𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌏𑌕𑍋𑌨𑌵𑌿𑌂𑌶𑌸𑍍𑌸𑌰𑍍𑌗𑌃 ।
𑌰𑌾𑌘𑌵𑍇𑌣𑌾𑌭𑌯𑍇𑌦𑌤𑍍𑌤𑍇𑌸𑌨𑍍𑌨𑌤𑍋𑌰𑌾𑌵𑌣𑌾𑌨𑍁𑌜𑌃 ।
𑌵𑌿𑌭𑍀𑌷𑌣𑍋𑌮𑌹𑌾𑌪𑍍𑌰𑌾𑌜𑍍𑌞𑍋𑌭𑍂𑌮𑌿𑌂𑌸𑌮𑌵𑌲𑍋𑌕𑌯𑌨𑍍 ॥ 1 ॥
𑌖𑌾𑌤𑍍𑌪𑌪𑌾𑌤𑌾𑌵𑌨𑍀𑌂𑌹𑍃𑌷𑍍𑌟𑍋𑌭𑌕𑍍𑌤𑍇𑌰𑌨𑍁𑌚𑌰𑍈𑌸𑍍𑌸𑌹 ।
𑌸𑌤𑌰𑌾𑌮𑌸𑍍𑌯𑌪𑌰𑌮𑌾𑌤𑍍𑌮𑌾𑌨𑌿𑌪𑌪𑌾𑌤𑌵𑌿𑌭𑍀𑌷𑌣𑌃 ॥ 2 ॥
𑌪𑌾𑌦𑌯𑍋𑌶𑍍𑌶𑌰𑌣𑌾𑌨𑍍𑌵𑍇𑌷𑍀𑌚𑌤𑍁𑌰𑍍𑌭𑌿𑌸𑍍𑌸𑌹𑌰𑌾𑌕𑍍𑌷𑌸𑍈𑌃 ।
𑌅𑌬𑍍𑌰𑌵𑍀𑌚𑍍𑌚𑌤𑌦𑌾𑌵𑌾𑌕𑍍𑌯𑌂𑌰𑌾𑌮𑌂𑌪𑍍𑌰𑌤𑌿𑌵𑌿𑌭𑍀𑌷𑌣𑌃 ॥ 3 ॥
𑌧𑌰𑍍𑌮𑌯𑍁𑌕𑍍𑌤𑌂𑌚𑌯𑍁𑌕𑍍𑌤𑌂𑌚𑌸𑌾𑌂𑌪𑍍𑌰𑌤𑌂𑌸𑌂𑌪𑍍𑌰𑌹𑌰𑍍𑌷𑌣𑌮𑍍 ।
𑌅𑌨𑍁𑌜𑍋𑌰𑌾𑌵𑌣𑌸𑍍𑌯𑌾𑌹𑌂𑌤𑍇𑌨𑌚𑌾𑌪𑍍𑌯𑌵𑌮𑌾𑌨𑌿𑌤𑌃 ।
𑌭𑌵𑌂𑌤𑌂𑌸𑌰𑍍𑌵𑌭𑍂𑌤𑌾𑌨𑌾𑌂𑌶𑌰𑌣𑍍𑌯𑌂𑌶𑌰𑌣𑌾𑌗𑌤𑌃 ॥ 4 ॥
𑌪𑌰𑌿𑌤𑍍𑌯𑌕𑍍𑌤𑌾𑌮𑌯𑌾𑌲𑌂𑌕𑌮𑌿𑌤𑍍𑌰𑌾𑌣𑌿𑌚𑌧𑌨𑌾𑌨𑌿𑌚 ।
𑌭𑌵𑌦𑍍𑌗𑌤𑌂𑌹𑌿𑌮𑍇𑌰𑌾𑌜𑍍𑌯𑌂𑌜𑍀𑌵𑌿𑌤𑌂𑌚𑌸𑍁𑌖𑌾𑌨𑌿𑌚 ॥ 5 ॥
𑌤𑌥𑍍𑌯𑌤𑌦𑍍𑌵𑌚𑌨𑌂𑌶𑍍𑌰𑍁𑌤𑍍𑌵𑌾𑌰𑌾𑌮𑍋𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 6 ॥
𑌵𑌚𑌸𑌾𑌸𑌾𑌂𑌤𑍍𑌵𑌯𑌿𑌤𑍍𑌵𑍈𑌨𑌂𑌲𑍋𑌚𑌨𑌾𑌭𑍍𑌯𑌾𑌂𑌪𑌿𑌬𑌨𑍍𑌨𑌿𑌵 ।
𑌆𑌖𑍍𑌯𑌾𑌹𑌿𑌮𑌮𑌤𑌤𑍍𑌤𑍍𑌵𑍇𑌨𑌰𑌾𑌕𑍍𑌷𑌸𑌾𑌨𑌾𑌂𑌬𑌲𑌾𑌬𑌲𑌮𑍍 ॥ ॥
𑌏𑌵𑌮𑍁𑌕𑍍𑌤𑌂𑌤𑌦𑌾𑌰𑌕𑍍𑌷𑍋𑌰𑌾𑌮𑍇𑌣𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌾 ।
𑌰𑌾𑌵𑌣𑌸𑍍𑌯𑌬𑌲𑌂𑌸𑌰𑍍𑌵𑌮𑌾𑌖𑍍𑌯𑌾𑌤𑍁𑌮𑍁𑌪𑌚𑌕𑍍𑌰𑌮𑍇 ॥ ॥
𑌅𑌵𑌧𑍍𑌯𑌸𑍍𑌸𑌰𑍍𑌵𑌭𑍂𑌤𑌾𑌨𑌾𑌂𑌗𑌂𑌧𑌰𑍍𑌵𑍋𑌰𑌗𑌰𑌕𑍍𑌷𑌸𑌾𑌮𑍍 ।
𑌰𑌾𑌜𑌪𑍁𑌤𑍍𑌰𑌦𑌶𑌗𑍍𑌰𑍀𑌵𑍋𑌵𑌰𑌦𑌾𑌨𑌾𑌤𑍍𑌸𑍍𑌵𑌯𑌂𑌭𑍁𑌵𑌃 ॥ ॥
𑌰𑌾𑌵𑌣𑌾𑌨𑌂𑌤𑌰𑍋𑌭𑍍𑌰𑌾𑌤𑌾𑌮𑌮𑌜𑍍𑌯𑍇𑌷𑍍𑌠𑌶𑍍𑌚𑌵𑍀𑌰𑍍𑌯𑌵𑌾𑌨𑍍 ।
𑌕𑍁𑌂𑌭𑌕𑌰𑍍𑌣𑍋𑌮𑌹𑌾𑌤𑍇𑌜𑌾𑌶𑍍𑌶𑌕𑍍𑌰𑌪𑍍𑌰𑌤𑌿𑌬𑌲𑍋𑌯𑍁𑌧𑌿 ॥ 10 ॥
𑌰𑌾𑌮𑌸𑍇𑌨𑌾𑌪𑌤𑌿𑌸𑍍𑌤𑌸𑍍𑌯𑌪𑍍𑌰𑌹𑌾𑌸𑍍𑌤𑍋𑌯𑌦𑌿𑌵𑌾𑌶𑍍𑌰𑍁𑌤𑌃 ।
𑌕𑍈𑌲𑌾𑌸𑍇𑌯𑍇𑌨𑌸𑌂𑌗𑍍𑌰𑌾𑌮𑍇𑌮𑌣𑌿𑌭𑌦𑍍𑌰𑌃𑌪𑌰𑌾𑌜𑌿𑌤𑌃 ॥ 11 ॥
𑌬𑌦𑍍𑌦𑌗𑍋𑌧𑌾𑌂𑌗𑍁𑌲𑌿𑌤𑍍𑌰𑌶𑍍𑌚 𑌅𑌵𑌧𑍍𑌯𑌕𑌵𑌚𑍋 𑌯𑍁𑌧𑌿 ।
𑌧𑌨𑍁𑌰𑌾𑌦𑌾𑌯 𑌯𑌸𑍍𑌤𑌿𑌷𑍍𑌠𑌨𑍍𑌨𑌦𑍃𑌶𑍍𑌯𑍋 𑌭𑌵𑌤𑍀𑌂𑌦𑍍𑌰𑌜𑌿𑌤𑍍 ॥ 12 ॥
𑌸𑌂𑌗𑍍𑌰𑌾𑌮𑌸𑌮𑌯𑌵𑍍𑌯𑍂𑌹𑍇𑌤𑌰𑍍𑌪𑌯𑌿𑌤𑍍𑌵𑌾𑌹𑍁𑌤𑌾𑌶𑌨𑌮𑍍 ।
𑌅𑌂𑌤𑌰𑍍𑌧𑌾𑌨𑌗𑌤𑌶𑍍𑌶𑌤𑍍𑌰𑍂𑌨𑌿𑌂𑌦𑍍𑌰𑌜𑌿𑌦𑍍 𑌹𑌂𑌤𑌿𑌰𑌾𑌘𑌵𑌃 ॥ 13 ॥
𑌮𑌹𑍋𑌦𑌰𑌮𑌹𑌾𑌪𑌾𑌰𑍍𑌶𑍍𑌵𑍌𑌰𑌾𑌕𑍍𑌷𑌸𑌶𑍍𑌚𑌾𑌪𑍍𑌯𑌕𑌂𑌪𑌨𑌃 ।
𑌅𑌨𑍀𑌕𑌸𑍍𑌥𑌾𑌸𑍍𑌤𑍁𑌤𑌸𑍍𑌯𑍈𑌤𑍇𑌲𑍋𑌕𑌪𑌾𑌲𑌸𑌮𑌾𑌯𑍁𑌧𑌿 ॥ 14 ॥
𑌦𑌶𑌕𑍋𑌟𑌿𑌸𑌹𑌸𑍍𑌰𑌾𑌣𑌿𑌰𑌕𑍍𑌷𑌸𑌾𑌂𑌕𑌾𑌮𑌰𑍂𑌪𑌿𑌣𑌾𑌮𑍍 ।
𑌮𑌾𑌂𑌸𑌶𑍋𑌣𑌿𑌤𑌭𑌕𑍍𑌷𑍍𑌯𑌾𑌣𑌾𑌂𑌲𑌂𑌕𑌾𑌪𑍁𑌰𑌨𑌿𑌵𑌾𑌸𑌿𑌨𑌾𑌮𑍍 ॥ 15 ॥
𑌸𑌤𑍈𑌸𑍍𑌤𑍁𑌸𑌹𑌿𑌤𑍋𑌰𑌾𑌜𑌾𑌲𑍋𑌕𑌪𑌾𑌲𑌾𑌨𑌯𑍋𑌧𑌯𑌤𑍍 ।
𑌸𑌹𑌦𑍇𑌵𑍈𑌸𑍍𑌤𑍁𑌤𑍇𑌭𑌗𑍍𑌨𑌾𑌰𑌾𑌵𑌣𑍇𑌨𑌮𑌹𑌾𑌤𑍍𑌮𑌨𑌾 ॥ 16 ॥
𑌵𑌿𑌭𑍀𑌷𑌣𑌵𑌚𑌃 𑌶𑍍𑌰𑍁𑌤𑍍𑌵𑌾𑌰𑌾𑌮𑍋𑌦𑍃𑌢𑌪𑌰𑌾𑌕𑍍𑌰𑌮𑌃 ।
𑌅𑌨𑍍𑌵𑍀𑌕𑍍𑌷𑍍𑌯𑌮𑌨𑌸𑌾𑌸𑌰𑍍𑌵𑌮𑌿𑌦𑌂𑌵𑌚𑌨𑌮𑌬𑍍𑌰𑌵𑍀𑌤𑍍 ॥ 1 ॥
𑌯𑌾𑌨𑌿𑌕𑌰𑍍𑌮𑌾𑌪𑌦𑌾𑌨𑌾𑌨𑌿𑌰𑌾𑌵𑌣𑌸𑍍𑌯𑌵𑌿𑌭𑍀𑌷𑌣𑌃 ।
𑌅𑌖𑍍𑌯𑌾𑌤𑌾𑌨𑌿𑌚𑌤𑌤𑍍𑌤𑍍𑌵𑍇𑌨𑌹𑍍𑌯𑌵𑌗𑌚𑍍𑌛𑌾𑌮𑌿𑌤𑌾𑌨𑍍𑌯𑌹𑌮𑍍 ॥ 1 ॥
𑌅𑌹𑌂𑌹𑌤𑍍𑌵𑌾𑌦𑌶𑌗𑍍𑌰𑍀𑌵𑌂𑌸𑌪𑍍𑌰𑌹𑌸𑍍𑌤𑌂𑌸𑌬𑌾𑌂𑌧𑌵𑌮𑍍 ।
𑌰𑌾𑌜𑌾𑌨𑌂𑌤𑍍𑌵𑌾𑌂𑌕𑌰𑌿𑌷𑍍𑌯𑌾𑌮𑌿𑌸𑌤𑍍𑌯𑌮𑍇𑌤𑌦𑍍𑌬𑍍𑌰𑌵𑍀𑌮𑌿𑌤𑍇 ॥ 1 ॥
𑌰𑌸𑌾𑌤𑌲𑌂 𑌵𑌾 𑌪𑍍𑌰𑌵𑌿𑌶𑍇𑌤𑍍𑌪𑌾𑌤𑌾𑌲𑌂 𑌵𑌾𑌪𑌿 𑌰𑌾𑌵𑌣𑌃 ।
𑌪𑌿𑌤𑌾𑌮𑌹𑌸𑌕𑌾𑌶𑌂 𑌵𑌾 𑌨 𑌮𑍇 𑌜𑍀𑌵𑌨𑍍𑌵𑌿𑌮𑍋𑌕𑍍𑌷𑍍𑌯𑌤𑍇 ॥ 20 ॥
𑌅𑌹𑌤𑍍𑌵𑌾𑌰𑌾𑌵𑌣𑌂𑌸𑌙𑍍 𑌖𑍍𑌯𑍇𑌸𑌪𑍁𑌤𑍍𑌰𑌜𑌨𑌬𑌾𑌂𑌧𑌵𑌮𑍍 ।
𑌅𑌯𑍋𑌧𑍍𑌯𑌾𑌂𑌨𑌪𑍍𑌰𑌵𑍇𑌕𑍍𑌷𑍍𑌯𑌾𑌮𑌿𑌤𑍍𑌰𑌿𑌭𑌿𑌸𑍍𑌤𑍈𑌰𑍍𑌭𑍍𑌰𑌾𑌤𑍃𑌭𑌿𑌶𑍍𑌶𑌪𑍇 ॥ 21 ॥
𑌶𑍍𑌰𑍁𑌤𑍍𑌵𑌾𑌤𑍁𑌵𑌚𑌨𑌂𑌤𑌸𑍍𑌯𑌰𑌾𑌮𑌸𑍍𑌯𑌾𑌕𑍍𑌲𑌿𑌷𑍍𑌟𑌕𑌰𑍍𑌮𑌣𑌃 ।
𑌶𑌿𑌰𑌸𑌾𑌵𑌂𑌦𑍍𑌯𑌧𑌰𑍍𑌮𑌾𑌤𑍍𑌮𑌾𑌵𑌕𑍍𑌤𑍁𑌮𑍇𑌵𑍋𑌪𑌚𑌕𑍍𑌰𑌮𑍇 ॥ 22 ॥
𑌰𑌾𑌕𑍍𑌷𑌸𑌾𑌨𑌾𑌂𑌵𑌧𑍇𑌸𑌾𑌹𑍍𑌯𑌂𑌲𑌂𑌕𑌾𑌯𑌾𑌶𑍍𑌚𑌪𑍍𑌰𑌧𑌰𑍍𑌷𑌣𑍇 ।
𑌕𑌰𑌿𑌷𑍍𑌯𑌾𑌮𑌿𑌯𑌥𑌾𑌪𑍍𑌰𑌾𑌣𑌂𑌪𑍍𑌰𑌵𑍇𑌕𑍍𑌷𑍍𑌯𑌾𑌮𑌿𑌚𑌵𑌾𑌹𑌿𑌨𑍀𑌮𑍍 ॥ 23 ॥
𑌇𑌤𑌿𑌬𑍍𑌰𑍁𑌵𑌾𑌣𑌾𑌂𑌰𑌾𑌮𑌸𑍍𑌤𑍁𑌪𑌰𑌿𑌷𑍍𑌵𑌜𑍍𑌯𑌵𑌿𑌭𑍀𑌷𑌣𑌮𑍍 ।
𑌅𑌬𑍍𑌰𑌵𑍀𑌲𑍍𑌲𑌕𑍍𑌷𑍍𑌮𑌣𑌂𑌪𑍍𑌰𑍀𑌤𑌸𑍍𑌸𑌮𑍁𑌦𑍍𑌰𑌾𑌜𑍍𑌜𑌲𑌮𑌾𑌨𑌯 ॥ 24 ॥
𑌤𑍇𑌨𑌚𑍇𑌮𑌂𑌮𑌹𑌾𑌪𑍍𑌰𑌾𑌜𑍍𑌞𑌮𑌭𑌿𑌷𑌿𑌂𑌚𑌵𑌿𑌭𑍀𑌷𑌣𑌮𑍍 ।
𑌰𑌾𑌜𑌾𑌨𑌂𑌰𑌕𑍍𑌷𑌸𑌾𑌂𑌕𑍍𑌷𑌿𑌪𑍍𑌰𑌂𑌪𑍍𑌰𑌸𑌨𑍍𑌨𑍇𑌮𑌯𑌿𑌮𑌾𑌨𑌦 ॥ 25 ॥
𑌏𑌵𑌮𑍁𑌕𑍍𑌤𑌸𑍍𑌤𑍁𑌸𑍌𑌮𑌿𑌤𑍍𑌰𑌿𑌰𑌭𑍍𑌯𑌷𑌿𑌂𑌚𑌦𑍍𑌵𑌿𑌭𑍀𑌷𑌣𑌮𑍍 ।
𑌮𑌧𑍍𑌯𑍇𑌵𑌾𑌨𑌰𑌮𑍁𑌖𑍍𑌯𑌾𑌨𑌾𑌂𑌰𑌾𑌜𑌾𑌨𑌂𑌰𑌾𑌮𑌶𑌾𑌸𑌨𑌾𑌤𑍍 ॥ 26 ॥
𑌤𑌂𑌪𑍍𑌰𑌸𑌾𑌦𑌂𑌤𑍁𑌰𑌾𑌮𑌸𑍍𑌯𑌦𑍃𑌷𑍍𑌟𑌵𑌾𑌸𑌦𑍍𑌯𑌃𑌪𑍍𑌲𑌵𑌂𑌗𑌮𑌾𑌃 ।
𑌪𑍍𑌰𑌚𑍁𑌕𑍍𑌰𑍁𑌶𑍁𑌰𑍍𑌮𑌹𑌾𑌤𑍍𑌮𑌾𑌨𑌂𑌸𑌾𑌧𑍁𑌸𑌾𑌧𑍍𑌵𑌿𑌤𑌿𑌚𑌾𑌬𑍍𑌰𑍁𑌵𑌨𑍍 ॥ 2 ॥
𑌅𑌥𑌾𑌬𑍍𑌰𑌵𑍀𑌦𑍍 𑌹𑌨𑍂𑌮𑌾𑌂𑌶𑍍𑌚𑌸𑍁𑌗𑍍𑌰𑍀𑌵𑌶𑍍𑌚𑌵𑌿𑌭𑍀𑌷𑌣𑌮𑍍 ।
𑌕𑌥𑌂𑌸𑌾𑌗𑌰𑌮𑌕𑍍𑌷𑍋𑌭𑍍𑌯𑌂𑌤𑌰𑌾𑌮𑌵𑌰𑍁𑌣𑌾𑌲𑌯𑌮𑍍 ॥ 2 ॥
𑌸𑍈𑌨𑍍𑌯𑍈𑌃𑌪𑌰𑌿𑌵𑍃𑌤𑌾𑌸𑍍𑌸𑌰𑍍𑌵𑍇𑌵𑌾𑌨𑌰𑌾𑌣𑌾𑌂𑌮𑌹𑍌𑌜𑌸𑌾𑌮𑍍 ।
𑌉𑌪𑌾𑌯𑌂𑌨𑌾𑌧𑌿𑌗𑌚𑍍𑌛𑌾𑌮𑍋𑌯𑌥𑌾𑌨𑌦𑌨𑌦𑍀𑌪𑌤𑌿𑌮𑍍 ।
𑌤𑌰𑌾𑌮𑌤𑌰𑌸𑌾𑌸𑌰𑍍𑌵𑍇𑌸𑌸𑍈𑌨𑍍𑌯𑌾𑌵𑌰𑍁𑌣𑌾𑌲𑌯𑌮𑍍 ॥ 2 ॥
𑌏𑌵𑌮𑍁𑌕𑍍𑌤𑌸𑍍𑌤𑍁𑌧𑌰𑍍𑌮𑌜𑍍𑌞𑌃𑌪𑍍𑌰𑌤𑍍𑌯𑍁𑌵𑌾𑌚𑌵𑌿𑌭𑍀𑌷𑌣𑌃 ।
𑌸𑌮𑍁𑌦𑍍𑌰𑌂𑌰𑌾𑌘𑌵𑍋𑌰𑌾𑌜𑌾𑌶𑌰𑌣𑌂𑌗𑌂𑌤𑍁𑌮𑌰𑍍𑌹𑌤𑌿 ॥ 30 ॥
𑌖𑌾𑌨𑌿𑌤𑌸𑍍𑌸𑌗𑌰𑍇𑌣𑌾𑌯𑌮𑌪𑍍𑌰𑌮𑍇𑌯𑍋𑌮𑌹𑍋𑌦𑌧𑌿𑌃 ।
𑌕𑌰𑍍𑌤𑍁𑌮𑌰𑍍𑌹𑌤𑌿𑌰𑌾𑌮𑌸𑍍𑌯𑌜𑍍𑌞𑌾𑌤𑍇𑌃 𑌕𑌾𑌰𑍍𑌯𑌂𑌮𑌹𑌾𑌮𑌤𑌿𑌃 ॥ 31 ॥
𑌏𑌵𑌂𑌵𑌿𑌭𑍀𑌷𑌣𑍇𑌨𑍋𑌕𑍍𑌤𑍋𑌰𑌾𑌕𑍍𑌷𑌸𑍇𑌨𑌵𑌿𑌪𑌶𑍍𑌚𑌿𑌤𑌾 ।
𑌅𑌜𑌗𑌾𑌮𑌾𑌥𑌸𑍁𑌗𑍍𑌰𑍀𑌵𑍋𑌯𑌤𑍍𑌰𑌰𑌾𑌮𑌸𑍍𑌸𑌲𑌕𑍍𑌷𑍍𑌮𑌣𑌃 ॥ 32 ॥
𑌤𑌤𑌶𑍍𑌚𑌾𑌖𑍍𑌯𑌾𑌤𑍁𑌮𑌾𑌰𑍇𑌭𑍇𑌵𑌿𑌭𑍀𑌷𑌣𑌵𑌚𑌶𑍍𑌶𑍁𑌭𑌮𑍍 ।
𑌸𑍁𑌗𑍍𑌰𑍀𑌵𑍋𑌵𑌿𑌪𑍁𑌲𑌗𑍍𑌰𑍀𑌵𑍋𑌸𑍍𑌸𑌾𑌗𑌰𑌸𑍍𑌯𑍋𑌪𑌵𑍇𑌶𑌨𑌮𑍍 ॥ 33 ॥
𑌪𑍍𑌰𑌕𑍃𑌤𑍍𑌯𑌾𑌧𑌰𑍍𑌮𑌶𑍀𑌲𑌸𑍍𑌯𑌰𑌾𑌘𑌵𑌸𑍍𑌯𑌾𑌪𑍍𑌯𑌰𑍋𑌚𑌤 ॥ 34 ॥
𑌵𑌿𑌭𑍀𑌷𑌣𑌸𑍍𑌯𑌮𑌂𑌤𑍍𑌰𑍋𑌽𑌯𑌂𑌮𑌮𑌲𑌕𑍍𑌷𑍍𑌮𑌣 𑌰𑍋𑌚𑌤𑍇 ।
𑌸𑍁𑌗𑍍𑌰𑍀𑌵𑌃𑌪𑌂𑌡𑌿𑌤𑍋𑌨𑌿𑌤𑍍𑌯𑌂𑌭𑌵𑌾𑌨𑍍𑌮𑌂𑌤𑍍𑌰𑌵𑌿𑌚𑌕𑍍𑌷𑌣𑌃 ॥ 35 ॥
𑌉𑌭𑌾𑌭𑍍𑌯𑌾𑌂𑌸𑌂𑌪𑍍𑌰𑌧𑌾𑌰𑍍𑌯𑌾𑌰𑍍𑌥𑌂𑌰𑍋𑌚𑌤𑍇𑌯𑌤𑍍𑌤𑌦𑍁𑌚𑍍𑌯𑌤𑌾𑌮𑍍 ।
𑌏𑌵𑌮𑍁𑌕𑍍𑌤𑍌𑌤𑌤𑍋𑌵𑍀𑌰𑌾𑌵𑍁𑌭𑍌𑌸𑍁𑌗𑍍𑌰𑍀𑌵𑌲𑌕𑍍𑌷𑍍𑌮𑌣𑍌 ।
𑌸𑌮𑍁𑌦𑌾𑌚𑌾𑌰𑌸𑌂𑌯𑍁𑌕𑍍𑌤𑌮𑌿𑌦𑌂𑌵𑌚𑌨𑌮𑍂𑌚𑌤𑍁𑌃 ॥ 36 ॥
𑌕𑌿𑌮𑌰𑍍𑌥𑌨𑍌𑌨𑌰𑌵𑍍𑌯𑌾𑌘𑍍𑌰𑌃 𑌨𑌰𑍋𑌚𑌿𑌷𑍍𑌯𑌤𑌿𑌰𑌾𑌘𑌵𑌃 ।
𑌵𑌿𑌭𑍀𑌷𑌣𑍇𑌨𑌯𑌚𑍍𑌚𑍋𑌕𑍍𑌤𑌮𑌸𑍍𑌮𑌿𑌨𑍍 𑌕𑌾𑌲𑍇𑌸𑍁𑌖𑌾𑌵𑌹𑌮𑍍 ॥ 3 ॥
𑌅𑌬𑌧𑍍𑌵𑌾𑌸𑌾𑌗𑌰𑍇𑌸𑍇𑌤𑍁𑌂𑌘𑍋𑌰𑍇𑌽𑌸𑍍𑌮𑌿𑌨𑍍𑌵𑌰𑍁𑌣𑌾𑌲𑌯𑍇 ।
𑌲𑌂𑌕𑌾𑌨𑌾𑌸𑌾𑌦𑌿𑌤𑍁𑌂𑌶𑌕𑍍𑌯𑌾𑌸𑍇𑌂𑌦𑍍𑌰𑍈𑌰𑌪𑌿𑌸𑍁𑌰𑌾𑌸𑍁𑌰𑍈𑌃 ॥ 3 ॥
𑌵𑌿𑌭𑍀𑌷𑌣𑌸𑍍𑌯𑌶𑍂𑌰𑌸𑍍𑌯𑌯𑌥𑌾𑌰𑍍𑌥𑌂𑌕𑍍𑌰𑌿𑌯𑌤𑌾𑌂𑌵𑌚𑌃 ॥ 3 ॥
𑌅𑌲𑌂𑌕𑌾𑌲𑌾𑌤𑍍𑌯𑌯𑌂𑌕𑍃𑌤𑍍𑌵𑌾𑌸𑌾𑌗𑌰𑍋𑌽𑌯𑌂𑌨𑌿𑌯𑍁𑌜𑍍𑌯𑌤𑌾𑌮𑍍 ।
𑌯𑌥𑌾𑌸𑍈𑌨𑍍𑌯𑍇𑌨𑌗𑌚𑍍𑌛𑌾𑌮𑌪𑍁𑌰𑍀𑌂𑌰𑌾𑌵𑌣𑌪𑌾𑌲𑌿𑌤𑌾𑌮𑍍 ॥ 40 ॥
𑌏𑌵𑌮𑍁𑌕𑍍𑌤𑌃𑌕𑍁𑌶𑌾𑌸𑍍𑌤𑍀𑌰𑍍𑌨𑍋𑌤𑍀𑌰𑍇𑌨𑌦𑌨𑌦𑍀𑌪𑌤𑍇𑌃 ।
𑌸𑌂𑌵𑌿𑌵𑍇𑌶𑌤𑌦𑌾𑌰𑌾𑌮𑍋𑌵𑍇𑌦𑍍𑌯𑌾𑌮𑌿𑌵𑌹𑍁𑌤𑌾𑌶𑌨𑌃 ॥ 41 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌏𑌕𑍋𑌨𑌵𑌿𑌂𑌶𑌸𑍍𑌸𑌰𑍍𑌗𑌃 ॥
