ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² ஷோட³ஶஸ்ஸர்க:³ ।
தத³ந்த:புரத்³வாரம் ஸமதீத்ய ஜனாகுலம் ।
ப்ரவிவிக்தாம் தத: கக்ஷ்யாமாஸஸாத³ புராணவித் ॥ 1 ॥
ப்ராஸகார்முகபி³ப்⁴ரத்³பி⁴ர்யுவபி⁴ர்ம்ருஷ்டகுண்ட³லை: ।
அப்ரமாதி³பி⁴ரேகாக்³ரை ஸ்ஸ்வனுரக்தைரதி⁴ஷ்டி²தாம் ॥ 2 ॥
தத³ந்த:புரத்³வாரம் ஸமதீத்ய ஜனாகுலம் ।
ப்ரவிவிக்தாம் தத: கக்ஷ்யாமாஸஸாத³ புராணவித் ॥ 3 ॥
ப்ராஸகார்முகபி³ப்⁴ரத்³பி⁴ர்யுவபி⁴ர்ம்ருஷ்டகுண்ட³லை: ।
அப்ரமாதி³பி⁴ரேகாக்³ரை ஸ்ஸ்வனுரக்தைரதி⁴ஷ்டி²தாம் ॥ 4 ॥
தத்ர காஷாயிணோ வ்ருத்³தா⁴ன் வேத்ரபாணீன் ஸ்வலங்க்ருதான் ।
த³த³ர்ஶ விஷ்டி²தான் த்³வாரி ஸ்த்ர்யத்⁴யக்ஷான்ஸுஸமாஹிதான் ॥ 5 ॥
தே ஸமீக்ஷ்ய ஸமாயாந்தம் ராமப்ரியசிகீர்ஷவ: ।
ஸஹஸோத்பதிதாஸ்ஸர்வே ஸ்வாஸனேப்⁴யஸ்ஸஸம்ப்⁴ரமா: ॥ 6 ॥
தானுவாச வினீதாத்மா ஸூதபுத்ர: ப்ரத³க்ஷிண: ।
க்ஷிப்ரமாக்²யாத ராமாய ஸுமம்ந்த்ரோ த்³வாரி திஷ்ட²தி ॥ 7 ॥
தே ராமமுபஸங்க³ம்ய ப⁴ர்து: ப்ரியசிகீர்ஷவ: ।
ஸஹபா⁴ர்யாய ராமாய க்ஷிப்ரமேவாபி⁴சக்ஷிரே ॥ 8 ॥
ப்ரதிவேதி³தமாஜ்ஞாய ஸூதமப்⁴யந்தரம் பிது: ।
தத்ரைவானாயயாமாஸ ராக⁴வப்ரியகாம்யயா ॥ 9 ॥
தம் வைஶ்ரவணஸங்காஶமுபவிஷ்டம் ஸ்வலங்க்ருதம் ।
த³த³ர்ஶ ஸூத: பர்ய்யங்கே ஸௌவர்ணே ஸோத்தரச்ச²தே³ ॥ 1௦ ॥
வராஹருதி⁴ராபே⁴ண ஶுசினா ச ஸுக³ந்தி⁴னா ।
அனுலிப்தம் பரார்த்⁴யேன சந்த³னேன பரந்தபம் ॥ 11 ॥
ஸ்தி²தயா பார்ஶ்வதஶ்சாபி வாலவ்யஜனஹஸ்தயா ।
உபேதம் ஸீதயாபூ⁴யஶ்சித்ரயா ஶஶினம் யதா² ॥ 12 ॥
தம் தபந்தமிவாதி³த்யமுபபன்னம் ஸ்வதேஜஸா ।
வவந்தே³ வரத³ம் வந்தீ³ வினயஜ்ஞோ வினீதவத் ॥ 13 ॥
ப்ராஞ்ஜலிஸ்ஸுமுக²ம் த்³ருஷ்ட்வா விஹாரஶயனாஸனே ।
ராஜபுத்ரமுவாசேத³ம் ஸுமந்த்ரோ ராஜஸத்க்ருத: ॥ 14 ॥
கௌஶல்யாஸுப்ரஜா ராம பிதா த்வாம் த்³ரஷ்டுமிச்ச²தி ।
மஹிஷ்யா ஸஹ கைகேய்யா க³ம்யதாம் தத்ர மா சிரம் ॥ 15 ॥
ஏவமுக்தஸ்து ஸம்ஹ்ருஷ்டோ நரஸிம்ஹோ மஹாத்³யுதி: ।
ததஸ்ஸம்மானயாமாஸ ஸீதாமித³முவாச ஹ ॥ 16 ॥
தே³வி தே³வஶ்ச தே³வீ ச ஸமாக³ம்ய மத³ந்தரே ।
மந்த்ரயேதே த்⁴ருவம் கிஞ்சித³பி⁴ஷேசனஸம்ஹிதம் ॥ 17 ॥
லக்ஷயித்வா ஹ்யபி⁴ப்ராயம் ப்ரியகாமா ஸுத³க்ஷிணா ।
ஸஞ்சோத³யதி ராஜானம் மத³ர்த²மஸிதேக்ஷணா ॥ 18 ॥
ஸா ப்ரஹ்ருஷ்டா மஹாராஜம் ஹிதகாமானுவர்தினீ ।
ஜனநீ சார்த²காமா மே கேகயாதி⁴பதேஸ்ஸுதா ॥ 19 ॥
தி³ஷ்ட்யா க²லு மஹாராஜோ மஹிஷ்யா ப்ரியயா ஸஹ ।
ஸுமந்த்ரம் ப்ராஹிணோத்³தூ³தமர்த²காமகரம் மம ॥ 2௦ ॥
யாத்³ருஶீ பரிஷத்தத்ர தாத்³ருஶோ தூ³த ஆக³த: ।
த்⁴ருவமத்³யைவ மாம் ராஜா யௌவராஜ்யேபி⁴ஷேக்ஷ்யதி ॥ 21 ॥
ஹந்த ஶீக்⁴ரமிதோ க³த்வா த்³ரக்ஷ்யாமி ச மஹீபதிம் ।
ஸஹ த்வம் பரிவாரேண ஸுக²மாஸ்வ ரமஸ்வ ச ॥ 22 ॥
பதிஸம்மானிதா ஸீதா ப⁴ர்தாரமஸிதேக்ஷணா ।
ஆத்³வாரமனுவவ்ராஜ மங்க³லான்யபி⁴த³த்⁴யுஷீ ॥ 23 ॥
ராஜ்யம் த்³விஜாதிபி⁴ர்ஜுஷ்டம் ராஜஸூயாபி⁴ஷேசனம் ।
கர்துமர்ஹதி தே ராஜா வாஸவஸ்யேவ லோகக்ருத் ॥ 24 ॥
தீ³க்ஷிதம் வ்ரதஸம்பன்னம் வராஜினத⁴ரம் ஶுசிம் ।
குரங்க³ஶ்ருங்க³பாணிம் ச பஶ்யந்தீ த்வாம் பஜ⁴ாம்யஹம் ॥ 25 ॥
பூர்வாம் தி³ஶம் வஜ்ரத⁴ரோ த³க்ஷிணாம் பாது தே யம: ।
வருண: பஶ்சிமாமாஶாம் த⁴னேஶஸ்தூத்தராம் தி³ஶம் ॥ 26 ॥
அத² ஸீதாமனுஜ்ஞாப்ய க்ருதகௌதுகமங்க³ல: ।
நிஶ்சக்ராம ஸுமந்த்ரேண ஸஹ ராமோ நிவேஶனாத் ॥ 27 ॥
பர்வதாதி³வ நிஷ்க்ரம்ய ஸிம்ஹோ கி³ரிகு³ஹாஶய: ।
லக்ஷ்மணம் த்³வாரிஸோபஶ்யத்ப்ரஹ்வாஞ்ஜலிபுடம் ஸ்தி²தம் ॥ 28 ॥
அத² மத்⁴யமகக்ஷ்யாயாம் ஸமாக³ச்ச²த்ஸுஹ்ருஜ்ஜனை: ।
ஸ ஸர்வானர்தி²னோ த்³ருஷ்ட்வா ஸமேத்ய ப்ரதினந்த்³ய ச ॥ 29 ॥
தத: பாவகஸங்காஶமாருரோஹ ரதோ²த்தமம் ।
வையாக்⁴ரம் புருஷவ்யாக்⁴ரோ ராஜதம் ராஜனந்த³ன: ॥ 3௦ ॥
மேக⁴னாத³மஸம்பா³த⁴ம் மணிஹேமவிபூ⁴ஷிதம் ।
முஷ்ணந்தமிவ சக்ஷூம்ஷி ப்ரப⁴யா ஸூர்யவர்சஸம் ॥ 31 ॥
கரேணுஶிஶுகல்பைஶ்ச யுக்தம் பரமவாஜிபி⁴: ।
ஹரியுக்தம் ஸஹஸ்ராக்ஷோ ரத²மிந்த்³ர இவாஶுக³ம் ॥ 32 ॥
ப்ரயயௌ தூர்ணமாஸ்தா²ய ராக⁴வோ ஜ்வலிதஶ்ஶ்ரியா ।
ஸ பர்ஜன்ய இவாகாஶே ஸ்வனவானபி⁴னாத³யன் ॥ 33 ॥
நிகேதான்னிர்யயௌ ஶ்ரீமான்மஹாப்⁴ராதி³வ சந்த்³ரமா: ।
ச²த்ரசாமரபாணிஸ்து லக்ஷ்மணோ ராக⁴வானுஜ: ॥ 34 ॥
ஜுகோ³ப ப்⁴ராதரம் ப்⁴ராதா ரத²மாஸ்தா²ய ப்ருஷ்ட²த: ।
ததோ ஹலஹலாஶப்³த³ஸ்துமுலஸ்ஸமஜாயத ॥ 35 ॥
தஸ்ய நிஷ்க்ரமமாணஸ்ய ஜனௌக⁴ஸ்ய ஸமந்தத: ।
ததோ ஹயவரா முக்²யா நாகா³ஶ்ச கி³ரிஸன்னிபா⁴: ॥ 36 ॥
அனுஜக்³முஸ்ததா³ ராமம் ஶதஶோத² ஸஹஸ்ரஶ: ।
அக்³ரதஶ்சாஸ்ய ஸன்னத்³தா⁴ஶ்சந்த³னாக³ருபூ⁴ஷிதா: ॥ 37 ॥
க²ட்³க³சாபத⁴ராஶ்ஶூரா ஜக்³முராஶம்ஸவோ ஜனா: ।
ததோ வாதி³த்ரஶப்³தா³ஶ்ச ஸ்துதிஶப்³தா³ஶ்ச வந்தி³னாம் ॥ 38 ॥
ஸிம்ஹனாதா³ஶ்ச ஶூராணாம் ததா³ ஶுஶ்ருவிரே பதி² ।
ஹர்ம்யவாதாயனஸ்தா²பி⁴ர்பூ⁴ஷிதாபி⁴ஸ்ஸமந்தத: ॥ 39 ॥
கீர்யமாண ஸ்ஸுபுஷ்பௌகை⁴ர்யயௌ ஸ்த்ரீபி⁴ரரிந்த³ம: ।
ராமம் ஸர்வானவத்³யாங்க்³யோ ராமபிப்ரீஷயா தத: ॥ 4௦ ॥
வசோபி⁴ரக்³ய்ரைர்ஹர்ம்யஸ்தா² க்ஷிதிஸ்தா²ஶ்ச வவந்தி³ரே ।
நூனம் நந்த³தி தே மாதா கௌஶல்யாமாத்ருனந்த³ன ॥ 41 ॥
பஶ்யந்தீ ஸித்³த⁴யாத்ரம் த்வாம் பித்ர்யம் ராஜ்யமவஸ்தி²தம் ।
ஸர்வஸீமந்தினீப்⁴யஶ்ச ஸீதாம் ஸீமந்தினீ வராம் ॥ 42 ॥
அமன்யந்த ஹி தா நார்யோ ராமஸ்ய ஹ்ருத³யப்ரியாம் ।
தயா ஸுசரிதம் தே³வ்யா புரா நூனம் மஹத்தப: ॥ 43 ॥
ரோஹிணீவ ஶஶாங்கேன ராமஸம்யோக³மாப யா ।
இதி ப்ராஸாத³ஶ்ருங்கே³ஷு ப்ரமதா³பி⁴ர்னரோத்தம: ॥ 44 ॥
ஶுஶ்ராவ ராஜமார்க³ஸ்த:² ப்ரியா வாச உதா³ஹ்ருதா: ।
ஆத்மஸம்பூஜனை ஶ்ருண்வன் யயௌ ராமௌ மஹாபத²ம் ॥ 45 ॥
ஸ ராக⁴வஸ்தத்ர கதா²ப்ரபஞ்சான் ஶுஶ்ராவ லோகஸ்ய ஸமாக³தஸ்ய ।
ஆத்மாதி⁴காரா விவிதா⁴ஶ்ச வாச: ப்ரஹ்ருஷ்டரூபஸ்ய புரோ ஜனஸ்ய ॥ 46 ॥
ஏஷ ஶ்ரியம் க³ச்ச²தி ராக⁴வோத்³ய ராஜப்ரஸாதா³த்³விபுலாம் க³மிஷ்யன் ।
ஏதே வயம் ஸர்வ ஸம்ருத்³த⁴காமா யேஷாமயம் நோ ப⁴விதா ப்ரஶாஸ்தா ॥ 47 ॥
லாபோ⁴ ஜனஸ்யாஸ்ய யதே³ஷ ஸர்வம் ப்ரபத்ஸ்யதே ராஷ்ட்ரமித³ம் சிராய ।
ந ஹ்யப்ரியம் கிஞ்சன ஜாது கஶ்சி த்பஶ்யேன்ன து³:க²ம் மனுஜாதி⁴பேஸ்மின் ॥ 48 ॥
ஸ கோ⁴ஷவத்³பி⁴ஶ்ச மதங்கா³ஜைர்யயை: புரஸ்ஸரை ஸ்ஸ்வஸ்திகஸூதமாக³தை⁴: ।
மஹீயமான: ப்ரவரைஶ்ச வாத³கை ரபி⁴ஷ்டுதோ வைஶ்ரவணோ யதா² யயௌ ॥ 49 ॥
கரேணுமாதம்ங்க³ரதா²ஶ்வஸங்குலம் மஹாஜனௌக⁴ பரிபூர்ணசத்வரம் ।
ப்ரபூ⁴தரத்னம் ப³ஹுபண்யஸஞ்சயம் த³த³ர்ஶ ராமோ ருசிரம் மஹாபத²ம் ॥ 5௦ ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ ஷோட³ஶஸ்ஸர்க:³ ॥
