ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಏಕೋನವಿಂಶಸ್ಸರ್ಗಃ ।
ರಾಘವೇಣಾಭಯೇದತ್ತೇಸನ್ನತೋರಾವಣಾನುಜಃ ।
ವಿಭೀಷಣೋಮಹಾಪ್ರಾಜ್ಞೋಭೂಮಿಂಸಮವಲೋಕಯನ್ ॥ 1 ॥
ಖಾತ್ಪಪಾತಾವನೀಂಹೃಷ್ಟೋಭಕ್ತೇರನುಚರೈಸ್ಸಹ ।
ಸತರಾಮಸ್ಯಪರಮಾತ್ಮಾನಿಪಪಾತವಿಭೀಷಣಃ ॥ 2 ॥
ಪಾದಯೋಶ್ಶರಣಾನ್ವೇಷೀಚತುರ್ಭಿಸ್ಸಹರಾಕ್ಷಸೈಃ ।
ಅಬ್ರವೀಚ್ಚತದಾವಾಕ್ಯಂರಾಮಮ್ಪ್ರತಿವಿಭೀಷಣಃ ॥ 3 ॥
ಧರ್ಮಯುಕ್ತಞ್ಚಯುಕ್ತಞ್ಚಸಾಮ್ಪ್ರತಂಸಮ್ಪ್ರಹರ್ಷಣಮ್ ।
ಅನುಜೋರಾವಣಸ್ಯಾಹನ್ತೇನಚಾಪ್ಯವಮಾನಿತಃ ।
ಭವನ್ತಂಸರ್ವಭೂತಾನಾಂಶರಣ್ಯಂಶರಣಾಗತಃ ॥ 4 ॥
ಪರಿತ್ಯಕ್ತಾಮಯಾಲಙ್ಕಮಿತ್ರಾಣಿಚಧನಾನಿಚ ।
ಭವದ್ಗತಂಹಿಮೇರಾಜ್ಯಞ್ಜೀವಿತಞ್ಚಸುಖಾನಿಚ ॥ 5 ॥
ತಥ್ಯತದ್ವಚನಂಶ್ರುತ್ವಾರಾಮೋವಚನಮಬ್ರವೀತ್ ॥ 6 ॥
ವಚಸಾಸಾನ್ತ್ವಯಿತ್ವೈನಂಲೋಚನಾಭ್ಯಾಮ್ಪಿಬನ್ನಿವ ।
ಆಖ್ಯಾಹಿಮಮತತ್ತ್ವೇನರಾಕ್ಷಸಾನಾಮ್ಬಲಾಬಲಮ್ ॥ 7 ॥
ಏವಮುಕ್ತನ್ತದಾರಕ್ಷೋರಾಮೇಣಾಕ್ಲಿಷ್ಟಕರ್ಮಣಾ ।
ರಾವಣಸ್ಯಬಲಂಸರ್ವಮಾಖ್ಯಾತುಮುಪಚಕ್ರಮೇ ॥ 8 ॥
ಅವಧ್ಯಸ್ಸರ್ವಭೂತಾನಾಙ್ಗನ್ಧರ್ವೋರಗರಕ್ಷಸಾಮ್ ।
ರಾಜಪುತ್ರದಶಗ್ರೀವೋವರದಾನಾತ್ಸ್ವಯಮ್ಭುವಃ ॥ 9 ॥
ರಾವಣಾನನ್ತರೋಭ್ರಾತಾಮಮಜ್ಯೇಷ್ಠಶ್ಚವೀರ್ಯವಾನ್ ।
ಕುಮ್ಭಕರ್ಣೋಮಹಾತೇಜಾಶ್ಶಕ್ರಪ್ರತಿಬಲೋಯುಧಿ ॥ 10 ॥
ರಾಮಸೇನಾಪತಿಸ್ತಸ್ಯಪ್ರಹಾಸ್ತೋಯದಿವಾಶ್ರುತಃ ।
ಕೈಲಾಸೇಯೇನಸಙ್ಗ್ರಾಮೇಮಣಿಭದ್ರಃಪರಾಜಿತಃ ॥ 11 ॥
ಬದ್ದಗೋಧಾಙ್ಗುಲಿತ್ರಶ್ಚ ಅವಧ್ಯಕವಚೋ ಯುಧಿ ।
ಧನುರಾದಾಯ ಯಸ್ತಿಷ್ಠನ್ನದೃಶ್ಯೋ ಭವತೀನ್ದ್ರಜಿತ್ ॥ 12 ॥
ಸಙ್ಗ್ರಾಮಸಮಯವ್ಯೂಹೇತರ್ಪಯಿತ್ವಾಹುತಾಶನಮ್ ।
ಅನ್ತರ್ಧಾನಗತಶ್ಶತ್ರೂನಿನ್ದ್ರಜಿದ್ ಹನ್ತಿರಾಘವಃ ॥ 13 ॥
ಮಹೋದರಮಹಾಪಾರ್ಶ್ವೌರಾಕ್ಷಸಶ್ಚಾಪ್ಯಕಮ್ಪನಃ ।
ಅನೀಕಸ್ಥಾಸ್ತುತಸ್ಯೈತೇಲೋಕಪಾಲಸಮಾಯುಧಿ ॥ 14 ॥
ದಶಕೋಟಿಸಹಸ್ರಾಣಿರಕ್ಷಸಾಙ್ಕಾಮರೂಪಿಣಾಮ್ ।
ಮಾಂಸಶೋಣಿತಭಕ್ಷ್ಯಾಣಾಂಲಙ್ಕಾಪುರನಿವಾಸಿನಾಮ್ ॥ 15 ॥
ಸತೈಸ್ತುಸಹಿತೋರಾಜಾಲೋಕಪಾಲಾನಯೋಧಯತ್ ।
ಸಹದೇವೈಸ್ತುತೇಭಗ್ನಾರಾವಣೇನಮಹಾತ್ಮನಾ ॥ 16 ॥
ವಿಭೀಷಣವಚಃ ಶ್ರುತ್ವಾರಾಮೋದೃಢಪರಾಕ್ರಮಃ ।
ಅನ್ವೀಕ್ಷ್ಯಮನಸಾಸರ್ವಮಿದಂವಚನಮಬ್ರವೀತ್ ॥ 17 ॥
ಯಾನಿಕರ್ಮಾಪದಾನಾನಿರಾವಣಸ್ಯವಿಭೀಷಣಃ ।
ಅಖ್ಯಾತಾನಿಚತತ್ತ್ವೇನಹ್ಯವಗಚ್ಛಾಮಿತಾನ್ಯಹಮ್ ॥ 18 ॥
ಅಹಂಹತ್ವಾದಶಗ್ರೀವಂಸಪ್ರಹಸ್ತಂಸಬಾನ್ಧವಮ್ ।
ರಾಜಾನನ್ತ್ವಾಙ್ಕರಿಷ್ಯಾಮಿಸತ್ಯಮೇತದ್ಬ್ರವೀಮಿತೇ ॥ 19 ॥
ರಸಾತಲಂ ವಾ ಪ್ರವಿಶೇತ್ಪಾತಾಲಂ ವಾಪಿ ರಾವಣಃ ।
ಪಿತಾಮಹಸಕಾಶಂ ವಾ ನ ಮೇ ಜೀವನ್ವಿಮೋಕ್ಷ್ಯತೇ ॥ 20 ॥
ಅಹತ್ವಾರಾವಣಂಸಙ್ ಖ್ಯೇಸಪುತ್ರಜನಬಾನ್ಧವಮ್ ।
ಅಯೋಧ್ಯಾನ್ನಪ್ರವೇಕ್ಷ್ಯಾಮಿತ್ರಿಭಿಸ್ತೈರ್ಭ್ರಾತೃಭಿಶ್ಶಪೇ ॥ 21 ॥
ಶ್ರುತ್ವಾತುವಚನನ್ತಸ್ಯರಾಮಸ್ಯಾಕ್ಲಿಷ್ಟಕರ್ಮಣಃ ।
ಶಿರಸಾವನ್ದ್ಯಧರ್ಮಾತ್ಮಾವಕ್ತುಮೇವೋಪಚಕ್ರಮೇ ॥ 22 ॥
ರಾಕ್ಷಸಾನಾಂವಧೇಸಾಹ್ಯಂಲಙ್ಕಾಯಾಶ್ಚಪ್ರಧರ್ಷಣೇ ।
ಕರಿಷ್ಯಾಮಿಯಥಾಪ್ರಾಣಮ್ಪ್ರವೇಕ್ಷ್ಯಾಮಿಚವಾಹಿನೀಮ್ ॥ 23 ॥
ಇತಿಬ್ರುವಾಣಾಂರಾಮಸ್ತುಪರಿಷ್ವಜ್ಯವಿಭೀಷಣಮ್ ।
ಅಬ್ರವೀಲ್ಲಕ್ಷ್ಮಣಮ್ಪ್ರೀತಸ್ಸಮುದ್ರಾಜ್ಜಲಮಾನಯ ॥ 24 ॥
ತೇನಚೇಮಮ್ಮಹಾಪ್ರಾಜ್ಞಮಭಿಷಿಞ್ಚವಿಭೀಷಣಮ್ ।
ರಾಜಾನಂರಕ್ಷಸಾಙ್ಕ್ಷಿಪ್ರಮ್ಪ್ರಸನ್ನೇಮಯಿಮಾನದ ॥ 25 ॥
ಏವಮುಕ್ತಸ್ತುಸೌಮಿತ್ರಿರಭ್ಯಷಿಞ್ಚದ್ವಿಭೀಷಣಮ್ ।
ಮಧ್ಯೇವಾನರಮುಖ್ಯಾನಾಂರಾಜಾನಂರಾಮಶಾಸನಾತ್ ॥ 26 ॥
ತಮ್ಪ್ರಸಾದನ್ತುರಾಮಸ್ಯದೃಷ್ಟವಾಸದ್ಯಃಪ್ಲವಙ್ಗಮಾಃ ।
ಪ್ರಚುಕ್ರುಶುರ್ಮಹಾತ್ಮಾನಂಸಾಧುಸಾಧ್ವಿತಿಚಾಬ್ರುವನ್ ॥ 27 ॥
ಅಥಾಬ್ರವೀದ್ ಹನೂಮಾಂಶ್ಚಸುಗ್ರೀವಶ್ಚವಿಭೀಷಣಮ್ ।
ಕಥಂಸಾಗರಮಕ್ಷೋಭ್ಯನ್ತರಾಮವರುಣಾಲಯಮ್ ॥ 28 ॥
ಸೈನ್ಯೈಃಪರಿವೃತಾಸ್ಸರ್ವೇವಾನರಾಣಾಮ್ಮಹೌಜಸಾಮ್ ।
ಉಪಾಯನ್ನಾಧಿಗಚ್ಛಾಮೋಯಥಾನದನದೀಪತಿಮ್ ।
ತರಾಮತರಸಾಸರ್ವೇಸಸೈನ್ಯಾವರುಣಾಲಯಮ್ ॥ 29 ॥
ಏವಮುಕ್ತಸ್ತುಧರ್ಮಜ್ಞಃಪ್ರತ್ಯುವಾಚವಿಭೀಷಣಃ ।
ಸಮುದ್ರಂರಾಘವೋರಾಜಾಶರಣಙ್ಗನ್ತುಮರ್ಹತಿ ॥ 30 ॥
ಖಾನಿತಸ್ಸಗರೇಣಾಯಮಪ್ರಮೇಯೋಮಹೋದಧಿಃ ।
ಕರ್ತುಮರ್ಹತಿರಾಮಸ್ಯಜ್ಞಾತೇಃ ಕಾರ್ಯಮ್ಮಹಾಮತಿಃ ॥ 31 ॥
ಏವಂವಿಭೀಷಣೇನೋಕ್ತೋರಾಕ್ಷಸೇನವಿಪಶ್ಚಿತಾ ।
ಅಜಗಾಮಾಥಸುಗ್ರೀವೋಯತ್ರರಾಮಸ್ಸಲಕ್ಷ್ಮಣಃ ॥ 32 ॥
ತತಶ್ಚಾಖ್ಯಾತುಮಾರೇಭೇವಿಭೀಷಣವಚಶ್ಶುಭಮ್ ।
ಸುಗ್ರೀವೋವಿಪುಲಗ್ರೀವೋಸ್ಸಾಗರಸ್ಯೋಪವೇಶನಮ್ ॥ 33 ॥
ಪ್ರಕೃತ್ಯಾಧರ್ಮಶೀಲಸ್ಯರಾಘವಸ್ಯಾಪ್ಯರೋಚತ ॥ 34 ॥
ವಿಭೀಷಣಸ್ಯಮನ್ತ್ರೋಽಯಮ್ಮಮಲಕ್ಷ್ಮಣ ರೋಚತೇ ।
ಸುಗ್ರೀವಃಪಣ್ಡಿತೋನಿತ್ಯಮ್ಭವಾನ್ಮನ್ತ್ರವಿಚಕ್ಷಣಃ ॥ 35 ॥
ಉಭಾಭ್ಯಾಂಸಮ್ಪ್ರಧಾರ್ಯಾರ್ಥಂರೋಚತೇಯತ್ತದುಚ್ಯತಾಮ್ ।
ಏವಮುಕ್ತೌತತೋವೀರಾವುಭೌಸುಗ್ರೀವಲಕ್ಷ್ಮಣೌ ।
ಸಮುದಾಚಾರಸಂಯುಕ್ತಮಿದಂವಚನಮೂಚತುಃ ॥ 36 ॥
ಕಿಮರ್ಥನೌನರವ್ಯಾಘ್ರಃ ನರೋಚಿಷ್ಯತಿರಾಘವಃ ।
ವಿಭೀಷಣೇನಯಚ್ಚೋಕ್ತಮಸ್ಮಿನ್ ಕಾಲೇಸುಖಾವಹಮ್ ॥ 37 ॥
ಅಬಧ್ವಾಸಾಗರೇಸೇತುಙ್ಘೋರೇಽಸ್ಮಿನ್ವರುಣಾಲಯೇ ।
ಲಙ್ಕಾನಾಸಾದಿತುಂಶಕ್ಯಾಸೇನ್ದ್ರೈರಪಿಸುರಾಸುರೈಃ ॥ 38 ॥
ವಿಭೀಷಣಸ್ಯಶೂರಸ್ಯಯಥಾರ್ಥಙ್ಕ್ರಿಯತಾಂವಚಃ ॥ 39 ॥
ಅಲಙ್ಕಾಲಾತ್ಯಯಙ್ಕೃತ್ವಾಸಾಗರೋಽಯನ್ನಿಯುಜ್ಯತಾಮ್ ।
ಯಥಾಸೈನ್ಯೇನಗಚ್ಛಾಮಪುರೀಂರಾವಣಪಾಲಿತಾಮ್ ॥ 40 ॥
ಏವಮುಕ್ತಃಕುಶಾಸ್ತೀರ್ನೋತೀರೇನದನದೀಪತೇಃ ।
ಸಂವಿವೇಶತದಾರಾಮೋವೇದ್ಯಾಮಿವಹುತಾಶನಃ ॥ 41 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಏಕೋನವಿಂಶಸ್ಸರ್ಗಃ ॥
