ಶ್ರೀಮದ್ವಾಲ್ಮೀಕೀಯ ರಾಮಾಯಣೇ ಯುದ್ಧಕಾಣ್ಡಮ್ ।
ಅಥ ಸಪ್ತತ್ರಿಂಶಸ್ಸರ್ಗಃ ।
ನರವಾನರರಾಜೌತೌಸತುವಾಯುಸುತಃಕಪಿಃ ।
ಜಾಮ್ಬವಾನೃಕ್ಷರಾಜಶ್ಚರಾಕ್ಷಸಶ್ಚವಿಭೀಷಣಃ ॥ 1 ॥
ಅಙ್ಗದೋವಾಲಿಪುತ್ರಶ್ಚಸೌಮಿತ್ರಿಶ್ಶರಭಃಕಪಿಃ ।
ಸುಷೇಣಸ್ಸಹದಾಯಾದೋಮೈನ್ದೋದ್ವಿವಿದಏವಚ ॥ 2 ॥
ಗಜೋಗವಾಕ್ಷಃಕುಮುದೋನಲೋಽಥಪನಸಸ್ತಥಾ ।
ಅಮಿತ್ರವಿಷಯಮ್ಪ್ರಾಪ್ತಾಸ್ಸಮವೇತಾಸ್ಸಮರ್ಧಯನ್ ॥ 3 ॥
ಇಯಂಸಾಲಕ್ಷಯತೇಲಙ್ಕಾಪುರೀರಾವಣಪಾಲಿತಾ ।
ಸಾಸುರೋರಗಗನ್ಧರ್ವೈರಮರೈರಪಿದುರ್ಜಯಾ ॥ 4 ॥
ಕಾರ್ಯಸಿದ್ಧಿಮ್ಪುರಸ್ಕೃತ್ಯಮನ್ದ್ರಯಧ್ವಂವಿನಿರ್ಣಯೇ ।
ನಿತ್ಯಂಸನ್ನಿಹಿತೋಹ್ಯತ್ರರಾವಣೋರಾಕ್ಷಸಾಧಿಪಃ ॥ 5 ॥
ತಥಾತೇಷುಬ್ರುವಾಣೇಷುರಾವಣಾವರಜೋಽಬ್ರವೀತ್ ।
ವಾಕ್ಯಮಗ್ರಾಮ್ಯಪದವತ್ಪುಷ್ಕಲಾರ್ಧಂವಿಭೀಷಣಃ ॥ 6 ॥
ಅನಲಶ್ಶರಭಶ್ಚೈವಸಮ್ಪಾತಿಃಪ್ರಘಸಸ್ತಥಾ ।
ಗತ್ವಾಲಙ್ಕಾಮ್ಮಮಾಮಾತ್ಯಾಃಪುರೀಮ್ಪುನರಿಹಾಗತಾಃ ॥ 7 ॥
ಭೂತ್ವಾಶಕುನಯಸ್ಸರ್ವೇಪ್ರವಿಷ್ಟಾಶ್ಚರಿಪೋರ್ಭಲಮ್ ।
ವಿಧಾನಂವಿಹಿತಂಯಚ್ಚತದ್ಧೃಷ್ಟವಾಸಮುಪಸ್ಥಿತಾಃ ॥ 8 ॥
ಸಂವಿಧಾನಂಯಥಾಹುಸ್ತೇರಾವಣಸ್ಯದುರಾತ್ಮನಃ ।
ರಾಮ ತದ್ಬ್ರುವತಸ್ಸರ್ವಂಯಥಾತ್ತ್ವೇನಮೇಶೃಣು ॥ 9 ॥
ಪೂರ್ವಮ್ಪ್ರಹಸ್ತಸ್ಸಬಲೋದ್ವಾರಮಾಸಾದ್ಯತಿಷ್ಠತಿ ।
ದಕ್ಷಿಣಞ್ಚಮಹಾವೀರ್ಯೌಮಹಾಪಾರ್ಶ್ವಮಹೋದರೌ ॥ 10 ॥
ಇನ್ದ್ರಜಿತ್ಪಶ್ಚಿಮನ್ದ್ವಾರಂರಾಕ್ಷಸೈರ್ಭಹುಭಿರ್ವೃತಃ ।
ಪಟ್ಟಸಾಸಿಧನುಷ್ಮದ್ಭಿಶ್ಶೂಲಮುದ್ಗರಪಾಣಿಭಿಃ ॥ 11 ॥
ನಾನಾಪ್ರಹರಣೈಶ್ಶೂರೈರಾವೃತೋರಾವಣಾತ್ಮಜಃ ।
ರಾಕ್ಷಸಾನಾಂಸಹಸ್ರೈಸ್ತುಬಹುಭಿಶ್ಶಸ್ತ್ರಪಾಣಿಭಿಃ ॥ 12 ॥
ಯುಕ್ತಃಪರಮಸಂವಿಗ್ನೋರಾಕ್ಷರ್ಭಹುಭಿರ್ವೃತಃ ।
ಉತ್ತರನ್ನಗರದ್ವಾರಂರಾವಣಸ್ಸ್ವಯಮಾಸ್ಥಿತಃ ॥ 13 ॥
ವಿರೂಪಾಕ್ಷಸ್ತುಮಹತಾಶೂಲಖಡಗಧನುಷ್ಮತಾ ।
ಬಲೇನರಾಕ್ಷಸೈಸ್ಸಾರ್ಥಮ್ಮಧ್ಯಮಙ್ಗುಲ್ಮಮಾಸ್ಥಿತಃ ॥ 14 ॥
ಏತಾನೇವಂವಿಧಾನ್ಗುಲ್ಮಾನ್ ಲಙ್ಕಾಯಾಂಸಮುದೀಕ್ಷ್ಯತೇ ।
ಮಾಮಕಾಮನ್ತ್ರಿಣಸ್ಸರ್ವೇಪುನಶಶೀಘ್ರಮಿಹಾಗತಾಃ ॥ 15 ॥
ಗಜಾನಾಞ್ಚಸಾಹಸ್ರಞ್ಚರಥಾನಾಮಯುತಮ್ಪುರೇ ।
ಹಯಾನಾಮಯುತೇದ್ವೇಚಸಾಗ್ರಾಕೋಟೀಚರಕ್ಷಸಾಮ್ ॥ 16 ॥
ವಿಕ್ರಾನ್ತಾಬಲವನ್ತಶ್ಚಸಂಯುಗೇಷ್ವಾತತಾಯಿನಃ ।
ಇಷ್ಟಾರಾಕ್ಷಸರಾಜಸ್ಯನಿತ್ಯಮೇತೇನಿಶಾಚರಾಃ ॥ 17 ॥
ಏಕೈಕಸ್ಯಾತ್ರಯುದ್ಧಾರ್ಥೇರಾಕ್ಷಸಸ್ಯವಿಶಾಮ್ಪತೇ ।
ಪರೀವಾರಸ್ಸಹಸ್ರಾಣಾಂಸಹಸ್ರಮುಪತಿಷ್ಠತೇ ॥ 18 ॥
ಏತಾಮ್ಪ್ರವೃತ್ತಿಂಲಙ್ಕಾಯಾಮ್ಮನ್ತ್ರಿಪ್ರೋಕ್ತಾಂವಿಭೀಷಣಃ ।
ಏವಮುಕ್ತ್ವಾಮಹಾಬಾಹೂರಾಕ್ಷಸಾಂಸ್ತಾನದರ್ಶಯತ್ ॥ 19 ॥
ಲಙ್ಕಾಯಾಂಸಚಿವೈಸ್ಸರ್ವಂರಾಮಾಯಪ್ರತ್ಯವೇದಯತ್ ।
ರಾಮಙ್ಕಮಲಪತ್ರಾಕ್ಷಮಿದಮುತ್ತರಮಬ್ರವೀತ್ ॥ 20 ॥
ರಾವಣಾವರಜಃಶ್ರೀಮಾನ್ ರಾಮಪ್ರಿಯಚಿಕೀರ್ಷಯಾ ।
ಕುಬೇರನ್ತುಯದಾರಾಮ ರಾವಣಃಪ್ರತ್ಯಯುಧ್ಯತ ॥ 21 ॥
ಷಷ್ಟಿಶ್ಶತಸಹಸ್ರಾಣಿತದಾನಿರ್ಯಾನ್ತಿರಕ್ಷಸಾಃ ।
ರಾಕ್ರಮೇಣವೀರ್ಯೇಣತೇಜಸಾಸತ್ತ್ವಗೌರವಾತ್ ॥ 22 ॥
ಸದೃಶಾಯ್ಯೇಽತ್ರದರ್ಪೇಣರಾವಣಸ್ಯದುರಾತ್ಮನಃ ।
ಅತ್ರಮನ್ಯುರ್ನಕರ್ತವ್ಯೋರೋಷಯೇತ್ವಾನ್ನಭೀಷಯೇ ॥ 23 ॥
ಸಮರ್ಥೋಹ್ಯಸಿವೀರ್ಯೇಣಸುರಾಣಾಮಪಿನಿಗ್ರಹೇ ।
ತದ್ಭವಾಂಶ್ಚತುರಙ್ಗೇಣಬಲೇನಮಹಾತಾವೃತಃ ॥ 24 ॥
ವ್ಯೂಹ್ಯೇದಂವಾನರಾನೀಕನ್ನಿರ್ಮಥಿಷ್ಯತಿರಾವಣಮ್ ।
ರಾವಣಾವರಜೇವಾಕ್ಯಮೇವಮ್ಬ್ರುವತಿರಾಘವಃ ॥ 25 ॥
ಶತ್ರೂಣಾಮ್ಪ್ರತಿಘಾತಾರ್ಥಮಿದಂವಚನಮಬ್ರವೀತ್ ।
ಪೂರ್ವದ್ವಾರೇತುಲಙ್ಕಾಯಾನೀಲೋವಾನರಪುಙ್ಗವಃ ॥ 26 ॥
ಪ್ರಹಸ್ತಪ್ರತಿಯೋದ್ಧಾಸ್ಯಾದ್ವಾನರೈರ್ಬಹುಭಿರ್ವೃತಃ ।
ಅಙ್ಗದೋವಾಲಿಪುತ್ರಸ್ತುಬಲೇನಮಹತಾವೃತಃ ॥ 27 ॥
ದಕ್ಷಿಣೇಬಾಧತಾನ್ದ್ವಾರೇಮಹಾಪಾರ್ಶ್ವಮಹೋದರೌ ।
ಹನುಮಾನ್ಪಶ್ಚಿಮದ್ವಾರನ್ನಿಪೀಡ್ಯಪವನಾತ್ಮಜಃ ॥ 28 ॥
ಪ್ರವಿಶತ್ವಪ್ರಮೇಯಾತ್ಮಾಬಹುಭಿಃಕಪಿಭಿರ್ವೃತಃ ।
ದೈತ್ಯದಾವನಸಙ್ಘಾನಾಮೃಷೀಣಾಞ್ಚಮಹಾತ್ಮನಾಮ್ ॥ 29 ॥
ವಿಪ್ರಕಾರಪ್ರಿಯಃಕ್ಷುದ್ರೋವರದಾನಬಲಾನ್ವಿತಃ ।
ಪರಿಕ್ರಮತಿಯಃಸರ್ವಾನ್ಲೋಕಾನ್ಸನ್ತಾಪಯನ್ಪ್ರಜಾಃ ॥ 30 ॥
ತಸ್ಯಾಹಂರಾಕ್ಷಸೇನ್ದ್ರಸ್ಯಸ್ವಯಮೇವವಧೇಧೃತಃ ।
ಉತ್ತರನ್ನಗರದ್ವಾರಮಹಂಸೌಮಿತ್ರಿಣಾಸಹ ॥ 31 ॥
ನಿಪೀಡ್ಯಾಭಿಪ್ರವೇಕ್ಷ್ಯಾಮಿಸಬಲೋಯತ್ರರಾವಣಃ ।
ವಾನರೇನ್ದ್ರಶ್ಚಬಲವಾನೃಕ್ಷರಾಜಶ್ಚವೀರ್ಯವಾನ್ ॥ 32 ॥
ರಾಕ್ಷಸೇನ್ದ್ರಾನುಜಶ್ಚೈವಗುಲೋಭವತುಮಧ್ಯಮಃ ।
ನಚೈವಮಾನುಷಂರೂಪಙ್ಕಾರ್ಯಂಹರಿಭಿರಾಹವೇ ॥ 33 ॥
ಏಷಾಭವತುಸಂಙಞಾನ್ ಯುದ್ಧೇಽಸ್ಮಿನ್ ವಾನರೇಬಲೇ ।
ವಾನರಾಏವನಶ್ಚಿಹ್ನಂಸ್ವಜನೇಽಸ್ಮಿನ್ ಭವಿಷ್ಯತಿ ॥ 34 ॥
ವಯನ್ತುಮಾನುಷೇಣೈವಸಪ್ತಯೋತ್ಪ್ಯಾಮಹೇಪರಾನ್ ।
ಅಹಮೇಷಮಮಭ್ರಾತ್ರಾಲಕ್ಷ್ಮಣೇನಮಹೌಜಸೌ ॥ 35 ॥
ಆತ್ಮನಾಪಞ್ಚಮಶ್ಚಾಯಂಸಖಾಮಮವಿಭೀಷಣಃ ।
ಸರಾಮಃಕೃತ್ಯಸಿಧ್ಯರ್ಥಏವಮುಕ್ತ್ವಾವಿಭೀಷಣಮ್ ॥ 36 ॥
ಸುವೇಲಾರೋಹಣೇಬುದ್ಧಿಶ್ಚಕಾರಮತಿಮಾನ್ಮತಿಮ್ ।
ರಮಣೀಯತರನ್ದೃಷ್ಟವಾಸುವೇಲಸ್ಯಗಿರೇಸ್ತಟಮ್ ॥ 37 ॥
ತತಸ್ತುರಾಮೋಮಹತಾಬಲೇನಪ್ರಚ್ಛಾದ್ಯಸರ್ವಾಮ್ಪೃಥಿವೀಮ್ಮಹಾತ್ಮಾ ।
ಪ್ರಹೃಷ್ಟರೂಪೋಽಭಿಜಗಾಮಲಙ್ಕಾಙ್ಕೃತ್ವಾಮತಿಂಸೋಽರಿವಧೇಮಹಾತ್ಮಾ ॥ 38 ॥
ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ವಾಲ್ಮೀಕೀಯ ಆದಿಕಾವ್ಯೇ ಯುದ್ಧಕಾಣ್ಡೇ ಸಪ್ತತ್ರಿಂಶಸ್ಸರ್ಗಃ ॥
