ශ්රීමද්වාල්මීකීය රාමායණේ බාලකාංඩම් ।
අථ පංචමස්සර්ගඃ ।
. සර්වා පූර්වමියං යේෂාමාසීත්කෘත්ස්නා වසුංධරා ।
ප්රජාපතිමුපාදාය නෘපාණාං ජයශාලිනාම් ॥ 1 ॥
යේෂාං ස සගරෝ නාම සාගරෝ යේන ඛානිතඃ ।
ෂෂ්ටිඃ පුත්රසහස්රාණි යං යාංතං පර්යවාරයන් ॥ 2 ॥
ඉක්ෂ්වාකූණාමිදං තේෂාං රාජ්ඤාං වංශේ මහාත්මනාම් ।
මහදුත්පන්නමාඛ්යානං රාමායණමිති ශ්රුතම් ॥ 3 ॥
තදිදං වර්තයිෂ්යාමි සර්වං නිඛිලමාදිතඃ ।
ධර්මකාමාර්ථසහිතං ශ්රෝතව්යමනසූයයා ॥ 4 ॥
කෝසලෝ නාම මුදිතස්ස්ඵීතෝ ජනපදෝ මහාන් ।
නිවිෂ්ටස්සරයූතීරේ ප්රභූතධනධාන්යවාන් ॥ 5 ॥
අයෝධ්යා නාම නගරී තත්රාසීල්ලෝකවිශ්රුතා ।
මනුනා මානවේංද්රේණ යා පුරී නිර්මිතා ස්වයම් ॥ 6 ॥
ආයතා දශ ච ද්වේ ච යෝජනානි මහාපුරී ।
ශ්රීමතී ත්රීණි විස්තීර්ණා සුවිභක්තමහාපථා ॥ 7 ॥
රාජමාර්ගේණ මහතා සුවිභක්තේන ශෝභිතා ।
මුක්තපුෂ්පාවකීර්ණේන ජලසික්තේන නිත්යශඃ ॥ 8 ॥
තාං තු රාජා දශරථෝ මහාරාෂ්ට්රවිවර්ධනඃ ।
පුරීමාවාසයාමාස දිවං දේවපතිර්යථා ॥ 9 ॥
කවාටතෝරණවතීං සුවිභක්තාංතරාපණාම් ।
සර්වයංත්රායුධවතීමුපේතාං සර්වශිල්පිභිඃ ॥ 10 ॥
සූතමාගධසංබාධාං ශ්රීමතීමතුලප්රභාම් ।
උච්චාට්ටාලධ්වජවතීං ශතඝ්නීශතසංකුලාම් ॥ 11 ॥
වධූනාටකසංඝෛශ්ච සංයුක්තාං සර්වතඃ පුරීම් ।
උද්යානාම්රවණෝපේතාං මහතීං සාලමේඛලාම් ॥ 12 ॥
දුර්ගගංභීරපරිඝාං දුර්ගාමන්යෛර්දුරාසදාම් ।
වාජිවාරණසංපූර්ණාං ගෝභිරුෂ්ට්රෛඃ ඛරෛස්තථා ॥ 13 ॥
සාමංතරාජසංඝෛශ්ච බලිකර්මභිරාවෘතාම් ।
නානාදේශනිවාසෛශ්ච වණිග්භිරුපශෝභිතාම් ॥ 14 ॥
ප්රාසාදෛ රත්නවිකෘතෛඃ පර්වතෛරුපශෝභිතාම් ।
කූටාගාරෛශ්ච සංපූර්ණාමිංද්රස්යේවාමරාවතීම් ॥ 15 ॥
චිත්රාමෂ්ටාපදාකාරාං නරනාරීගණෛර්යුතාම් ।
සර්වරත්නසමාකීර්ණාං විමානගෘහශෝභිතාම් ॥ 16 ॥
ගෘහගාඪාමවිච්ඡිද්රාං සමභූමෞ නිවේශිතාම් ।
ශාලිතංඩුලසංපූර්ණාමික්ෂුකාංඩරසෝදකාම් ॥ 17 ॥
දුංදුභීභිර්මෘදංගෛශ්ච වීණාභිඃ පණවෛස්තථා ।
නාදිතාං භෘශමත්යර්ථං පෘථිව්යාං තාමනුත්තමාම් ॥ 18 ॥
විමානමිව සිද්ධානාං තපසාධිගතං දිවි ।
සුනිවේශිතවේශ්මාංතාං නරෝත්තමසමාවෘතාම් ॥ 19 ॥
යේ ච බාණෛර්න විධ්යංති විවික්තමපරාපරම් ।
ශබ්දවේධ්යං ච විතතං ලඝුහස්තා විශාරදාඃ ॥ 20 ॥
සිංහව්යාඝ්රවරාහාණාං මත්තානාං නර්දතාං වනේ ।
හංතාරෝ නිශිතෛශ්ශස්ත්රෛර්බලාද්බාහුබලෛරපි ॥ 21 ॥
තාදෘශානාං සහස්රෛස්තාමභිපූර්ණාං මහාරථෛඃ ।
පුරීමාවාසයාමාස රාජා දශරථස්තදා ॥ 22 ॥
යේ ච බාණෛර්න විධ්යංති විවික්තමපරාපරම් ।
ශබ්දවේධ්යං ච විතතං ලඝුහස්තා විශාරදාඃ ॥ 23 ॥
සිංහව්යාඝ්රවරාහාණාං මත්තානාං නර්දතාං වනේ ।
හංතාරෝ නිශිතෛශ්ශස්ත්රෛර්බලාද්බාහුබලෛරපි ॥ 24 ॥
තාදෘශානාං සහස්රෛස්තාමභිපූර්ණාං මහාරථෛඃ ।
පුරීමාවාසයාමාස රාජා දශරථස්තදා ॥ 25 ॥
තාමග්නිමද්භිර්ගුණවද්භිරාවෘතාං ද්විජෝත්තමෛර්වේදෂඩංගපාරගෛඃ ।
සහස්රදෛස්සත්යරතෛර්මහාත්මභි ර්මහර්ෂිකල්පෛ ඍෂිභිශ්ච කේවලෛඃ ॥ 26 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ බාලකාංඩේ පංචමස්සර්ගඃ ॥
