śrīmadvālmīkīya rāmāyaṇē yuddhakāṇḍam ।
atha aṣṭāśītitamassargaḥ ।
vibhīṣaṇavachśrutvārāvaṇiḥkrōdhamūrChitaḥ ।
abravītparuṣaṃvākyaṃvēgēnābhyutpapāta cha ॥ 1 ॥
udyatāyudhanistriṃśōrathēsusamalaṅkṛtē ।
kālāśvayuktēmahatisthitaḥkālāntakōpamaḥ ॥ 2 ॥
mahāpramāṇamudyamyavipulaṃvēgavaddhṛḍham ।
dhanurbīmamparāmṛśyaśarāṃśchāmitranāśanān ॥ 3 ॥
tandadarśamahēṣvāsōrathasthassamalaṅkṛtaḥ ।
alaṅkṛtamamitraghnōrāghavasyānujambalī ॥ 4 ॥
hanumatpṛṣṭharūḍhamudastharaviprabham ।
uvāchainaṃsamārabdhaḥ saumitriṃsavibhīṣaṇam ॥ 5 ॥
tāṃśchavānaraśārdūlān paśyadhvammēparākramam ।
adyamatkārmukōtsṛṣṭaṃśaravarṣandurāsadam ॥ 6 ॥
muktaṃvarṣamivākāśēvārayiṣyathasaṃyugē ।
adyavōmāmakābāṇāmahākārmunissṛtāḥ ॥ 7 ॥
vidhamiṣyantigātrāṇitūlarāśimivānalaḥ ।
tīkṣaṇasāyakanirbhannānśūlaśaktyṛṣṭitōmaraiḥ ॥ 8 ॥
adyavōgamayiṣyāmisarvānēnayamakṣayam ।
kṣipataśśaravarṣāṇikṣiprahastasyasamyugē ॥ 9 ॥
jīmūtasyēnanadataḥkaḥsthāsyatimamāgrataḥ ।
rātriyuddhēmayāpūrvaṃvajrāśanisamaiḥśaraiḥ ॥ 10 ॥
śāyitausthōmayābhūmauvisañjñausapurassarau ।
smṛtirnatē'stivāmanyēvyaktaṃvāyamasādanam ॥ 11 ॥
āśīviṣamivakruddhaṃyanmāṃyōddhuvyavatthitaḥ ।
tachChrutvārākṣasēndrasyagarjitaṃlakṣmaṇastadā ॥ 12 ॥
abhītavadanaḥkruddhōrāvaṇiṃvākyamabravīt ।
uktaśchadurgamaḥpāraḥkāryāṇāṃrākṣasatvayā ॥ 13 ॥
kāryāṇāṅkarmaṇāmpāraṃyōgachChati sa buddhimān ।
satvamarthasyahīnārthōduravāsasyakēnachit ॥ 14 ॥
vāchāvyāhṛtyajānīṣēkṛtārthō'smītidurmatē ।
antardhānagatēnājauyastvayācharitastadā ॥ 15 ॥
taskarācharitōmārgaḥnaiṣavīraniṣēvitaḥ ।
yathābāṇapathamprāpyasthitō'hantavarākṣasa ॥ 16 ॥
darśayasvādyatattējōvāchātvaṅkiṃvikatthasē ।
ēvamuktōdhanurbhīmamparāmṛśyamahābalaḥ ॥ 17 ॥
sasarjaniśitānbāṇānindrajitsamitiñjayaḥ ।
tēnisṛṣṭāmahāvēgāḥśarāḥsarpaviṣōpamāḥ ॥ 18 ॥
samprāpyalakṣmaṇampētuḥśvasantaivapannagāḥ ।
rairatimahāvēgairvēgavānrāvaṇātmajaḥ ॥ 19 ॥
saumitrimindrajidyuddhēvivyādhaśubhalakṣaṇam ।
saśarairatividdhāṅgōrudhirēṇasamukṣitaḥ ॥ 20 ॥
śuśubhēlakṣmaṇaḥśrīmānvidhūmaivapāvakaḥ ।
indrajittvātmanaḥkarmaprasamīkṣyādhigamya cha ॥ 21 ॥
vinadyasumahānādamidaṃvachanamabravīt ।
patriṇaḥśitadhārāstēkarāmatkārmukachyutāḥ ॥ 22 ॥
ādāsyantē'dyasaumitrējīvitañjīvitāntakāḥ ।
adyagōmāyusaṅghāśchaśyēnasaṅghāśchalakṣmaṇa ॥ 23 ॥
gṛdhrāśchanipatantutvāṅgatāsunnihatammayā ।
kṣatrabandhuṃsadānāryaṃrāmaḥparamadurmatiḥ ॥ 24 ॥
bhaktambhrātaramadyaivatvāndrakṣyatihatammayā ।
viśastakavachambhūmauvyapaviddhaśarāsasanam ॥ 25 ॥
hṛtōttamāṅgaṃsaumitratvāmadyanihatammayā ।
itibruvāṇaṃsaṅkṛddhaḥ paruṣaṃrāvaṇātmajam ॥ 26 ॥
hētumadvākyamatyarthaṃlakṣmaṇaḥpratyuvācha ha ।
vāgbalantyajadurbuddhēkrūrakarmāsirākṣasa ॥ 27 ॥
athakasmādvadasyētatsampādayasukarmaṇā ।
kṛtvākatthasēkarmakimarthamiharākṣasa ॥ 28 ॥
kurutatkarmayēnāhaṃśraddhadhyāntavakatthanam ।
anuktvāparuṣaṃvākyaṅkiñchidapyanavakṣipan ॥ 29 ॥
avikatthanvadhiṣyāmitvāmpaśyapuruṣādhama ।
ityuktvāpañchanārāchānākarṇāpūritān śitān ॥ 30 ॥
nijaghānamahāvēgāllakṣmaṇōrākṣasōrasi ।
supatravājitābāṇājvalitāivapannagāḥ ॥ 31 ॥
nairṛtōrasyabhāsantasavitūraśmayōyathā ।
saḥśarairāhatastēnasarōṣōrāvaṇātmajaḥ ॥ 32 ॥
suprayuktaistribhirbhāṇaiḥprativivyādhalakṣmaṇam ।
saḥbabhūvamahābhīmōnararākṣasasiṃhayōḥ ॥ 33 ॥
vimardastumulōyuddhēparasparajayaiṣiṇōḥ ।
ubhauhibalasampannāvubhauvikramaśālinau ॥ 34 ॥
ubhauparamadurjñēyāvatulyabalatējasau ।
yuyudhātētadāvīraugrahāvivanabhōgatau ॥ 35 ॥
balavṛtrāvivābhītauyudhitauduṣpradharṣaṇau ।
yuyudhātēmahātmānautadākēsariṇāviva ॥ 36 ॥
bahūnavasṛjantauhimārgaṇaughānavasthitau ।
nararākṣasasimhōtauprahṛṣṭāvabhyayudhyatām ॥ 37 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē aṣṭāśītitamassargaḥ ॥
