ଶ୍ରୀମଦ୍ଵାଲ୍ମୀକୀୟ ରାମାୟଣେ ବାଲକାଂଡମ୍ ।
ଅଥ ପଂଚମସ୍ସର୍ଗଃ ।
. ସର୍ଵା ପୂର୍ଵମିୟଂ ୟେଷାମାସୀତ୍କୃତ୍ସ୍ନା ଵସୁଂଧରା ।
ପ୍ରଜାପତିମୁପାଦାୟ ନୃପାଣାଂ ଜୟଶାଲିନାମ୍ ॥ 1 ॥
ୟେଷାଂ ସ ସଗରୋ ନାମ ସାଗରୋ ୟେନ ଖାନିତଃ ।
ଷଷ୍ଟିଃ ପୁତ୍ରସହସ୍ରାଣି ୟଂ ୟାଂତଂ ପର୍ୟଵାରୟନ୍ ॥ 2 ॥
ଇକ୍ଷ୍ଵାକୂଣାମିଦଂ ତେଷାଂ ରାଜ୍ଞାଂ ଵଂଶେ ମହାତ୍ମନାମ୍ ।
ମହଦୁତ୍ପନ୍ନମାଖ୍ୟାନଂ ରାମାୟଣମିତି ଶ୍ରୁତମ୍ ॥ 3 ॥
ତଦିଦଂ ଵର୍ତୟିଷ୍ୟାମି ସର୍ଵଂ ନିଖିଲମାଦିତଃ ।
ଧର୍ମକାମାର୍ଥସହିତଂ ଶ୍ରୋତଵ୍ୟମନସୂୟୟା ॥ 4 ॥
କୋସଲୋ ନାମ ମୁଦିତସ୍ସ୍ଫୀତୋ ଜନପଦୋ ମହାନ୍ ।
ନିଵିଷ୍ଟସ୍ସରୟୂତୀରେ ପ୍ରଭୂତଧନଧାନ୍ୟଵାନ୍ ॥ 5 ॥
ଅୟୋଧ୍ୟା ନାମ ନଗରୀ ତତ୍ରାସୀଲ୍ଲୋକଵିଶ୍ରୁତା ।
ମନୁନା ମାନଵେଂଦ୍ରେଣ ୟା ପୁରୀ ନିର୍ମିତା ସ୍ଵୟମ୍ ॥ 6 ॥
ଆୟତା ଦଶ ଚ ଦ୍ଵେ ଚ ୟୋଜନାନି ମହାପୁରୀ ।
ଶ୍ରୀମତୀ ତ୍ରୀଣି ଵିସ୍ତୀର୍ଣା ସୁଵିଭକ୍ତମହାପଥା ॥ 7 ॥
ରାଜମାର୍ଗେଣ ମହତା ସୁଵିଭକ୍ତେନ ଶୋଭିତା ।
ମୁକ୍ତପୁଷ୍ପାଵକୀର୍ଣେନ ଜଲସିକ୍ତେନ ନିତ୍ୟଶଃ ॥ 8 ॥
ତାଂ ତୁ ରାଜା ଦଶରଥୋ ମହାରାଷ୍ଟ୍ରଵିଵର୍ଧନଃ ।
ପୁରୀମାଵାସୟାମାସ ଦିଵଂ ଦେଵପତିର୍ୟଥା ॥ 9 ॥
କଵାଟତୋରଣଵତୀଂ ସୁଵିଭକ୍ତାଂତରାପଣାମ୍ ।
ସର୍ଵୟଂତ୍ରାୟୁଧଵତୀମୁପେତାଂ ସର୍ଵଶିଲ୍ପିଭିଃ ॥ 10 ॥
ସୂତମାଗଧସଂବାଧାଂ ଶ୍ରୀମତୀମତୁଲପ୍ରଭାମ୍ ।
ଉଚ୍ଚାଟ୍ଟାଲଧ୍ଵଜଵତୀଂ ଶତଘ୍ନୀଶତସଂକୁଲାମ୍ ॥ 11 ॥
ଵଧୂନାଟକସଂଘୈଶ୍ଚ ସଂୟୁକ୍ତାଂ ସର୍ଵତଃ ପୁରୀମ୍ ।
ଉଦ୍ୟାନାମ୍ରଵଣୋପେତାଂ ମହତୀଂ ସାଲମେଖଲାମ୍ ॥ 12 ॥
ଦୁର୍ଗଗଂଭୀରପରିଘାଂ ଦୁର୍ଗାମନ୍ୟୈର୍ଦୁରାସଦାମ୍ ।
ଵାଜିଵାରଣସଂପୂର୍ଣାଂ ଗୋଭିରୁଷ୍ଟ୍ରୈଃ ଖରୈସ୍ତଥା ॥ 13 ॥
ସାମଂତରାଜସଂଘୈଶ୍ଚ ବଲିକର୍ମଭିରାଵୃତାମ୍ ।
ନାନାଦେଶନିଵାସୈଶ୍ଚ ଵଣିଗ୍ଭିରୁପଶୋଭିତାମ୍ ॥ 14 ॥
ପ୍ରାସାଦୈ ରତ୍ନଵିକୃତୈଃ ପର୍ଵତୈରୁପଶୋଭିତାମ୍ ।
କୂଟାଗାରୈଶ୍ଚ ସଂପୂର୍ଣାମିଂଦ୍ରସ୍ୟେଵାମରାଵତୀମ୍ ॥ 15 ॥
ଚିତ୍ରାମଷ୍ଟାପଦାକାରାଂ ନରନାରୀଗଣୈର୍ୟୁତାମ୍ ।
ସର୍ଵରତ୍ନସମାକୀର୍ଣାଂ ଵିମାନଗୃହଶୋଭିତାମ୍ ॥ 16 ॥
ଗୃହଗାଢାମଵିଚ୍ଛିଦ୍ରାଂ ସମଭୂମୌ ନିଵେଶିତାମ୍ ।
ଶାଲିତଂଡୁଲସଂପୂର୍ଣାମିକ୍ଷୁକାଂଡରସୋଦକାମ୍ ॥ 17 ॥
ଦୁଂଦୁଭୀଭିର୍ମୃଦଂଗୈଶ୍ଚ ଵୀଣାଭିଃ ପଣଵୈସ୍ତଥା ।
ନାଦିତାଂ ଭୃଶମତ୍ୟର୍ଥଂ ପୃଥିଵ୍ୟାଂ ତାମନୁତ୍ତମାମ୍ ॥ 18 ॥
ଵିମାନମିଵ ସିଦ୍ଧାନାଂ ତପସାଧିଗତଂ ଦିଵି ।
ସୁନିଵେଶିତଵେଶ୍ମାଂତାଂ ନରୋତ୍ତମସମାଵୃତାମ୍ ॥ 19 ॥
ୟେ ଚ ବାଣୈର୍ନ ଵିଧ୍ୟଂତି ଵିଵିକ୍ତମପରାପରମ୍ ।
ଶବ୍ଦଵେଧ୍ୟଂ ଚ ଵିତତଂ ଲଘୁହସ୍ତା ଵିଶାରଦାଃ ॥ 20 ॥
ସିଂହଵ୍ୟାଘ୍ରଵରାହାଣାଂ ମତ୍ତାନାଂ ନର୍ଦତାଂ ଵନେ ।
ହଂତାରୋ ନିଶିତୈଶ୍ଶସ୍ତ୍ରୈର୍ବଲାଦ୍ବାହୁବଲୈରପି ॥ 21 ॥
ତାଦୃଶାନାଂ ସହସ୍ରୈସ୍ତାମଭିପୂର୍ଣାଂ ମହାରଥୈଃ ।
ପୁରୀମାଵାସୟାମାସ ରାଜା ଦଶରଥସ୍ତଦା ॥ 22 ॥
ୟେ ଚ ବାଣୈର୍ନ ଵିଧ୍ୟଂତି ଵିଵିକ୍ତମପରାପରମ୍ ।
ଶବ୍ଦଵେଧ୍ୟଂ ଚ ଵିତତଂ ଲଘୁହସ୍ତା ଵିଶାରଦାଃ ॥ 23 ॥
ସିଂହଵ୍ୟାଘ୍ରଵରାହାଣାଂ ମତ୍ତାନାଂ ନର୍ଦତାଂ ଵନେ ।
ହଂତାରୋ ନିଶିତୈଶ୍ଶସ୍ତ୍ରୈର୍ବଲାଦ୍ବାହୁବଲୈରପି ॥ 24 ॥
ତାଦୃଶାନାଂ ସହସ୍ରୈସ୍ତାମଭିପୂର୍ଣାଂ ମହାରଥୈଃ ।
ପୁରୀମାଵାସୟାମାସ ରାଜା ଦଶରଥସ୍ତଦା ॥ 25 ॥
ତାମଗ୍ନିମଦ୍ଭିର୍ଗୁଣଵଦ୍ଭିରାଵୃତାଂ ଦ୍ଵିଜୋତ୍ତମୈର୍ଵେଦଷଡଂଗପାରଗୈଃ ।
ସହସ୍ରଦୈସ୍ସତ୍ୟରତୈର୍ମହାତ୍ମଭି ର୍ମହର୍ଷିକଲ୍ପୈ ଋଷିଭିଶ୍ଚ କେଵଲୈଃ ॥ 26 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ବାଲକାଂଡେ ପଂଚମସ୍ସର୍ଗଃ ॥
