ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಸಪ್ತಾಧಿಕಶತತಮಸ್ಸರ್ಗಃ ।
ತತೋಯುದ್ಧಪರಿಶ್ರಾನ್ತಂಸಮರೇಚಿನ್ತಯಾಸ್ಥಿತಮ್ ।
ರಾವಣಞ್ಚಾಗ್ರತೋದೃಷ್ಟವಾಯುದ್ಧಾಯಸಮುಪಸ್ಥಿತಮ್ ॥ 1 ॥
ದೈವತೈಶ್ಚಸಮಾಗಮ್ಯದ್ರಷ್ಟುಮಭ್ಯಾಗತೋರಣಮ್ ।
ಉಪಾಗಮ್ಯಾಬ್ರವೀದ್ರಾಮಮಗಸ್ತ್ಯೋಭಗವಾನ್ ಋಷಿಃ ॥ 2 ॥
ರಾಮ ರಾಮ ಮಹಾಬಾಹೋ ಶೃಣುಗುಹ್ಯಂಸನಾತನಮ್ ।
ಯೇನಸರ್ವಾನರೀಸ್ವತ್ಸಸಮರೇವಿಜಯಿಷ್ಯಸೇ ॥ 3 ॥
ಆದಿತ್ಯಹೃದಯಮ್ಪುಣ್ಯಂಸರ್ವಶತ್ರುವಿನಾಶನಮ್ ।
ಜಯಾವಹಞ್ಜಪೇನ್ನಿತ್ಯಮಕ್ಷಯ್ಯಮ್ಪರಮಂಶಿವಮ್ ॥ 4 ॥
ಸರ್ವಮಙ್ಗಲಮಙ್ಗಲ್ಯಂಸರ್ವಪಾಪಪ್ರಣಾಶನಮ್ ।
ಚಿನ್ತಾಶೋಕಪ್ರಶಮನಮಾಯುರ್ವರ್ಧನಮುತ್ತಮಮ್ ॥ 5 ॥
ರಸ್ಮೀಮನ್ತಂಸಮುದ್ಯನ್ತನ್ದೇವಾಸುರನಮಸ್ಕೃತಮ್ ।
ಪೂಜಯಸ್ವವಿವಸ್ತ್ವನ್ತಮ್ಭಾಸ್ಕರಮ್ಭುವನೇಶ್ವರಮ್ ॥ 6 ॥
ಸರ್ವದೇವಾತ್ಮಕೋಹ್ಯೇಷತೇಜಸ್ವೀರಸ್ಮೀಭಾವನಃ ।
ಏಷದೇವಾಸುರಗಣಾನ್ಲೋಕಾನ್ಪಾತಿಗಭಸ್ತಿಭಿಃ ॥ 7 ॥
ಏಷಬ್ರಹ್ಮಾ ಚ ವಿಷ್ಣುಶ್ಚಶಿವಃಸ್ಕನ್ಧಃಪ್ರಜಾಪತಿಃ ।
ಮಹೇನ್ದ್ರೋಧನದಃಕಾಲೋಯಮಃಸೋಮೋಹ್ಯಪಾಮ್ಪತಿಃ ॥ 8 ॥
ಪಿತರೋವಸವಸ್ಸಾಧ್ಯಾಅಶ್ವಿನೌಮರುತೋಮನುಃ ।
ವಾಯುರ್ವಹ್ನಿಃಪ್ರಜಾಃಪ್ರಾಣಋತುಕರ್ತಾಪ್ರಭಾಕರಃ ॥ 9 ॥
ಆದಿತ್ಯಃಸವಿತಾಸೂರ್ಯಃಖಗಃಪೂಷಾಗಭಸ್ತಿಮಾನ್ ।
ಸುವರ್ಣಸದೃಶೋಭಾನುರ್ಹಿರಣ್ಯರೇತಾದಿವಾಕರಃ ॥ 10 ॥
ಹರಿದಶ್ವಸ್ಸಹಸ್ರಾರ್ಚಿಸ್ಸಪ್ತಸಪ್ತಿರ್ಮರೀಚಿಮಾನ್ ।
ತಿಮಿರೋನ್ಮಥನಶ್ಶಮ್ಭುಸ್ತ್ವಷ್ಟಾಮಾರ್ತಣ್ಡಕೋಽಂಶುಮಾನ್ ॥ 11 ॥
ಹಿರಣ್ಯಗರ್ಭಶ್ಶಿಶಿರಸ್ತಪನೋಭಾಸ್ಕರೋರವಿಃ ।
ಅಗ್ನಿಗರ್ಭೋಽದಿತೇಃಪುತ್ರಃಶಙ್ಘಶ್ಶಿಶಿರನಾಶನಃ ॥ 12 ॥
ವ್ಯೋಮನಾಥಸ್ತಮೋಭೇದೀಋಗ್ಯಜುಸ್ಸಾಮಪಾರಗಃ ।
ಘನವೃಷ್ಟಿರಪಾಮ್ಮಿತ್ರೋವಿನ್ಧ್ಯವೀಥೀಪ್ಲವಙ್ಗಮಃ ॥ 13 ॥
ಆತಪೀಮಣ್ಡಲೇಮೃತ್ಯುಃಪಿಙ್ಗಲಸ್ಸರ್ವತಾಪನಃ ।
ಕವಿರ್ವಿಶ್ವೋಮಹಾತೇಜಾರಕ್ತಸ್ಸರ್ವಭವೋದ್ಭವಃ ॥ 14 ॥
ನಕ್ಷತ್ರಗ್ರಹತಾರಾಣಾಮಧಿಪೋವಿಶ್ವಭಾವನಃ ।
ತೇಜಸಾಮಪಿತೇಜಸ್ವೀದ್ವಾದಶಾತ್ಮನ್ನಮೋಽಸ್ತುತೇ ॥ 15 ॥
ನಮಃಪೂರ್ವಾಯಗಿರಯೇಪಶ್ಚಿಮಾಯಾದ್ರಯೇನಮಃ ।
ಜ್ಯೋತಿರ್ಗಣಾನಾಮ್ಪತಯೇದಿನಾಧಿಪತಯೇನಮಃ ॥ 16 ॥
ಜಯಾಯಜಯಭದ್ರಾಯಹರ್ಯಶ್ವಾಯನಮೋನಮಃ ।
ನಮೋನಮಸ್ಸಹಸ್ರಾಂಶೋಆದಿತ್ಯಾಯನಮೋನಮಃ ॥ 17 ॥
ಗಿರಿಶೃಙ್ಗಾಣಿ ವೃಕ್ಷಾಂಶ್ಚ ತಥಾ ಶೂಲಪರಶ್ವಧಾನ್ ।
ಮಾಯಾ ವಿಹಿತಮೇತತ್ತು ಶಸ್ತ್ರವರ್ಷಮಪಾತಯತ್ ॥ 18 ॥
ಬ್ರಹ್ಮೇಶಾನಾಚ್ಯುತೇಶಾಯಸೂರ್ಯಾಯಾದಿತ್ಯವರ್ಚಸೇ ।
ಭಾಸ್ವತೇಸರ್ವಭಕ್ಷಾಯರೌದ್ರಾಯವಪುಷೇನಮಃ ॥ 19 ॥
ತಮೋಘ್ನಾಯಹಿಮಘ್ನಾಯಶತ್ರುಘ್ನಾಯಾಮಿತಾತ್ಮನೇ ।
ಕೃತಘ್ನಘ್ನಾಯದೇವಾಯಜ್ಯೋತಿಷಾಮ್ಪತಯೇನಮಃ ॥ 20 ॥
ಏಷಸುಪ್ತೇಷುಜಾಗರ್ತಿಭೂತೇಷುಪರಿನಿಷ್ಠಿತಃ ।
ಏಷಚೈವಾಗ್ನಿಹೋತ್ರಂ ಚ ಫಲಞ್ಚೈವಾಗ್ನಿಹೋತ್ರಿಣಾಮ್ ॥ 21 ॥
ವೇದಶ್ಚಕ್ರತವಶ್ಚೈವಕ್ರತೂನಾಮ್ಫಲಮೇವ ಚ ।
ಯಾನಿಕೃತ್ಯಾನಿಲೋಕೇಷುಸರ್ವೇಷುಪರಮಪ್ರಭುಃ ॥ 22 ॥
ಏನಮಾಪತ್ಸುಕೃಚ್ಛ್ರೇಷುಕಾನ್ತಾರೇಷುಭಯೇಷು ಚ ।
ಕೀರ್ತಯನ್ಪುರುಷಃಕಶ್ಚಿನಾವಸೀದತಿರಾಘವ ॥ 23 ॥
ಪೂಜಯಸ್ವೈನಮೇಕಾಗ್ರೋದೇವದೇವಞ್ಜಗತ್ಪತಿಮ್ ।
ಏತತ್ತ್ರಿಗುಣಿತಞ್ಜಪ್ತ್ವಾಯುದ್ಧೇಷುವಿಜಯಿಷ್ಯಸಿ ॥ 24 ॥
ಅಸ್ಮಿನ್ ಕ್ಷಣೇಮಹಾಬಾಹೋರಾವಣನ್ತ್ವಂವಧಿಷ್ಯಸಿ ।
ಏವಮುಕ್ತ್ವಾತತೋಽಗಸ್ತ್ಯೋಜಗಾಮ ಸ ಯಥಾಗತಮ್ ॥ 25 ॥
ಏತಚ್ಛ್ರುತ್ವಾಮಹಾತೇಜಾನಷ್ಟಶೋಕೋಽಭವತ್ತದಾ ।
ಧಾರಯಾಮಾಸಸುಪ್ರೀತೋರಾಘವಃಪ್ರಯತಾತ್ಮವಾನ್ ॥ 26 ॥
ಆದಿತ್ಯಮ್ಪ್ರೇಕ್ಷ್ಯಜಪ್ತ್ವಾತುಪರಂಹರ್ಷಮವಾಪ್ತವಾನ್ ।
ತ್ರಿರಾಚಮ್ಯಶುಚಿರ್ಭೂತ್ವಾಧನುರಾದಾಯವೀರ್ಯವಾನ್ ॥ 27 ॥
ರಾವಣಮ್ಪ್ರೇಕ್ಷ್ಯಹೃಷ್ಟಾತ್ಮಾಯುದ್ಧಾರ್ಥಂಸಮುಪಾಗಮತ್ ।
ಸರ್ವಯತ್ನೇನಮಹತಾವಧೇತಸ್ಯಧೃತೋಽಭವತ್ ॥ 28 ॥
ಅಥರವಿರವದನ್ನಿರೀಕ್ಷ್ಯರಾಮಮ್ಮುದಿತಮನಾಃಪರಮಮ್ಪ್ರಹೃಷ್ಯಮಾಣಃ ।
ನಿಶಿಚರಪತಿಸಙ್ಕ್ಷ್ಯಂವಿದಿತ್ವಾಸುರಗಣಮಧ್ಯಗತೋವಚಸ್ತ್ವರೇತಿ ॥ 29 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಸಪ್ತಾಧಿಕಶತತಮಸ್ಸರ್ಗಃ ॥
