śrīmadvālmīkīya rāmāyaṇē yuddhakāṇḍam ।
atha ēkādaśassargaḥ ।
sababhūvakṛśōrājāmaithilīkāmamōhitaḥ ।
asanmānāchchasuhṛdāmpāpampāpēnakarmaṇā ॥ 1 ॥
atītasamayēkālētasminvaiyudhirāvaṇaḥ ।
amātyaiśchasuhṛdbhiśchaprāptakālamamanyata ॥ 2 ॥
sahēmajālavitatammaṇividrumabhūṣitam ।
upagamyavinītāśvamārurōhamahāratham ॥ 3 ॥
tamāsthāyarathaśrēṣṭhammahāmēghasamasvanam ।
prayayaurakṣasāṃśrēṣṭhōdaśagrīvassabhāmprati ॥ 4 ॥
asicharmadharāyōdhāssarvāyudhadharāstataḥ ।
rākṣasārākṣasēndrasyapurastātsampratasthirē ॥ 5 ॥
nānāvikṛtavēṣāśchanānābhūṣaṇabhūṣitāḥ ।
pārśvataspṛṣṭhataśchainamparivāryayayustataḥ ॥ 6 ॥
rathaiśchātirathāśśīghrammattaiśchavaravāraṇaiḥ ।
anūtpēturdaśagrīvamākrīḍadbhiśchavājibhiḥ ॥ 7 ॥
gadāparighahastāśchaśaktitōmarapāṇayaḥ ।
paraśvathadharāśchānyētathā'nyēśūlapāṇayaḥ ॥ 8 ॥
tatastūryasahasrāṇāṃsañjajñēnissvanōmahān ।
tumulaśśaṅkhaśabdaśchasabhāṅgachChatirāvaṇē ॥ 9 ॥
sanēmighōṣēṇamahānsahasā'bhininādayan ।
rājamārgaṃśriyājuṣṭampratipēdēmahārathaḥ ॥ 10 ॥
vimalañchātapatrāṇāmpragṛhītamaśōbhata ।
pāṇḍuraṃrākṣasēndrasyapūrṇastārādhipōyathā ॥ 11 ॥
hēmamañjarigarbhēchaśuddhasphaṭikavigrahē ।
chāmaravyajanētasyarējatussavyadakṣiṇē ॥ 12 ॥
tēkṛtāñjalayassarvērathasthampṛthivīsthitāḥ ।
rākṣasārākṣasaśrēṣṭhaṃśirōbhistaṃvavandirē ॥ 13 ॥
rākṣasaistsūyamānassañjayāśīrbhirarindamaḥ ।
āsasādamahātējāssabhāṃvirachitāntadā ॥ 14 ॥
suvarṇarajatāstīrṇāṃviśuddhasphaṭikāntarām ।
virājamānōvapuṣārukmapaṭṭōttarachChadām ॥ 15 ॥
tāmpiśāchaśataiḥ ṣaṅbhirabhiguptāṃsadāprabhām ।
pravivēśamahātējāssukṛtāṃviśvakarmaṇā ॥ 16 ॥
tasyāṃsavaiḍūryamayampriyakājinasamvṛtam ।
mahatsōpāśrayambhējērāvaṇaḥparamāsanam ॥ 17 ॥
tataḥ śaśāsēśvaravaddūtānlaghuparākramān ।
samānayatamēkṣipramihaitānrākṣasāniti ।
kṛtyamastimahajjānēkartavyamitiśatrubhiḥ ॥ 18 ॥
rākṣasāstadvachaśśrutvālaṅkāyāmparichakramuḥ ॥ 19 ॥
anugēhamavasthāyavihāraśayanēṣucha ।
udyānēṣucharakṣāṃsichōdayantōhyabhītavat ॥ 20 ॥
tērathān ruchirānēkēdṛptānēkēpṛthagghayān ।
nāgānēkē'dhiruruhurjagmuśchaikēpadātayaḥ ॥ 21 ॥
sāpurīparamākīrṇārathakuñjaravājibhiḥ ।
sampatadbhirviruruchēgarutmadbhirivāmbaram ॥ 22 ॥
tēvāhanāvyavasthāpyayānānivividhānicha ।
sabhāmpadbhiḥpraviviśussiṃhāgiriguhāmiva ॥ 23 ॥
rājñaḥpādaugṛhītvāturājñātēpratipūjitāḥ ।
pīṭhēṣvanyēbṛsīṣvanyēbhūmaukēchidupāviśan ॥ 24 ॥
tēsamētyasabhāyāṃvairākṣasārājaśāsanāt ।
yathārhamupatasthustērāvaṇaṃrākṣasādhipam ॥ 25 ॥
mantriṇaśchayathāmukhyāniśchayārthēṣupaṇḍitāḥ ।
amātyāśchaguṇōpētāssarvajñābuddhidarśanāḥ ॥ 26 ॥
samīyustatraśataśaśūrāśchabahavastadā ।
sabhāyāṃhēmavarṇāyāṃsarvārthasyasukhāyavai ॥ 27 ॥
tatōmahātmāvipulaṃsuyugyaṃrathamvaraṃhēmavichitritāṅgam ।
śubhaṃsamāsthāyayayauyaśasvīvibhīṣaṇassaṃsadamagrajasya ॥ 28 ॥
sapūrvajāyāvarajaśśaśaṃsanāmāthapaśchāścharaṇauvavandē ।
śukaḥprahastaśchatathaivatēbhyōdadauyathārhampṛthagāsanāni ॥ 29 ॥
suvarṇanānāmaṇibhūṣaṇānāṃsuvāsasāṃsaṃsadirākṣasānām ।
tēṣāmparārghyāguruchandanānāṃsrajāśchagandhāḥpravavussamantāt ॥ 30 ॥
nachukruśurnānṛtamāhakaśchitsabhāpadōnāpijajalpuruchchaiḥ ।
saṃsiddhārthāssarvaēvōgravīryābhartussarvēdadṛśuśchānanantē ॥ 31 ॥
sarāvaṇaśśastrabhṛtāmmanasvināmmahābalānāṃsamitaumanasvī ।
tasyāṃsabhāyāmprabhayāchakāśēmadhyēvasūnāmivavajrahastēḥ ॥ 32 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē ēkādaśassargaḥ ॥
