ශ්රීමද්වාල්මීකීය රාමායණේ යුද්ධකාංඩම් ।
අථ අෂ්ටාශීතිතමස්සර්ගඃ ।
විභීෂණවච්ශ්රුත්වාරාවණිඃක්රෝධමූර්ඡිතඃ ।
අබ්රවීත්පරුෂංවාක්යංවේගේනාභ්යුත්පපාත ච ॥ 1 ॥
උද්යතායුධනිස්ත්රිංශෝරථේසුසමලංකෘතේ ।
කාලාශ්වයුක්තේමහතිස්ථිතඃකාලාංතකෝපමඃ ॥ 2 ॥
මහාප්රමාණමුද්යම්යවිපුලංවේගවද්ධෘඪම් ।
ධනුර්බීමංපරාමෘශ්යශරාංශ්චාමිත්රනාශනාන් ॥ 3 ॥
තංදදර්ශමහේෂ්වාසෝරථස්ථස්සමලංකෘතඃ ।
අලංකෘතමමිත්රඝ්නෝරාඝවස්යානුජංබලී ॥ 4 ॥
හනුමත්පෘෂ්ඨරූඪමුදස්ථරවිප්රභම් ।
උවාචෛනංසමාරබ්ධඃ සෞමිත්රිංසවිභීෂණම් ॥ 5 ॥
තාංශ්චවානරශාර්දූලාන් පශ්යධ්වංමේපරාක්රමම් ।
අද්යමත්කාර්මුකෝත්සෘෂ්ටංශරවර්ෂංදුරාසදම් ॥ 6 ॥
මුක්තංවර්ෂමිවාකාශේවාරයිෂ්යථසංයුගේ ।
අද්යවෝමාමකාබාණාමහාකාර්මුනිස්සෘතාඃ ॥ 7 ॥
විධමිෂ්යංතිගාත්රාණිතූලරාශිමිවානලඃ ।
තීක්ෂණසායකනිර්භන්නාන්ශූලශක්ත්යෘෂ්ටිතෝමරෛඃ ॥ 8 ॥
අද්යවෝගමයිෂ්යාමිසර්වානේනයමක්ෂයම් ।
ක්ෂිපතශ්ශරවර්ෂාණික්ෂිප්රහස්තස්යසම්යුගේ ॥ 9 ॥
ජීමූතස්යේනනදතඃකඃස්ථාස්යතිමමාග්රතඃ ।
රාත්රියුද්ධේමයාපූර්වංවජ්රාශනිසමෛඃශරෛඃ ॥ 10 ॥
ශායිතෞස්ථෝමයාභූමෞවිසංජ්ඤෞසපුරස්සරෞ ।
ස්මෘතිර්නතේऽස්තිවාමන්යේව්යක්තංවායමසාදනම් ॥ 11 ॥
ආශීවිෂමිවක්රුද්ධංයන්මාංයෝද්ධුව්යවත්ථිතඃ ।
තච්ඡ්රුත්වාරාක්ෂසේංද්රස්යගර්ජිතංලක්ෂ්මණස්තදා ॥ 12 ॥
අභීතවදනඃක්රුද්ධෝරාවණිංවාක්යමබ්රවීත් ।
උක්තශ්චදුර්ගමඃපාරඃකාර්යාණාංරාක්ෂසත්වයා ॥ 13 ॥
කාර්යාණාංකර්මණාංපාරංයෝගච්ඡති ස බුද්ධිමාන් ।
සත්වමර්ථස්යහීනාර්ථෝදුරවාසස්යකේනචිත් ॥ 14 ॥
වාචාව්යාහෘත්යජානීෂේකෘතාර්ථෝऽස්මීතිදුර්මතේ ।
අංතර්ධානගතේනාජෞයස්ත්වයාචරිතස්තදා ॥ 15 ॥
තස්කරාචරිතෝමාර්ගඃනෛෂවීරනිෂේවිතඃ ।
යථාබාණපථංප්රාප්යස්ථිතෝऽහංතවරාක්ෂස ॥ 16 ॥
දර්ශයස්වාද්යතත්තේජෝවාචාත්වංකිංවිකත්ථසේ ।
ඒවමුක්තෝධනුර්භීමංපරාමෘශ්යමහාබලඃ ॥ 17 ॥
සසර්ජනිශිතාන්බාණානිංද්රජිත්සමිතිංජයඃ ।
තේනිසෘෂ්ටාමහාවේගාඃශරාඃසර්පවිෂෝපමාඃ ॥ 18 ॥
සංප්රාප්යලක්ෂ්මණංපේතුඃශ්වසංතෛවපන්නගාඃ ।
රෛරතිමහාවේගෛර්වේගවාන්රාවණාත්මජඃ ॥ 19 ॥
සෞමිත්රිමිංද්රජිද්යුද්ධේවිව්යාධශුභලක්ෂණම් ।
සශරෛරතිවිද්ධාංගෝරුධිරේණසමුක්ෂිතඃ ॥ 20 ॥
ශුශුභේලක්ෂ්මණඃශ්රීමාන්විධූමෛවපාවකඃ ।
ඉංද්රජිත්ත්වාත්මනඃකර්මප්රසමීක්ෂ්යාධිගම්ය ච ॥ 21 ॥
විනද්යසුමහානාදමිදංවචනමබ්රවීත් ।
පත්රිණඃශිතධාරාස්තේකරාමත්කාර්මුකච්යුතාඃ ॥ 22 ॥
ආදාස්යංතේऽද්යසෞමිත්රේජීවිතංජීවිතාංතකාඃ ।
අද්යගෝමායුසංඝාශ්චශ්යේනසංඝාශ්චලක්ෂ්මණ ॥ 23 ॥
ගෘධ්රාශ්චනිපතංතුත්වාංගතාසුංනිහතංමයා ।
ක්ෂත්රබංධුංසදානාර්යංරාමඃපරමදුර්මතිඃ ॥ 24 ॥
භක්තංභ්රාතරමද්යෛවත්වාංද්රක්ෂ්යතිහතංමයා ।
විශස්තකවචංභූමෞව්යපවිද්ධශරාසසනම් ॥ 25 ॥
හෘතෝත්තමාංගංසෞමිත්රත්වාමද්යනිහතංමයා ।
ඉතිබ්රුවාණංසංකෘද්ධඃ පරුෂංරාවණාත්මජම් ॥ 26 ॥
හේතුමද්වාක්යමත්යර්ථංලක්ෂ්මණඃප්රත්යුවාච හ ।
වාග්බලංත්යජදුර්බුද්ධේක්රූරකර්මාසිරාක්ෂස ॥ 27 ॥
අථකස්මාද්වදස්යේතත්සංපාදයසුකර්මණා ।
කෘත්වාකත්ථසේකර්මකිමර්ථමිහරාක්ෂස ॥ 28 ॥
කුරුතත්කර්මයේනාහංශ්රද්ධධ්යාංතවකත්ථනම් ।
අනුක්ත්වාපරුෂංවාක්යංකිංචිදප්යනවක්ෂිපන් ॥ 29 ॥
අවිකත්ථන්වධිෂ්යාමිත්වාංපශ්යපුරුෂාධම ।
ඉත්යුක්ත්වාපංචනාරාචානාකර්ණාපූරිතාන් ශිතාන් ॥ 30 ॥
නිජඝානමහාවේගාල්ලක්ෂ්මණෝරාක්ෂසෝරසි ।
සුපත්රවාජිතාබාණාජ්වලිතාඉවපන්නගාඃ ॥ 31 ॥
නෛරෘතෝරස්යභාසංතසවිතූරශ්මයෝයථා ।
සඃශරෛරාහතස්තේනසරෝෂෝරාවණාත්මජඃ ॥ 32 ॥
සුප්රයුක්තෛස්ත්රිභිර්භාණෛඃප්රතිවිව්යාධලක්ෂ්මණම් ।
සඃබභූවමහාභීමෝනරරාක්ෂසසිංහයෝඃ ॥ 33 ॥
විමර්දස්තුමුලෝයුද්ධේපරස්පරජයෛෂිණෝඃ ।
උභෞහිබලසංපන්නාවුභෞවික්රමශාලිනෞ ॥ 34 ॥
උභෞපරමදුර්ජ්ඤේයාවතුල්යබලතේජසෞ ।
යුයුධාතේතදාවීරෞග්රහාවිවනභෝගතෞ ॥ 35 ॥
බලවෘත්රාවිවාභීතෞයුධිතෞදුෂ්ප්රධර්ෂණෞ ।
යුයුධාතේමහාත්මානෞතදාකේසරිණාවිව ॥ 36 ॥
බහූනවසෘජංතෞහිමාර්ගණෞඝානවස්ථිතෞ ।
නරරාක්ෂසසිම්හෝතෞප්රහෘෂ්ටාවභ්යයුධ්යතාම් ॥ 37 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ අෂ්ටාශීතිතමස්සර්ගඃ ॥
