪಮಾಯಮ್ಯವೀರ್ಯವಾನ್ ॥ 22 ॥
ಆಪತನ್ತಂಶರೌಘೇಣವಾರಯಾಮಾಸರಾಘವಃ ।
ಉತ್ಪತನ್ತಂಯುಗಾನ್ತಾನಗಿಞ್ಜಲೌಘೈರಿವವಾಸವಃ ॥ 23 ॥
ನಿರ್ದದಾಹ ಸ ತಾನ್ಬಾಣಾನ್ರಾಮಕಾರ್ಮುಕನಿಃಸೃತಾನ್ ।
ರಾವಣಸ್ಯಮಹಾನ್ ಶೂಲಃಪತಙ್ಗಾನಿವಪಾವಕಃ ॥ 24 ॥
ತಾನ್ದೃಷ್ಟವಾಭಸ್ಮಸಾದ್ಭೂತಾನ್ಶೂಲಸಮ್ಸ್ಪರ್ಶಚೂರ್ಣಿತಾನ್ ।
ಸಾಯಕಾನನ್ತರಿಕ್ಷಸ್ಥಾನ್ ರಾಘವಃಕ್ರೋಧಮಾಹರತ್ ॥ 25 ॥
ಸ ತಾಮ್ಮಾತಲಿನಾನೀತಾಂಶಕ್ತಿಂವಾಸವಸಮ್ಮತಾಮ್ ।
ಜಗ್ರಾಹಪರಮಕ್ರುದ್ಧೋರಾಘವೋರಘುನನ್ದನಃ ॥ 26 ॥
ಸಾತೋಲಿತಾಬಲವತಾಶಕ್ತಿರ್ಘಣ್ಟಾಕೃತಸ್ವನಾ ।
ನಭಃಪ್ರಜ್ವಾಲಯಾಮಾಸಯುಗಾನ್ತೋಲ್ಕೇವಸಪ್ರಭಾ ॥ 27 ॥
ಸಾಕ್ಷಿಪ್ತಾರಾಕ್ಷಸೇನ್ದ್ರಸ್ಯತಸ್ಮಿನ್ಕೂಲೇಪಪಾತ ಹ ।
ಭಿನ್ನಃಶಕ್ತ್ಯಾಮಹಾನ್ ಶೂಲೋನಿಪಪಾತಹತದ್ಯುತಿಃ ॥ 28 ॥
ನಿರ್ಭಿಭೇದತತೋಬಾಣೈರ್ಹಯಾನಸ್ಯಮಹಾಜವಾನ್ ।
ರಾಮಸ್ತ್ರೀಕ್ಷ್ಣೈರ್ಮಹಾವೇಗೈರ್ಭಾಣವದ್ಭಿರಜಿಹ್ಮಗೈಃ ॥ 29 ॥
ನಿರ್ಬಿಭೇದೋರಪಿತದಾರಾವಣನ್ನಿಶಿತೈಶ್ಶರೈಃ ।
ರಾಘವಃಪರಮಾಯತ್ತೋಲಲಾಟೇಪತ್ರತಿಭಿಸ್ತ್ರಿಭಿಃ ॥ 30 ॥
ಸ ಶರೈರ್ಭಿನ್ನಸರ್ವಾಙ್ಗೋಗಾತ್ರಪ್ರಸೃತಶೋಣಿತಃ ।
ರಾಕ್ಷಸೇನ್ದ್ರಸ್ಸಮೂಹಸ್ಥಃಫುಲ್ಲಾಶೋಕೈವಾಬಭೌ ॥ 31 ॥
ಸ ರಾಮಬಾಣೈರತಿವಿದ್ಧಗಾತ್ರೋನಿಶಾಚರೇನ್ದ್ರಃಕ್ಷತಜಾರ್ದ್ರಗಾತ್ರಃ ।
ಜಗಾಮಖೇದಂ ಚ ಸಮಾಜಮಧ್ಯೇಕ್ರೋಧಂ ಚ ಚಕ್ರೇಸುಭೃಶನ್ತದಾನೀಮ್ ॥ 32 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಚತುರಧಿಕಶತತಮಸ್ಸರ್ಗಃ ॥
