ଶ୍ରୀମଦ୍ଵାଲ୍ମୀକୀୟ ରାମାୟଣେ ୟୁଦ୍ଧକାଂଡମ୍ ।
ଅଥ ଅଷ୍ଟାଶୀତିତମସ୍ସର୍ଗଃ ।
ଵିଭୀଷଣଵଚ୍ଶ୍ରୁତ୍ଵାରାଵଣିଃକ୍ରୋଧମୂର୍ଛିତଃ ।
ଅବ୍ରଵୀତ୍ପରୁଷଂଵାକ୍ୟଂଵେଗେନାଭ୍ୟୁତ୍ପପାତ ଚ ॥ 1 ॥
ଉଦ୍ୟତାୟୁଧନିସ୍ତ୍ରିଂଶୋରଥେସୁସମଲଂକୃତେ ।
କାଲାଶ୍ଵୟୁକ୍ତେମହତିସ୍ଥିତଃକାଲାଂତକୋପମଃ ॥ 2 ॥
ମହାପ୍ରମାଣମୁଦ୍ୟମ୍ୟଵିପୁଲଂଵେଗଵଦ୍ଧୃଢମ୍ ।
ଧନୁର୍ବୀମଂପରାମୃଶ୍ୟଶରାଂଶ୍ଚାମିତ୍ରନାଶନାନ୍ ॥ 3 ॥
ତଂଦଦର୍ଶମହେଷ୍ଵାସୋରଥସ୍ଥସ୍ସମଲଂକୃତଃ ।
ଅଲଂକୃତମମିତ୍ରଘ୍ନୋରାଘଵସ୍ୟାନୁଜଂବଲୀ ॥ 4 ॥
ହନୁମତ୍ପୃଷ୍ଠରୂଢମୁଦସ୍ଥରଵିପ୍ରଭମ୍ ।
ଉଵାଚୈନଂସମାରବ୍ଧଃ ସୌମିତ୍ରିଂସଵିଭୀଷଣମ୍ ॥ 5 ॥
ତାଂଶ୍ଚଵାନରଶାର୍ଦୂଲାନ୍ ପଶ୍ୟଧ୍ଵଂମେପରାକ୍ରମମ୍ ।
ଅଦ୍ୟମତ୍କାର୍ମୁକୋତ୍ସୃଷ୍ଟଂଶରଵର୍ଷଂଦୁରାସଦମ୍ ॥ 6 ॥
ମୁକ୍ତଂଵର୍ଷମିଵାକାଶେଵାରୟିଷ୍ୟଥସଂୟୁଗେ ।
ଅଦ୍ୟଵୋମାମକାବାଣାମହାକାର୍ମୁନିସ୍ସୃତାଃ ॥ 7 ॥
ଵିଧମିଷ୍ୟଂତିଗାତ୍ରାଣିତୂଲରାଶିମିଵାନଲଃ ।
ତୀକ୍ଷଣସାୟକନିର୍ଭନ୍ନାନ୍ଶୂଲଶକ୍ତ୍ୟୃଷ୍ଟିତୋମରୈଃ ॥ 8 ॥
ଅଦ୍ୟଵୋଗମୟିଷ୍ୟାମିସର୍ଵାନେନୟମକ୍ଷୟମ୍ ।
କ୍ଷିପତଶ୍ଶରଵର୍ଷାଣିକ୍ଷିପ୍ରହସ୍ତସ୍ୟସମ୍ୟୁଗେ ॥ 9 ॥
ଜୀମୂତସ୍ୟେନନଦତଃକଃସ୍ଥାସ୍ୟତିମମାଗ୍ରତଃ ।
ରାତ୍ରିୟୁଦ୍ଧେମୟାପୂର୍ଵଂଵଜ୍ରାଶନିସମୈଃଶରୈଃ ॥ 10 ॥
ଶାୟିତୌସ୍ଥୋମୟାଭୂମୌଵିସଂଜ୍ଞୌସପୁରସ୍ସରୌ ।
ସ୍ମୃତିର୍ନତେଽସ୍ତିଵାମନ୍ୟେଵ୍ୟକ୍ତଂଵାୟମସାଦନମ୍ ॥ 11 ॥
ଆଶୀଵିଷମିଵକ୍ରୁଦ୍ଧଂୟନ୍ମାଂୟୋଦ୍ଧୁଵ୍ୟଵତ୍ଥିତଃ ।
ତଚ୍ଛ୍ରୁତ୍ଵାରାକ୍ଷସେଂଦ୍ରସ୍ୟଗର୍ଜିତଂଲକ୍ଷ୍ମଣସ୍ତଦା ॥ 12 ॥
ଅଭୀତଵଦନଃକ୍ରୁଦ୍ଧୋରାଵଣିଂଵାକ୍ୟମବ୍ରଵୀତ୍ ।
ଉକ୍ତଶ୍ଚଦୁର୍ଗମଃପାରଃକାର୍ୟାଣାଂରାକ୍ଷସତ୍ଵୟା ॥ 13 ॥
କାର୍ୟାଣାଂକର୍ମଣାଂପାରଂୟୋଗଚ୍ଛତି ସ ବୁଦ୍ଧିମାନ୍ ।
ସତ୍ଵମର୍ଥସ୍ୟହୀନାର୍ଥୋଦୁରଵାସସ୍ୟକେନଚିତ୍ ॥ 14 ॥
ଵାଚାଵ୍ୟାହୃତ୍ୟଜାନୀଷେକୃତାର୍ଥୋଽସ୍ମୀତିଦୁର୍ମତେ ।
ଅଂତର୍ଧାନଗତେନାଜୌୟସ୍ତ୍ଵୟାଚରିତସ୍ତଦା ॥ 15 ॥
ତସ୍କରାଚରିତୋମାର୍ଗଃନୈଷଵୀରନିଷେଵିତଃ ।
ୟଥାବାଣପଥଂପ୍ରାପ୍ୟସ୍ଥିତୋଽହଂତଵରାକ୍ଷସ ॥ 16 ॥
ଦର୍ଶୟସ୍ଵାଦ୍ୟତତ୍ତେଜୋଵାଚାତ୍ଵଂକିଂଵିକତ୍ଥସେ ।
ଏଵମୁକ୍ତୋଧନୁର୍ଭୀମଂପରାମୃଶ୍ୟମହାବଲଃ ॥ 17 ॥
ସସର୍ଜନିଶିତାନ୍ବାଣାନିଂଦ୍ରଜିତ୍ସମିତିଂଜୟଃ ।
ତେନିସୃଷ୍ଟାମହାଵେଗାଃଶରାଃସର୍ପଵିଷୋପମାଃ ॥ 18 ॥
ସଂପ୍ରାପ୍ୟଲକ୍ଷ୍ମଣଂପେତୁଃଶ୍ଵସଂତୈଵପନ୍ନଗାଃ ।
ରୈରତିମହାଵେଗୈର୍ଵେଗଵାନ୍ରାଵଣାତ୍ମଜଃ ॥ 19 ॥
ସୌମିତ୍ରିମିଂଦ୍ରଜିଦ୍ୟୁଦ୍ଧେଵିଵ୍ୟାଧଶୁଭଲକ୍ଷଣମ୍ ।
ସଶରୈରତିଵିଦ୍ଧାଂଗୋରୁଧିରେଣସମୁକ୍ଷିତଃ ॥ 20 ॥
ଶୁଶୁଭେଲକ୍ଷ୍ମଣଃଶ୍ରୀମାନ୍ଵିଧୂମୈଵପାଵକଃ ।
ଇଂଦ୍ରଜିତ୍ତ୍ଵାତ୍ମନଃକର୍ମପ୍ରସମୀକ୍ଷ୍ୟାଧିଗମ୍ୟ ଚ ॥ 21 ॥
ଵିନଦ୍ୟସୁମହାନାଦମିଦଂଵଚନମବ୍ରଵୀତ୍ ।
ପତ୍ରିଣଃଶିତଧାରାସ୍ତେକରାମତ୍କାର୍ମୁକଚ୍ୟୁତାଃ ॥ 22 ॥
ଆଦାସ୍ୟଂତେଽଦ୍ୟସୌମିତ୍ରେଜୀଵିତଂଜୀଵିତାଂତକାଃ ।
ଅଦ୍ୟଗୋମାୟୁସଂଘାଶ୍ଚଶ୍ୟେନସଂଘାଶ୍ଚଲକ୍ଷ୍ମଣ ॥ 23 ॥
ଗୃଧ୍ରାଶ୍ଚନିପତଂତୁତ୍ଵାଂଗତାସୁଂନିହତଂମୟା ।
କ୍ଷତ୍ରବଂଧୁଂସଦାନାର୍ୟଂରାମଃପରମଦୁର୍ମତିଃ ॥ 24 ॥
ଭକ୍ତଂଭ୍ରାତରମଦ୍ୟୈଵତ୍ଵାଂଦ୍ରକ୍ଷ୍ୟତିହତଂମୟା ।
ଵିଶସ୍ତକଵଚଂଭୂମୌଵ୍ୟପଵିଦ୍ଧଶରାସସନମ୍ ॥ 25 ॥
ହୃତୋତ୍ତମାଂଗଂସୌମିତ୍ରତ୍ଵାମଦ୍ୟନିହତଂମୟା ।
ଇତିବ୍ରୁଵାଣଂସଂକୃଦ୍ଧଃ ପରୁଷଂରାଵଣାତ୍ମଜମ୍ ॥ 26 ॥
ହେତୁମଦ୍ଵାକ୍ୟମତ୍ୟର୍ଥଂଲକ୍ଷ୍ମଣଃପ୍ରତ୍ୟୁଵାଚ ହ ।
ଵାଗ୍ବଲଂତ୍ୟଜଦୁର୍ବୁଦ୍ଧେକ୍ରୂରକର୍ମାସିରାକ୍ଷସ ॥ 27 ॥
ଅଥକସ୍ମାଦ୍ଵଦସ୍ୟେତତ୍ସଂପାଦୟସୁକର୍ମଣା ।
କୃତ୍ଵାକତ୍ଥସେକର୍ମକିମର୍ଥମିହରାକ୍ଷସ ॥ 28 ॥
କୁରୁତତ୍କର୍ମୟେନାହଂଶ୍ରଦ୍ଧଧ୍ୟାଂତଵକତ୍ଥନମ୍ ।
ଅନୁକ୍ତ୍ଵାପରୁଷଂଵାକ୍ୟଂକିଂଚିଦପ୍ୟନଵକ୍ଷିପନ୍ ॥ 29 ॥
ଅଵିକତ୍ଥନ୍ଵଧିଷ୍ୟାମିତ୍ଵାଂପଶ୍ୟପୁରୁଷାଧମ ।
ଇତ୍ୟୁକ୍ତ୍ଵାପଂଚନାରାଚାନାକର୍ଣାପୂରିତାନ୍ ଶିତାନ୍ ॥ 30 ॥
ନିଜଘାନମହାଵେଗାଲ୍ଲକ୍ଷ୍ମଣୋରାକ୍ଷସୋରସି ।
ସୁପତ୍ରଵାଜିତାବାଣାଜ୍ଵଲିତାଇଵପନ୍ନଗାଃ ॥ 31 ॥
ନୈରୃତୋରସ୍ୟଭାସଂତସଵିତୂରଶ୍ମୟୋୟଥା ।
ସଃଶରୈରାହତସ୍ତେନସରୋଷୋରାଵଣାତ୍ମଜଃ ॥ 32 ॥
ସୁପ୍ରୟୁକ୍ତୈସ୍ତ୍ରିଭିର୍ଭାଣୈଃପ୍ରତିଵିଵ୍ୟାଧଲକ୍ଷ୍ମଣମ୍ ।
ସଃବଭୂଵମହାଭୀମୋନରରାକ୍ଷସସିଂହୟୋଃ ॥ 33 ॥
ଵିମର୍ଦସ୍ତୁମୁଲୋୟୁଦ୍ଧେପରସ୍ପରଜୟୈଷିଣୋଃ ।
ଉଭୌହିବଲସଂପନ୍ନାଵୁଭୌଵିକ୍ରମଶାଲିନୌ ॥ 34 ॥
ଉଭୌପରମଦୁର୍ଜ୍ଞେୟାଵତୁଲ୍ୟବଲତେଜସୌ ।
ୟୁୟୁଧାତେତଦାଵୀରୌଗ୍ରହାଵିଵନଭୋଗତୌ ॥ 35 ॥
ବଲଵୃତ୍ରାଵିଵାଭୀତୌୟୁଧିତୌଦୁଷ୍ପ୍ରଧର୍ଷଣୌ ।
ୟୁୟୁଧାତେମହାତ୍ମାନୌତଦାକେସରିଣାଵିଵ ॥ 36 ॥
ବହୂନଵସୃଜଂତୌହିମାର୍ଗଣୌଘାନଵସ୍ଥିତୌ ।
ନରରାକ୍ଷସସିମ୍ହୋତୌପ୍ରହୃଷ୍ଟାଵଭ୍ୟୟୁଧ୍ୟତାମ୍ ॥ 37 ॥
ଇତ୍ୟାର୍ଷେ ଶ୍ରୀମଦ୍ରାମାୟଣେ ଵାଲ୍ମୀକୀୟ ଆଦିକାଵ୍ୟେ ୟୁଦ୍ଧକାଂଡେ ଅଷ୍ଟାଶୀତିତମସ୍ସର୍ଗଃ ॥
