శ్రీమద్వాల్మీకీయ రామాయణే యుద్ధకాండమ్ ।
అథ ఏకాదశస్సర్గః ।
సబభూవకృశోరాజామైథిలీకామమోహితః ।
అసన్మానాచ్చసుహృదాంపాపంపాపేనకర్మణా ॥ 1 ॥
అతీతసమయేకాలేతస్మిన్వైయుధిరావణః ।
అమాత్యైశ్చసుహృద్భిశ్చప్రాప్తకాలమమన్యత ॥ 2 ॥
సహేమజాలవితతంమణివిద్రుమభూషితమ్ ।
ఉపగమ్యవినీతాశ్వమారురోహమహారథమ్ ॥ 3 ॥
తమాస్థాయరథశ్రేష్ఠంమహామేఘసమస్వనమ్ ।
ప్రయయౌరక్షసాంశ్రేష్ఠోదశగ్రీవస్సభాంప్రతి ॥ 4 ॥
అసిచర్మధరాయోధాస్సర్వాయుధధరాస్తతః ।
రాక్షసారాక్షసేంద్రస్యపురస్తాత్సంప్రతస్థిరే ॥ 5 ॥
నానావికృతవేషాశ్చనానాభూషణభూషితాః ।
పార్శ్వతస్పృష్ఠతశ్చైనంపరివార్యయయుస్తతః ॥ 6 ॥
రథైశ్చాతిరథాశ్శీఘ్రంమత్తైశ్చవరవారణైః ।
అనూత్పేతుర్దశగ్రీవమాక్రీడద్భిశ్చవాజిభిః ॥ 7 ॥
గదాపరిఘహస్తాశ్చశక్తితోమరపాణయః ।
పరశ్వథధరాశ్చాన్యేతథాఽన్యేశూలపాణయః ॥ 8 ॥
తతస్తూర్యసహస్రాణాంసంజజ్ఞేనిస్స్వనోమహాన్ ।
తుములశ్శంఖశబ్దశ్చసభాంగచ్ఛతిరావణే ॥ 9 ॥
సనేమిఘోషేణమహాన్సహసాఽభినినాదయన్ ।
రాజమార్గంశ్రియాజుష్టంప్రతిపేదేమహారథః ॥ 10 ॥
విమలంచాతపత్రాణాంప్రగృహీతమశోభత ।
పాండురంరాక్షసేంద్రస్యపూర్ణస్తారాధిపోయథా ॥ 11 ॥
హేమమంజరిగర్భేచశుద్ధస్ఫటికవిగ్రహే ।
చామరవ్యజనేతస్యరేజతుస్సవ్యదక్షిణే ॥ 12 ॥
తేకృతాంజలయస్సర్వేరథస్థంపృథివీస్థితాః ।
రాక్షసారాక్షసశ్రేష్ఠంశిరోభిస్తంవవందిరే ॥ 13 ॥
రాక్షసైస్త్సూయమానస్సంజయాశీర్భిరరిందమః ।
ఆససాదమహాతేజాస్సభాంవిరచితాంతదా ॥ 14 ॥
సువర్ణరజతాస్తీర్ణాంవిశుద్ధస్ఫటికాంతరామ్ ।
విరాజమానోవపుషారుక్మపట్టోత్తరచ్ఛదామ్ ॥ 15 ॥
తాంపిశాచశతైః షఙ్భిరభిగుప్తాంసదాప్రభామ్ ।
ప్రవివేశమహాతేజాస్సుకృతాంవిశ్వకర్మణా ॥ 16 ॥
తస్యాంసవైడూర్యమయంప్రియకాజినసమ్వృతమ్ ।
మహత్సోపాశ్రయంభేజేరావణఃపరమాసనమ్ ॥ 17 ॥
తతః శశాసేశ్వరవద్దూతాన్లఘుపరాక్రమాన్ ।
సమానయతమేక్షిప్రమిహైతాన్రాక్షసానితి ।
కృత్యమస్తిమహజ్జానేకర్తవ్యమితిశత్రుభిః ॥ 18 ॥
రాక్షసాస్తద్వచశ్శ్రుత్వాలంకాయాంపరిచక్రముః ॥ 19 ॥
అనుగేహమవస్థాయవిహారశయనేషుచ ।
ఉద్యానేషుచరక్షాంసిచోదయంతోహ్యభీతవత్ ॥ 20 ॥
తేరథాన్ రుచిరానేకేదృప్తానేకేపృథగ్ఘయాన్ ।
నాగానేకేఽధిరురుహుర్జగ్ముశ్చైకేపదాతయః ॥ 21 ॥
సాపురీపరమాకీర్ణారథకుంజరవాజిభిః ।
సంపతద్భిర్విరురుచేగరుత్మద్భిరివాంబరమ్ ॥ 22 ॥
తేవాహనావ్యవస్థాప్యయానానివివిధానిచ ।
సభాంపద్భిఃప్రవివిశుస్సింహాగిరిగుహామివ ॥ 23 ॥
రాజ్ఞఃపాదౌగృహీత్వాతురాజ్ఞాతేప్రతిపూజితాః ।
పీఠేష్వన్యేబృసీష్వన్యేభూమౌకేచిదుపావిశన్ ॥ 24 ॥
తేసమేత్యసభాయాంవైరాక్షసారాజశాసనాత్ ।
యథార్హముపతస్థుస్తేరావణంరాక్షసాధిపమ్ ॥ 25 ॥
మంత్రిణశ్చయథాముఖ్యానిశ్చయార్థేషుపండితాః ।
అమాత్యాశ్చగుణోపేతాస్సర్వజ్ఞాబుద్ధిదర్శనాః ॥ 26 ॥
సమీయుస్తత్రశతశశూరాశ్చబహవస్తదా ।
సభాయాంహేమవర్ణాయాంసర్వార్థస్యసుఖాయవై ॥ 27 ॥
తతోమహాత్మావిపులంసుయుగ్యంరథమ్వరంహేమవిచిత్రితాంగమ్ ।
శుభంసమాస్థాయయయౌయశస్వీవిభీషణస్సంసదమగ్రజస్య ॥ 28 ॥
సపూర్వజాయావరజశ్శశంసనామాథపశ్చాశ్చరణౌవవందే ।
శుకఃప్రహస్తశ్చతథైవతేభ్యోదదౌయథార్హంపృథగాసనాని ॥ 29 ॥
సువర్ణనానామణిభూషణానాంసువాససాంసంసదిరాక్షసానామ్ ।
తేషాంపరార్ఘ్యాగురుచందనానాంస్రజాశ్చగంధాఃప్రవవుస్సమంతాత్ ॥ 30 ॥
నచుక్రుశుర్నానృతమాహకశ్చిత్సభాపదోనాపిజజల్పురుచ్చైః ।
సంసిద్ధార్థాస్సర్వఏవోగ్రవీర్యాభర్తుస్సర్వేదదృశుశ్చాననంతే ॥ 31 ॥
సరావణశ్శస్త్రభృతాంమనస్వినాంమహాబలానాంసమితౌమనస్వీ ।
తస్యాంసభాయాంప్రభయాచకాశేమధ్యేవసూనామివవజ్రహస్తేః ॥ 32 ॥
ఇత్యార్షే శ్రీమద్రామాయణే వాల్మీకీయ ఆదికావ్యే యుద్ధకాండే ఏకాదశస్సర్గః ॥
