ශ්රීමද්වාල්මීකීය රාමායණේ යුද්ධකාංඩම් ।
අථ ඒකාදශස්සර්ගඃ ।
සබභූවකෘශෝරාජාමෛථිලීකාමමෝහිතඃ ।
අසන්මානාච්චසුහෘදාංපාපංපාපේනකර්මණා ॥ 1 ॥
අතීතසමයේකාලේතස්මින්වෛයුධිරාවණඃ ।
අමාත්යෛශ්චසුහෘද්භිශ්චප්රාප්තකාලමමන්යත ॥ 2 ॥
සහේමජාලවිතතංමණිවිද්රුමභූෂිතම් ।
උපගම්යවිනීතාශ්වමාරුරෝහමහාරථම් ॥ 3 ॥
තමාස්ථායරථශ්රේෂ්ඨංමහාමේඝසමස්වනම් ।
ප්රයයෞරක්ෂසාංශ්රේෂ්ඨෝදශග්රීවස්සභාංප්රති ॥ 4 ॥
අසිචර්මධරායෝධාස්සර්වායුධධරාස්තතඃ ।
රාක්ෂසාරාක්ෂසේංද්රස්යපුරස්තාත්සංප්රතස්ථිරේ ॥ 5 ॥
නානාවිකෘතවේෂාශ්චනානාභූෂණභූෂිතාඃ ।
පාර්ශ්වතස්පෘෂ්ඨතශ්චෛනංපරිවාර්යයයුස්තතඃ ॥ 6 ॥
රථෛශ්චාතිරථාශ්ශීඝ්රංමත්තෛශ්චවරවාරණෛඃ ।
අනූත්පේතුර්දශග්රීවමාක්රීඩද්භිශ්චවාජිභිඃ ॥ 7 ॥
ගදාපරිඝහස්තාශ්චශක්තිතෝමරපාණයඃ ।
පරශ්වථධරාශ්චාන්යේතථාऽන්යේශූලපාණයඃ ॥ 8 ॥
තතස්තූර්යසහස්රාණාංසංජජ්ඤේනිස්ස්වනෝමහාන් ।
තුමුලශ්ශංඛශබ්දශ්චසභාංගච්ඡතිරාවණේ ॥ 9 ॥
සනේමිඝෝෂේණමහාන්සහසාऽභිනිනාදයන් ।
රාජමාර්ගංශ්රියාජුෂ්ටංප්රතිපේදේමහාරථඃ ॥ 10 ॥
විමලංචාතපත්රාණාංප්රගෘහීතමශෝභත ।
පාංඩුරංරාක්ෂසේංද්රස්යපූර්ණස්තාරාධිපෝයථා ॥ 11 ॥
හේමමංජරිගර්භේචශුද්ධස්ඵටිකවිග්රහේ ।
චාමරව්යජනේතස්යරේජතුස්සව්යදක්ෂිණේ ॥ 12 ॥
තේකෘතාංජලයස්සර්වේරථස්ථංපෘථිවීස්ථිතාඃ ।
රාක්ෂසාරාක්ෂසශ්රේෂ්ඨංශිරෝභිස්තංවවංදිරේ ॥ 13 ॥
රාක්ෂසෛස්ත්සූයමානස්සංජයාශීර්භිරරිංදමඃ ।
ආසසාදමහාතේජාස්සභාංවිරචිතාංතදා ॥ 14 ॥
සුවර්ණරජතාස්තීර්ණාංවිශුද්ධස්ඵටිකාංතරාම් ।
විරාජමානෝවපුෂාරුක්මපට්ටෝත්තරච්ඡදාම් ॥ 15 ॥
තාංපිශාචශතෛඃ ෂඞ්භිරභිගුප්තාංසදාප්රභාම් ।
ප්රවිවේශමහාතේජාස්සුකෘතාංවිශ්වකර්මණා ॥ 16 ॥
තස්යාංසවෛඩූර්යමයංප්රියකාජිනසම්වෘතම් ।
මහත්සෝපාශ්රයංභේජේරාවණඃපරමාසනම් ॥ 17 ॥
තතඃ ශශාසේශ්වරවද්දූතාන්ලඝුපරාක්රමාන් ।
සමානයතමේක්ෂිප්රමිහෛතාන්රාක්ෂසානිති ।
කෘත්යමස්තිමහජ්ජානේකර්තව්යමිතිශත්රුභිඃ ॥ 18 ॥
රාක්ෂසාස්තද්වචශ්ශ්රුත්වාලංකායාංපරිචක්රමුඃ ॥ 19 ॥
අනුගේහමවස්ථායවිහාරශයනේෂුච ।
උද්යානේෂුචරක්ෂාංසිචෝදයංතෝහ්යභීතවත් ॥ 20 ॥
තේරථාන් රුචිරානේකේදෘප්තානේකේපෘථග්ඝයාන් ।
නාගානේකේऽධිරුරුහුර්ජග්මුශ්චෛකේපදාතයඃ ॥ 21 ॥
සාපුරීපරමාකීර්ණාරථකුංජරවාජිභිඃ ।
සංපතද්භිර්විරුරුචේගරුත්මද්භිරිවාංබරම් ॥ 22 ॥
තේවාහනාව්යවස්ථාප්යයානානිවිවිධානිච ।
සභාංපද්භිඃප්රවිවිශුස්සිංහාගිරිගුහාමිව ॥ 23 ॥
රාජ්ඤඃපාදෞගෘහීත්වාතුරාජ්ඤාතේප්රතිපූජිතාඃ ।
පීඨේෂ්වන්යේබෘසීෂ්වන්යේභූමෞකේචිදුපාවිශන් ॥ 24 ॥
තේසමේත්යසභායාංවෛරාක්ෂසාරාජශාසනාත් ।
යථාර්හමුපතස්ථුස්තේරාවණංරාක්ෂසාධිපම් ॥ 25 ॥
මංත්රිණශ්චයථාමුඛ්යානිශ්චයාර්ථේෂුපංඩිතාඃ ।
අමාත්යාශ්චගුණෝපේතාස්සර්වජ්ඤාබුද්ධිදර්ශනාඃ ॥ 26 ॥
සමීයුස්තත්රශතශශූරාශ්චබහවස්තදා ।
සභායාංහේමවර්ණායාංසර්වාර්ථස්යසුඛායවෛ ॥ 27 ॥
තතෝමහාත්මාවිපුලංසුයුග්යංරථම්වරංහේමවිචිත්රිතාංගම් ।
ශුභංසමාස්ථායයයෞයශස්වීවිභීෂණස්සංසදමග්රජස්ය ॥ 28 ॥
සපූර්වජායාවරජශ්ශශංසනාමාථපශ්චාශ්චරණෞවවංදේ ।
ශුකඃප්රහස්තශ්චතථෛවතේභ්යෝදදෞයථාර්හංපෘථගාසනානි ॥ 29 ॥
සුවර්ණනානාමණිභූෂණානාංසුවාසසාංසංසදිරාක්ෂසානාම් ।
තේෂාංපරාර්ඝ්යාගුරුචංදනානාංස්රජාශ්චගංධාඃප්රවවුස්සමංතාත් ॥ 30 ॥
නචුක්රුශුර්නානෘතමාහකශ්චිත්සභාපදෝනාපිජජල්පුරුච්චෛඃ ।
සංසිද්ධාර්ථාස්සර්වඒවෝග්රවීර්යාභර්තුස්සර්වේදදෘශුශ්චානනංතේ ॥ 31 ॥
සරාවණශ්ශස්ත්රභෘතාංමනස්විනාංමහාබලානාංසමිතෞමනස්වී ।
තස්යාංසභායාංප්රභයාචකාශේමධ්යේවසූනාමිවවජ්රහස්තේඃ ॥ 32 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ඒකාදශස්සර්ගඃ ॥
