Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

6.11 𑌯𑍁𑌦𑍍𑌧𑌕𑌾𑌂𑌡 - 𑌏𑌕𑌾𑌦𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌏𑌕𑌾𑌦𑌶𑌸𑍍𑌸𑌰𑍍𑌗𑌃 ।

𑌸𑌬𑌭𑍂𑌵𑌕𑍃𑌶𑍋𑌰𑌾𑌜𑌾𑌮𑍈𑌥𑌿𑌲𑍀𑌕𑌾𑌮𑌮𑍋𑌹𑌿𑌤𑌃 ।
𑌅𑌸𑌨𑍍𑌮𑌾𑌨𑌾𑌚𑍍𑌚𑌸𑍁𑌹𑍃𑌦𑌾𑌂𑌪𑌾𑌪𑌂𑌪𑌾𑌪𑍇𑌨𑌕𑌰𑍍𑌮𑌣𑌾 ॥ 1 ॥

𑌅𑌤𑍀𑌤𑌸𑌮𑌯𑍇𑌕𑌾𑌲𑍇𑌤𑌸𑍍𑌮𑌿𑌨𑍍𑌵𑍈𑌯𑍁𑌧𑌿𑌰𑌾𑌵𑌣𑌃 ।
𑌅𑌮𑌾𑌤𑍍𑌯𑍈𑌶𑍍𑌚𑌸𑍁𑌹𑍃𑌦𑍍𑌭𑌿𑌶𑍍𑌚𑌪𑍍𑌰𑌾𑌪𑍍𑌤𑌕𑌾𑌲𑌮𑌮𑌨𑍍𑌯𑌤 ॥ 2 ॥

𑌸𑌹𑍇𑌮𑌜𑌾𑌲𑌵𑌿𑌤𑌤𑌂𑌮𑌣𑌿𑌵𑌿𑌦𑍍𑌰𑍁𑌮𑌭𑍂𑌷𑌿𑌤𑌮𑍍 ।
𑌉𑌪𑌗𑌮𑍍𑌯𑌵𑌿𑌨𑍀𑌤𑌾𑌶𑍍𑌵𑌮𑌾𑌰𑍁𑌰𑍋𑌹𑌮𑌹𑌾𑌰𑌥𑌮𑍍 ॥ 3 ॥

𑌤𑌮𑌾𑌸𑍍𑌥𑌾𑌯𑌰𑌥𑌶𑍍𑌰𑍇𑌷𑍍𑌠𑌂𑌮𑌹𑌾𑌮𑍇𑌘𑌸𑌮𑌸𑍍𑌵𑌨𑌮𑍍 ।
𑌪𑍍𑌰𑌯𑌯𑍌𑌰𑌕𑍍𑌷𑌸𑌾𑌂𑌶𑍍𑌰𑍇𑌷𑍍𑌠𑍋𑌦𑌶𑌗𑍍𑌰𑍀𑌵𑌸𑍍𑌸𑌭𑌾𑌂𑌪𑍍𑌰𑌤𑌿 ॥ 4 ॥

𑌅𑌸𑌿𑌚𑌰𑍍𑌮𑌧𑌰𑌾𑌯𑍋𑌧𑌾𑌸𑍍𑌸𑌰𑍍𑌵𑌾𑌯𑍁𑌧𑌧𑌰𑌾𑌸𑍍𑌤𑌤𑌃 ।
𑌰𑌾𑌕𑍍𑌷𑌸𑌾𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌪𑍁𑌰𑌸𑍍𑌤𑌾𑌤𑍍𑌸𑌂𑌪𑍍𑌰𑌤𑌸𑍍𑌥𑌿𑌰𑍇 ॥ 5 ॥

𑌨𑌾𑌨𑌾𑌵𑌿𑌕𑍃𑌤𑌵𑍇𑌷𑌾𑌶𑍍𑌚𑌨𑌾𑌨𑌾𑌭𑍂𑌷𑌣𑌭𑍂𑌷𑌿𑌤𑌾𑌃 ।
𑌪𑌾𑌰𑍍𑌶𑍍𑌵𑌤𑌸𑍍𑌪𑍃𑌷𑍍𑌠𑌤𑌶𑍍𑌚𑍈𑌨𑌂𑌪𑌰𑌿𑌵𑌾𑌰𑍍𑌯𑌯𑌯𑍁𑌸𑍍𑌤𑌤𑌃 ॥ 6 ॥

𑌰𑌥𑍈𑌶𑍍𑌚𑌾𑌤𑌿𑌰𑌥𑌾𑌶𑍍𑌶𑍀𑌘𑍍𑌰𑌂𑌮𑌤𑍍𑌤𑍈𑌶𑍍𑌚𑌵𑌰𑌵𑌾𑌰𑌣𑍈𑌃 ।
𑌅𑌨𑍂𑌤𑍍𑌪𑍇𑌤𑍁𑌰𑍍𑌦𑌶𑌗𑍍𑌰𑍀𑌵𑌮𑌾𑌕𑍍𑌰𑍀𑌡𑌦𑍍𑌭𑌿𑌶𑍍𑌚𑌵𑌾𑌜𑌿𑌭𑌿𑌃 ॥ 𑍭 ॥

𑌗𑌦𑌾𑌪𑌰𑌿𑌘𑌹𑌸𑍍𑌤𑌾𑌶𑍍𑌚𑌶𑌕𑍍𑌤𑌿𑌤𑍋𑌮𑌰𑌪𑌾𑌣𑌯𑌃 ।
𑌪𑌰𑌶𑍍𑌵𑌥𑌧𑌰𑌾𑌶𑍍𑌚𑌾𑌨𑍍𑌯𑍇𑌤𑌥𑌾𑌽𑌨𑍍𑌯𑍇𑌶𑍂𑌲𑌪𑌾𑌣𑌯𑌃 ॥ 𑍮 ॥

𑌤𑌤𑌸𑍍𑌤𑍂𑌰𑍍𑌯𑌸𑌹𑌸𑍍𑌰𑌾𑌣𑌾𑌂𑌸𑌂𑌜𑌜𑍍𑌞𑍇𑌨𑌿𑌸𑍍𑌸𑍍𑌵𑌨𑍋𑌮𑌹𑌾𑌨𑍍 ।
𑌤𑍁𑌮𑍁𑌲𑌶𑍍𑌶𑌂𑌖𑌶𑌬𑍍𑌦𑌶𑍍𑌚𑌸𑌭𑌾𑌂𑌗𑌚𑍍𑌛𑌤𑌿𑌰𑌾𑌵𑌣𑍇 ॥ 𑍯 ॥

𑌸𑌨𑍇𑌮𑌿𑌘𑍋𑌷𑍇𑌣𑌮𑌹𑌾𑌨𑍍𑌸𑌹𑌸𑌾𑌽𑌭𑌿𑌨𑌿𑌨𑌾𑌦𑌯𑌨𑍍 ।
𑌰𑌾𑌜𑌮𑌾𑌰𑍍𑌗𑌂𑌶𑍍𑌰𑌿𑌯𑌾𑌜𑍁𑌷𑍍𑌟𑌂𑌪𑍍𑌰𑌤𑌿𑌪𑍇𑌦𑍇𑌮𑌹𑌾𑌰𑌥𑌃 ॥ 10 ॥

𑌵𑌿𑌮𑌲𑌂𑌚𑌾𑌤𑌪𑌤𑍍𑌰𑌾𑌣𑌾𑌂𑌪𑍍𑌰𑌗𑍃𑌹𑍀𑌤𑌮𑌶𑍋𑌭𑌤 ।
𑌪𑌾𑌂𑌡𑍁𑌰𑌂𑌰𑌾𑌕𑍍𑌷𑌸𑍇𑌂𑌦𑍍𑌰𑌸𑍍𑌯𑌪𑍂𑌰𑍍𑌣𑌸𑍍𑌤𑌾𑌰𑌾𑌧𑌿𑌪𑍋𑌯𑌥𑌾 ॥ 11 ॥

𑌹𑍇𑌮𑌮𑌂𑌜𑌰𑌿𑌗𑌰𑍍𑌭𑍇𑌚𑌶𑍁𑌦𑍍𑌧𑌸𑍍𑌫𑌟𑌿𑌕𑌵𑌿𑌗𑍍𑌰𑌹𑍇 ।
𑌚𑌾𑌮𑌰𑌵𑍍𑌯𑌜𑌨𑍇𑌤𑌸𑍍𑌯𑌰𑍇𑌜𑌤𑍁𑌸𑍍𑌸𑌵𑍍𑌯𑌦𑌕𑍍𑌷𑌿𑌣𑍇 ॥ 12 ॥

𑌤𑍇𑌕𑍃𑌤𑌾𑌂𑌜𑌲𑌯𑌸𑍍𑌸𑌰𑍍𑌵𑍇𑌰𑌥𑌸𑍍𑌥𑌂𑌪𑍃𑌥𑌿𑌵𑍀𑌸𑍍𑌥𑌿𑌤𑌾𑌃 ।
𑌰𑌾𑌕𑍍𑌷𑌸𑌾𑌰𑌾𑌕𑍍𑌷𑌸𑌶𑍍𑌰𑍇𑌷𑍍𑌠𑌂𑌶𑌿𑌰𑍋𑌭𑌿𑌸𑍍𑌤𑌂𑌵𑌵𑌂𑌦𑌿𑌰𑍇 ॥ 13 ॥

𑌰𑌾𑌕𑍍𑌷𑌸𑍈𑌸𑍍𑌤𑍍𑌸𑍂𑌯𑌮𑌾𑌨𑌸𑍍𑌸𑌂𑌜𑌯𑌾𑌶𑍀𑌰𑍍𑌭𑌿𑌰𑌰𑌿𑌂𑌦𑌮𑌃 ।
𑌆𑌸𑌸𑌾𑌦𑌮𑌹𑌾𑌤𑍇𑌜𑌾𑌸𑍍𑌸𑌭𑌾𑌂𑌵𑌿𑌰𑌚𑌿𑌤𑌾𑌂𑌤𑌦𑌾 ॥ 14 ॥

𑌸𑍁𑌵𑌰𑍍𑌣𑌰𑌜𑌤𑌾𑌸𑍍𑌤𑍀𑌰𑍍𑌣𑌾𑌂𑌵𑌿𑌶𑍁𑌦𑍍𑌧𑌸𑍍𑌫𑌟𑌿𑌕𑌾𑌂𑌤𑌰𑌾𑌮𑍍 ।
𑌵𑌿𑌰𑌾𑌜𑌮𑌾𑌨𑍋𑌵𑌪𑍁𑌷𑌾𑌰𑍁𑌕𑍍𑌮𑌪𑌟𑍍𑌟𑍋𑌤𑍍𑌤𑌰𑌚𑍍𑌛𑌦𑌾𑌮𑍍 ॥ 15 ॥

𑌤𑌾𑌂𑌪𑌿𑌶𑌾𑌚𑌶𑌤𑍈𑌃 𑌷𑌙𑍍𑌭𑌿𑌰𑌭𑌿𑌗𑍁𑌪𑍍𑌤𑌾𑌂𑌸𑌦𑌾𑌪𑍍𑌰𑌭𑌾𑌮𑍍 ।
𑌪𑍍𑌰𑌵𑌿𑌵𑍇𑌶𑌮𑌹𑌾𑌤𑍇𑌜𑌾𑌸𑍍𑌸𑍁𑌕𑍃𑌤𑌾𑌂𑌵𑌿𑌶𑍍𑌵𑌕𑌰𑍍𑌮𑌣𑌾 ॥ 16 ॥

𑌤𑌸𑍍𑌯𑌾𑌂𑌸𑌵𑍈𑌡𑍂𑌰𑍍𑌯𑌮𑌯𑌂𑌪𑍍𑌰𑌿𑌯𑌕𑌾𑌜𑌿𑌨𑌸𑌮𑍍𑌵𑍃𑌤𑌮𑍍 ।
𑌮𑌹𑌤𑍍𑌸𑍋𑌪𑌾𑌶𑍍𑌰𑌯𑌂𑌭𑍇𑌜𑍇𑌰𑌾𑌵𑌣𑌃𑌪𑌰𑌮𑌾𑌸𑌨𑌮𑍍 ॥ 1𑍭 ॥

𑌤𑌤𑌃 𑌶𑌶𑌾𑌸𑍇𑌶𑍍𑌵𑌰𑌵𑌦𑍍𑌦𑍂𑌤𑌾𑌨𑍍𑌲𑌘𑍁𑌪𑌰𑌾𑌕𑍍𑌰𑌮𑌾𑌨𑍍 ।
𑌸𑌮𑌾𑌨𑌯𑌤𑌮𑍇𑌕𑍍𑌷𑌿𑌪𑍍𑌰𑌮𑌿𑌹𑍈𑌤𑌾𑌨𑍍𑌰𑌾𑌕𑍍𑌷𑌸𑌾𑌨𑌿𑌤𑌿 ।
𑌕𑍃𑌤𑍍𑌯𑌮𑌸𑍍𑌤𑌿𑌮𑌹𑌜𑍍𑌜𑌾𑌨𑍇𑌕𑌰𑍍𑌤𑌵𑍍𑌯𑌮𑌿𑌤𑌿𑌶𑌤𑍍𑌰𑍁𑌭𑌿𑌃 ॥ 1𑍮 ॥

𑌰𑌾𑌕𑍍𑌷𑌸𑌾𑌸𑍍𑌤𑌦𑍍𑌵𑌚𑌶𑍍𑌶𑍍𑌰𑍁𑌤𑍍𑌵𑌾𑌲𑌂𑌕𑌾𑌯𑌾𑌂𑌪𑌰𑌿𑌚𑌕𑍍𑌰𑌮𑍁𑌃 ॥ 1𑍯 ॥

𑌅𑌨𑍁𑌗𑍇𑌹𑌮𑌵𑌸𑍍𑌥𑌾𑌯𑌵𑌿𑌹𑌾𑌰𑌶𑌯𑌨𑍇𑌷𑍁𑌚 ।
𑌉𑌦𑍍𑌯𑌾𑌨𑍇𑌷𑍁𑌚𑌰𑌕𑍍𑌷𑌾𑌂𑌸𑌿𑌚𑍋𑌦𑌯𑌂𑌤𑍋𑌹𑍍𑌯𑌭𑍀𑌤𑌵𑌤𑍍 ॥ 20 ॥

𑌤𑍇𑌰𑌥𑌾𑌨𑍍 𑌰𑍁𑌚𑌿𑌰𑌾𑌨𑍇𑌕𑍇𑌦𑍃𑌪𑍍𑌤𑌾𑌨𑍇𑌕𑍇𑌪𑍃𑌥𑌗𑍍𑌘𑌯𑌾𑌨𑍍 ।
𑌨𑌾𑌗𑌾𑌨𑍇𑌕𑍇𑌽𑌧𑌿𑌰𑍁𑌰𑍁𑌹𑍁𑌰𑍍𑌜𑌗𑍍𑌮𑍁𑌶𑍍𑌚𑍈𑌕𑍇𑌪𑌦𑌾𑌤𑌯𑌃 ॥ 21 ॥

𑌸𑌾𑌪𑍁𑌰𑍀𑌪𑌰𑌮𑌾𑌕𑍀𑌰𑍍𑌣𑌾𑌰𑌥𑌕𑍁𑌂𑌜𑌰𑌵𑌾𑌜𑌿𑌭𑌿𑌃 ।
𑌸𑌂𑌪𑌤𑌦𑍍𑌭𑌿𑌰𑍍𑌵𑌿𑌰𑍁𑌰𑍁𑌚𑍇𑌗𑌰𑍁𑌤𑍍𑌮𑌦𑍍𑌭𑌿𑌰𑌿𑌵𑌾𑌂𑌬𑌰𑌮𑍍 ॥ 22 ॥

𑌤𑍇𑌵𑌾𑌹𑌨𑌾𑌵𑍍𑌯𑌵𑌸𑍍𑌥𑌾𑌪𑍍𑌯𑌯𑌾𑌨𑌾𑌨𑌿𑌵𑌿𑌵𑌿𑌧𑌾𑌨𑌿𑌚 ।
𑌸𑌭𑌾𑌂𑌪𑌦𑍍𑌭𑌿𑌃𑌪𑍍𑌰𑌵𑌿𑌵𑌿𑌶𑍁𑌸𑍍𑌸𑌿𑌂𑌹𑌾𑌗𑌿𑌰𑌿𑌗𑍁𑌹𑌾𑌮𑌿𑌵 ॥ 23 ॥

𑌰𑌾𑌜𑍍𑌞𑌃𑌪𑌾𑌦𑍌𑌗𑍃𑌹𑍀𑌤𑍍𑌵𑌾𑌤𑍁𑌰𑌾𑌜𑍍𑌞𑌾𑌤𑍇𑌪𑍍𑌰𑌤𑌿𑌪𑍂𑌜𑌿𑌤𑌾𑌃 ।
𑌪𑍀𑌠𑍇𑌷𑍍𑌵𑌨𑍍𑌯𑍇𑌬𑍃𑌸𑍀𑌷𑍍𑌵𑌨𑍍𑌯𑍇𑌭𑍂𑌮𑍌𑌕𑍇𑌚𑌿𑌦𑍁𑌪𑌾𑌵𑌿𑌶𑌨𑍍 ॥ 24 ॥

𑌤𑍇𑌸𑌮𑍇𑌤𑍍𑌯𑌸𑌭𑌾𑌯𑌾𑌂𑌵𑍈𑌰𑌾𑌕𑍍𑌷𑌸𑌾𑌰𑌾𑌜𑌶𑌾𑌸𑌨𑌾𑌤𑍍 ।
𑌯𑌥𑌾𑌰𑍍𑌹𑌮𑍁𑌪𑌤𑌸𑍍𑌥𑍁𑌸𑍍𑌤𑍇𑌰𑌾𑌵𑌣𑌂𑌰𑌾𑌕𑍍𑌷𑌸𑌾𑌧𑌿𑌪𑌮𑍍 ॥ 25 ॥

𑌮𑌂𑌤𑍍𑌰𑌿𑌣𑌶𑍍𑌚𑌯𑌥𑌾𑌮𑍁𑌖𑍍𑌯𑌾𑌨𑌿𑌶𑍍𑌚𑌯𑌾𑌰𑍍𑌥𑍇𑌷𑍁𑌪𑌂𑌡𑌿𑌤𑌾𑌃 ।
𑌅𑌮𑌾𑌤𑍍𑌯𑌾𑌶𑍍𑌚𑌗𑍁𑌣𑍋𑌪𑍇𑌤𑌾𑌸𑍍𑌸𑌰𑍍𑌵𑌜𑍍𑌞𑌾𑌬𑍁𑌦𑍍𑌧𑌿𑌦𑌰𑍍𑌶𑌨𑌾𑌃 ॥ 26 ॥

𑌸𑌮𑍀𑌯𑍁𑌸𑍍𑌤𑌤𑍍𑌰𑌶𑌤𑌶𑌶𑍂𑌰𑌾𑌶𑍍𑌚𑌬𑌹𑌵𑌸𑍍𑌤𑌦𑌾 ।
𑌸𑌭𑌾𑌯𑌾𑌂𑌹𑍇𑌮𑌵𑌰𑍍𑌣𑌾𑌯𑌾𑌂𑌸𑌰𑍍𑌵𑌾𑌰𑍍𑌥𑌸𑍍𑌯𑌸𑍁𑌖𑌾𑌯𑌵𑍈 ॥ 2𑍭 ॥

𑌤𑌤𑍋𑌮𑌹𑌾𑌤𑍍𑌮𑌾𑌵𑌿𑌪𑍁𑌲𑌂𑌸𑍁𑌯𑍁𑌗𑍍𑌯𑌂𑌰𑌥𑌮𑍍𑌵𑌰𑌂𑌹𑍇𑌮𑌵𑌿𑌚𑌿𑌤𑍍𑌰𑌿𑌤𑌾𑌂𑌗𑌮𑍍 ।
𑌶𑍁𑌭𑌂𑌸𑌮𑌾𑌸𑍍𑌥𑌾𑌯𑌯𑌯𑍌𑌯𑌶𑌸𑍍𑌵𑍀𑌵𑌿𑌭𑍀𑌷𑌣𑌸𑍍𑌸𑌂𑌸𑌦𑌮𑌗𑍍𑌰𑌜𑌸𑍍𑌯 ॥ 2𑍮 ॥

𑌸𑌪𑍂𑌰𑍍𑌵𑌜𑌾𑌯𑌾𑌵𑌰𑌜𑌶𑍍𑌶𑌶𑌂𑌸𑌨𑌾𑌮𑌾𑌥𑌪𑌶𑍍𑌚𑌾𑌶𑍍𑌚𑌰𑌣𑍌𑌵𑌵𑌂𑌦𑍇 ।
𑌶𑍁𑌕𑌃𑌪𑍍𑌰𑌹𑌸𑍍𑌤𑌶𑍍𑌚𑌤𑌥𑍈𑌵𑌤𑍇𑌭𑍍𑌯𑍋𑌦𑌦𑍌𑌯𑌥𑌾𑌰𑍍𑌹𑌂𑌪𑍃𑌥𑌗𑌾𑌸𑌨𑌾𑌨𑌿 ॥ 2𑍯 ॥

𑌸𑍁𑌵𑌰𑍍𑌣𑌨𑌾𑌨𑌾𑌮𑌣𑌿𑌭𑍂𑌷𑌣𑌾𑌨𑌾𑌂𑌸𑍁𑌵𑌾𑌸𑌸𑌾𑌂𑌸𑌂𑌸𑌦𑌿𑌰𑌾𑌕𑍍𑌷𑌸𑌾𑌨𑌾𑌮𑍍 ।
𑌤𑍇𑌷𑌾𑌂𑌪𑌰𑌾𑌰𑍍𑌘𑍍𑌯𑌾𑌗𑍁𑌰𑍁𑌚𑌂𑌦𑌨𑌾𑌨𑌾𑌂𑌸𑍍𑌰𑌜𑌾𑌶𑍍𑌚𑌗𑌂𑌧𑌾𑌃𑌪𑍍𑌰𑌵𑌵𑍁𑌸𑍍𑌸𑌮𑌂𑌤𑌾𑌤𑍍 ॥ 30 ॥

𑌨𑌚𑍁𑌕𑍍𑌰𑍁𑌶𑍁𑌰𑍍𑌨𑌾𑌨𑍃𑌤𑌮𑌾𑌹𑌕𑌶𑍍𑌚𑌿𑌤𑍍𑌸𑌭𑌾𑌪𑌦𑍋𑌨𑌾𑌪𑌿𑌜𑌜𑌲𑍍𑌪𑍁𑌰𑍁𑌚𑍍𑌚𑍈𑌃 ।
𑌸𑌂𑌸𑌿𑌦𑍍𑌧𑌾𑌰𑍍𑌥𑌾𑌸𑍍𑌸𑌰𑍍𑌵𑌏𑌵𑍋𑌗𑍍𑌰𑌵𑍀𑌰𑍍𑌯𑌾𑌭𑌰𑍍𑌤𑍁𑌸𑍍𑌸𑌰𑍍𑌵𑍇𑌦𑌦𑍃𑌶𑍁𑌶𑍍𑌚𑌾𑌨𑌨𑌂𑌤𑍇 ॥ 31 ॥

𑌸𑌰𑌾𑌵𑌣𑌶𑍍𑌶𑌸𑍍𑌤𑍍𑌰𑌭𑍃𑌤𑌾𑌂𑌮𑌨𑌸𑍍𑌵𑌿𑌨𑌾𑌂𑌮𑌹𑌾𑌬𑌲𑌾𑌨𑌾𑌂𑌸𑌮𑌿𑌤𑍌𑌮𑌨𑌸𑍍𑌵𑍀 ।
𑌤𑌸𑍍𑌯𑌾𑌂𑌸𑌭𑌾𑌯𑌾𑌂𑌪𑍍𑌰𑌭𑌯𑌾𑌚𑌕𑌾𑌶𑍇𑌮𑌧𑍍𑌯𑍇𑌵𑌸𑍂𑌨𑌾𑌮𑌿𑌵𑌵𑌜𑍍𑌰𑌹𑌸𑍍𑌤𑍇𑌃 ॥ 32 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌏𑌕𑌾𑌦𑌶𑌸𑍍𑌸𑌰𑍍𑌗𑌃 ॥


Browse Related Categories: