𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑌮𑍍 ।
𑌅𑌥 𑌚𑌤𑍁𑌰𑍍𑌨𑌵𑌤𑌿𑌤𑌮𑌸𑍍𑌸𑌰𑍍𑌗𑌃 ।
𑌦𑍀𑌰𑍍𑌘𑌕𑌾𑌲𑍋𑌷𑌿𑌤 𑌸𑍍𑌤𑌸𑍍𑌮𑌿𑌨𑍍𑌗𑌿𑌰𑍌 𑌗𑌿𑌰𑌿𑌵𑌨𑌪𑍍𑌰𑌿𑌯𑌃 ।
𑌵𑍈𑌦𑍇𑌹𑍍𑌯𑌾𑌃 𑌪𑍍𑌰𑌿𑌯𑌮𑌾𑌕𑌾𑌂𑌕𑍍𑌷𑌨𑍍𑌸𑍍𑌵𑌂 𑌚 𑌚𑌿𑌤𑍍𑌤𑌂 𑌵𑌿𑌲𑍋𑌭𑌯𑌨𑍍 ॥ 1 ॥
𑌅𑌥 𑌦𑌾𑌶𑌰𑌥𑌿𑌶𑍍𑌚𑌿𑌤𑍍𑌰𑌂 𑌚𑌿𑌤𑍍𑌰𑌕𑍂𑌟𑌮𑌦𑌰𑍍𑌶𑌯𑌤𑍍 ।
𑌭𑌾𑌰𑍍𑌯𑌾𑌮𑌮𑌰𑌸𑌂𑌕𑌾𑌶 𑌶𑍍𑌶𑌚𑍀𑌮𑌿𑌵 𑌪𑍁𑌰𑌂𑌦𑌰𑌃 ॥ 2 ॥
𑌦𑍀𑌰𑍍𑌘𑌕𑌾𑌲𑍋𑌷𑌿𑌤 𑌸𑍍𑌤𑌸𑍍𑌮𑌿𑌨𑍍𑌗𑌿𑌰𑍌 𑌗𑌿𑌰𑌿𑌵𑌨𑌪𑍍𑌰𑌿𑌯𑌃 ।
𑌵𑍈𑌦𑍇𑌹𑍍𑌯𑌾𑌃 𑌪𑍍𑌰𑌿𑌯𑌮𑌾𑌕𑌾𑌂𑌕𑍍𑌷𑌨𑍍𑌸𑍍𑌵𑌂 𑌚 𑌚𑌿𑌤𑍍𑌤𑌂 𑌵𑌿𑌲𑍋𑌭𑌯𑌨𑍍 ॥ 3 ॥
𑌅𑌥 𑌦𑌾𑌶𑌰𑌥𑌿𑌶𑍍𑌚𑌿𑌤𑍍𑌰𑌂 𑌚𑌿𑌤𑍍𑌰𑌕𑍂𑌟𑌮𑌦𑌰𑍍𑌶𑌯𑌤𑍍 ।
𑌭𑌾𑌰𑍍𑌯𑌾𑌮𑌮𑌰𑌸𑌂𑌕𑌾𑌶 𑌶𑍍𑌶𑌚𑍀𑌮𑌿𑌵 𑌪𑍁𑌰𑌂𑌦𑌰𑌃 ॥ 4 ॥
𑌨 𑌰𑌾𑌜𑍍𑌯𑌾𑌦𑍍𑌭𑍍𑌰𑌂𑌶𑌨𑌂 𑌭𑌦𑍍𑌰𑍇 𑌨 𑌸𑍁𑌹𑍃𑌦𑍍𑌭𑌿𑌰𑍍𑌵𑌿𑌨𑌾𑌭𑌵𑌃 ।
𑌮𑌨𑍋 𑌮𑍇 𑌬𑌾𑌧𑌤𑍇 𑌦𑍃𑌷𑍍𑌟𑍍𑌵𑌾 𑌰𑌮𑌣𑍀𑌯𑌮𑌿𑌮𑌂 𑌗𑌿𑌰𑌿𑌮𑍍 ॥ 5 ॥
𑌪𑌶𑍍𑌯𑍇𑌮𑌮𑌚𑌲𑌂 𑌭𑌦𑍍𑌰𑍇 𑌨𑌾𑌨𑌾𑌦𑍍𑌵𑌿𑌜𑌗𑌣𑌾𑌯𑍁𑌤𑌮𑍍 ।
𑌶𑌿𑌖𑌰𑍈𑌃 𑌖𑌮𑌿𑌵𑍋𑌦𑍍𑌵𑌿𑌦𑍍𑌧𑍈𑌰𑍍𑌧𑌾𑌤𑍁𑌮𑌦𑍍𑌭𑌿𑌰𑍍𑌵𑌿𑌭𑍂𑌷𑌿𑌤𑌮𑍍 ॥ 6 ॥
𑌕𑍇𑌚𑌿𑌦𑍍𑌰𑌜𑌤𑌸𑌂𑌕𑌾𑌶𑌾𑌃 𑌕𑍇𑌚𑌿𑌤𑍍𑌕𑍍𑌷𑌤𑌜𑌸𑌂𑌨𑌿𑌭𑌾𑌃 ।
𑌪𑍀𑌤𑌮𑌾𑌂𑌜𑌿𑌷𑍍𑌟𑌵𑌰𑍍𑌣𑌾𑌶𑍍𑌚 𑌕𑍇𑌚𑌿𑌨𑍍𑌮𑌣𑌿𑌵𑌰𑌪𑍍𑌰𑌭𑌾𑌃 ॥ ॥
𑌪𑍁𑌷𑍍𑌯𑌾𑌰𑍍𑌕𑌕𑍇𑌤𑌕𑌾𑌭𑌾𑌶𑍍𑌚 𑌕𑍇𑌚𑌿𑌜𑍍𑌜𑍍𑌯𑍋𑌤𑍀𑌰𑌸𑌪𑍍𑌰𑌭𑌾𑌃 ।
𑌵𑌿𑌰𑌾𑌜𑌂𑌤𑍇𑌽𑌚𑌲𑍇𑌂𑌦𑍍𑌰𑌸𑍍𑌯 𑌦𑍇𑌶𑌾 𑌧𑌾𑌤𑍁𑌵𑌿𑌭𑍂𑌷𑌿𑌤𑌾𑌃 ॥ ॥
𑌨𑌾𑌨𑌾𑌮𑍃𑌗𑌗𑌣𑌦𑍍𑌵𑍀𑌪𑌿𑌤𑌰𑌰𑍍𑌕𑍍𑌷𑍍𑌵𑍃𑌕𑍍𑌷𑌗𑌣𑍈𑌰𑍍𑌵𑍁𑌤𑌃 ।
𑌅𑌦𑍁𑌷𑍍𑌟𑍈𑌰𑍍𑌭𑌾𑌤𑍍𑌯𑌯𑌂 𑌶𑍈𑌲𑍋 𑌬𑌹𑍁𑌪𑌕𑍍𑌷𑌿𑌸𑌮𑌾𑌯𑍁𑌤𑌃 ॥ ॥
𑌆𑌮𑍍𑌰𑌜𑌂𑌬𑍍𑌵𑌸𑌨𑍈𑌰𑍍𑌲𑍋𑌧𑍍𑌰𑍈𑌃 𑌪𑍍𑌰𑌿𑌯𑌾𑌲𑍈𑌃 𑌪𑌨𑌸𑍈𑌰𑍍𑌧𑌵𑍈𑌃 ।
𑌅𑌂𑌕𑍋𑌲𑍈𑌰𑍍𑌭𑌵𑍍𑌯𑌤𑌿𑌨𑌿𑌶𑍈𑌰𑍍𑌬𑌿𑌲𑍍𑌵𑌤𑌿𑌂𑌦𑍁𑌕 𑌵𑍇𑌣𑍁𑌭𑌿𑌃 ॥ 10 ॥
𑌕𑌾𑌶𑍍𑌮𑌰𑍍𑌯𑌰𑌿𑌷𑍍𑌟𑌵𑌰𑍁𑌣𑍈𑌰𑍍𑌮𑌧𑍂𑌕𑍈𑌸𑍍𑌤𑌿𑌲𑌕𑍈𑌸𑍍𑌤𑌥𑌾 ।
𑌬𑌦𑌰𑍍𑌯𑌾𑌮𑌲𑌕𑍈𑌰𑍍𑌨𑍀𑌪𑍈𑌰𑍍𑌵𑍇𑌤𑍍𑌰𑌧𑌨𑍍𑌵𑌨𑌬𑍀𑌜𑌕𑍈𑌃 ॥ 11 ॥
𑌪𑍁𑌷𑍍𑌪𑌵𑌦𑍍𑌭𑌿𑌃 𑌫𑌲𑍋𑌪𑍇𑌤𑍈𑌶𑍍𑌛𑌾𑌯𑌾𑌵𑌦𑍍𑌭𑌿𑌰𑍍𑌮𑌨𑍋𑌰𑌮𑍈𑌃 ।
𑌏𑌵𑌮𑌾𑌦𑌿𑌭𑌿𑌰𑌾𑌕𑍀𑌰𑍍𑌣𑌃 𑌶𑍍𑌰𑌿𑌯𑌂 𑌪𑍁𑌷𑍍𑌯𑌤𑍍𑌯𑌯𑌂 𑌗𑌿𑌰𑌿𑌃 ॥ 12 ॥
𑌶𑍈𑌲𑌪𑍍𑌰𑌸𑍍𑌥𑍇𑌷𑍁 𑌰𑌮𑍍𑌯𑍇𑌷𑍁 𑌪𑌶𑍍𑌯𑍇𑌮𑌾𑌨𑍍 𑌰𑍋𑌮𑌹𑌰𑍍𑌷𑌣𑌾𑌨𑍍 ।
𑌕𑌿𑌨𑍍𑌨𑌰𑌾𑌨𑍍 𑌦𑍍𑌵𑌂𑌦𑍍𑌵𑌶𑍋 𑌭𑌦𑍍𑌰𑍇 𑌰𑌮𑌮𑌾𑌣𑌾𑌨𑍍𑌮𑌨𑌸𑍍𑌵𑌿𑌨𑌃 ॥ 13 ॥
𑌶𑌾𑌖𑌾𑌵𑌸𑌕𑍍𑌤𑌾𑌨𑍍 𑌖𑌡𑍍𑌗𑌾𑌂𑌶𑍍𑌚 𑌪𑍍𑌰𑌵𑌰𑌾𑌣𑍍𑌯𑌂𑌬𑌰𑌾𑌣𑌿 𑌚 ।
𑌪𑌶𑍍𑌯 𑌵𑌿𑌦𑍍𑌯𑌾𑌧𑌰𑌸𑍍𑌤𑍍𑌰𑍀𑌣𑌾𑌂 𑌕𑍍𑌰𑍀𑌡𑍋𑌦𑍍𑌧𑍇𑌶𑌾𑌨𑍍𑌮𑌨𑍋𑌰𑌮𑌾𑌨𑍍 ॥ 14 ॥
𑌜𑌲𑌪𑍍𑌰𑌪𑌾𑌤𑍈𑌰𑍁𑌦𑍍𑌭𑍇𑌦𑍈𑌰𑍍𑌨𑌿𑌷𑍍𑌯𑌂𑌦𑍈𑌶𑍍𑌚 𑌕𑍍𑌵𑌚𑌿𑌤𑍍𑌕𑍍𑌵𑌚𑌿𑌤𑍍 ।
𑌸𑍍𑌰𑌵𑌦𑍍𑌭𑌿𑌰𑍍𑌭𑌾𑌤𑍍𑌯𑌯𑌂 𑌶𑍈𑌲 𑌸𑍍𑌸𑍍𑌰𑌵𑌨𑍍𑌮𑌦 𑌇𑌵 𑌦𑍍𑌵𑌿𑌪𑌃 ॥ 15 ॥
𑌗𑍁𑌹𑌾𑌸𑌮𑍀𑌰𑌣𑍋 𑌗𑌂𑌧𑌾𑌨𑍍𑌨𑌾𑌨𑌾𑌪𑍁𑌷𑍍𑌪𑌭𑌵𑌾𑌨𑍍𑌵𑌹𑌨𑍍 ।
𑌘𑍍𑌰𑌾𑌣𑌤𑌰𑍍𑌪𑌣𑌮𑌭𑍍𑌯𑍇𑌤𑍍𑌯 𑌕𑌂 𑌨𑌰𑌂 𑌨 𑌪𑍍𑌰𑌹𑌰𑍍𑌷𑌯𑍇𑌤𑍍 ॥ 16 ॥
𑌯𑌦𑍀𑌹 𑌶𑌰𑌦𑍋𑌽𑌨𑍇𑌕𑌾𑌸𑍍𑌤𑍍𑌵𑌯𑌾 𑌸𑌾𑌰𑍍𑌧𑌮𑌨𑌿𑌂𑌦𑌿𑌤𑍇 ।
𑌲𑌕𑍍𑌷𑍍𑌮𑌣𑍇𑌨 𑌚 𑌵𑌤𑍍𑌸𑍍𑌯𑌾𑌮𑌿 𑌨 𑌮𑌾𑌂 𑌶𑍋𑌕𑌃 𑌪𑍍𑌰𑌧𑌕𑍍𑌷𑍍𑌯𑌤𑌿 ॥ 1 ॥
𑌬𑌹𑍁𑌪𑍁𑌷𑍍𑌪𑌫𑌲𑍇 𑌰𑌮𑍍𑌯𑍇 𑌨𑌾𑌨𑌾𑌦𑍍𑌵𑌿𑌜𑌗𑌣𑌾𑌯𑍁𑌤𑍇 ।
𑌵𑌿𑌚𑌿𑌤𑍍𑌰𑌶𑌿𑌖𑌰𑍇 𑌹𑍍𑌯𑌸𑍍𑌮𑌿𑌨𑍍𑌰𑌤𑌵𑌾𑌨𑌸𑍍𑌮𑌿 𑌭𑌾𑌮𑌿𑌨𑌿 ॥ 1 ॥
𑌅𑌨𑍇𑌨 𑌵𑌨𑌵𑌾𑌸𑍇𑌨 𑌮𑌯𑌾 𑌪𑍍𑌰𑌾𑌪𑍍𑌤𑌂 𑌫𑌲𑌦𑍍𑌵𑌯𑌮𑍍 ।
𑌪𑌿𑌤𑍁𑌶𑍍𑌚𑌾𑌨𑍃𑌣𑌤𑌾 𑌧𑌰𑍍𑌮𑍇 𑌭𑌰𑌤𑌸𑍍𑌯 𑌪𑍍𑌰𑌿𑌯𑌂 𑌤𑌥𑌾 ॥ 1 ॥
𑌵𑍈𑌦𑍇𑌹𑌿 𑌰𑌮𑌸𑍇 𑌕𑌚𑍍𑌚𑌿𑌚𑍍𑌚𑌿𑌤𑍍𑌰𑌕𑍂𑌟𑍇 𑌮𑌯𑌾 𑌸𑌹 ।
𑌪𑌶𑍍𑌯𑌂𑌤𑍀 𑌵𑌿𑌵𑌿𑌧𑌾𑌨𑍍𑌭𑌾𑌵𑌾𑌨𑍍𑌮𑌨𑍋𑌵𑌾𑌕𑍍𑌕𑌾𑌯𑌸𑌮𑍍𑌮𑌤𑌾𑌨𑍍 ॥ 20 ॥
𑌇𑌦𑌮𑍇𑌵𑌾𑌮𑍃𑌤𑌂 𑌪𑍍𑌰𑌾𑌹𑍂 𑌰𑌾𑌜𑍍𑌞𑌿 𑌰𑌾𑌜𑌰𑍍𑌷𑌯𑌃 𑌪𑌰𑍇 ।
𑌵𑌨𑌵𑌾𑌸𑌂 𑌭𑌵𑌾𑌰𑍍𑌥𑌾𑌯 𑌪𑍍𑌰𑍇𑌤𑍍𑌯 𑌮𑍇 𑌪𑍍𑌰𑌪𑌿𑌤𑌾𑌮𑌹𑌾𑌃 ॥ 21 ॥
𑌶𑌿𑌲𑌾 𑌶𑍍𑌶𑍈𑌲𑌸𑍍𑌯 𑌶𑍋𑌭𑌂𑌤𑍇 𑌵𑌿𑌶𑌾𑌲𑌾 𑌶𑍍𑌶𑌤𑌶𑍋𑌽𑌭𑌿𑌤𑌃 ।
𑌬𑌹𑍁𑌲𑌾 𑌬𑌹𑍁𑌲𑍈𑌰𑍍𑌵𑌰𑍍𑌣𑍈𑌰𑍍𑌨𑍀𑌲𑌪𑍀𑌤𑌸𑌿𑌤𑌾𑌰𑍁𑌣𑍈𑌃 ॥ 22 ॥
𑌨𑌿𑌶𑌿𑌭𑌾𑌂𑌤𑍍𑌯𑌚𑌲𑍇𑌂𑌦𑍍𑌰𑌸𑍍𑌯 𑌹𑍁𑌤𑌾𑌶𑌨𑌶𑌿𑌖𑌾 𑌇𑌵 ।
𑌓𑌷𑌧𑍍𑌯𑌃 𑌸𑍍𑌵𑌪𑍍𑌰𑌭𑌾𑌲𑌕𑍍𑌷𑍍𑌮𑍍𑌯𑌾 𑌭𑍍𑌰𑌾𑌜𑌮𑌾𑌨𑌾 𑌸𑍍𑌸𑌹𑌸𑍍𑌰𑌶𑌃 ॥ 23 ॥
𑌕𑍇𑌚𑌿𑌤𑍍 𑌕𑍍𑌷𑌯𑌨𑌿𑌭𑌾 𑌦𑍇𑌶𑌾𑌃 𑌕𑍇𑌚𑌿𑌦𑍁𑌦𑍍𑌯𑌾𑌨𑌸𑌨𑍍𑌨𑌿𑌭𑌾𑌃 ।
𑌕𑍇𑌚𑌿𑌦𑍇𑌕𑌶𑌿𑌲𑌾 𑌭𑌾𑌂𑌤𑌿 𑌪𑌰𑍍𑌵𑌤𑌸𑍍𑌯𑌾𑌸𑍍𑌯 𑌭𑌾𑌮𑌿𑌨𑌿 ॥ 24 ॥
𑌭𑌿𑌤𑍍𑌤𑍍𑌵𑍇𑌵 𑌵𑌸𑍁𑌧𑌾𑌂 𑌭𑌾𑌤𑌿 𑌚𑌿𑌤𑍍𑌰𑌕𑍂𑌟𑌸𑍍𑌸𑌮𑍁𑌤𑍍𑌥𑌿𑌤𑌃 ।
𑌚𑌿𑌤𑍍𑌰𑌕𑍂𑌟𑌸𑍍𑌯 𑌕𑍂𑌟𑍋𑌽𑌸𑍌 𑌦𑍃𑌶𑍍𑌯𑌤𑍇 𑌸𑌰𑍍𑌵𑌤 𑌶𑍍𑌶𑍁𑌭𑌃 ॥ 25 ॥
𑌕𑍁𑌷𑍍𑌠𑌸𑍍𑌥𑌗𑌰𑌪𑍁𑌨𑍍𑌨𑌾𑌗 𑌭𑍂𑌰𑍍𑌜𑌪𑌤𑍍𑌰𑍋𑌤𑍍𑌤𑌰𑌚𑍍𑌛𑌦𑌾𑌨𑍍 ।
𑌕𑌾𑌮𑌿𑌨𑌾𑌂 𑌸𑍍𑌵𑌾𑌸𑍍𑌤𑌰𑌾𑌨𑍍𑌪𑌶𑍍𑌯 𑌕𑍁𑌶𑍇𑌶𑌯𑌦𑌲𑌾𑌯𑍁𑌤𑌾𑌨𑍍 ॥ 26 ॥
𑌮𑍃𑌦𑌿𑌤𑌾𑌶𑍍𑌚𑌾𑌪𑌵𑌿𑌦𑍍𑌧𑌾𑌶𑍍𑌚 𑌦𑍃𑌶𑍍𑌯𑌂𑌤𑍇 𑌕𑌮𑌲𑌸𑍍𑌰𑌜𑌃 ।
𑌕𑌾𑌮𑌿𑌭𑌿𑌰𑍍𑌵𑌨𑌿𑌤𑍇 𑌪𑌶𑍍𑌯 𑌫𑌲𑌾𑌨𑌿 𑌵𑌿𑌵𑌿𑌧𑌾𑌨𑌿 𑌚 ॥ 2 ॥
𑌵𑌸𑍍𑌵𑍌𑌕𑌸𑌾𑌰𑌾𑌂 𑌨𑌲𑌿𑌨𑍀𑌮𑌤𑍍𑌯𑍇𑌤𑍀𑌵𑍋𑌤𑍍𑌤𑌰𑌾𑌨𑍍𑌕𑍁𑌰𑍂𑌨𑍍 ।
𑌪𑌰𑍍𑌵𑌤𑌶𑍍𑌚𑌿𑌤𑍍𑌰𑌕𑍂𑌟𑍋𑌽𑌸𑍌 𑌬𑌹𑍁𑌮𑍂𑌲𑌫𑌲𑍋𑌦𑌕𑌃 ॥ 2 ॥
𑌇𑌮𑌂 𑌤𑍁 𑌕𑌾𑌲𑌂 𑌵𑌨𑌿𑌤𑍇 𑌵𑌿𑌜𑌹𑍍𑌰𑌿𑌵𑌾𑌂𑌸𑍍𑌤𑍍𑌵𑌯𑌾 𑌚 𑌸𑍀𑌤𑍇 𑌸𑌹 𑌲𑌕𑍍𑌷𑍍𑌮𑌣𑍇𑌨 𑌚 ।
𑌰𑌤𑌿𑌂 𑌪𑍍𑌰𑌪𑌤𑍍𑌸𑍍𑌯𑍇 𑌕𑍁𑌲𑌧𑌰𑍍𑌮𑌵𑌰𑍍𑌧𑌨𑍀𑌂 𑌸𑌤𑌾𑌂 𑌪𑌥𑌿 𑌸𑍍𑌵𑍈𑌰𑍍𑌨𑌿𑌯𑌮𑍈𑌃 𑌪𑌰𑍈𑌃 𑌸𑍍𑌥𑌿𑌤𑌃 ॥ 2 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌅𑌯𑍋𑌧𑍍𑌯𑌾𑌕𑌾𑌂𑌡𑍇 𑌚𑌤𑍁𑌰𑍍𑌨𑌵𑌤𑌿𑌤𑌮𑌸𑍍𑌸𑌰𑍍𑌗𑌃 ॥
