ஶ்ரீமத்³வால்மீகீய ராமாயணே அயோத்⁴யாகாண்ட³ம் ।
அத² பஞ்சத்ரிம்ஶஸ்ஸர்க:³ ।
ததோ நிர்தூ⁴ய ஸஹஸா ஶிரோ நிஶ்ஶ்வஸ்ய சாஸக்ருத் ।
பாணௌ பாணிம் வினிஷ்பிஷ்ய த³ந்தான் கடகடாப்ய ச ॥ 1 ॥
லோசனே கோபஸம்ரக்தே வர்ணம் பூர்வோசிதம் ஜஹத் ।
கோபாபி⁴பூ⁴தஸ்ஸஹஸா ஸந்தாபமஶுப⁴ம் க³த: ॥ 2 ॥
மன: ஸமீக்ஷமாணஶ்ச ஸூதோ த³ஶரத²ஸ்ய ஸ: ।
கம்பயன்னிவ கைகேய்யா ஹ்ருத³யம் வாக்ச²ரைஶ்ஶிதை: ॥ 3 ॥
வாக்யவஜ்ரைரனுபமைர்னிர்பி⁴ந்த³ன்னிவ சாஶுபை⁴: ।
கைகேய்யா ஸ்ஸர்வமர்மாணி ஸுமந்த்ர: ப்ரத்யபா⁴ஷத ॥ 4 ॥
ததோ நிர்தூ⁴ய ஸஹஸா ஶிரோ நிஶ்ஶ்வஸ்ய சாஸக்ருத் ।
பாணௌ பாணிம் வினிஷ்பிஷ்ய த³ந்தான் கடகடாப்ய ச ॥ 5 ॥
லோசனே கோபஸம்ரக்தே வர்ணம் பூர்வோசிதம் ஜஹத் ।
கோபாபி⁴பூ⁴தஸ்ஸஹஸா ஸந்தாபமஶுப⁴ம் க³த: ॥ 6 ॥
மன: ஸமீக்ஷமாணஶ்ச ஸூதோ த³ஶரத²ஸ்ய ஸ: ।
கம்பயன்னிவ கைகேய்யா ஹ்ருத³யம் வாக்ச²ரைஶ்ஶிதை: ॥ 7 ॥
வாக்யவஜ்ரைரனுபமைர்னிர்பி⁴ந்த³ன்னிவ சாஶுபை⁴: ।
கைகேய்யா ஸ்ஸர்வமர்மாணி ஸுமந்த்ர: ப்ரத்யபா⁴ஷத ॥ 8 ॥
யஸ்யாஸ்தவ பதிஸ்த்யக்தோ ராஜா த³ஶரத:² ஸ்வயம் ।
ப⁴ர்தா ஸர்வஸ்ய ஜக³த: ஸ்தா²வரஸ்ய சரஸ்ய ச ॥ 9 ॥
ந ஹ்யகார்யதமம் கிஞ்சித்தவ தே³வீஹ வித்³யதே ।
பதிக்⁴னீம் த்வாமஹம் மன்யே குலக்⁴னீமபி சாந்தத: ॥ 1௦ ॥
யன்மஹேந்த்³ரமிவாஜய்யம் து³ஷ்ப்ரகம்ப்யமிவாசலம் ।
மஹோத³தி⁴மிவாக்ஷோப்⁴யம் ஸந்தாபயஸி கர்மபி⁴: ॥ 11 ॥
மாவமம்ஸ்தா² த³ஶரத²ம் ப⁴ர்தாரம் வரத³ம் பதிம் ।
ப⁴ர்துரிச்சா² ஹி நாரீணாம் புத்ரகோட்யா விஶிஷ்யதே ॥ 12 ॥
யதா²வயோ ஹி ராஜ்யானி ப்ராப்னுவந்தி ந்ருபக்ஷயே ।
இக்ஷ்வாகுகுலனாதே²ஸ்மிம் ஸ்தல்லோபயிதுமிச்ச²ஸி ॥ 13 ॥
ராஜா ப⁴வது தே புத்ரோ ப⁴ரதஶ்ஶாஸ்து மேதி³னீம் ।
வயம் தத்ர க³மிஷ்யாமோ ராமோ யத்ர க³மிஷ்யதி ॥ 14 ॥
ந ஹி தே விஷயே கஶ்சித்³ ர்ப்³ராஹ்மணோ வஸ்துமர்ஹதி ।
தாத்³ருஶம் த்வமமர்யாத³மத்³ய கர்ம சிகீர்ஷஸி ॥ 15 ॥
நூனம் ஸர்வே க³மிஷ்யாமோ மார்க³ம் ராமனிஷேவிதம் ।
த்யக்தாயா பா³ந்த⁴வை: ஸர்வைர்ப்³ராஹ்மணை: ஸாது⁴பி⁴: ஸதா³ ॥ 16 ॥
கா ப்ரீதீ ராஜ்யலாபே⁴ன தவ தே³வி ப⁴விஷ்யதி ।
தாத்³ருஶம் த்வமமர்யாத³ம் கர்ம கர்தும் சிகீர்ஷஸி ॥ 17 ॥
ஆஶ்சர்யமிவ பஶ்யாமி யஸ்யாஸ்தே வ்ருத்தமீத்³ருஶம் ।
ஆசரந்த்யா ந விவ்ருதா ஸத்³யோ ப⁴வதி மேதி³னீ ॥ 18 ॥
மஹாப்³ரஹ்மர்ஷிஸ்ருஷ்டா: வா ஜ்வலந்தோ பீ⁴மத³ர்ஶனா: ।
தி⁴க்³வாக்³த³ண்டா³ ந ஹிம்ஸந்தி ராமப்ரவ்ராஜனே ஸ்தி²தாம் ॥ 19 ॥
ஆம்ரம் சி²த்வா குடா²ரேண நிம்ப³ம் பரிசரேத்து ய: ।
யஶ்சைனம் பயஸா ஸிஞ்சேன்னைவாஸ்ய மது⁴ரோ ப⁴வேத் ॥ 2௦ ॥
அபி⁴ஜாத்யம் ஹி தே மன்யே யதா² மாதுஸ்ததை²வ ச ।
ந ஹி நிம்பா³த்ஸ்ரவேத் க்ஷைத்³ரம் லோகே நிக³தி³தம் வச: ॥ 21 ॥
தவ மாதுரஸத்³க்³ராஹம் வித்³ம: பூர்வம் யதா²ஶ்ருதம் ।
பிதுஸ்தே வரத:³ கஶ்சித்³த³தௌ³ வரமனுத்தமம் ॥ 22 ॥
ஸர்வபூ⁴தருதம் தஸ்மாத்ஸஞ்ஜஜ்ஞே வஸுதா⁴தி⁴ப: ।
தேன திர்யக்³க³தானாம் ச பூ⁴தானாம் விதி³தம் வச: ॥ 23 ॥
ததோ ஜ்ரும்ப⁴ஸ்ய ஶயனே விருதாத்³பூ⁴ரிவர்சஸ: ।
பிதுஸ்தே விதி³தோ பா⁴வ ஸ்ஸ தத்ர ப³ஹுதா⁴ஹஸத் ॥ 24 ॥
தத்ர தே ஜனநீ க்ருத்³தா⁴ ம்ருத்யுபாஶமபீ⁴ப்ஸதீ ।
ஹாஸம் தே ந்ருபதே ஸௌம்ய ஜிஜ்ஞாஸாமீதி சாப்³ரவீத் ॥ 25 ॥
ந்ருபஶ்சோவாச தாம் தே³வீம் தே³வி ஶம்ஸாமி தே யதி³ ।
ததோ மே மரணம் ஸத்³யோ ப⁴விஷ்யதி ந ஸம்ஶய: ॥ 26 ॥
மாதா தே பிதரம் தே³வி தத: கேகயமப்³ரவீத் ।
ஶம்ஸ மே ஜீவ வா மா வா ந மாமபஹஸிஷ்யஸி ॥ 27 ॥
ப்ரியயா ச ததோ²க்த ஸ்ஸன் கேகய: ப்ருதி²வீபதி: ।
தஸ்மை தம் வரதா³யார்த²ம் கத²யாமாஸ தத்த்வத: ॥ 28 ॥
தத: ஸ்ஸ வரத:³ ஸாது⁴ராஜானம் ப்ரத்யபா⁴ஷத ।
ம்ரியதாம் த்⁴வம்ஸதாம் வேயம் மா க்ருதா²ஸ்த்வம் மஹீபதே ॥ 29 ॥
ஸ தச்ச்²ருத்வா வசஸ்தஸ்ய ப்ரஸன்னமனஸோ ந்ருப: ।
மாதரம் தே நிரஸ்யாஶு விஜஹார குபே³ரவத் ॥ 3௦ ॥
ததா² த்வமபி ராஜானம் து³ர்ஜனாசரிதே பதி² ।
அஸத்³க்³ராஹமிமம் மோஹாத்குருஷே பாபத³ர்ஶினி ॥ 31 ॥
ஸத்யஶ்சாத்³ய ப்ரவாதோ³யம் லௌகிக: ப்ரதிபா⁴தி மா ।
பித்ருன் ஸமனுஜாயந்தே நரா மாதரமங்க³னா: ॥ 32 ॥
நைவம் ப⁴வ க்³ருஹாணேத³ம் யதா³ஹ வஸுதா⁴தி⁴ப: ।
ப⁴ர்துரிச்சா²முபாஸ்வேஹ ஜனஸ்யாஸ்ய க³திர்ப⁴வ ॥ 33 ॥
மா த்வம் ப்ரோத்ஸாஹிதா பாபைர்தே³வராஜஸமப்ரப⁴ம் ।
ப⁴ர்தாரம் லோகப⁴ர்தாரமஸத்³த⁴ர்மமுபாத³தா⁴: ॥ 34 ॥
ந ஹி மித்²யா ப்ரதிஜ்ஞாதம் கரிஷ்யதி தவானக:⁴ ।
ஶ்ரீமாந்த³ஶரதோ² ராஜா தே³வி ராஜீவலோசன: ॥ 35 ॥
ஜ்யேஷ்டோ² வதா³ன்ய: கர்மண்ய: ஸ்வத⁴ர்மபரிரக்ஷிதா ।
ரக்ஷிதா ஜீவலோகஸ்ய ப³லீ ராமோபி⁴ஷிச்யதாம் ॥ 36 ॥
பரிவாதோ³ ஹி தே தே³வி மஹால்லோகே சரிஷ்யதி ।
யதி³ ராமோ வனம் யாதி விஹாய பிதரம் ந்ருபம் ॥ 37 ॥
ஸ ராஜ்யம் ராக⁴வ: பாது ப⁴வ த்வம் விக³தஜ்வரா ।
ந ஹி தே ராக⁴வாத³ன்ய: க்ஷம: புரவரே வஸேத் ॥ 38 ॥
ராமே ஹி யௌவராஜ்யஸ்தே² ராஜா த³ஶரதோ² வனம் ।
ப்ரவேக்ஷ்யதி மஹேஷ்வாஸ: பூர்வவ்ருத்தமனுஸ்மரன் ॥ 39 ॥
இதி ஸாந்த்வைஶ்ச தீக்ஷ்ணைஶ்ச கைகேயீம் ராஜஸம்ஸதி³ ।
ஸுமந்த்ர: க்ஷோப⁴யாமாஸ பூ⁴ய ஏவ க்ருதாஜ்ஜலி: ॥ 4௦ ॥
நைவ ஸா க்ஷுப்⁴யதே தே³வீ ந ச ஸ்ம பரிதூ³யதே ।
ந சாஸ்யா முக²வர்ணஸ்ய விக்ரியா லக்ஷ்யதே ததா³ ॥ 41 ॥
இத்யார்ஷே ஶ்ரீமத்³ராமாயணே வால்மீகீய ஆதி³காவ்யே அயோத்⁴யாகாண்டே³ பஞ்சத்ரிம்ஶஸ்ஸர்க:³ ॥
