ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಪಞ್ಚತ್ರಿಂಶಸ್ಸರ್ಗಃ ।
ತೇನಶಙ್ಖವಿಮಿಶ್ರೇಣಭೇರೀಶಬ್ದೇನರಾಘವಃ ।
ಉಪಯಾತಿಮಹಾಬಾಹೂರಾಮಃಪರಪುರಞ್ಜಯಃ ॥ 1 ॥
ತನ್ನಿನಾದನ್ನಿಶಮ್ಯಾಥರಾವಣೋರಾಕ್ಷಸೇಶ್ವರಃ ।
ಮುಹೂರ್ತನ್ಧ್ಯಾನಮಾಸ್ಥಾಯಸಚಿವಾನಭ್ಯುದೈಕ್ಷತ ॥ 2 ॥
ಅಥತಾನ್ಸಚಿವಾಂಸ್ತತ್ರಸರ್ವಾನಾಭಾಷ್ಯರಾವಣಃ ।
ಸಭಾಂಸನ್ನಾದಯನ್ ಸರ್ವಾಮಿತ್ಯುವಾಚಮಹಾಬಲಃ ॥ 3 ॥
ಜಗತ್ಸನ್ತಾಪನ್ಕ್ರೂರೋಗರ್ಹಯನ್ರಾಕ್ಷಸೇಶ್ವರಃ ।
ತರಣಂಸಾಗರಸ್ಯಾಪಿವಿಕ್ರಮಮ್ಬಲಸಞ್ಜಿಯಮ್ ॥ 4 ॥
ಯದುಕ್ತವನ್ತೋರಾಮಸ್ಯಭವನ್ತಸ್ತನ್ಮಯಾಶ್ರುತಮ್ ।
ಭವತಶ್ಚಾಪ್ಯಹಂವೇಮದಿಯುದ್ಧೇಸತ್ಯಪರಾಕ್ರಮಾನ್ ॥ 5 ॥
ತೂಷಿಕಾನೀಕ್ಷತೋಽನ್ಯೋನ್ಯಂವಿದಿತ್ವಾರಾಮವಿಕ್ರಮಮ್ ।
ತತಸ್ತುಸುಮಹಾಪ್ರಾಜ್ಞೋಮಾಲ್ಯವಾನ್ನಾಮರಾಕ್ಷಸಃ ॥ 6 ॥
ರಾವಣಸ್ಯವಚಶ್ಶ್ರುತ್ವಾಮಾತುಃಪೈತಾಮಹೋಽಬ್ರವೀತ್ ।
ವಿದ್ಯಾಸ್ವಭಿವಿನೀತೋಯೋರಾಜಾರಾಜನ್ನಯಾನುಗಃ ॥ 7 ॥
ಸಶಾಸ್ತಿಚಿರಮೈಶ್ವರ್ಯಮರೀಂಶ್ಚಕುರುತೇವಶೇ ।
ಸನ್ದಧಾನೋಹಿಕಾಲೇನವಿಗೃಹ್ಣಂಶ್ಚಾರಿಭಿಸ್ಸಹ ॥ 8 ॥
ಸ್ವಪಕ್ಷವರ್ಥನಙ್ಕುರ್ವನ್ಮಹದೈಶ್ವರ್ಯಮಶ್ನುತೇ ।
ಹೀಯಮಾನೇನಕರ್ತವ್ಯೋರಾಜ್ಞಾಸನ್ಧಿಸ್ಸಮೇವಚ ॥ 9 ॥
ನಶತ್ರುಮವಮನ್ಯೇತಜ್ಯಾಯಾನ್ಕುರ್ವೀತವಿಗ್ರಹಮ್ ।
ತನ್ಮಹ್ಯಂರೋಚತೇಸನ್ಧಿಸ್ಸಹರಾಮೇಣರಾವಣ ॥ 10 ॥
ಯದರ್ಥಮಭಿಯುಕ್ತಾಃ ಸ್ಮಸೀತಾತಸ್ಮೈಪ್ರದೀಯತಾಮ್ ।
ಯಸ್ಯದೇವರ್ಷಯಸ್ಸರ್ವೇಗನ್ಧರ್ವಾಶ್ಚಜಯೈಷಿಣಃ ॥ 11 ॥
ವಿರೋಥಮ್ಮಾಗಮಸ್ತೇನಸನ್ಧಿಸ್ತೇತೇನರೋಚತಾಮ್ ।
ಅಸೃಜದ್ಭಗವಾನ್ಪಕ್ಷೌದ್ವಾವೇನಹಿಪಿತಾಮಹಃ ॥ 12 ॥
ಸುರಾಣಾಮಸುರಾಣಾಞ್ಚಧರ್ಮಾಧರ್ಮೌತದಾಶ್ರಯೌ ।
ಧರ್ಮೋಹಿಶ್ರೂಯತೇಪಕ್ಷೀಹ್ಯಮರಾಣಾಮ್ಮಹಾತ್ಮನಾಮ್ ॥ 13 ॥
ಅಧರ್ಮೋರಕ್ಷಸಾಮ್ಪಕ್ಷೋಹ್ಯಸುರಾಣಾಞ್ಚರಾಕ್ಷಸ ।
ಧರ್ಮೋವೈಗ್ರಸತೇಽಧರ್ಮನ್ತತಃಕೃತಮಭೂದ್ಯುಗಮ್ ॥ 14 ॥
ಅಧರ್ಮೋಗ್ರಸತೇಧರ್ಮನ್ತತಸ್ತಿಷ್ಯಃಪ್ರವರ್ತತೇ ।
ತತ್ತ್ವಯಾಚರಯಾಲೋಕಾನ್ಧರ್ಮೋಪಿವಿನಿಹತೋಮಹಾನ್ ॥ 15 ॥
ಅಧರ್ಮಃಪ್ರಗೃಹೀತಶ್ಚತೇನಾಸ್ಮದ್ಬಲಿನಃಪರೇ ।
ಸಪ್ರಮಾದಾವದಿವೃದ್ಧಸ್ತೇಽಧರ್ಮೋಹಿಗ್ರಸತೇಹಿನಃ ॥ 16 ॥
ವಿವರ್ಥಯತಿಪಕ್ಷಞ್ಚಸುರಾಣಾಂಸುರಭಾವನಃ ।
ವಿಷಯೇಷುಪ್ರಸಕ್ತೇನಯತ್ಕಿಞ್ಚಿತ್ಕಾರಣಾತ್ವಯಾ ॥ 17 ॥
ಱ್ಷೀಣಾಂ ಅಗ್ನಿ ಕಲ್ಪಾನಾಂ ಉದ್ವೇಗೋ ಜನಿತೋ ಮಹಾನ್ ।
ತೇಷಾಂ ಪ್ರಭಾವೋ ದುರ್ಧರ್ಷಃ ಪ್ರದೀಪ್ತ;ಇವ ಪಾವಕಃ ॥ 18 ॥
ತಪಸಾಭಾವಿತಾತ್ಮಾನೋಧರ್ಮಸ್ಯಾನುಗ್ರಹೇರತಾಃ ।
ಮುಖ್ಯರ್ಯಜ್ಞೈರ್ಯಜನ್ತ್ಯೇತೇನಿತ್ಯನ್ತೈಸ್ಸೈರ್ದ್ವಿಜಾತಯಃ ॥ 19 ॥
ಜುಹ್ವತ್ಯನಗೀಂಶ್ಚವಿಧಿವದ್ವೇದಾಂಶ್ಚೋಚ್ಚೈರಧೀಯತೇ ।
ಅಭಿಭೂಯಚರಕ್ಷಾಂಸಿಬ್ರಹ್ಮಘೋಷಾನುದೈರಯನ್ ॥ 20 ॥
ದಿಶೋಽಪಿವಿದ್ರುತಾಸ್ಸರ್ವೇಸ್ತನಯಿತ್ನುರಿವೋಷ್ಣಗೇ ।
ಋಷೀಣಾಮಗ್ನಿಕಲ್ಪಾನಾಮಗ್ನಿಹೋತ್ರಾಸಮುತ್ಥಿತಃ ॥ 21 ॥
ಅದತ್ತೇರಕ್ಷಸಾನ್ತೇಜೋಧೂಮೋವ್ಯಾಪ್ಯದಿಶೋದಶ ।
ತೇಷುತೇಷುಚದೇಶೇಷುಪುಣ್ಯೇಷ್ವೇವದೃಢವ್ರತೈಃ ॥ 22 ॥
ಚರ್ಯಮಾಣನ್ತಪಸ್ತೀವ್ರಂಸನ್ತಾಪಯತಿರಾಕ್ಷಸಾನ್ ।
ದೇವದಾನವಯಕ್ಷೇಭ್ಯೋಗೃಹೀತಶ್ಚವರಸ್ತ್ವಯಾ ॥ 23 ॥
ಮನುಷ್ಯಾ ವಾನರಾ ಋಕ್ಷಾ ಗೋಲಾಙ್ಗೂಲಾ ಮಹಾಬಲಾಃ ।
ಬಲವನ್ತ ಇಹಾಗಮ್ಯ ಗರ್ಜನ್ತಿ ದೃಢವಿಕ್ರಮಾಃ ॥ 24 ॥
ಉತ್ಪಾತಾನ್ವಿವಿಧಾನ್ದೃಷ್ಟವಾಘೋರನ್ಬಹುವಿಧಾಂಸ್ತಥಾ ।
ವಿನಾಶಮನುಪಶ್ಯಾಮಿಸರ್ವೇಷಾಂರಕ್ಷಸಾಮಹಮ್ ॥ 25 ॥
ಖರಾಭಿಸ್ನ್ತಿತಾಘೋರಾಮೇಘಾಃಪ್ರತಿಭಯಙ್ಕರಾಃ ।
ಶೋಣಿತೇನಾಭಿವರ್ಷನ್ತಿಲಙ್ಕಾಮುಷ್ಣೇನಸರ್ವತಃ ॥ 26 ॥
ರುದತಾಂವಾಹನಾನಾಞ್ಚಪ್ರಪವನ್ತ್ಯೌಸ್ರಬಿನ್ದವಃ ।
ಧ್ವಜಾಧ್ವಸ್ತಾವಿವರ್ಣಾಶ್ಚನಪ್ರಭಾನ್ತಿಯಥಾಪುರಮ್ ॥ 27 ॥
ವ್ಯಾಲಾ ಗೋಮಾಯವೋ ಗ್R ಇಧ್ರಾ ವಾಶನ್ತಿ ಚ ಸುಭೈರವಮ್ ।
ಪ್ರವಿಶ್ಯ ಲನ್ಕಾಂ ಅನಿಶಂ ಸಮವಾಯಾಂಸಃ ಚ ಕುರ್ವತೇ ॥ 28 ॥
ಕಾಲಿಕಾಃ ಪಾಣ್ಡುರೈರ್ ದನ್ತೈಃ ಪ್ರಹಸನ್ತ್ಯ್ ಅಗ್ರತಃ ಸ್ಥಿತಾಃ ।
ಸ್ತ್ರಿಯಃ ಸ್ವಪ್ನೇಷು ಮುಷ್ಣನ್ತ್ಯೋ ಗೃಹಾಣಿ ಪ್ರತಿಭಾಷ್ಯ ಚ ॥ 29 ॥
ಗೃಹಾಣಾಮ್ಬಲಿಕರ್ಮಾಣಿಶ್ವಾನಃಪರ್ಯುಪಭುಞ್ಜತೇ ।
ಖರಾಗೋಷುಪ್ರಜಾಯನ್ತೇಮೂಷಕಾನಕುಲೈಸ್ಸಹ ॥ 30 ॥
ಮಾರ್ಜಾರಾದ್ವೀಪಿಭಿಸ್ಸಾರ್ಥಂಸೂಕರಾಶ್ಶುನಕೈಸ್ಸಹ ।
ಕಿನ್ನರಾರಾಕ್ಷಸೈಶ್ಚಾಪಿಸಮೀಯುರ್ಮಾನುಷೈಸ್ಸಹ ॥ 31 ॥
ಪಾಣ್ಡುರಾರಕ್ತಪಾದಾಶ್ಚವಿಹಙ್ಗಾಃಕಾಲಚೋದಿತಾಃ ।
ರಾಕ್ಷಸಾನಾಂವಿನಾಶಾಯಕಪೋತಾವಿಚರನ್ತಿಚ ॥ 32 ॥
ವೀಚೀಕೂಚೀತಿವಾಶ್ಯ್ನತ್ಯಶ್ಶಾರಿಕಾವೇಶ್ಮಸುಸ್ಥಿತಾಃ ।
ಪತನ್ತಿಗ್ರಥಿತಾಶ್ಚಾಪಿನಿರ್ಜಿತಾಃಕಲಹೈಷಿಣಃ ॥ 33 ॥
ಪಕ್ಷಿಣಶ್ಚ ಮೃಗಾಃ ಸರ್ವೇ ಪ್ರತ್ಯಾದಿತ್ಯಂ ರುದನ್ತಿ ತೇ ।
ಕರಾಲೋ ವಿಕಟೋ ಮುಣ್ಡಃ ಪುರುಷಃ ಕೃಷ್ಣ ಪಿನ್ಗಲಃ ॥ 34 ॥
ಕಾಲೋಗೃಹಾಣಿಸರ್ವೇಷಾಙ್ಕಾಲೇಕಾಲೇಽನ್ವವೇಕ್ಷತೇ ।
ಏತಾನ್ಯನ್ಯಾನಿದುಷ್ಟಾನಿನಿಮಿತ್ತಾನ್ಯುತ್ಪತನ್ತಿಚ ॥ 35 ॥
ವಿಷ್ಣುಮ್ಮನ್ಯಾಮಹೇರಾಮಮ್ಮಾನುಷಂರೂಪಮಾಸ್ಥಿತಮ್ ।
ನಹಿಮಾನುಷಮಾತ್ರೋಽಸೌರಾಘವೋದೃಢವಿಕ್ರಮಃ ॥ 36 ॥
ಯೇನಬದ್ಧಃಸಮುದ್ರೇಚಸೇತುಃಸಪರಮಾದ್ಭುತಃ ।
ಕುರುಷ್ವನರರಾಜೇನಸಧನಿಂರಾಮೇಣರಾವಣ ॥ 37 ॥
ಜ್ಞಾತ್ವಾವಧಾರ್ಯಕರ್ಮಾಣಿಕ್ರಿಯತಾಮಾಯತಿಕ್ಷಮಮ್ ।
ಇದಂವಚಸ್ತತ್ರನಿಶಮ್ಯಮಾಲ್ಯವಾನ್ಪರೀಕ್ಷ್ಯರಕ್ಷೋಧಿಪತೇರ್ಮನಃಪುನಃ ।
ಅನುತ್ತಮೇಷೂತ್ತಮಪೌರುಷೋಬಲೀಬಭೂವತೂಷ್ಣೀಂಸಮವೇಕ್ಷ್ಯರಾವಣಮ್ ॥ 38 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಪಞ್ಚತ್ರಿಂಶಸ್ಸರ್ಗಃ ॥
