𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌅𑌷𑍍𑌟𑌾𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ।
𑌵𑌿𑌭𑍀𑌷𑌣𑌵𑌚𑍍𑌶𑍍𑌰𑍁𑌤𑍍𑌵𑌾𑌰𑌾𑌵𑌣𑌿𑌃𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌃 ।
𑌅𑌬𑍍𑌰𑌵𑍀𑌤𑍍𑌪𑌰𑍁𑌷𑌂𑌵𑌾𑌕𑍍𑌯𑌂𑌵𑍇𑌗𑍇𑌨𑌾𑌭𑍍𑌯𑍁𑌤𑍍𑌪𑌪𑌾𑌤 𑌚 ॥ 1 ॥
𑌉𑌦𑍍𑌯𑌤𑌾𑌯𑍁𑌧𑌨𑌿𑌸𑍍𑌤𑍍𑌰𑌿𑌂𑌶𑍋𑌰𑌥𑍇𑌸𑍁𑌸𑌮𑌲𑌂𑌕𑍃𑌤𑍇 ।
𑌕𑌾𑌲𑌾𑌶𑍍𑌵𑌯𑍁𑌕𑍍𑌤𑍇𑌮𑌹𑌤𑌿𑌸𑍍𑌥𑌿𑌤𑌃𑌕𑌾𑌲𑌾𑌂𑌤𑌕𑍋𑌪𑌮𑌃 ॥ 2 ॥
𑌮𑌹𑌾𑌪𑍍𑌰𑌮𑌾𑌣𑌮𑍁𑌦𑍍𑌯𑌮𑍍𑌯𑌵𑌿𑌪𑍁𑌲𑌂𑌵𑍇𑌗𑌵𑌦𑍍𑌧𑍃𑌢𑌮𑍍 ।
𑌧𑌨𑍁𑌰𑍍𑌬𑍀𑌮𑌂𑌪𑌰𑌾𑌮𑍃𑌶𑍍𑌯𑌶𑌰𑌾𑌂𑌶𑍍𑌚𑌾𑌮𑌿𑌤𑍍𑌰𑌨𑌾𑌶𑌨𑌾𑌨𑍍 ॥ 3 ॥
𑌤𑌂𑌦𑌦𑌰𑍍𑌶𑌮𑌹𑍇𑌷𑍍𑌵𑌾𑌸𑍋𑌰𑌥𑌸𑍍𑌥𑌸𑍍𑌸𑌮𑌲𑌂𑌕𑍃𑌤𑌃 ।
𑌅𑌲𑌂𑌕𑍃𑌤𑌮𑌮𑌿𑌤𑍍𑌰𑌘𑍍𑌨𑍋𑌰𑌾𑌘𑌵𑌸𑍍𑌯𑌾𑌨𑍁𑌜𑌂𑌬𑌲𑍀 ॥ 4 ॥
𑌹𑌨𑍁𑌮𑌤𑍍𑌪𑍃𑌷𑍍𑌠𑌰𑍂𑌢𑌮𑍁𑌦𑌸𑍍𑌥𑌰𑌵𑌿𑌪𑍍𑌰𑌭𑌮𑍍 ।
𑌉𑌵𑌾𑌚𑍈𑌨𑌂𑌸𑌮𑌾𑌰𑌬𑍍𑌧𑌃 𑌸𑍌𑌮𑌿𑌤𑍍𑌰𑌿𑌂𑌸𑌵𑌿𑌭𑍀𑌷𑌣𑌮𑍍 ॥ 5 ॥
𑌤𑌾𑌂𑌶𑍍𑌚𑌵𑌾𑌨𑌰𑌶𑌾𑌰𑍍𑌦𑍂𑌲𑌾𑌨𑍍 𑌪𑌶𑍍𑌯𑌧𑍍𑌵𑌂𑌮𑍇𑌪𑌰𑌾𑌕𑍍𑌰𑌮𑌮𑍍 ।
𑌅𑌦𑍍𑌯𑌮𑌤𑍍𑌕𑌾𑌰𑍍𑌮𑍁𑌕𑍋𑌤𑍍𑌸𑍃𑌷𑍍𑌟𑌂𑌶𑌰𑌵𑌰𑍍𑌷𑌂𑌦𑍁𑌰𑌾𑌸𑌦𑌮𑍍 ॥ 6 ॥
𑌮𑍁𑌕𑍍𑌤𑌂𑌵𑌰𑍍𑌷𑌮𑌿𑌵𑌾𑌕𑌾𑌶𑍇𑌵𑌾𑌰𑌯𑌿𑌷𑍍𑌯𑌥𑌸𑌂𑌯𑍁𑌗𑍇 ।
𑌅𑌦𑍍𑌯𑌵𑍋𑌮𑌾𑌮𑌕𑌾𑌬𑌾𑌣𑌾𑌮𑌹𑌾𑌕𑌾𑌰𑍍𑌮𑍁𑌨𑌿𑌸𑍍𑌸𑍃𑌤𑌾𑌃 ॥ ॥
𑌵𑌿𑌧𑌮𑌿𑌷𑍍𑌯𑌂𑌤𑌿𑌗𑌾𑌤𑍍𑌰𑌾𑌣𑌿𑌤𑍂𑌲𑌰𑌾𑌶𑌿𑌮𑌿𑌵𑌾𑌨𑌲𑌃 ।
𑌤𑍀𑌕𑍍𑌷𑌣𑌸𑌾𑌯𑌕𑌨𑌿𑌰𑍍𑌭𑌨𑍍𑌨𑌾𑌨𑍍𑌶𑍂𑌲𑌶𑌕𑍍𑌤𑍍𑌯𑍃𑌷𑍍𑌟𑌿𑌤𑍋𑌮𑌰𑍈𑌃 ॥ ॥
𑌅𑌦𑍍𑌯𑌵𑍋𑌗𑌮𑌯𑌿𑌷𑍍𑌯𑌾𑌮𑌿𑌸𑌰𑍍𑌵𑌾𑌨𑍇𑌨𑌯𑌮𑌕𑍍𑌷𑌯𑌮𑍍 ।
𑌕𑍍𑌷𑌿𑌪𑌤𑌶𑍍𑌶𑌰𑌵𑌰𑍍𑌷𑌾𑌣𑌿𑌕𑍍𑌷𑌿𑌪𑍍𑌰𑌹𑌸𑍍𑌤𑌸𑍍𑌯𑌸𑌮𑍍𑌯𑍁𑌗𑍇 ॥ ॥
𑌜𑍀𑌮𑍂𑌤𑌸𑍍𑌯𑍇𑌨𑌨𑌦𑌤𑌃𑌕𑌃𑌸𑍍𑌥𑌾𑌸𑍍𑌯𑌤𑌿𑌮𑌮𑌾𑌗𑍍𑌰𑌤𑌃 ।
𑌰𑌾𑌤𑍍𑌰𑌿𑌯𑍁𑌦𑍍𑌧𑍇𑌮𑌯𑌾𑌪𑍂𑌰𑍍𑌵𑌂𑌵𑌜𑍍𑌰𑌾𑌶𑌨𑌿𑌸𑌮𑍈𑌃𑌶𑌰𑍈𑌃 ॥ 10 ॥
𑌶𑌾𑌯𑌿𑌤𑍌𑌸𑍍𑌥𑍋𑌮𑌯𑌾𑌭𑍂𑌮𑍌𑌵𑌿𑌸𑌂𑌜𑍍𑌞𑍌𑌸𑌪𑍁𑌰𑌸𑍍𑌸𑌰𑍌 ।
𑌸𑍍𑌮𑍃𑌤𑌿𑌰𑍍𑌨𑌤𑍇𑌽𑌸𑍍𑌤𑌿𑌵𑌾𑌮𑌨𑍍𑌯𑍇𑌵𑍍𑌯𑌕𑍍𑌤𑌂𑌵𑌾𑌯𑌮𑌸𑌾𑌦𑌨𑌮𑍍 ॥ 11 ॥
𑌆𑌶𑍀𑌵𑌿𑌷𑌮𑌿𑌵𑌕𑍍𑌰𑍁𑌦𑍍𑌧𑌂𑌯𑌨𑍍𑌮𑌾𑌂𑌯𑍋𑌦𑍍𑌧𑍁𑌵𑍍𑌯𑌵𑌤𑍍𑌥𑌿𑌤𑌃 ।
𑌤𑌚𑍍𑌛𑍍𑌰𑍁𑌤𑍍𑌵𑌾𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌗𑌰𑍍𑌜𑌿𑌤𑌂𑌲𑌕𑍍𑌷𑍍𑌮𑌣𑌸𑍍𑌤𑌦𑌾 ॥ 12 ॥
𑌅𑌭𑍀𑌤𑌵𑌦𑌨𑌃𑌕𑍍𑌰𑍁𑌦𑍍𑌧𑍋𑌰𑌾𑌵𑌣𑌿𑌂𑌵𑌾𑌕𑍍𑌯𑌮𑌬𑍍𑌰𑌵𑍀𑌤𑍍 ।
𑌉𑌕𑍍𑌤𑌶𑍍𑌚𑌦𑍁𑌰𑍍𑌗𑌮𑌃𑌪𑌾𑌰𑌃𑌕𑌾𑌰𑍍𑌯𑌾𑌣𑌾𑌂𑌰𑌾𑌕𑍍𑌷𑌸𑌤𑍍𑌵𑌯𑌾 ॥ 13 ॥
𑌕𑌾𑌰𑍍𑌯𑌾𑌣𑌾𑌂𑌕𑌰𑍍𑌮𑌣𑌾𑌂𑌪𑌾𑌰𑌂𑌯𑍋𑌗𑌚𑍍𑌛𑌤𑌿 𑌸 𑌬𑍁𑌦𑍍𑌧𑌿𑌮𑌾𑌨𑍍 ।
𑌸𑌤𑍍𑌵𑌮𑌰𑍍𑌥𑌸𑍍𑌯𑌹𑍀𑌨𑌾𑌰𑍍𑌥𑍋𑌦𑍁𑌰𑌵𑌾𑌸𑌸𑍍𑌯𑌕𑍇𑌨𑌚𑌿𑌤𑍍 ॥ 14 ॥
𑌵𑌾𑌚𑌾𑌵𑍍𑌯𑌾𑌹𑍃𑌤𑍍𑌯𑌜𑌾𑌨𑍀𑌷𑍇𑌕𑍃𑌤𑌾𑌰𑍍𑌥𑍋𑌽𑌸𑍍𑌮𑍀𑌤𑌿𑌦𑍁𑌰𑍍𑌮𑌤𑍇 ।
𑌅𑌂𑌤𑌰𑍍𑌧𑌾𑌨𑌗𑌤𑍇𑌨𑌾𑌜𑍌𑌯𑌸𑍍𑌤𑍍𑌵𑌯𑌾𑌚𑌰𑌿𑌤𑌸𑍍𑌤𑌦𑌾 ॥ 15 ॥
𑌤𑌸𑍍𑌕𑌰𑌾𑌚𑌰𑌿𑌤𑍋𑌮𑌾𑌰𑍍𑌗𑌃𑌨𑍈𑌷𑌵𑍀𑌰𑌨𑌿𑌷𑍇𑌵𑌿𑌤𑌃 ।
𑌯𑌥𑌾𑌬𑌾𑌣𑌪𑌥𑌂𑌪𑍍𑌰𑌾𑌪𑍍𑌯𑌸𑍍𑌥𑌿𑌤𑍋𑌽𑌹𑌂𑌤𑌵𑌰𑌾𑌕𑍍𑌷𑌸 ॥ 16 ॥
𑌦𑌰𑍍𑌶𑌯𑌸𑍍𑌵𑌾𑌦𑍍𑌯𑌤𑌤𑍍𑌤𑍇𑌜𑍋𑌵𑌾𑌚𑌾𑌤𑍍𑌵𑌂𑌕𑌿𑌂𑌵𑌿𑌕𑌤𑍍𑌥𑌸𑍇 ।
𑌏𑌵𑌮𑍁𑌕𑍍𑌤𑍋𑌧𑌨𑍁𑌰𑍍𑌭𑍀𑌮𑌂𑌪𑌰𑌾𑌮𑍃𑌶𑍍𑌯𑌮𑌹𑌾𑌬𑌲𑌃 ॥ 1 ॥
𑌸𑌸𑌰𑍍𑌜𑌨𑌿𑌶𑌿𑌤𑌾𑌨𑍍𑌬𑌾𑌣𑌾𑌨𑌿𑌂𑌦𑍍𑌰𑌜𑌿𑌤𑍍𑌸𑌮𑌿𑌤𑌿𑌂𑌜𑌯𑌃 ।
𑌤𑍇𑌨𑌿𑌸𑍃𑌷𑍍𑌟𑌾𑌮𑌹𑌾𑌵𑍇𑌗𑌾𑌃𑌶𑌰𑌾𑌃𑌸𑌰𑍍𑌪𑌵𑌿𑌷𑍋𑌪𑌮𑌾𑌃 ॥ 1 ॥
𑌸𑌂𑌪𑍍𑌰𑌾𑌪𑍍𑌯𑌲𑌕𑍍𑌷𑍍𑌮𑌣𑌂𑌪𑍇𑌤𑍁𑌃𑌶𑍍𑌵𑌸𑌂𑌤𑍈𑌵𑌪𑌨𑍍𑌨𑌗𑌾𑌃 ।
𑌰𑍈𑌰𑌤𑌿𑌮𑌹𑌾𑌵𑍇𑌗𑍈𑌰𑍍𑌵𑍇𑌗𑌵𑌾𑌨𑍍𑌰𑌾𑌵𑌣𑌾𑌤𑍍𑌮𑌜𑌃 ॥ 1 ॥
𑌸𑍌𑌮𑌿𑌤𑍍𑌰𑌿𑌮𑌿𑌂𑌦𑍍𑌰𑌜𑌿𑌦𑍍𑌯𑍁𑌦𑍍𑌧𑍇𑌵𑌿𑌵𑍍𑌯𑌾𑌧𑌶𑍁𑌭𑌲𑌕𑍍𑌷𑌣𑌮𑍍 ।
𑌸𑌶𑌰𑍈𑌰𑌤𑌿𑌵𑌿𑌦𑍍𑌧𑌾𑌂𑌗𑍋𑌰𑍁𑌧𑌿𑌰𑍇𑌣𑌸𑌮𑍁𑌕𑍍𑌷𑌿𑌤𑌃 ॥ 20 ॥
𑌶𑍁𑌶𑍁𑌭𑍇𑌲𑌕𑍍𑌷𑍍𑌮𑌣𑌃𑌶𑍍𑌰𑍀𑌮𑌾𑌨𑍍𑌵𑌿𑌧𑍂𑌮𑍈𑌵𑌪𑌾𑌵𑌕𑌃 ।
𑌇𑌂𑌦𑍍𑌰𑌜𑌿𑌤𑍍𑌤𑍍𑌵𑌾𑌤𑍍𑌮𑌨𑌃𑌕𑌰𑍍𑌮𑌪𑍍𑌰𑌸𑌮𑍀𑌕𑍍𑌷𑍍𑌯𑌾𑌧𑌿𑌗𑌮𑍍𑌯 𑌚 ॥ 21 ॥
𑌵𑌿𑌨𑌦𑍍𑌯𑌸𑍁𑌮𑌹𑌾𑌨𑌾𑌦𑌮𑌿𑌦𑌂𑌵𑌚𑌨𑌮𑌬𑍍𑌰𑌵𑍀𑌤𑍍 ।
𑌪𑌤𑍍𑌰𑌿𑌣𑌃𑌶𑌿𑌤𑌧𑌾𑌰𑌾𑌸𑍍𑌤𑍇𑌕𑌰𑌾𑌮𑌤𑍍𑌕𑌾𑌰𑍍𑌮𑍁𑌕𑌚𑍍𑌯𑍁𑌤𑌾𑌃 ॥ 22 ॥
𑌆𑌦𑌾𑌸𑍍𑌯𑌂𑌤𑍇𑌽𑌦𑍍𑌯𑌸𑍌𑌮𑌿𑌤𑍍𑌰𑍇𑌜𑍀𑌵𑌿𑌤𑌂𑌜𑍀𑌵𑌿𑌤𑌾𑌂𑌤𑌕𑌾𑌃 ।
𑌅𑌦𑍍𑌯𑌗𑍋𑌮𑌾𑌯𑍁𑌸𑌂𑌘𑌾𑌶𑍍𑌚𑌶𑍍𑌯𑍇𑌨𑌸𑌂𑌘𑌾𑌶𑍍𑌚𑌲𑌕𑍍𑌷𑍍𑌮𑌣 ॥ 23 ॥
𑌗𑍃𑌧𑍍𑌰𑌾𑌶𑍍𑌚𑌨𑌿𑌪𑌤𑌂𑌤𑍁𑌤𑍍𑌵𑌾𑌂𑌗𑌤𑌾𑌸𑍁𑌂𑌨𑌿𑌹𑌤𑌂𑌮𑌯𑌾 ।
𑌕𑍍𑌷𑌤𑍍𑌰𑌬𑌂𑌧𑍁𑌂𑌸𑌦𑌾𑌨𑌾𑌰𑍍𑌯𑌂𑌰𑌾𑌮𑌃𑌪𑌰𑌮𑌦𑍁𑌰𑍍𑌮𑌤𑌿𑌃 ॥ 24 ॥
𑌭𑌕𑍍𑌤𑌂𑌭𑍍𑌰𑌾𑌤𑌰𑌮𑌦𑍍𑌯𑍈𑌵𑌤𑍍𑌵𑌾𑌂𑌦𑍍𑌰𑌕𑍍𑌷𑍍𑌯𑌤𑌿𑌹𑌤𑌂𑌮𑌯𑌾 ।
𑌵𑌿𑌶𑌸𑍍𑌤𑌕𑌵𑌚𑌂𑌭𑍂𑌮𑍌𑌵𑍍𑌯𑌪𑌵𑌿𑌦𑍍𑌧𑌶𑌰𑌾𑌸𑌸𑌨𑌮𑍍 ॥ 25 ॥
𑌹𑍃𑌤𑍋𑌤𑍍𑌤𑌮𑌾𑌂𑌗𑌂𑌸𑍌𑌮𑌿𑌤𑍍𑌰𑌤𑍍𑌵𑌾𑌮𑌦𑍍𑌯𑌨𑌿𑌹𑌤𑌂𑌮𑌯𑌾 ।
𑌇𑌤𑌿𑌬𑍍𑌰𑍁𑌵𑌾𑌣𑌂𑌸𑌂𑌕𑍃𑌦𑍍𑌧𑌃 𑌪𑌰𑍁𑌷𑌂𑌰𑌾𑌵𑌣𑌾𑌤𑍍𑌮𑌜𑌮𑍍 ॥ 26 ॥
𑌹𑍇𑌤𑍁𑌮𑌦𑍍𑌵𑌾𑌕𑍍𑌯𑌮𑌤𑍍𑌯𑌰𑍍𑌥𑌂𑌲𑌕𑍍𑌷𑍍𑌮𑌣𑌃𑌪𑍍𑌰𑌤𑍍𑌯𑍁𑌵𑌾𑌚 𑌹 ।
𑌵𑌾𑌗𑍍𑌬𑌲𑌂𑌤𑍍𑌯𑌜𑌦𑍁𑌰𑍍𑌬𑍁𑌦𑍍𑌧𑍇𑌕𑍍𑌰𑍂𑌰𑌕𑌰𑍍𑌮𑌾𑌸𑌿𑌰𑌾𑌕𑍍𑌷𑌸 ॥ 2 ॥
𑌅𑌥𑌕𑌸𑍍𑌮𑌾𑌦𑍍𑌵𑌦𑌸𑍍𑌯𑍇𑌤𑌤𑍍𑌸𑌂𑌪𑌾𑌦𑌯𑌸𑍁𑌕𑌰𑍍𑌮𑌣𑌾 ।
𑌕𑍃𑌤𑍍𑌵𑌾𑌕𑌤𑍍𑌥𑌸𑍇𑌕𑌰𑍍𑌮𑌕𑌿𑌮𑌰𑍍𑌥𑌮𑌿𑌹𑌰𑌾𑌕𑍍𑌷𑌸 ॥ 2 ॥
𑌕𑍁𑌰𑍁𑌤𑌤𑍍𑌕𑌰𑍍𑌮𑌯𑍇𑌨𑌾𑌹𑌂𑌶𑍍𑌰𑌦𑍍𑌧𑌧𑍍𑌯𑌾𑌂𑌤𑌵𑌕𑌤𑍍𑌥𑌨𑌮𑍍 ।
𑌅𑌨𑍁𑌕𑍍𑌤𑍍𑌵𑌾𑌪𑌰𑍁𑌷𑌂𑌵𑌾𑌕𑍍𑌯𑌂𑌕𑌿𑌂𑌚𑌿𑌦𑌪𑍍𑌯𑌨𑌵𑌕𑍍𑌷𑌿𑌪𑌨𑍍 ॥ 2 ॥
𑌅𑌵𑌿𑌕𑌤𑍍𑌥𑌨𑍍𑌵𑌧𑌿𑌷𑍍𑌯𑌾𑌮𑌿𑌤𑍍𑌵𑌾𑌂𑌪𑌶𑍍𑌯𑌪𑍁𑌰𑍁𑌷𑌾𑌧𑌮 ।
𑌇𑌤𑍍𑌯𑍁𑌕𑍍𑌤𑍍𑌵𑌾𑌪𑌂𑌚𑌨𑌾𑌰𑌾𑌚𑌾𑌨𑌾𑌕𑌰𑍍𑌣𑌾𑌪𑍂𑌰𑌿𑌤𑌾𑌨𑍍 𑌶𑌿𑌤𑌾𑌨𑍍 ॥ 30 ॥
𑌨𑌿𑌜𑌘𑌾𑌨𑌮𑌹𑌾𑌵𑍇𑌗𑌾𑌲𑍍𑌲𑌕𑍍𑌷𑍍𑌮𑌣𑍋𑌰𑌾𑌕𑍍𑌷𑌸𑍋𑌰𑌸𑌿 ।
𑌸𑍁𑌪𑌤𑍍𑌰𑌵𑌾𑌜𑌿𑌤𑌾𑌬𑌾𑌣𑌾𑌜𑍍𑌵𑌲𑌿𑌤𑌾𑌇𑌵𑌪𑌨𑍍𑌨𑌗𑌾𑌃 ॥ 31 ॥
𑌨𑍈𑌰𑍃𑌤𑍋𑌰𑌸𑍍𑌯𑌭𑌾𑌸𑌂𑌤𑌸𑌵𑌿𑌤𑍂𑌰𑌶𑍍𑌮𑌯𑍋𑌯𑌥𑌾 ।
𑌸𑌃𑌶𑌰𑍈𑌰𑌾𑌹𑌤𑌸𑍍𑌤𑍇𑌨𑌸𑌰𑍋𑌷𑍋𑌰𑌾𑌵𑌣𑌾𑌤𑍍𑌮𑌜𑌃 ॥ 32 ॥
𑌸𑍁𑌪𑍍𑌰𑌯𑍁𑌕𑍍𑌤𑍈𑌸𑍍𑌤𑍍𑌰𑌿𑌭𑌿𑌰𑍍𑌭𑌾𑌣𑍈𑌃𑌪𑍍𑌰𑌤𑌿𑌵𑌿𑌵𑍍𑌯𑌾𑌧𑌲𑌕𑍍𑌷𑍍𑌮𑌣𑌮𑍍 ।
𑌸𑌃𑌬𑌭𑍂𑌵𑌮𑌹𑌾𑌭𑍀𑌮𑍋𑌨𑌰𑌰𑌾𑌕𑍍𑌷𑌸𑌸𑌿𑌂𑌹𑌯𑍋𑌃 ॥ 33 ॥
𑌵𑌿𑌮𑌰𑍍𑌦𑌸𑍍𑌤𑍁𑌮𑍁𑌲𑍋𑌯𑍁𑌦𑍍𑌧𑍇𑌪𑌰𑌸𑍍𑌪𑌰𑌜𑌯𑍈𑌷𑌿𑌣𑍋𑌃 ।
𑌉𑌭𑍌𑌹𑌿𑌬𑌲𑌸𑌂𑌪𑌨𑍍𑌨𑌾𑌵𑍁𑌭𑍌𑌵𑌿𑌕𑍍𑌰𑌮𑌶𑌾𑌲𑌿𑌨𑍌 ॥ 34 ॥
𑌉𑌭𑍌𑌪𑌰𑌮𑌦𑍁𑌰𑍍𑌜𑍍𑌞𑍇𑌯𑌾𑌵𑌤𑍁𑌲𑍍𑌯𑌬𑌲𑌤𑍇𑌜𑌸𑍌 ।
𑌯𑍁𑌯𑍁𑌧𑌾𑌤𑍇𑌤𑌦𑌾𑌵𑍀𑌰𑍌𑌗𑍍𑌰𑌹𑌾𑌵𑌿𑌵𑌨𑌭𑍋𑌗𑌤𑍌 ॥ 35 ॥
𑌬𑌲𑌵𑍃𑌤𑍍𑌰𑌾𑌵𑌿𑌵𑌾𑌭𑍀𑌤𑍌𑌯𑍁𑌧𑌿𑌤𑍌𑌦𑍁𑌷𑍍𑌪𑍍𑌰𑌧𑌰𑍍𑌷𑌣𑍌 ।
𑌯𑍁𑌯𑍁𑌧𑌾𑌤𑍇𑌮𑌹𑌾𑌤𑍍𑌮𑌾𑌨𑍌𑌤𑌦𑌾𑌕𑍇𑌸𑌰𑌿𑌣𑌾𑌵𑌿𑌵 ॥ 36 ॥
𑌬𑌹𑍂𑌨𑌵𑌸𑍃𑌜𑌂𑌤𑍌𑌹𑌿𑌮𑌾𑌰𑍍𑌗𑌣𑍌𑌘𑌾𑌨𑌵𑌸𑍍𑌥𑌿𑌤𑍌 ।
𑌨𑌰𑌰𑌾𑌕𑍍𑌷𑌸𑌸𑌿𑌮𑍍𑌹𑍋𑌤𑍌𑌪𑍍𑌰𑌹𑍃𑌷𑍍𑌟𑌾𑌵𑌭𑍍𑌯𑌯𑍁𑌧𑍍𑌯𑌤𑌾𑌮𑍍 ॥ 3 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌅𑌷𑍍𑌟𑌾𑌶𑍀𑌤𑌿𑌤𑌮𑌸𑍍𑌸𑌰𑍍𑌗𑌃 ॥
