ശ്രീമദ്വാല്മീകീയ രാമായണേ യുദ്ധകാംഡമ് ।
അഥ ഏകാദശസ്സര്ഗഃ ।
സബഭൂവകൃശോരാജാമൈഥിലീകാമമോഹിതഃ ।
അസന്മാനാച്ചസുഹൃദാംപാപംപാപേനകര്മണാ ॥ 1 ॥
അതീതസമയേകാലേതസ്മിന്വൈയുധിരാവണഃ ।
അമാത്യൈശ്ചസുഹൃദ്ഭിശ്ചപ്രാപ്തകാലമമന്യത ॥ 2 ॥
സഹേമജാലവിതതംമണിവിദ്രുമഭൂഷിതമ് ।
ഉപഗമ്യവിനീതാശ്വമാരുരോഹമഹാരഥമ് ॥ 3 ॥
തമാസ്ഥായരഥശ്രേഷ്ഠംമഹാമേഘസമസ്വനമ് ।
പ്രയയൌരക്ഷസാംശ്രേഷ്ഠോദശഗ്രീവസ്സഭാംപ്രതി ॥ 4 ॥
അസിചര്മധരായോധാസ്സർവായുധധരാസ്തതഃ ।
രാക്ഷസാരാക്ഷസേംദ്രസ്യപുരസ്താത്സംപ്രതസ്ഥിരേ ॥ 5 ॥
നാനാവികൃതവേഷാശ്ചനാനാഭൂഷണഭൂഷിതാഃ ।
പാര്ശ്വതസ്പൃഷ്ഠതശ്ചൈനംപരിവാര്യയയുസ്തതഃ ॥ 6 ॥
രഥൈശ്ചാതിരഥാശ്ശീഘ്രംമത്തൈശ്ചവരവാരണൈഃ ।
അനൂത്പേതുര്ദശഗ്രീവമാക്രീഡദ്ഭിശ്ചവാജിഭിഃ ॥ 7 ॥
ഗദാപരിഘഹസ്താശ്ചശക്തിതോമരപാണയഃ ।
പരശ്വഥധരാശ്ചാന്യേതഥാഽന്യേശൂലപാണയഃ ॥ 8 ॥
തതസ്തൂര്യസഹസ്രാണാംസംജജ്ഞേനിസ്സ്വനോമഹാന് ।
തുമുലശ്ശംഖശബ്ദശ്ചസഭാംഗച്ഛതിരാവണേ ॥ 9 ॥
സനേമിഘോഷേണമഹാന്സഹസാഽഭിനിനാദയന് ।
രാജമാര്ഗംശ്രിയാജുഷ്ടംപ്രതിപേദേമഹാരഥഃ ॥ 10 ॥
വിമലംചാതപത്രാണാംപ്രഗൃഹീതമശോഭത ।
പാംഡുരംരാക്ഷസേംദ്രസ്യപൂര്ണസ്താരാധിപോയഥാ ॥ 11 ॥
ഹേമമംജരിഗര്ഭേചശുദ്ധസ്ഫടികവിഗ്രഹേ ।
ചാമരവ്യജനേതസ്യരേജതുസ്സവ്യദക്ഷിണേ ॥ 12 ॥
തേകൃതാംജലയസ്സർവേരഥസ്ഥംപൃഥിവീസ്ഥിതാഃ ।
രാക്ഷസാരാക്ഷസശ്രേഷ്ഠംശിരോഭിസ്തംവവംദിരേ ॥ 13 ॥
രാക്ഷസൈസ്ത്സൂയമാനസ്സംജയാശീര്ഭിരരിംദമഃ ।
ആസസാദമഹാതേജാസ്സഭാംവിരചിതാംതദാ ॥ 14 ॥
സുവര്ണരജതാസ്തീര്ണാംവിശുദ്ധസ്ഫടികാംതരാമ് ।
വിരാജമാനോവപുഷാരുക്മപട്ടോത്തരച്ഛദാമ് ॥ 15 ॥
താംപിശാചശതൈഃ ഷങ്ഭിരഭിഗുപ്താംസദാപ്രഭാമ് ।
പ്രവിവേശമഹാതേജാസ്സുകൃതാംവിശ്വകര്മണാ ॥ 16 ॥
തസ്യാംസവൈഡൂര്യമയംപ്രിയകാജിനസമ്വൃതമ് ।
മഹത്സോപാശ്രയംഭേജേരാവണഃപരമാസനമ് ॥ 17 ॥
തതഃ ശശാസേശ്വരവദ്ദൂതാന്ലഘുപരാക്രമാന് ।
സമാനയതമേക്ഷിപ്രമിഹൈതാന്രാക്ഷസാനിതി ।
കൃത്യമസ്തിമഹജ്ജാനേകര്തവ്യമിതിശത്രുഭിഃ ॥ 18 ॥
രാക്ഷസാസ്തദ്വചശ്ശ്രുത്വാലംകായാംപരിചക്രമുഃ ॥ 19 ॥
അനുഗേഹമവസ്ഥായവിഹാരശയനേഷുച ।
ഉദ്യാനേഷുചരക്ഷാംസിചോദയംതോഹ്യഭീതവത് ॥ 20 ॥
തേരഥാന് രുചിരാനേകേദൃപ്താനേകേപൃഥഗ്ഘയാന് ।
നാഗാനേകേഽധിരുരുഹുര്ജഗ്മുശ്ചൈകേപദാതയഃ ॥ 21 ॥
സാപുരീപരമാകീര്ണാരഥകുംജരവാജിഭിഃ ।
സംപതദ്ഭിർവിരുരുചേഗരുത്മദ്ഭിരിവാംബരമ് ॥ 22 ॥
തേവാഹനാവ്യവസ്ഥാപ്യയാനാനിവിവിധാനിച ।
സഭാംപദ്ഭിഃപ്രവിവിശുസ്സിംഹാഗിരിഗുഹാമിവ ॥ 23 ॥
രാജ്ഞഃപാദൌഗൃഹീത്വാതുരാജ്ഞാതേപ്രതിപൂജിതാഃ ।
പീഠേഷ്വന്യേബൃസീഷ്വന്യേഭൂമൌകേചിദുപാവിശന് ॥ 24 ॥
തേസമേത്യസഭായാംവൈരാക്ഷസാരാജശാസനാത് ।
യഥാര്ഹമുപതസ്ഥുസ്തേരാവണംരാക്ഷസാധിപമ് ॥ 25 ॥
മംത്രിണശ്ചയഥാമുഖ്യാനിശ്ചയാര്ഥേഷുപംഡിതാഃ ।
അമാത്യാശ്ചഗുണോപേതാസ്സർവജ്ഞാബുദ്ധിദര്ശനാഃ ॥ 26 ॥
സമീയുസ്തത്രശതശശൂരാശ്ചബഹവസ്തദാ ।
സഭായാംഹേമവര്ണായാംസർവാര്ഥസ്യസുഖായവൈ ॥ 27 ॥
തതോമഹാത്മാവിപുലംസുയുഗ്യംരഥമ്വരംഹേമവിചിത്രിതാംഗമ് ।
ശുഭംസമാസ്ഥായയയൌയശസ്വീവിഭീഷണസ്സംസദമഗ്രജസ്യ ॥ 28 ॥
സപൂർവജായാവരജശ്ശശംസനാമാഥപശ്ചാശ്ചരണൌവവംദേ ।
ശുകഃപ്രഹസ്തശ്ചതഥൈവതേഭ്യോദദൌയഥാര്ഹംപൃഥഗാസനാനി ॥ 29 ॥
സുവര്ണനാനാമണിഭൂഷണാനാംസുവാസസാംസംസദിരാക്ഷസാനാമ് ।
തേഷാംപരാര്ഘ്യാഗുരുചംദനാനാംസ്രജാശ്ചഗംധാഃപ്രവവുസ്സമംതാത് ॥ 30 ॥
നചുക്രുശുര്നാനൃതമാഹകശ്ചിത്സഭാപദോനാപിജജല്പുരുച്ചൈഃ ।
സംസിദ്ധാര്ഥാസ്സർവഏവോഗ്രവീര്യാഭര്തുസ്സർവേദദൃശുശ്ചാനനംതേ ॥ 31 ॥
സരാവണശ്ശസ്ത്രഭൃതാംമനസ്വിനാംമഹാബലാനാംസമിതൌമനസ്വീ ।
തസ്യാംസഭായാംപ്രഭയാചകാശേമധ്യേവസൂനാമിവവജ്രഹസ്തേഃ ॥ 32 ॥
ഇത്യാര്ഷേ ശ്രീമദ്രാമായണേ വാല്മീകീയ ആദികാവ്യേ യുദ്ധകാംഡേ ഏകാദശസ്സര്ഗഃ ॥
