શ્રીમદ્વાલ્મીકીય રામાયણે યુદ્ધકાંડમ્ ।
અથ એકાદશસ્સર્ગઃ ।
સબભૂવકૃશોરાજામૈથિલીકામમોહિતઃ ।
અસન્માનાચ્ચસુહૃદાંપાપંપાપેનકર્મણા ॥ 1 ॥
અતીતસમયેકાલેતસ્મિન્વૈયુધિરાવણઃ ।
અમાત્યૈશ્ચસુહૃદ્ભિશ્ચપ્રાપ્તકાલમમન્યત ॥ 2 ॥
સહેમજાલવિતતંમણિવિદ્રુમભૂષિતમ્ ।
ઉપગમ્યવિનીતાશ્વમારુરોહમહારથમ્ ॥ 3 ॥
તમાસ્થાયરથશ્રેષ્ઠંમહામેઘસમસ્વનમ્ ।
પ્રયયૌરક્ષસાંશ્રેષ્ઠોદશગ્રીવસ્સભાંપ્રતિ ॥ 4 ॥
અસિચર્મધરાયોધાસ્સર્વાયુધધરાસ્તતઃ ।
રાક્ષસારાક્ષસેંદ્રસ્યપુરસ્તાત્સંપ્રતસ્થિરે ॥ 5 ॥
નાનાવિકૃતવેષાશ્ચનાનાભૂષણભૂષિતાઃ ।
પાર્શ્વતસ્પૃષ્ઠતશ્ચૈનંપરિવાર્યયયુસ્તતઃ ॥ 6 ॥
રથૈશ્ચાતિરથાશ્શીઘ્રંમત્તૈશ્ચવરવારણૈઃ ।
અનૂત્પેતુર્દશગ્રીવમાક્રીડદ્ભિશ્ચવાજિભિઃ ॥ 7 ॥
ગદાપરિઘહસ્તાશ્ચશક્તિતોમરપાણયઃ ।
પરશ્વથધરાશ્ચાન્યેતથાઽન્યેશૂલપાણયઃ ॥ 8 ॥
તતસ્તૂર્યસહસ્રાણાંસંજજ્ઞેનિસ્સ્વનોમહાન્ ।
તુમુલશ્શંખશબ્દશ્ચસભાંગચ્છતિરાવણે ॥ 9 ॥
સનેમિઘોષેણમહાન્સહસાઽભિનિનાદયન્ ।
રાજમાર્ગંશ્રિયાજુષ્ટંપ્રતિપેદેમહારથઃ ॥ 10 ॥
વિમલંચાતપત્રાણાંપ્રગૃહીતમશોભત ।
પાંડુરંરાક્ષસેંદ્રસ્યપૂર્ણસ્તારાધિપોયથા ॥ 11 ॥
હેમમંજરિગર્ભેચશુદ્ધસ્ફટિકવિગ્રહે ।
ચામરવ્યજનેતસ્યરેજતુસ્સવ્યદક્ષિણે ॥ 12 ॥
તેકૃતાંજલયસ્સર્વેરથસ્થંપૃથિવીસ્થિતાઃ ।
રાક્ષસારાક્ષસશ્રેષ્ઠંશિરોભિસ્તંવવંદિરે ॥ 13 ॥
રાક્ષસૈસ્ત્સૂયમાનસ્સંજયાશીર્ભિરરિંદમઃ ।
આસસાદમહાતેજાસ્સભાંવિરચિતાંતદા ॥ 14 ॥
સુવર્ણરજતાસ્તીર્ણાંવિશુદ્ધસ્ફટિકાંતરામ્ ।
વિરાજમાનોવપુષારુક્મપટ્ટોત્તરચ્છદામ્ ॥ 15 ॥
તાંપિશાચશતૈઃ ષઙ્ભિરભિગુપ્તાંસદાપ્રભામ્ ।
પ્રવિવેશમહાતેજાસ્સુકૃતાંવિશ્વકર્મણા ॥ 16 ॥
તસ્યાંસવૈડૂર્યમયંપ્રિયકાજિનસમ્વૃતમ્ ।
મહત્સોપાશ્રયંભેજેરાવણઃપરમાસનમ્ ॥ 17 ॥
તતઃ શશાસેશ્વરવદ્દૂતાન્લઘુપરાક્રમાન્ ।
સમાનયતમેક્ષિપ્રમિહૈતાન્રાક્ષસાનિતિ ।
કૃત્યમસ્તિમહજ્જાનેકર્તવ્યમિતિશત્રુભિઃ ॥ 18 ॥
રાક્ષસાસ્તદ્વચશ્શ્રુત્વાલંકાયાંપરિચક્રમુઃ ॥ 19 ॥
અનુગેહમવસ્થાયવિહારશયનેષુચ ।
ઉદ્યાનેષુચરક્ષાંસિચોદયંતોહ્યભીતવત્ ॥ 20 ॥
તેરથાન્ રુચિરાનેકેદૃપ્તાનેકેપૃથગ્ઘયાન્ ।
નાગાનેકેઽધિરુરુહુર્જગ્મુશ્ચૈકેપદાતયઃ ॥ 21 ॥
સાપુરીપરમાકીર્ણારથકુંજરવાજિભિઃ ।
સંપતદ્ભિર્વિરુરુચેગરુત્મદ્ભિરિવાંબરમ્ ॥ 22 ॥
તેવાહનાવ્યવસ્થાપ્યયાનાનિવિવિધાનિચ ।
સભાંપદ્ભિઃપ્રવિવિશુસ્સિંહાગિરિગુહામિવ ॥ 23 ॥
રાજ્ઞઃપાદૌગૃહીત્વાતુરાજ્ઞાતેપ્રતિપૂજિતાઃ ।
પીઠેષ્વન્યેબૃસીષ્વન્યેભૂમૌકેચિદુપાવિશન્ ॥ 24 ॥
તેસમેત્યસભાયાંવૈરાક્ષસારાજશાસનાત્ ।
યથાર્હમુપતસ્થુસ્તેરાવણંરાક્ષસાધિપમ્ ॥ 25 ॥
મંત્રિણશ્ચયથામુખ્યાનિશ્ચયાર્થેષુપંડિતાઃ ।
અમાત્યાશ્ચગુણોપેતાસ્સર્વજ્ઞાબુદ્ધિદર્શનાઃ ॥ 26 ॥
સમીયુસ્તત્રશતશશૂરાશ્ચબહવસ્તદા ।
સભાયાંહેમવર્ણાયાંસર્વાર્થસ્યસુખાયવૈ ॥ 27 ॥
તતોમહાત્માવિપુલંસુયુગ્યંરથમ્વરંહેમવિચિત્રિતાંગમ્ ।
શુભંસમાસ્થાયયયૌયશસ્વીવિભીષણસ્સંસદમગ્રજસ્ય ॥ 28 ॥
સપૂર્વજાયાવરજશ્શશંસનામાથપશ્ચાશ્ચરણૌવવંદે ।
શુકઃપ્રહસ્તશ્ચતથૈવતેભ્યોદદૌયથાર્હંપૃથગાસનાનિ ॥ 29 ॥
સુવર્ણનાનામણિભૂષણાનાંસુવાસસાંસંસદિરાક્ષસાનામ્ ।
તેષાંપરાર્ઘ્યાગુરુચંદનાનાંસ્રજાશ્ચગંધાઃપ્રવવુસ્સમંતાત્ ॥ 30 ॥
નચુક્રુશુર્નાનૃતમાહકશ્ચિત્સભાપદોનાપિજજલ્પુરુચ્ચૈઃ ।
સંસિદ્ધાર્થાસ્સર્વએવોગ્રવીર્યાભર્તુસ્સર્વેદદૃશુશ્ચાનનંતે ॥ 31 ॥
સરાવણશ્શસ્ત્રભૃતાંમનસ્વિનાંમહાબલાનાંસમિતૌમનસ્વી ।
તસ્યાંસભાયાંપ્રભયાચકાશેમધ્યેવસૂનામિવવજ્રહસ્તેઃ ॥ 32 ॥
ઇત્યાર્ષે શ્રીમદ્રામાયણે વાલ્મીકીય આદિકાવ્યે યુદ્ધકાંડે એકાદશસ્સર્ગઃ ॥
