ශ්රීමද්වාල්මීකීය රාමායණේ යුද්ධකාංඩම් ।
අථ පංචසප්තතිතමස්සර්ගඃ ।
තතෝऽබ්රවීන්මහාතේජාස්සුග්රීවෝවානරාධිපඃ ।
අර්ථ්යංවිජ්ඤාපයංශ්චාපිහනූමංතමිදංවචඃ ॥ 1 ॥
යතෝහතඃකුංභකර්ණඃකුමාරාශ්චනිෂූදිතාඃ ।
නේදානීමුපනිර්හාරංරාවණෝදාතුමර්හති ॥ 2 ॥
යේයේමහාබලාස්සංතිලඝවශ්චප්ලවංගමාඃ ।
ලංකාමභ්යුතංත්යාශුගෘහ්යෝල්කාඃප්ලවගර්ෂභාඃ ॥ 3 ॥
හරයෝහරිසංකාශාඃප්රදග්ධුංරාවණාලයම් ।
තෝස්තංගතආදිත්යේරෞද්රේතස්මින්නිශාමුඛේ ॥ 4 ॥
ලංකාමභිමුඛාස්සෝල්කාජග්මුස්තේප්ලවගර්ෂභාඃ ।
උල්කාහස්සෛර්හරිගණෛස්සර්වතස්සමභිද්රුතාඃ ॥ 5 ॥
ආරක්ෂස්ථාවිරූපාක්ෂාස්සහසාවිප්රදද්රුවුඃ ।
ගෝපුරාට්ටප්රතෝලීෂුචර්යාසුවිවිධාසු ච ॥ 6 ॥
ප්රාසාදේෂු ච සම්හෘෂ්ටාස්සසෘජුස්තේහුතාශනම් ।
තේෂාංගෘහසහස්රාණිදදාහහුතභුක්තදා ॥ 7 ॥
ප්රාසාදාඃපර්වතාකාරාඃපතංතිධරණීතලේ ।
අගුරුර්දහ්යතේතත්රවරං ච හරිචංදනම් ॥ 8 ॥
මෞක්තිකාමණයස්ස්නිග්ධාවජ්රංචාපිප්රවාලකම් ।
ක්ෂෞමං ච දහ්යතේතත්රකෞශේයංචාපිශෝභනම් ॥ 9 ॥
ආවිකංවිවිධංචෞර්ණංකාංචනංභාංඩමායුධම් ।
නානාවිකෘතසංස්ථානංවාජිභාංඩපරිච්ඡදෞ ॥ 10 ॥
ගජග්රෛවේයකක්ෂ්යාශ්චරථභාංඩාශ්චසම්ස්කෘතාඃ ।
නුත්රාණි ච යෝධානාංහස්ත්යශ්වානාං ව චර්ම ච ॥ 11 ॥
ඛඩගාධනූංෂිජ්වාබාණාස්තෝමරාංකුශශක්තයඃ ।
රෝමජංවාලජංචර්මව්යාඝ්රජංචංඩජංබහු ॥ 12 ॥
මුක්තාමණිවිචිත්රාංශ්චප්රාසාදාංශ්චසමංතතඃ ।
විවිධානස්ත්රසංයෝගානග්නිර්දහතිතත්රවෛ ॥ 13 ॥
නානාවිධාන්ගෘහච්ඡංදාංධදාහහුතභුක්තදා ।
ආවාසාන්රාක්ෂසානාං ච සර්වේෂාංගෘහගර්ථිනාම් ॥ 14 ॥
හේමචිත්රතනුත්රාණස්රග්දාමාංභරධාරිණාම් ।
ශීධුපානචලාක්ෂාණාංමද්විහ්වලගාමිනාම් ॥ 15 ॥
කාංතාලංබිතවස්ත්රාණාංශත්රුසංජාතමන්යුනාම් ।
ගදාශූලාසිහස්තානාංඛාදතාංපිබතාමපි ॥ 16 ॥
ශයනේෂුමහාර්හේෂුප්රසුප්තානාංප්රියෛස්සහ ।
ත්රස්තානාංගච්ඡතාංතූර්ණංපුත්රානාදායසර්වතඃ ॥ 17 ॥
තේෂාංශතසහස්රාණිතදාලංකානිවාසිනාම් ।
අදහත්පාවකස්තත්රජජ්වාල ච පුනඃපුනඃ ॥ 18 ॥
සාරවංතිමහාර්හාණිගංභීරගුණවංති ච ।
හේමචංද්රාර්ධචංද්රාණිචංද්රශාලෝනතානි ච ॥ 19 ॥
තත්රචිත්රගවාක්ෂාණිසාධිෂ්ඨානානිසර්වශඃ ।
මණිවිද්රුමචිත්රාණිස්පෘශංතීවදිවාකරම් ॥ 20 ॥
ක්රෞංචබර්හිබවීණානාංභූෂණානාං ච නිස්ස්වනෛඃ ।
නාදිතාන්යචලාභානිවේශ්මාන්යග්නිර්දදාහ ස ॥ 21 ॥
ජ්වලනේනපරීතානිතෝරණානිචකාශිරේ ।
විද්යුද්භිරිවනද්ධානිමේඝජාලානිඝර්මගේ ॥ 22 ॥
ජ්වලනේනපරීතානිනිපේතුර්භවනාන්වථ ।
වජ්රිවජ්රහතානීවශිඛරාණිමහාගිරේඃ ॥ 23 ॥
විමානේෂුප්රසුස්තාශ්චදහ්යමානාවරාංගනාඃ ।
ත්යක්තාභරණසර්වාංගාහාහේත්යුච්චෛර්විචුක්රුශුඃ ॥ 24 ॥
තත්රචාග්නිපරීතානිනිපේතුර්භවනාන්යපි ।
වජ්රිවජ්රහතානීවශිඛරාණිමහාගිරේඃ ॥ 25 ॥
තානිනිර්දහ්යමානානිදූරතඃප්රචකාශිරේ ।
හිමවච්ඡිඛරාණීවදීප්තෞෂදිවනානිච ॥ 26 ॥
හර්ම්යාග්රෛර්දහ්යමානෛශ්චජ්වාලාප්රජ්වලිතෛරපි ।
රාත්රෞසාදෘශ්යතේලංකාපුෂ්පිතෛරිවකිංශුකෛඃ ॥ 27 ॥
හස්ත්යධ්යක්ෂෛර්ගජෛර්මුකෛර්මුකෛශ්ච තුරගෛරපි ।
බභූව ලංකා ලෝකාංතේ භ්රාංතග්රාහ ඉවාර්ණවඃ ॥ 28 ॥
අශ්වංමුක්තංගජෝදෘෂ්ටවාක්වචිද්භීතෝऽපසර්පති ।
භීතෝභීතංගජංදෘෂ්ටවාක්වචිදශ්වෝනිවර්තතේ ॥ 29 ॥
ලංකායාං දහ්යමානායාං ශුශුභේ ච මහෝදධිඃ ।
චායාසංසක්තසලිලෝ ලෝහිතෝද ඉවාර්ණවඃ ॥ 30 ॥
සාබභූවමුහූර්තේනහරිභිර්දීපිතාපුරී ।
ලෝකස්යාස්යක්ෂ්යේඝෝරේප්රදීප්තේවවසුංදරා ॥ 31 ॥
නාරීජනස්යධූමේනව්යාප්තස්යෝච්චෛර්විනේදුෂඃ ।
ස්වනෝජ්වලනතප්තස්යශුශ්රුවේශතයෝජනම් ॥ 32 ॥
ප්රදග්ධකායානපරාන් රාක්ෂසාන්නිර්ගතාන් බහිඃ ।
සහසාභ්යුත්පතංතිස්මහරයෝऽථයුයුත්සවඃ ॥ 33 ॥
උද්ඝුෂ්ටංවානරාණාං ච රාක්ෂසානාං ච නිස්ස්වනඃ ।
දිශෝදශසමුද්රං ච පෘථිවීංචාන්වනාදයත් ॥ 34 ॥
විශල්යෞතුමහාත්මානෞතාවුභෞරාමලක්ෂ්මණෞ ।
අසංභ්රාංතෞජගෘහතුස්තදෝභෞධනුෂීවරේ ॥ 35 ॥
තතෝවිස්ඵාරයානස්යරාමස්යධනුරුත්තමම් ।
බභූවතුමුලශ්ශබ්දෝරාක්ෂසානාංභයාවහඃ ॥ 36 ॥
අශෝභතතදාරාමෝධනුර්විෂ්ඵාරයන් මහත් ।
භගවානිවසංකෘද්ධෝභවෝවේදමයංධනුඃ ॥ 37 ॥
උද්ඝුෂ්ටංවානරාණාං ච රාක්ෂසානාං ච නිස්ස්වනම් ।
ජ්යාශබ්දස්තාවුභෞශබ්දාවතිරාමස්යශුශ්රුවේ ॥ 38 ॥
වානරෝද්ඝුෂ්ටඝෝෂශ්චරාක්ෂසානාං ච නිස්ස්වනඃ ।
ජ්යාශබ්දශ්චාපිරාමස්යත්රයංව්යාප්යදිශෝදශ ॥ 39 ॥
තස්යකාර්මුකමුක්සෛශ්චශරෛස්තත්පුරගෝපුරම් ।
කෛලාසශෘංගප්රතිමංවිශීර්ණමපතද්භුවි ॥ 40 ॥
තතෝරාමශරාන් දෘෂ්ටවාවිමානේෂුගෘහේෂු ච ।
සන්නාහෝරාක්ෂසේංද්රාණාංතුමුලස්සමපද්යත ॥ 41 ॥
තේෂාංසන්නහ්යමානානාංසිංහනාදං ච කුර්වතාම් ।
ශර්වරීරාක්ෂසේංද්රාණාංරෞද්රීවසමපද්යත ॥ 42 ॥
ආදිෂ්ටාවානරේංද්රාස්තේසුග්රීවේණමහාත්මනා ।
ආසන්නද්වාරමාසාද්යයුධ්යධ්වංප්ලවගර්ෂභාඃ ॥ 43 ॥
යශ්චවෝවිතථංකුර්වාත්තත්රතත්රව්යවස්ථිතඃ ।
ස හංතව්යෝහිසංඵ්ලුත්යරාජශාසනදූෂකඃ ॥ 44 ॥
තේෂුවානරමුඛේෂුදීප්තෝල්කෝජ්ජ්වලපාණිෂු ।
ස්ථිතේෂුද්වාරමාසාද්යරාවණංමන්යුරාවිශත් ॥ 45 ॥
තස්යජෘංභිතවික්ෂේපාද්ව්යාමිශ්රාවෛදිශෝදශ ।
රූපවානිවරුද්රස්යමන්යුර්ගාත්රේෂ්වදෘශ්යත ॥ 46 ॥
ස නිකුංභං ච කුංභං ච කුංභකර්ණාත්මජාවුභෞ ।
ප්රේෂයාමාසසංකෘද්ධෝරාක්ෂසසෛර්බහුභිස්සහ ॥ 47 ॥
යූපාක්ෂශ්ශෝණිතාක්ෂශ්චප්රජංඝඃකංපනස්තථා ।
නිර්යයුඃකෞංභකර්ණිභ්යාංසහරාවණශාසනාත් ॥ 48 ॥
ශශාසචෛවතාන් සර්වාන්රාක්ෂසාන් සුමහාබලාන් ।
රාක්ෂසාගච්ඡතාද්යෛවසිංහනාදං ච නාදයන් ॥ 49 ॥
තතස්තුචෝදිතාස්තේනරාක්ෂසාජ්වලිතායුධාඃ ।
ලංකායානිර්යයුර්වීරාඃප්රණදංතඃපුනඃපුනඃ ॥ 50 ॥
රක්ෂසාංභූෂණස්ථාභිර්භාභිස්ස්වාභිශ්චසර්වශඃ ।
චක්රුස්තේසප්රභංව්යෝමහරයශ්චාග්නිභිස්සහ ॥ 51 ॥
තත්රතාරාධිපස්යාභාතාරාණාං ච තථෛව ච ।
තයෝරාභරණාසා ච බලයෝර්ද්යාමභාසයන් ॥ 52 ॥
චංද්රාභාභූෂණාභා ච ගෘහාණාංසාගරඃපුනඃ ।
හරිරාක්ෂසසෛන්යානිභ්රාජයාමාසසර්වතඃ ॥ 53 ॥
තත්රචෝර්ධ්වංප්රදීප්තානාංගෘහාණාංසාගරඃපුනඃ ।
භාභිස්සංසක්තසලිලශ්චලෝර්මිශ්ශුශුභේऽධිකම් ॥ 54 ॥
පතාකාධ්වජසංසක්තමුත්තමාසිපරශ්වධම් ।
භීමාශ්වරථමාතංගංනානාපතතිසමාකුලම් ॥ 55 ॥
දීප්තශූලගදාඛඩගප්රාසතෝමරකාර්මුකම් ।
තද්රාක්ෂසබලංඝෝරභීමංවික්රමපෞරුෂම් ॥ 56 ॥
දදෘශේජ්වලිතප්රාසංකිංකිණීශතනාදිතම් ।
හේමජාලාචිතභුජංව්යාවේෂ්ටිතපරශ්වථම් ॥ 57 ॥
ව්යාඝූර්ණිතමහාශස්ත්රංබාණසංසක්තකාර්මුකම් ।
ගංධමාල්යමධූත්සේකසම්මෝදිතමහානිලම් ॥ 58 ॥
ඝෝරංශූරජනාකීර්ණංමහාංබුදරනිස්ස්වනම් ।
තද්දෘෂ්ටවාබලමායාතංරාක්ෂසානාංසුදාරුණම් ॥ 59 ॥
සංචචාලප්ලවංගානාංබලමුච්චෛර්නනාද ච ।
ජවේනාඵ්ලුත්ය ච පුනස්තද්බලංරක්ෂසාංමහත් ॥ 60 ॥
අභ්යයාත්ප්රත්යරිබලංපතංගාඉවපාවකම් ।
තේෂාංභුජපරාමර්ශව්යාමෘෂ්ටපරිඝාශනි ॥ 61 ॥
රාක්ෂසානාංබලංශ්රේෂ්ඨංභූයස්තරමශෝභත ।
තත්රෝන්මත්තාඉවෝත්පේතුර්හරයෝऽථයුයුත්සවඃ ॥ 62 ॥
තරුශෛලෛරභිඝ්නංතෝමුෂ්ටිභිශ්චනිශාචරාන් ।
තථෛවාපතතාංතේෂාංකපීනාමසිභිශශිතෛඃ ॥ 63 ॥
ශිරාංසිසහසාජහ්රූරාක්ෂසාභීමදර්ශනා ।
දශනෛර්හතකර්ණාශ්චමුෂ්ටිනිෂ්කීර්ණමස්තකාඃ ॥ 64 ॥
ශිලාප්රහාරභග්නාංගාවිචේරුස්තත්රරාක්ෂසාඃ ।
තථෛවාප්යපරේතේෂාංකපීනාමභිලක්ෂිතා ॥ 65 ॥
ප්රවීරානභිතෝජඝ්නුර්ඝෝරරූපානිශාචරාඃ ।
ඝ්නංතමන්යංජඝානාන්යඃපාතයංතමපාතයත් ॥ 66 ॥
ගර්හමාණංජගර්හේऽන්යෝදශංතමපරෝऽදශත් ।
දේහීත්යන්යෝදදාත්යන්යෝදදාමීත්යපරඃපුනඃ ॥ 67 ॥
කිංක්ලේශයසිතිෂ්ඨේතිතත්රාන්යෝන්යංබභාෂිරේ ।
විප්රලංභිතවස්ත්රං ච විමුක්තකවචායුධම් ॥ 68 ॥
සමුද්යතමහාප්රාසංයෂ්ටිශූලාසිසංකුලම් ।
ප්රාවර්තතමහාරෞද්රංයුද්ධංවානරරක්ෂසාම් ॥ 69 ॥
වානරාංදශසප්තේතිරාක්ෂසාජඝ්නුරාහවේ ।
රාක්ෂසාංදශසප්තේතිවානරාශ්චාභ්යපාතයන් ॥ 70 ॥
විස්රස්තකේශවසනංවිධ්වස්තකවචධ්වජම් ।
බලංරාක්ෂසමාලංබ්යවානරාඃපර්යවාරයන් ॥ 71 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ පංචසප්තතිතමස්සර්ගඃ ॥
