ശ്രീമദ്വാല്മീകീയ രാമായണേ യുദ്ധകാംഡമ് ।
അഥ പംചസപ്തതിതമസ്സര്ഗഃ ।
തതോഽബ്രവീന്മഹാതേജാസ്സുഗ്രീവോവാനരാധിപഃ ।
അര്ഥ്യംവിജ്ഞാപയംശ്ചാപിഹനൂമംതമിദംവചഃ ॥ 1 ॥
യതോഹതഃകുംഭകര്ണഃകുമാരാശ്ചനിഷൂദിതാഃ ।
നേദാനീമുപനിര്ഹാരംരാവണോദാതുമര്ഹതി ॥ 2 ॥
യേയേമഹാബലാസ്സംതിലഘവശ്ചപ്ലവംഗമാഃ ।
ലംകാമഭ്യുതംത്യാശുഗൃഹ്യോല്കാഃപ്ലവഗര്ഷഭാഃ ॥ 3 ॥
ഹരയോഹരിസംകാശാഃപ്രദഗ്ധുംരാവണാലയമ് ।
തോസ്തംഗതആദിത്യേരൌദ്രേതസ്മിന്നിശാമുഖേ ॥ 4 ॥
ലംകാമഭിമുഖാസ്സോല്കാജഗ്മുസ്തേപ്ലവഗര്ഷഭാഃ ।
ഉല്കാഹസ്സൈര്ഹരിഗണൈസ്സർവതസ്സമഭിദ്രുതാഃ ॥ 5 ॥
ആരക്ഷസ്ഥാവിരൂപാക്ഷാസ്സഹസാവിപ്രദദ്രുവുഃ ।
ഗോപുരാട്ടപ്രതോലീഷുചര്യാസുവിവിധാസു ച ॥ 6 ॥
പ്രാസാദേഷു ച സമ്ഹൃഷ്ടാസ്സസൃജുസ്തേഹുതാശനമ് ।
തേഷാംഗൃഹസഹസ്രാണിദദാഹഹുതഭുക്തദാ ॥ 7 ॥
പ്രാസാദാഃപർവതാകാരാഃപതംതിധരണീതലേ ।
അഗുരുര്ദഹ്യതേതത്രവരം ച ഹരിചംദനമ് ॥ 8 ॥
മൌക്തികാമണയസ്സ്നിഗ്ധാവജ്രംചാപിപ്രവാലകമ് ।
ക്ഷൌമം ച ദഹ്യതേതത്രകൌശേയംചാപിശോഭനമ് ॥ 9 ॥
ആവികംവിവിധംചൌര്ണംകാംചനംഭാംഡമായുധമ് ।
നാനാവികൃതസംസ്ഥാനംവാജിഭാംഡപരിച്ഛദൌ ॥ 10 ॥
ഗജഗ്രൈവേയകക്ഷ്യാശ്ചരഥഭാംഡാശ്ചസമ്സ്കൃതാഃ ।
നുത്രാണി ച യോധാനാംഹസ്ത്യശ്വാനാം വ ചര്മ ച ॥ 11 ॥
ഖഡഗാധനൂംഷിജ്വാബാണാസ്തോമരാംകുശശക്തയഃ ।
രോമജംവാലജംചര്മവ്യാഘ്രജംചംഡജംബഹു ॥ 12 ॥
മുക്താമണിവിചിത്രാംശ്ചപ്രാസാദാംശ്ചസമംതതഃ ।
വിവിധാനസ്ത്രസംയോഗാനഗ്നിര്ദഹതിതത്രവൈ ॥ 13 ॥
നാനാവിധാന്ഗൃഹച്ഛംദാംധദാഹഹുതഭുക്തദാ ।
ആവാസാന്രാക്ഷസാനാം ച സർവേഷാംഗൃഹഗര്ഥിനാമ് ॥ 14 ॥
ഹേമചിത്രതനുത്രാണസ്രഗ്ദാമാംഭരധാരിണാമ് ।
ശീധുപാനചലാക്ഷാണാംമദ്വിഹ്വലഗാമിനാമ് ॥ 15 ॥
കാംതാലംബിതവസ്ത്രാണാംശത്രുസംജാതമന്യുനാമ് ।
ഗദാശൂലാസിഹസ്താനാംഖാദതാംപിബതാമപി ॥ 16 ॥
ശയനേഷുമഹാര്ഹേഷുപ്രസുപ്താനാംപ്രിയൈസ്സഹ ।
ത്രസ്താനാംഗച്ഛതാംതൂര്ണംപുത്രാനാദായസർവതഃ ॥ 17 ॥
തേഷാംശതസഹസ്രാണിതദാലംകാനിവാസിനാമ് ।
അദഹത്പാവകസ്തത്രജജ്വാല ച പുനഃപുനഃ ॥ 18 ॥
സാരവംതിമഹാര്ഹാണിഗംഭീരഗുണവംതി ച ।
ഹേമചംദ്രാര്ധചംദ്രാണിചംദ്രശാലോനതാനി ച ॥ 19 ॥
തത്രചിത്രഗവാക്ഷാണിസാധിഷ്ഠാനാനിസർവശഃ ।
മണിവിദ്രുമചിത്രാണിസ്പൃശംതീവദിവാകരമ് ॥ 20 ॥
ക്രൌംചബര്ഹിബവീണാനാംഭൂഷണാനാം ച നിസ്സ്വനൈഃ ।
നാദിതാന്യചലാഭാനിവേശ്മാന്യഗ്നിര്ദദാഹ സ ॥ 21 ॥
ജ്വലനേനപരീതാനിതോരണാനിചകാശിരേ ।
വിദ്യുദ്ഭിരിവനദ്ധാനിമേഘജാലാനിഘര്മഗേ ॥ 22 ॥
ജ്വലനേനപരീതാനിനിപേതുര്ഭവനാന്വഥ ।
വജ്രിവജ്രഹതാനീവശിഖരാണിമഹാഗിരേഃ ॥ 23 ॥
വിമാനേഷുപ്രസുസ്താശ്ചദഹ്യമാനാവരാംഗനാഃ ।
ത്യക്താഭരണസർവാംഗാഹാഹേത്യുച്ചൈർവിചുക്രുശുഃ ॥ 24 ॥
തത്രചാഗ്നിപരീതാനിനിപേതുര്ഭവനാന്യപി ।
വജ്രിവജ്രഹതാനീവശിഖരാണിമഹാഗിരേഃ ॥ 25 ॥
താനിനിര്ദഹ്യമാനാനിദൂരതഃപ്രചകാശിരേ ।
ഹിമവച്ഛിഖരാണീവദീപ്തൌഷദിവനാനിച ॥ 26 ॥
ഹര്മ്യാഗ്രൈര്ദഹ്യമാനൈശ്ചജ്വാലാപ്രജ്വലിതൈരപി ।
രാത്രൌസാദൃശ്യതേലംകാപുഷ്പിതൈരിവകിംശുകൈഃ ॥ 27 ॥
ഹസ്ത്യധ്യക്ഷൈര്ഗജൈര്മുകൈര്മുകൈശ്ച തുരഗൈരപി ।
ബഭൂവ ലംകാ ലോകാംതേ ഭ്രാംതഗ്രാഹ ഇവാര്ണവഃ ॥ 28 ॥
അശ്വംമുക്തംഗജോദൃഷ്ടവാക്വചിദ്ഭീതോഽപസര്പതി ।
ഭീതോഭീതംഗജംദൃഷ്ടവാക്വചിദശ്വോനിവര്തതേ ॥ 29 ॥
ലംകായാം ദഹ്യമാനായാം ശുശുഭേ ച മഹോദധിഃ ।
ചായാസംസക്തസലിലോ ലോഹിതോദ ഇവാര്ണവഃ ॥ 30 ॥
സാബഭൂവമുഹൂര്തേനഹരിഭിര്ദീപിതാപുരീ ।
ലോകസ്യാസ്യക്ഷ്യേഘോരേപ്രദീപ്തേവവസുംദരാ ॥ 31 ॥
നാരീജനസ്യധൂമേനവ്യാപ്തസ്യോച്ചൈർവിനേദുഷഃ ।
സ്വനോജ്വലനതപ്തസ്യശുശ്രുവേശതയോജനമ് ॥ 32 ॥
പ്രദഗ്ധകായാനപരാന് രാക്ഷസാന്നിര്ഗതാന് ബഹിഃ ।
സഹസാഭ്യുത്പതംതിസ്മഹരയോഽഥയുയുത്സവഃ ॥ 33 ॥
ഉദ്ഘുഷ്ടംവാനരാണാം ച രാക്ഷസാനാം ച നിസ്സ്വനഃ ।
ദിശോദശസമുദ്രം ച പൃഥിവീംചാന്വനാദയത് ॥ 34 ॥
വിശല്യൌതുമഹാത്മാനൌതാവുഭൌരാമലക്ഷ്മണൌ ।
അസംഭ്രാംതൌജഗൃഹതുസ്തദോഭൌധനുഷീവരേ ॥ 35 ॥
തതോവിസ്ഫാരയാനസ്യരാമസ്യധനുരുത്തമമ് ।
ബഭൂവതുമുലശ്ശബ്ദോരാക്ഷസാനാംഭയാവഹഃ ॥ 36 ॥
അശോഭതതദാരാമോധനുർവിഷ്ഫാരയന് മഹത് ।
ഭഗവാനിവസംകൃദ്ധോഭവോവേദമയംധനുഃ ॥ 37 ॥
ഉദ്ഘുഷ്ടംവാനരാണാം ച രാക്ഷസാനാം ച നിസ്സ്വനമ് ।
ജ്യാശബ്ദസ്താവുഭൌശബ്ദാവതിരാമസ്യശുശ്രുവേ ॥ 38 ॥
വാനരോദ്ഘുഷ്ടഘോഷശ്ചരാക്ഷസാനാം ച നിസ്സ്വനഃ ।
ജ്യാശബ്ദശ്ചാപിരാമസ്യത്രയംവ്യാപ്യദിശോദശ ॥ 39 ॥
തസ്യകാര്മുകമുക്സൈശ്ചശരൈസ്തത്പുരഗോപുരമ് ।
കൈലാസശൃംഗപ്രതിമംവിശീര്ണമപതദ്ഭുവി ॥ 40 ॥
തതോരാമശരാന് ദൃഷ്ടവാവിമാനേഷുഗൃഹേഷു ച ।
സന്നാഹോരാക്ഷസേംദ്രാണാംതുമുലസ്സമപദ്യത ॥ 41 ॥
തേഷാംസന്നഹ്യമാനാനാംസിംഹനാദം ച കുർവതാമ് ।
ശർവരീരാക്ഷസേംദ്രാണാംരൌദ്രീവസമപദ്യത ॥ 42 ॥
ആദിഷ്ടാവാനരേംദ്രാസ്തേസുഗ്രീവേണമഹാത്മനാ ।
ആസന്നദ്വാരമാസാദ്യയുധ്യധ്വംപ്ലവഗര്ഷഭാഃ ॥ 43 ॥
യശ്ചവോവിതഥംകുർവാത്തത്രതത്രവ്യവസ്ഥിതഃ ।
സ ഹംതവ്യോഹിസംഫ്ലുത്യരാജശാസനദൂഷകഃ ॥ 44 ॥
തേഷുവാനരമുഖേഷുദീപ്തോല്കോജ്ജ്വലപാണിഷു ।
സ്ഥിതേഷുദ്വാരമാസാദ്യരാവണംമന്യുരാവിശത് ॥ 45 ॥
തസ്യജൃംഭിതവിക്ഷേപാദ്വ്യാമിശ്രാവൈദിശോദശ ।
രൂപവാനിവരുദ്രസ്യമന്യുര്ഗാത്രേഷ്വദൃശ്യത ॥ 46 ॥
സ നികുംഭം ച കുംഭം ച കുംഭകര്ണാത്മജാവുഭൌ ।
പ്രേഷയാമാസസംകൃദ്ധോരാക്ഷസസൈര്ബഹുഭിസ്സഹ ॥ 47 ॥
യൂപാക്ഷശ്ശോണിതാക്ഷശ്ചപ്രജംഘഃകംപനസ്തഥാ ।
നിര്യയുഃകൌംഭകര്ണിഭ്യാംസഹരാവണശാസനാത് ॥ 48 ॥
ശശാസചൈവതാന് സർവാന്രാക്ഷസാന് സുമഹാബലാന് ।
രാക്ഷസാഗച്ഛതാദ്യൈവസിംഹനാദം ച നാദയന് ॥ 49 ॥
തതസ്തുചോദിതാസ്തേനരാക്ഷസാജ്വലിതായുധാഃ ।
ലംകായാനിര്യയുർവീരാഃപ്രണദംതഃപുനഃപുനഃ ॥ 50 ॥
രക്ഷസാംഭൂഷണസ്ഥാഭിര്ഭാഭിസ്സ്വാഭിശ്ചസർവശഃ ।
ചക്രുസ്തേസപ്രഭംവ്യോമഹരയശ്ചാഗ്നിഭിസ്സഹ ॥ 51 ॥
തത്രതാരാധിപസ്യാഭാതാരാണാം ച തഥൈവ ച ।
തയോരാഭരണാസാ ച ബലയോര്ദ്യാമഭാസയന് ॥ 52 ॥
ചംദ്രാഭാഭൂഷണാഭാ ച ഗൃഹാണാംസാഗരഃപുനഃ ।
ഹരിരാക്ഷസസൈന്യാനിഭ്രാജയാമാസസർവതഃ ॥ 53 ॥
തത്രചോര്ധ്വംപ്രദീപ്താനാംഗൃഹാണാംസാഗരഃപുനഃ ।
ഭാഭിസ്സംസക്തസലിലശ്ചലോര്മിശ്ശുശുഭേഽധികമ് ॥ 54 ॥
പതാകാധ്വജസംസക്തമുത്തമാസിപരശ്വധമ് ।
ഭീമാശ്വരഥമാതംഗംനാനാപതതിസമാകുലമ് ॥ 55 ॥
ദീപ്തശൂലഗദാഖഡഗപ്രാസതോമരകാര്മുകമ് ।
തദ്രാക്ഷസബലംഘോരഭീമംവിക്രമപൌരുഷമ് ॥ 56 ॥
ദദൃശേജ്വലിതപ്രാസംകിംകിണീശതനാദിതമ് ।
ഹേമജാലാചിതഭുജംവ്യാവേഷ്ടിതപരശ്വഥമ് ॥ 57 ॥
വ്യാഘൂര്ണിതമഹാശസ്ത്രംബാണസംസക്തകാര്മുകമ് ।
ഗംധമാല്യമധൂത്സേകസമ്മോദിതമഹാനിലമ് ॥ 58 ॥
ഘോരംശൂരജനാകീര്ണംമഹാംബുദരനിസ്സ്വനമ് ।
തദ്ദൃഷ്ടവാബലമായാതംരാക്ഷസാനാംസുദാരുണമ് ॥ 59 ॥
സംചചാലപ്ലവംഗാനാംബലമുച്ചൈര്നനാദ ച ।
ജവേനാഫ്ലുത്യ ച പുനസ്തദ്ബലംരക്ഷസാംമഹത് ॥ 60 ॥
അഭ്യയാത്പ്രത്യരിബലംപതംഗാഇവപാവകമ് ।
തേഷാംഭുജപരാമര്ശവ്യാമൃഷ്ടപരിഘാശനി ॥ 61 ॥
രാക്ഷസാനാംബലംശ്രേഷ്ഠംഭൂയസ്തരമശോഭത ।
തത്രോന്മത്താഇവോത്പേതുര്ഹരയോഽഥയുയുത്സവഃ ॥ 62 ॥
തരുശൈലൈരഭിഘ്നംതോമുഷ്ടിഭിശ്ചനിശാചരാന് ।
തഥൈവാപതതാംതേഷാംകപീനാമസിഭിശശിതൈഃ ॥ 63 ॥
ശിരാംസിസഹസാജഹ്രൂരാക്ഷസാഭീമദര്ശനാ ।
ദശനൈര്ഹതകര്ണാശ്ചമുഷ്ടിനിഷ്കീര്ണമസ്തകാഃ ॥ 64 ॥
ശിലാപ്രഹാരഭഗ്നാംഗാവിചേരുസ്തത്രരാക്ഷസാഃ ।
തഥൈവാപ്യപരേതേഷാംകപീനാമഭിലക്ഷിതാ ॥ 65 ॥
പ്രവീരാനഭിതോജഘ്നുര്ഘോരരൂപാനിശാചരാഃ ।
ഘ്നംതമന്യംജഘാനാന്യഃപാതയംതമപാതയത് ॥ 66 ॥
ഗര്ഹമാണംജഗര്ഹേഽന്യോദശംതമപരോഽദശത് ।
ദേഹീത്യന്യോദദാത്യന്യോദദാമീത്യപരഃപുനഃ ॥ 67 ॥
കിംക്ലേശയസിതിഷ്ഠേതിതത്രാന്യോന്യംബഭാഷിരേ ।
വിപ്രലംഭിതവസ്ത്രം ച വിമുക്തകവചായുധമ് ॥ 68 ॥
സമുദ്യതമഹാപ്രാസംയഷ്ടിശൂലാസിസംകുലമ് ।
പ്രാവര്തതമഹാരൌദ്രംയുദ്ധംവാനരരക്ഷസാമ് ॥ 69 ॥
വാനരാംദശസപ്തേതിരാക്ഷസാജഘ്നുരാഹവേ ।
രാക്ഷസാംദശസപ്തേതിവാനരാശ്ചാഭ്യപാതയന് ॥ 70 ॥
വിസ്രസ്തകേശവസനംവിധ്വസ്തകവചധ്വജമ് ।
ബലംരാക്ഷസമാലംബ്യവാനരാഃപര്യവാരയന് ॥ 71 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ പംചസപ്തതിതമസ്സര്ഗഃ ॥
