ശ്രീമദ്വാല്മീകീയ രാമായണേ യുദ്ധകാംഡമ് ।
അഥ അഷ്ടാശീതിതമസ്സര്ഗഃ ।
വിഭീഷണവച്ശ്രുത്വാരാവണിഃക്രോധമൂര്ഛിതഃ ।
അബ്രവീത്പരുഷംവാക്യംവേഗേനാഭ്യുത്പപാത ച ॥ 1 ॥
ഉദ്യതായുധനിസ്ത്രിംശോരഥേസുസമലംകൃതേ ।
കാലാശ്വയുക്തേമഹതിസ്ഥിതഃകാലാംതകോപമഃ ॥ 2 ॥
മഹാപ്രമാണമുദ്യമ്യവിപുലംവേഗവദ്ധൃഢമ് ।
ധനുര്ബീമംപരാമൃശ്യശരാംശ്ചാമിത്രനാശനാന് ॥ 3 ॥
തംദദര്ശമഹേഷ്വാസോരഥസ്ഥസ്സമലംകൃതഃ ।
അലംകൃതമമിത്രഘ്നോരാഘവസ്യാനുജംബലീ ॥ 4 ॥
ഹനുമത്പൃഷ്ഠരൂഢമുദസ്ഥരവിപ്രഭമ് ।
ഉവാചൈനംസമാരബ്ധഃ സൌമിത്രിംസവിഭീഷണമ് ॥ 5 ॥
താംശ്ചവാനരശാര്ദൂലാന് പശ്യധ്വംമേപരാക്രമമ് ।
അദ്യമത്കാര്മുകോത്സൃഷ്ടംശരവര്ഷംദുരാസദമ് ॥ 6 ॥
മുക്തംവര്ഷമിവാകാശേവാരയിഷ്യഥസംയുഗേ ।
അദ്യവോമാമകാബാണാമഹാകാര്മുനിസ്സൃതാഃ ॥ 7 ॥
വിധമിഷ്യംതിഗാത്രാണിതൂലരാശിമിവാനലഃ ।
തീക്ഷണസായകനിര്ഭന്നാന്ശൂലശക്ത്യൃഷ്ടിതോമരൈഃ ॥ 8 ॥
അദ്യവോഗമയിഷ്യാമിസർവാനേനയമക്ഷയമ് ।
ക്ഷിപതശ്ശരവര്ഷാണിക്ഷിപ്രഹസ്തസ്യസമ്യുഗേ ॥ 9 ॥
ജീമൂതസ്യേനനദതഃകഃസ്ഥാസ്യതിമമാഗ്രതഃ ।
രാത്രിയുദ്ധേമയാപൂർവംവജ്രാശനിസമൈഃശരൈഃ ॥ 10 ॥
ശായിതൌസ്ഥോമയാഭൂമൌവിസംജ്ഞൌസപുരസ്സരൌ ।
സ്മൃതിര്നതേഽസ്തിവാമന്യേവ്യക്തംവായമസാദനമ് ॥ 11 ॥
ആശീവിഷമിവക്രുദ്ധംയന്മാംയോദ്ധുവ്യവത്ഥിതഃ ।
തച്ഛ്രുത്വാരാക്ഷസേംദ്രസ്യഗര്ജിതംലക്ഷ്മണസ്തദാ ॥ 12 ॥
അഭീതവദനഃക്രുദ്ധോരാവണിംവാക്യമബ്രവീത് ।
ഉക്തശ്ചദുര്ഗമഃപാരഃകാര്യാണാംരാക്ഷസത്വയാ ॥ 13 ॥
കാര്യാണാംകര്മണാംപാരംയോഗച്ഛതി സ ബുദ്ധിമാന് ।
സത്വമര്ഥസ്യഹീനാര്ഥോദുരവാസസ്യകേനചിത് ॥ 14 ॥
വാചാവ്യാഹൃത്യജാനീഷേകൃതാര്ഥോഽസ്മീതിദുര്മതേ ।
അംതര്ധാനഗതേനാജൌയസ്ത്വയാചരിതസ്തദാ ॥ 15 ॥
തസ്കരാചരിതോമാര്ഗഃനൈഷവീരനിഷേവിതഃ ।
യഥാബാണപഥംപ്രാപ്യസ്ഥിതോഽഹംതവരാക്ഷസ ॥ 16 ॥
ദര്ശയസ്വാദ്യതത്തേജോവാചാത്വംകിംവികത്ഥസേ ।
ഏവമുക്തോധനുര്ഭീമംപരാമൃശ്യമഹാബലഃ ॥ 17 ॥
സസര്ജനിശിതാന്ബാണാനിംദ്രജിത്സമിതിംജയഃ ।
തേനിസൃഷ്ടാമഹാവേഗാഃശരാഃസര്പവിഷോപമാഃ ॥ 18 ॥
സംപ്രാപ്യലക്ഷ്മണംപേതുഃശ്വസംതൈവപന്നഗാഃ ।
രൈരതിമഹാവേഗൈർവേഗവാന്രാവണാത്മജഃ ॥ 19 ॥
സൌമിത്രിമിംദ്രജിദ്യുദ്ധേവിവ്യാധശുഭലക്ഷണമ് ।
സശരൈരതിവിദ്ധാംഗോരുധിരേണസമുക്ഷിതഃ ॥ 20 ॥
ശുശുഭേലക്ഷ്മണഃശ്രീമാന്വിധൂമൈവപാവകഃ ।
ഇംദ്രജിത്ത്വാത്മനഃകര്മപ്രസമീക്ഷ്യാധിഗമ്യ ച ॥ 21 ॥
വിനദ്യസുമഹാനാദമിദംവചനമബ്രവീത് ।
പത്രിണഃശിതധാരാസ്തേകരാമത്കാര്മുകച്യുതാഃ ॥ 22 ॥
ആദാസ്യംതേഽദ്യസൌമിത്രേജീവിതംജീവിതാംതകാഃ ।
അദ്യഗോമായുസംഘാശ്ചശ്യേനസംഘാശ്ചലക്ഷ്മണ ॥ 23 ॥
ഗൃധ്രാശ്ചനിപതംതുത്വാംഗതാസുംനിഹതംമയാ ।
ക്ഷത്രബംധുംസദാനാര്യംരാമഃപരമദുര്മതിഃ ॥ 24 ॥
ഭക്തംഭ്രാതരമദ്യൈവത്വാംദ്രക്ഷ്യതിഹതംമയാ ।
വിശസ്തകവചംഭൂമൌവ്യപവിദ്ധശരാസസനമ് ॥ 25 ॥
ഹൃതോത്തമാംഗംസൌമിത്രത്വാമദ്യനിഹതംമയാ ।
ഇതിബ്രുവാണംസംകൃദ്ധഃ പരുഷംരാവണാത്മജമ് ॥ 26 ॥
ഹേതുമദ്വാക്യമത്യര്ഥംലക്ഷ്മണഃപ്രത്യുവാച ഹ ।
വാഗ്ബലംത്യജദുര്ബുദ്ധേക്രൂരകര്മാസിരാക്ഷസ ॥ 27 ॥
അഥകസ്മാദ്വദസ്യേതത്സംപാദയസുകര്മണാ ।
കൃത്വാകത്ഥസേകര്മകിമര്ഥമിഹരാക്ഷസ ॥ 28 ॥
കുരുതത്കര്മയേനാഹംശ്രദ്ധധ്യാംതവകത്ഥനമ് ।
അനുക്ത്വാപരുഷംവാക്യംകിംചിദപ്യനവക്ഷിപന് ॥ 29 ॥
അവികത്ഥന്വധിഷ്യാമിത്വാംപശ്യപുരുഷാധമ ।
ഇത്യുക്ത്വാപംചനാരാചാനാകര്ണാപൂരിതാന് ശിതാന് ॥ 30 ॥
നിജഘാനമഹാവേഗാല്ലക്ഷ്മണോരാക്ഷസോരസി ।
സുപത്രവാജിതാബാണാജ്വലിതാഇവപന്നഗാഃ ॥ 31 ॥
നൈരൃതോരസ്യഭാസംതസവിതൂരശ്മയോയഥാ ।
സഃശരൈരാഹതസ്തേനസരോഷോരാവണാത്മജഃ ॥ 32 ॥
സുപ്രയുക്തൈസ്ത്രിഭിര്ഭാണൈഃപ്രതിവിവ്യാധലക്ഷ്മണമ് ।
സഃബഭൂവമഹാഭീമോനരരാക്ഷസസിംഹയോഃ ॥ 33 ॥
വിമര്ദസ്തുമുലോയുദ്ധേപരസ്പരജയൈഷിണോഃ ।
ഉഭൌഹിബലസംപന്നാവുഭൌവിക്രമശാലിനൌ ॥ 34 ॥
ഉഭൌപരമദുര്ജ്ഞേയാവതുല്യബലതേജസൌ ।
യുയുധാതേതദാവീരൌഗ്രഹാവിവനഭോഗതൌ ॥ 35 ॥
ബലവൃത്രാവിവാഭീതൌയുധിതൌദുഷ്പ്രധര്ഷണൌ ।
യുയുധാതേമഹാത്മാനൌതദാകേസരിണാവിവ ॥ 36 ॥
ബഹൂനവസൃജംതൌഹിമാര്ഗണൌഘാനവസ്ഥിതൌ ।
നരരാക്ഷസസിമ്ഹോതൌപ്രഹൃഷ്ടാവഭ്യയുധ്യതാമ് ॥ 37 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ അഷ്ടാശീതിതമസ്സര്ഗഃ ॥
