ශ්රීමද්වාල්මීකීය රාමායණේ අයෝධ්යාකාංඩම් ।
අථ චතුර්නවතිතමස්සර්ගඃ ।
දීර්ඝකාලෝෂිත ස්තස්මින්ගිරෞ ගිරිවනප්රියඃ ।
වෛදේහ්යාඃ ප්රියමාකාංක්ෂන්ස්වං ච චිත්තං විලෝභයන් ॥ 1 ॥
අථ දාශරථිශ්චිත්රං චිත්රකූටමදර්ශයත් ।
භාර්යාමමරසංකාශ ශ්ශචීමිව පුරංදරඃ ॥ 2 ॥
දීර්ඝකාලෝෂිත ස්තස්මින්ගිරෞ ගිරිවනප්රියඃ ।
වෛදේහ්යාඃ ප්රියමාකාංක්ෂන්ස්වං ච චිත්තං විලෝභයන් ॥ 3 ॥
අථ දාශරථිශ්චිත්රං චිත්රකූටමදර්ශයත් ।
භාර්යාමමරසංකාශ ශ්ශචීමිව පුරංදරඃ ॥ 4 ॥
න රාජ්යාද්භ්රංශනං භද්රේ න සුහෘද්භිර්විනාභවඃ ।
මනෝ මේ බාධතේ දෘෂ්ට්වා රමණීයමිමං ගිරිම් ॥ 5 ॥
පශ්යේමමචලං භද්රේ නානාද්විජගණායුතම් ।
ශිඛරෛඃ ඛමිවෝද්විද්ධෛර්ධාතුමද්භිර්විභූෂිතම් ॥ 6 ॥
කේචිද්රජතසංකාශාඃ කේචිත්ක්ෂතජසංනිභාඃ ।
පීතමාංජිෂ්ටවර්ණාශ්ච කේචින්මණිවරප්රභාඃ ॥ 7 ॥
පුෂ්යාර්කකේතකාභාශ්ච කේචිජ්ජ්යෝතීරසප්රභාඃ ।
විරාජංතේऽචලේංද්රස්ය දේශා ධාතුවිභූෂිතාඃ ॥ 8 ॥
නානාමෘගගණද්වීපිතරර්ක්ෂ්වෘක්ෂගණෛර්වුතඃ ।
අදුෂ්ටෛර්භාත්යයං ශෛලෝ බහුපක්ෂිසමායුතඃ ॥ 9 ॥
ආම්රජංබ්වසනෛර්ලෝධ්රෛඃ ප්රියාලෛඃ පනසෛර්ධවෛඃ ।
අංකෝලෛර්භව්යතිනිශෛර්බිල්වතිංදුක වේණුභිඃ ॥ 10 ॥
කාශ්මර්යරිෂ්ටවරුණෛර්මධූකෛස්තිලකෛස්තථා ।
බදර්යාමලකෛර්නීපෛර්වේත්රධන්වනබීජකෛඃ ॥ 11 ॥
පුෂ්පවද්භිඃ ඵලෝපේතෛශ්ඡායාවද්භිර්මනෝරමෛඃ ।
ඒවමාදිභිරාකීර්ණඃ ශ්රියං පුෂ්යත්යයං ගිරිඃ ॥ 12 ॥
ශෛලප්රස්ථේෂු රම්යේෂු පශ්යේමාන් රෝමහර්ෂණාන් ।
කින්නරාන් ද්වංද්වශෝ භද්රේ රමමාණාන්මනස්විනඃ ॥ 13 ॥
ශාඛාවසක්තාන් ඛඩ්ගාංශ්ච ප්රවරාණ්යංබරාණි ච ।
පශ්ය විද්යාධරස්ත්රීණාං ක්රීඩෝද්ධේශාන්මනෝරමාන් ॥ 14 ॥
ජලප්රපාතෛරුද්භේදෛර්නිෂ්යංදෛශ්ච ක්වචිත්ක්වචිත් ।
ස්රවද්භිර්භාත්යයං ශෛල ස්ස්රවන්මද ඉව ද්විපඃ ॥ 15 ॥
ගුහාසමීරණෝ ගංධාන්නානාපුෂ්පභවාන්වහන් ।
ඝ්රාණතර්පණමභ්යේත්ය කං නරං න ප්රහර්ෂයේත් ॥ 16 ॥
යදීහ ශරදෝऽනේකාස්ත්වයා සාර්ධමනිංදිතේ ।
ලක්ෂ්මණේන ච වත්ස්යාමි න මාං ශෝකඃ ප්රධක්ෂ්යති ॥ 17 ॥
බහුපුෂ්පඵලේ රම්යේ නානාද්විජගණායුතේ ।
විචිත්රශිඛරේ හ්යස්මින්රතවානස්මි භාමිනි ॥ 18 ॥
අනේන වනවාසේන මයා ප්රාප්තං ඵලද්වයම් ।
පිතුශ්චානෘණතා ධර්මේ භරතස්ය ප්රියං තථා ॥ 19 ॥
වෛදේහි රමසේ කච්චිච්චිත්රකූටේ මයා සහ ।
පශ්යංතී විවිධාන්භාවාන්මනෝවාක්කායසම්මතාන් ॥ 20 ॥
ඉදමේවාමෘතං ප්රාහූ රාජ්ඤි රාජර්ෂයඃ පරේ ।
වනවාසං භවාර්ථාය ප්රේත්ය මේ ප්රපිතාමහාඃ ॥ 21 ॥
ශිලා ශ්ශෛලස්ය ශෝභංතේ විශාලා ශ්ශතශෝऽභිතඃ ।
බහුලා බහුලෛර්වර්ණෛර්නීලපීතසිතාරුණෛඃ ॥ 22 ॥
නිශිභාංත්යචලේංද්රස්ය හුතාශනශිඛා ඉව ।
ඕෂධ්යඃ ස්වප්රභාලක්ෂ්ම්යා භ්රාජමානා ස්සහස්රශඃ ॥ 23 ॥
කේචිත් ක්ෂයනිභා දේශාඃ කේචිදුද්යානසන්නිභාඃ ।
කේචිදේකශිලා භාංති පර්වතස්යාස්ය භාමිනි ॥ 24 ॥
භිත්ත්වේව වසුධාං භාති චිත්රකූටස්සමුත්ථිතඃ ।
චිත්රකූටස්ය කූටෝऽසෞ දෘශ්යතේ සර්වත ශ්ශුභඃ ॥ 25 ॥
කුෂ්ඨස්ථගරපුන්නාග භූර්ජපත්රෝත්තරච්ඡදාන් ।
කාමිනාං ස්වාස්තරාන්පශ්ය කුශේශයදලායුතාන් ॥ 26 ॥
මෘදිතාශ්චාපවිද්ධාශ්ච දෘශ්යංතේ කමලස්රජඃ ।
කාමිභිර්වනිතේ පශ්ය ඵලානි විවිධානි ච ॥ 27 ॥
වස්වෞකසාරාං නලිනීමත්යේතීවෝත්තරාන්කුරූන් ।
පර්වතශ්චිත්රකූටෝऽසෞ බහුමූලඵලෝදකඃ ॥ 28 ॥
ඉමං තු කාලං වනිතේ විජහ්රිවාංස්ත්වයා ච සීතේ සහ ලක්ෂ්මණේන ච ।
රතිං ප්රපත්ස්යේ කුලධර්මවර්ධනීං සතාං පථි ස්වෛර්නියමෛඃ පරෛඃ ස්ථිතඃ ॥ 29 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ අයෝධ්යාකාංඩේ චතුර්නවතිතමස්සර්ගඃ ॥
