𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌷𑌡𑍍𑌵𑌿𑌂𑌶𑌤𑍍𑌯𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ।
𑌅𑌨𑍁𑌜𑍍𑌞𑌾𑌤𑌂𑌤𑍁𑌰𑌾𑌮𑍇𑌣𑌤𑌦𑍍𑌵𑌿𑌮𑌾𑌨𑌮𑌨𑍁𑌤𑍍𑌤𑌮𑌮𑍍 ।
𑌹𑌂𑌸𑌯𑍁𑌕𑍍𑌤𑌂𑌮𑌹𑌾𑌨𑌾𑌦𑌮𑍁𑌤𑍍𑌪𑌪𑌾𑌤𑌵𑌿𑌹𑌾𑌯𑌸𑌮𑍍 ॥ 1 ॥
𑌪𑌾𑌤𑌯𑌿𑌤𑍍𑌵𑌾𑌤𑌤𑌶𑍍𑌚𑌕𑍍𑌷𑍁𑌸𑍍𑌸𑌰𑍍𑌵𑌤𑍋𑌰𑌘𑍁𑌨𑌂𑌦𑌨𑌃 ।
𑌅𑌬𑍍𑌰𑌵𑍀𑌨𑍍𑌮𑍈𑌥𑌿𑌲𑍀𑌂𑌸𑍀𑌤𑌾𑌂𑌰𑌾𑌮𑌶𑍍𑌶𑌶𑌿𑌨𑌿𑌭𑌾𑌨𑌨𑌾𑌮𑍍 ॥ 2 ॥
𑌕𑍈𑌲𑌾𑌸𑌶𑌿𑌖𑌰𑌾𑌕𑌾𑌰𑍇𑌤𑍍𑌰𑌿𑌕𑍂𑌟𑌶𑌿𑌖𑌰𑍇𑌸𑍍𑌥𑌿𑌤𑌾𑌮𑍍 ।
𑌲𑌂𑌕𑌾𑌮𑍀𑌕𑍍𑌷𑌸𑍍𑌵𑌵𑍈𑌦𑍇𑌹𑍀𑌨𑌿𑌰𑍍𑌮𑌿𑌤𑌾𑌂𑌵𑌿𑌶𑍍𑌵𑌕𑌰𑍍𑌮𑌣𑌾 ॥ 3 ॥
𑌏𑌤𑌦𑌾𑌯𑍋𑌧𑌨𑌂𑌪𑌶𑍍𑌯𑌮𑌾𑌂𑌸𑌶𑍋𑌣𑌿𑌤𑌕𑌰𑍍𑌦𑌮𑌮𑍍 ।
𑌹𑌰𑍀𑌣𑌾𑌂𑌰𑌾𑌕𑍍𑌷𑌸𑌾𑌨𑌾𑌂 𑌚 𑌸𑍀𑌤𑍇 𑌵𑌿𑌶𑌸𑌨𑌂𑌮𑌹𑌤𑍍 ॥ 4 ॥
𑌅𑌤𑍍𑌰𑌦𑌤𑍍𑌤𑌵𑌰𑌶𑍍𑌶𑍇𑌤𑍇𑌪𑍍𑌰𑌮𑌾𑌥𑍀𑌰𑌾𑌕𑍍𑌷𑌸𑍇𑌶𑍍𑌵𑌰𑌃 ।
𑌤𑌵𑌹𑍇𑌤𑍋𑌰𑍍𑌵𑌿𑌶𑌾𑌲𑌾𑌕𑍍𑌷𑍀𑌨𑌿𑌹𑌤𑍋𑌰𑌾𑌵𑌣𑍋𑌮𑌯𑌾 ॥ 5 ॥
𑌕𑍁𑌂𑌭𑌕𑌰𑍍𑌣𑍋𑌽𑌽𑌤𑍍𑌰𑌨𑌿𑌹𑌤𑌃𑌪𑍍𑌰𑌹𑌸𑍍𑌤𑌶𑍍𑌚𑌨𑌿𑌶𑌾𑌚𑌰𑌃 ।
𑌧𑍂𑌮𑍍𑌰𑌾𑌕𑍍𑌷𑌶𑍍𑌚𑌾𑌤𑍍𑌰𑌨𑌿𑌹𑌤𑍋𑌵𑌾𑌨𑌰𑍇𑌣𑌹𑌨𑍂𑌮𑌤𑌾 ॥ 6 ॥
𑌵𑌿𑌦𑍍𑌯𑍁𑌨𑍍𑌮𑌾𑌲𑍀𑌹𑌤𑌶𑍍𑌚𑌾𑌤𑍍𑌰𑌸𑍁𑌷𑍇𑌣𑍇𑌨𑌮𑌹𑌾𑌤𑍍𑌮𑌨𑌾 ।
𑌲𑌕𑍍𑌷𑍍𑌮𑌣𑍇𑌨𑍇𑌂𑌦𑍍𑌰𑌾𑌜𑌿𑌚𑍍𑌚𑌾𑌤𑍍𑌰𑌰𑌾𑌵𑌣𑌿𑌰𑍍𑌨𑌿𑌹𑌿𑌤𑍋𑌰𑌣𑍇 ॥ ॥
𑌅𑌂𑌗𑌦𑍇𑌨𑌾𑌤𑍍𑌰𑌨𑌿𑌹𑌤𑍋𑌵𑌿𑌕𑌟𑍋𑌨𑌾𑌮𑌰𑌾𑌕𑍍𑌷𑌸𑌃 ।
𑌵𑌿𑌰𑍂𑌪𑌾𑌕𑍍𑌷𑌶𑍍𑌚𑌦𑍁𑌰𑍍𑌧𑌰𑍍𑌷𑍋𑌮𑌹𑌾𑌪𑌾𑌰𑍍𑌶𑍍𑌵𑌮𑌹𑍋𑌦𑌰𑍌 ॥ ॥
𑌅𑌕𑌂𑌪𑌨𑌶𑍍𑌚𑌨𑌿𑌹𑌤𑍋𑌬𑌲𑌿𑌨𑍋𑌽𑌽𑌨𑍍𑌯𑍇 𑌚 𑌰𑌾𑌕𑍍𑌷𑌸𑌾𑌃 ।
𑌤𑍍𑌰𑌿𑌶𑌿𑌰𑌾𑌶𑍍𑌚𑌾𑌤𑌿𑌕𑌾𑌯𑌶𑍍𑌚𑌦𑍇𑌵𑌾𑌂𑌤𑌕𑌨𑌰𑌾𑌂𑌤𑌕𑍌 ॥ ॥
𑌯𑍁𑌦𑍍𑌧𑍋𑌨𑍍𑌮𑌤𑍍𑌤𑌶𑍍𑌚𑌮𑌤𑍍𑌤𑌶𑍍𑌚𑌰𑌾𑌕𑍍𑌷𑌸𑌪𑍍𑌰𑌵𑌰𑌾𑌵𑍁𑌭𑍌 ।
𑌨𑌿𑌕𑍁𑌂𑌭𑌶𑍍𑌚𑍈𑌵𑌕𑍁𑌂𑌭𑌶𑍍𑌚𑌕𑍁𑌂𑌭𑌕𑌰𑍍𑌣𑌾𑌤𑍍𑌮𑌜𑍌𑌬𑌲𑍀 ॥ 10 ॥
𑌵𑌜𑍍𑌰𑌦𑌂𑌷𑍍𑌟𑍍𑌰𑌶𑍍𑌚𑌦𑌂𑌷𑍍𑌟𑍍𑌰𑌶𑍍𑌚𑌬𑌹𑌵𑍋𑌰𑌾𑌕𑍍𑌷𑌸𑌾𑌹𑌤𑌾𑌃 ।
𑌮𑌕𑌰𑌾𑌕𑍍𑌷𑌶𑍍𑌚𑌦𑍁𑌰𑍍𑌧𑌰𑍍𑌷𑍋𑌮𑌯𑌾𑌯𑍁𑌧𑌿𑌨𑌿𑌪𑌾𑌤𑌿𑌤𑌃 ॥ 11 ॥
𑌅𑌕𑌂𑌪𑌨𑌶𑍍𑌚𑌨𑌿𑌹𑌤𑌃𑌶𑍋𑌣𑌿𑌤𑌾𑌕𑍍𑌷𑌶𑍍𑌚𑌵𑍀𑌰𑍍𑌯𑌵𑌾𑌨𑍍 ।
𑌯𑍂𑌪𑌾𑌕𑍍𑌷𑌶𑍍𑌚𑌪𑍍𑌰𑌜𑌂𑌘𑌶𑍍𑌚𑌨𑌿𑌹𑌤𑍌𑌤𑍁𑌮𑌹𑌾𑌹𑌵𑍇 ॥ 12 ॥
𑌵𑌿𑌦𑍍𑌯𑍁𑌜𑍍𑌜𑌿𑌹𑍍𑌵𑍋𑌽𑌽𑌤𑍍𑌰𑌨𑌿𑌹𑌤𑍋𑌰𑌾𑌕𑍍𑌷𑌸𑍋𑌭𑍀𑌮𑌦𑌰𑍍𑌶𑌨𑌃 ।
𑌯𑌜𑍍𑌞𑌶𑌤𑍍𑌰𑍁𑌶𑍍𑌚𑌨𑌿𑌹𑌤𑌃𑌸𑍁𑌪𑍍𑌤𑌘𑍍𑌨𑌶𑍍𑌚𑌮𑌹𑌾𑌬𑌲𑌃 ॥ 13 ॥
𑌸𑍂𑌰𑍍𑌯𑌶𑌤𑍍𑌰𑍁𑌶𑍍𑌚𑌨𑌿𑌹𑌤𑍋𑌬𑍍𑌰𑌹𑍍𑌮𑌶𑌤𑍍𑌰𑍁𑌸𑍍𑌤𑌥𑌾𑌪𑌰𑌃 ।
𑌅𑌤𑍍𑌰𑌮𑌂𑌦𑍋𑌦𑌰𑍀𑌨𑌾𑌮𑌭𑌾𑌰𑍍𑌯𑌾𑌤𑌂𑌪𑌰𑍍𑌯𑌦𑍇𑌵𑌯𑌤𑍍 ॥ 14 ॥
𑌸𑌪𑌤𑍍𑌨𑍀𑌨𑌾𑌂𑌸𑌹𑌸𑍍𑌰𑍇𑌣𑌸𑌾𑌗𑍍𑌰𑍇𑌣𑌪𑌰𑌿𑌵𑌾𑌰𑌿𑌤𑌾 ।
𑌤𑌤𑍍𑌤𑍁𑌦𑍃𑌶𑍍𑌯𑌤𑍇𑌤𑍀𑌰𑍍𑌥𑌂𑌸𑌮𑍁𑌦𑍍𑌰𑌸𑍍𑌯𑌵𑌰𑌾𑌨𑌨𑍇 ॥ 15 ॥
𑌯𑌤𑍍𑌰𑌸𑌾𑌗𑌰𑌮𑍁𑌤𑍍𑌤𑍀𑌰𑍍𑌯𑌤𑌾𑌂𑌰𑌾𑌤𑍍𑌰𑌿𑌮𑍁𑌷𑌿𑌤𑌾𑌵𑌯𑌮𑍍 ।
𑌏𑌷𑌸𑍇𑌤𑍁𑌰𑍍𑌮𑌯𑌾𑌬𑌦𑍍𑌧𑌸𑍍𑌸𑌾𑌗𑌰𑍇𑌸𑌲𑌿𑌲𑌾𑌰𑍍𑌣𑌵𑍇 ॥ 16 ॥
𑌤𑌵𑌹𑍇𑌤𑍋𑌰𑍍𑌵𑌿𑌶𑌾𑌲𑌾𑌕𑍍𑌷𑌿𑌨𑌲𑌸𑍇𑌤𑍁𑌃𑌸𑍁𑌦𑍁𑌷𑍍𑌕𑌰𑌃 ।
𑌪𑌶𑍍𑌯𑌸𑌾𑌗𑌰𑌮𑌕𑍍𑌷𑍋𑌭𑍍𑌯𑌂𑌵𑍈𑌦𑍇𑌹𑌿𑌵𑌰𑍁𑌣𑌾𑌲𑌯𑌮𑍍 ॥ 1 ॥
𑌅𑌪𑌾𑌰𑌮𑌭𑌿𑌗𑌰𑍍𑌜𑌂𑌤𑌂𑌶𑌂𑌖𑌶𑍁𑌕𑍍𑌤𑌿𑌸𑌮𑌾𑌕𑍁𑌲𑌮𑍍 ।
𑌹𑌿𑌰𑌣𑍍𑌯𑌨𑌾𑌭𑌂𑌶𑍈𑌲𑍇𑌂𑌦𑍍𑌰𑌂𑌕𑌾𑌂𑌚𑌨𑌂𑌪𑌶𑍍𑌯𑌮𑍈𑌥𑌿𑌲𑌿 ॥ 1 ॥
𑌵𑌿𑌶𑍍𑌰𑌮𑌾𑌰𑍍𑌥𑌂𑌹𑌨𑍁𑌮𑌤𑍋𑌭𑌿𑌤𑍍𑌤𑍍𑌵𑌾𑌸𑌾𑌗𑌰𑌮𑍁𑌤𑍍𑌥𑌿𑌤𑌮𑍍 ।
𑌏𑌤𑌤𑌤𑍍𑌕𑍁𑌕𑍍𑌷𑍌𑌸𑌮𑍁𑌦𑍍𑌰𑌸𑍍𑌯𑌸𑍍𑌕𑌂𑌧𑌾𑌵𑌾𑌰𑌨𑌿𑌵𑍇𑌶𑌨𑌮𑍍 ॥ 1 ॥
𑌅𑌤𑍍𑌰𑌪𑍂𑌰𑍍𑌵𑌂𑌮𑌹𑌾𑌦𑍇𑌵𑌃𑌪𑍍𑌰𑌸𑌾𑌦𑌮𑌕𑌰𑍋𑌤𑍍𑌪𑍍𑌰𑌭𑍁𑌃 ।
𑌏𑌤𑌤𑍍𑌤𑍁𑌦𑍃𑌶𑍍𑌯𑌤𑍇𑌤𑍀𑌰𑍍𑌥𑌂𑌸𑌾𑌗𑌰𑌸𑍍𑌯𑌮𑌹𑌾𑌤𑍍𑌮𑌨𑌃 ॥ 20 ॥
𑌦𑍂𑌷𑌣𑌂 𑌚𑌾𑌗𑍍𑌰𑌤𑍋 𑌹𑌤𑍍𑌵𑌾 𑌤𑍍𑌰𑌿𑌶𑌿𑌰𑌾𑌸𑍍𑌤𑌦𑌨𑌂𑌤𑌮𑍍 ।
𑌤𑌤𑌸𑍍𑌤𑍇𑌨𑌾𑌰𑍍𑌦𑌿𑌤𑌾 𑌬𑌾𑌲𑌾 𑌰𑌾𑌵𑌣𑌂 𑌸𑌮𑍁𑌪𑌾𑌗𑌤𑌾 ॥ 21 ॥
𑌅𑌤𑍍𑌰𑌰𑌾𑌕𑍍𑌷𑌸𑌰𑌾𑌜𑍋𑌽𑌽𑌯𑌮𑌾𑌜𑌗𑌾𑌮𑌵𑌿𑌭𑍀𑌷𑌣𑌃 ।
𑌏𑌷𑌾𑌸𑌾𑌦𑍃𑌶𑍍𑌯𑌤𑍇𑌸𑍀𑌤𑍇𑌕𑌿𑌷𑍍𑌕𑌿𑌂𑌧𑌾𑌚𑌿𑌤𑍍𑌰𑌕𑌾𑌨𑌨𑌾 ॥ 22 ॥
𑌸𑍁𑌗𑍍𑌰𑍀𑌵𑌸𑍍𑌯𑌪𑍁𑌰𑍀𑌰𑌮𑍍𑌯𑌾𑌯𑌤𑍍𑌰𑌵𑌾𑌲𑍀𑌮𑌯𑌾𑌹𑌤𑌃 ।
𑌅𑌥𑌦𑍃𑌷𑍍𑌟𑌵𑌾𑌪𑍁𑌰𑍀𑌂𑌸𑍀𑌤𑌾𑌕𑌿𑌷𑍍𑌕𑌿𑌂𑌧𑌾𑌂𑌵𑌾𑌲𑌿𑌪𑌾𑌲𑌿𑌤𑌾𑌮𑍍 ॥ 23 ॥
𑌅𑌬𑍍𑌰𑌵𑍀𑌤𑍍𑌪𑌶𑍍𑌰𑌿𑌤𑌂𑌵𑌾𑌕𑍍𑌯𑌂𑌰𑌾𑌮𑌂𑌪𑍍𑌰𑌣𑌤𑌸𑌾𑌧𑍍𑌵𑌸𑌾 ।
𑌸𑍁𑌗𑍍𑌰𑍀𑌵𑌪𑍍𑌰𑌿𑌯𑌭𑌾𑌰𑍍𑌯𑌾𑌭𑌿𑌸𑍍𑌤𑌾𑌰𑌾𑌪𑍍𑌰𑌮𑍁𑌖𑌤𑍋𑌨𑍃𑌪 ॥ 24 ॥
𑌅𑌨𑍍𑌯𑍇𑌷𑌾𑌂𑌵𑌾𑌨𑌰𑍇𑌂𑌦𑍍𑌰𑌾𑌣𑌾𑌂𑌸𑍍𑌤𑍍𑌰𑍀𑌭𑌿𑌃𑌪𑌰𑌿𑌵𑍃𑌤𑌾𑌹𑍍𑌯𑌹𑌮𑍍 ।
𑌗𑌂𑌤𑍁𑌮𑌿𑌚𑍍𑌛𑍇𑌸𑌹𑌾𑌯𑍋𑌧𑍍𑌯𑌾𑌂𑌰𑌾𑌜𑌧𑌾𑌨𑍀𑌂𑌤𑍍𑌵𑌯𑌾𑌸𑌹 ॥ 25 ॥
𑌏𑌵𑌮𑍁𑌕𑍍𑌤𑍋𑌽𑌽𑌥𑌵𑍈𑌦𑍇𑌹𑍍𑌯𑌾𑌰𑌾𑌘𑌵𑌃𑌪𑍍𑌰𑌤𑍍𑌯𑍁𑌵𑌾𑌚𑌤𑌾𑌮𑍍 ।
𑌏𑌵𑌮𑌸𑍍𑌤𑍍𑌵𑌿𑌤𑌿𑌕𑌿𑌷𑍍𑌕𑌿𑌂𑌧𑌾𑌂𑌪𑍍𑌰𑌾𑌪𑍍𑌯𑌸𑌂𑌸𑍍𑌥𑌾𑌪𑍍𑌯𑌰𑌾𑌘𑌵𑌃 ॥ 26 ॥
𑌵𑌿𑌮𑌾𑌨𑌂𑌪𑍍𑌰𑍇𑌕𑍍𑌷𑍍𑌯𑌸𑍁𑌗𑍍𑌰𑍀𑌵𑌂𑌵𑌾𑌕𑍍𑌯𑌮𑍇𑌤𑌦𑍁𑌵𑌾𑌚 𑌹 ।
𑌬𑍍𑌰𑍂𑌹𑌿𑌵𑌾𑌨𑌰𑌶𑍂𑌰𑍍𑌦𑍂𑌲 𑌸𑌰𑍍𑌵𑌾𑌨𑍍𑌵𑌾𑌨𑌰𑌪𑍁𑌂𑌗𑌵𑌾𑌨𑍍 ॥ 2 ॥
𑌸𑍀𑌤𑌾𑌂 𑌗𑍃𑌹𑍀𑌤𑍍𑌵𑌾 𑌗𑌚𑍍𑌛𑌂𑌤𑌂 𑌵𑌾𑌨𑌰𑌾𑌃 𑌪𑌰𑍍𑌵𑌤𑍋𑌪𑌮𑌾𑌃 ।
𑌦𑌦𑍃𑌶𑍁𑌰𑍍𑌵𑌿𑌸𑍍𑌮𑌿𑌤𑌾𑌸𑍍𑌤𑌤𑍍𑌰 𑌰𑌾𑌵𑌣𑌂 𑌰𑌾𑌕𑍍𑌷𑌸𑌾𑌧𑌿𑌪𑌮𑍍 ॥ 2 ॥
𑌅𑌭𑌿𑌤𑍍𑌵𑌰𑌸𑍍𑌵𑌸𑍁𑌗𑍍𑌰𑍀𑌵 𑌗𑌚𑍍𑌛𑌾𑌮𑌃𑌪𑍍𑌲𑌵𑌗𑌾𑌧𑌿𑌪 ।
𑌏𑌵𑌮𑍁𑌕𑍍𑌤𑌸𑍍𑌤𑍁𑌸𑍁𑌗𑍍𑌰𑍀𑌵𑍋𑌰𑌾𑌮𑍇𑌣𑌾𑌮𑌿𑌤𑌤𑍇𑌜𑌸𑌾 ॥ 2 ॥
𑌵𑌾𑌨𑌰𑌾𑌧𑌿𑌪𑌤𑌿𑌶𑍍𑌰𑍀𑌮𑌾𑌂𑌸𑍍𑌸𑍍𑌸𑍈𑌶𑍍𑌚𑌸𑌰𑍍𑌵𑍈𑌸𑍍𑌸𑌮𑌾𑌵𑍃𑌤𑌃 ।
𑌪𑍍𑌰𑌵𑌿𑌶𑍍𑌯𑌾𑌂𑌤𑌃𑌪𑍁𑌰𑌂𑌶𑍀𑌘𑍍𑌰𑌂𑌤𑌾𑌰𑌾𑌮𑍁𑌵𑌦𑍀𑌕𑍍𑌷𑍍𑌯𑌸𑍋𑌽𑌽𑌬𑍍𑌰𑌵𑍀𑌤𑍍 ॥ 30 ॥
𑌪𑍍𑌰𑌿𑌯𑍇 𑌤𑍍𑌵𑌂𑌸𑌹𑌨𑌾𑌰𑌾𑌭𑌿𑌰𑍍𑌵𑌾𑌨𑌰𑌾𑌣𑌾𑌂𑌮𑌹𑌾𑌤𑍍𑌮𑌨𑌾𑌮𑍍 ।
𑌰𑌾𑌘𑌵𑍇𑌣𑌾𑌭𑍍𑌯𑌨𑍁𑌜𑍍𑌞𑌾𑌤𑌾𑌮𑍈𑌥𑌿𑌲𑍀𑌪𑍍𑌰𑌿𑌯𑌕𑌾𑌮𑍍𑌯𑌯𑌾 ॥ 31 ॥
𑌤𑍍𑌵𑌰𑌤𑍍𑌵𑌮𑌭𑌿𑌗𑌚𑍍𑌛𑌾𑌮𑍋𑌗𑍃𑌹𑍍𑌯𑌵𑌾𑌨𑌰𑌯𑍋𑌷𑌿𑌤𑌃 ।
𑌅𑌯𑍋𑌧𑍍𑌯𑌾𑌂𑌦𑌰𑍍𑌶𑌯𑌿𑌷𑍍𑌯𑌾𑌮𑌃𑌸𑌰𑍍𑌵𑌾𑌦𑌶𑌰𑌥𑌸𑍍𑌤𑍍𑌰𑌿𑌯𑌃 ॥ 32 ॥
𑌸𑍁𑌗𑍍𑌰𑍀𑌵𑌸𑍍𑌯 𑌵 𑌚𑌃𑌶𑍍𑌰𑍁𑌤𑍍𑌵𑌾𑌤𑌾𑌰𑌾𑌸𑌰𑍍𑌵𑌾𑌂𑌗𑌶𑍋𑌭𑌨𑌾 ।
𑌆𑌹𑍂𑌯𑌚𑌾𑌬𑍍𑌰𑌵𑍀𑌤𑍍𑌸𑌰𑍍𑌵𑌾𑌵𑌾𑌨𑌰𑌾𑌣𑌾𑌂𑌤𑍁𑌯𑍋𑌷𑌿𑌤𑌃 ॥ 33 ॥
𑌸𑍁𑌗𑍍𑌰𑍀𑌵𑍇𑌣𑌾𑌭𑍍𑌯𑌨𑍁𑌜𑍍𑌞𑌾𑌤𑌾𑌗𑌂𑌤𑍁𑌂𑌸𑌰𑍍𑌵𑍈𑌶𑍍𑌚𑌵𑌾𑌨𑌰𑍈𑌃 ।
𑌮𑌮𑌚𑌾𑌪𑌿𑌪𑍍𑌰𑌿𑌯𑌂𑌕𑌾𑌰𑍍𑌯𑌮𑌯𑍋𑌧𑍍𑌯𑌾𑌦𑌰𑍍𑌵𑌨𑍇𑌨 𑌚 ॥ 34 ॥
𑌪𑍍𑌰𑌵𑍇𑌶𑌂𑌚𑍈𑌵𑌰𑌾𑌮𑌸𑍍𑌯𑌪𑍌𑌰𑌜𑌾𑌨𑌪𑌦𑍈𑌸𑍍𑌸𑌹 ।
𑌵𑌿𑌭𑍂𑌤𑌿𑌂𑌚𑍈𑌵𑌸𑌰𑍍𑌵𑌾𑌸𑌾𑌂𑌸𑍍𑌤𑍍𑌰𑍀𑌣𑌾𑌂𑌦𑌶𑌰𑌥𑌸𑍍𑌯 𑌚 ॥ 35 ॥
𑌤𑌾𑌰𑌯𑌾𑌚𑌾𑌭𑍍𑌯𑌨𑍁𑌜𑍍𑌞𑌾𑌤𑌾𑌸𑍍𑌸𑌰𑍍𑌵𑌾𑌵𑌾𑌨𑌰𑌯𑍋𑌷𑌿𑌤𑌃 ।
𑌨𑍇𑌪𑌥𑍍𑌯𑌵𑌿𑌧𑌿𑌪𑍂𑌰𑍍𑌵𑌂𑌤𑍁𑌕𑍃𑌤𑍍𑌵𑌾𑌚𑌾𑌪𑌿𑌪𑍍𑌰𑌦𑌕𑍍𑌷𑌿𑌣𑌮𑍍 ॥ 36 ॥
𑌅𑌧𑍍𑌯𑌾𑌰𑍋𑌹𑌨𑍍𑌵𑌿𑌮𑌾𑌨𑌂𑌤𑌤𑍍𑌸𑍀𑌤𑌾𑌦𑌰𑍍𑌶𑌨𑌕𑌾𑌂𑌕𑍍𑌷𑌯𑌾 ।
𑌤𑌾𑌭𑌿𑌃𑌸𑌹𑍋𑌤𑍍𑌥𑌿𑌤𑌂𑌶𑍀𑌘𑍍𑌰𑌂𑌵𑌿𑌮𑌾𑌨𑌂𑌪𑍍𑌰𑍇𑌕𑍍𑌷𑍍𑌯𑌰𑌾𑌘𑌵𑌃 ॥ 3 ॥
𑌋𑌷𑍍𑌯𑌮𑍂𑌕𑌸𑌮𑍀𑌪𑍇𑌤𑍁𑌵𑍈𑌦𑍇𑌹𑍀𑌂𑌪𑍁𑌨𑌰𑌬𑍍𑌰𑌵𑍀𑌤𑍍 ।
𑌦𑍃𑌶𑍍𑌯𑌤𑍇𑌽𑌽𑌸𑍌𑌮𑌹𑌾𑌨𑍍𑌸𑍀𑌤𑍇 𑌸𑌵𑌿𑌦𑍍𑌯𑍁𑌦𑌿𑌵𑌤𑍋𑌯𑌦𑌃 ॥ 3 ॥
𑌋𑌷𑍍𑌯𑌮𑍂𑌕𑍋𑌗𑌿𑌰𑌿𑌵𑌰𑌃𑌕𑌾𑌂𑌚𑌨𑍈𑌰𑍍𑌧𑌾𑌤𑍁𑌭𑌿𑌰𑍍𑌵𑍃𑌤𑌃 ।
𑌤𑍍𑌰𑌾𑌹𑌂𑌵𑌾𑌨𑌰𑍇𑌂𑌦𑍍𑌰𑍇𑌣𑌸𑍁𑌗𑍍𑌰𑍀𑌵𑍇𑌣𑌸𑌮𑌾𑌗𑌤𑌃 ॥ 3 ॥
𑌸𑌮𑌯𑌶𑍍𑌚𑌕𑍃𑌤𑌃𑌸𑍀𑌤𑍇𑌵𑌧𑌾𑌰𑍍𑌥𑌂𑌵𑌾𑌲𑌿𑌨𑍋𑌮𑌯𑌾 ।
𑌏𑌷𑌾𑌸𑌾𑌦𑍃𑌶𑍍𑌯𑌤𑍇𑌪𑌂𑌪𑌾𑌨𑌲𑌿𑌨𑍀𑌚𑌿𑌤𑍍𑌰𑌕𑌾𑌨𑌨𑌾 ॥ 40 ॥
𑌤𑍍𑌵𑌯𑌾𑌵𑌿𑌹𑍀𑌨𑍋𑌯𑌤𑍍𑌰𑌾𑌹𑌂𑌵𑌿𑌲𑌲𑌾𑌪𑌸𑍁𑌦𑍁𑌃𑌖𑌿𑌤𑌃 ।
𑌅𑌸𑍍𑌯𑌾𑌸𑍍𑌤𑍀𑌰𑍇𑌮𑌯𑌾𑌦𑍃𑌷𑍍𑌟𑌾𑌶𑌬𑌰𑍀𑌧𑌰𑍍𑌮𑌚𑌾𑌰𑌿𑌣𑍀 ॥ 41 ॥
𑌅𑌤𑍍𑌰𑌯𑍋𑌜𑌨𑌬𑌾𑌹𑍁𑌶𑍍𑌚𑌕𑌬𑌂𑌧𑍋𑌨𑌿𑌹𑌤𑍋𑌮𑌯𑌾 ।
𑌦𑍃𑌶𑍍𑌯𑌤𑍇𑌽𑌽𑌸𑍌𑌜𑌨𑌸𑍍𑌥𑌾𑌨𑍇𑌶𑍍𑌰𑍀𑌮𑌾𑌨𑍍𑌸𑍀𑌤𑍇 𑌵𑌨𑌸𑍍𑌪𑌤𑌿𑌃 ॥ 42 ॥
𑌜𑌟𑌾𑌯𑍁𑌶𑍍𑌚𑌮𑌹𑌾𑌤𑍇𑌜𑌾𑌸𑍍𑌤𑌵𑌹𑍇𑌤𑍋𑌰𑍍𑌵𑌿𑌲𑌾𑌸𑌿𑌨𑌿 ।
𑌰𑌾𑌵𑌣𑍇𑌨𑌹𑌤𑍋𑌯𑌤𑍍𑌰𑌪𑌕𑍍𑌷𑌿𑌣𑌾𑌂𑌪𑍍𑌰𑌵𑌰𑍋𑌬𑌲𑍀 ॥ 43 ॥
𑌖𑌰𑌶𑍍𑌚𑌨𑌿𑌹𑌤𑍋𑌯𑌤𑍍𑌰𑌦𑍂𑌷𑌣𑌶𑍍𑌚𑌨𑌿𑌪𑌾𑌤𑌿𑌤𑌃 ।
𑌤𑍍𑌰𑌿𑌶𑌿𑌰𑌾𑌶𑍍𑌚𑌮𑌹𑌾𑌵𑍀𑌰𑍍𑌯𑍋𑌮𑌯𑌾𑌬𑌾𑌣𑍈𑌰𑌜𑌿𑌹𑍍𑌮𑌗𑍈𑌃 ॥ 44 ॥
𑌏𑌤𑌤𑍍𑌤𑌦𑌾𑌶𑍍𑌰𑌮𑌮𑌦𑌮𑌸𑍍𑌮𑌾𑌕𑌂𑌵𑌰𑌵𑌰𑍍𑌣𑌿𑌨𑌿 ।
𑌪𑌰𑍍𑌣𑌶𑌾𑌲𑌾𑌤𑌥𑌾𑌚𑌿𑌤𑍍𑌰𑌾𑌦𑍃𑌶𑍍𑌯𑌤𑍇𑌶𑍁𑌭𑌦𑌰𑍍𑌶𑌨𑍇 ॥ 45 ॥
𑌯𑌤𑍍𑌰𑌤𑍍𑌵𑌂𑌰𑌾𑌕𑍍𑌷𑌸𑍇𑌂𑌦𑍍𑌰𑍇𑌣𑌰𑌾𑌵𑌣𑍇𑌨𑌹𑍃𑌤𑌾𑌬𑌲𑌾𑌤𑍍 ।
𑌏𑌷𑌾𑌗𑍋𑌦𑌾𑌵𑌰𑍀𑌰𑌮𑍍𑌯𑌾𑌪𑍍𑌰𑌸𑌨𑍍𑌨𑌸𑌲𑌿𑌲𑌾𑌶𑍁𑌭𑌾 ॥ 46 ॥
𑌅𑌗𑌸𑍍𑌤𑍍𑌯𑌸𑍍𑌯𑌾𑌶𑍍𑌰𑌮𑌶𑍍𑌚𑍈𑌵 𑌦𑍃𑌶𑍍𑌯𑌤𑍇 𑌕𑌦𑌲𑍀𑌵𑍃𑌤𑌃 ।
𑌦𑍀𑌪𑍍𑌤𑌶𑍈𑌵𑌾𑌶𑍍𑌰𑌮𑍋𑌹𑍍𑌯𑍇𑌷𑌸𑍁𑌤𑍀𑌕𑍍𑌷𑌣𑌸𑍍𑌯𑌮𑌹𑌾𑌤𑍍𑌮𑌨𑌃 ॥ 4 ॥
𑌵𑍈𑌦𑍇𑌹𑌿𑌦𑍃𑌶𑍍𑌯𑌤𑍇𑌚𑍈𑌵𑌶𑌰𑌭𑌂𑌗𑌾𑌶𑍍𑌰𑌮𑍋𑌮𑌹𑌾𑌨𑍍 ।
𑌉𑌪𑌯𑌾𑌤𑌃𑌸𑌹𑌸𑍍𑌰𑌾𑌕𑍍𑌷𑍋𑌯𑌤𑍍𑌰𑌶𑌕𑍍𑌰𑌃𑌪𑍁𑌰𑌂𑌦𑌰𑌃 ॥ 4 ॥
𑌏𑌤𑍇𑌹𑌿𑌤𑌾𑌪𑌸𑌾𑌵𑌾𑌸𑌾𑌦𑍃𑌶𑍍𑌯𑌂𑌤𑍇𑌤𑌨𑍁𑌮𑌧𑍍𑌯𑌮𑍇 ।
𑌅𑌤𑍍𑌰𑌿𑌃𑌕𑍁𑌲𑌪𑌤𑌿𑌰𑍍𑌯𑌤𑍍𑌰𑌸𑍂𑌰𑍍𑌯𑌵𑍈𑌶𑍍𑌵𑌾𑌨𑌰𑍋𑌪𑌮𑌃 ॥ 4 ॥
𑌅𑌸𑍍𑌮𑌿𑌨𑍍 𑌦𑍇𑌶𑍇𑌮𑌹𑌾𑌕𑌾𑌯𑍋𑌵𑌿𑌰𑌾𑌧𑍋𑌨𑌿𑌹𑌤𑍋𑌮𑌯𑌾 ।
𑌅𑌤𑍍𑌰𑌸𑍀𑌤𑍇 𑌤𑍍𑌵𑌯𑌾𑌦𑍃𑌷𑍍𑌟𑌵𑌾𑌤𑌾𑌪𑌸𑍀𑌧𑌰𑍍𑌮𑌚𑌾𑌰𑌿𑌣𑍀 ॥ 50 ॥
𑌅𑌸𑍌𑌸𑍁𑌤𑌨𑍁𑌶𑍈𑌲𑍇𑌂𑌦𑍍𑌰𑌤𑍍𑌰𑌕𑍂𑌟𑌃𑌪𑍍𑌰𑌕𑌾𑌶𑌤𑍇 ।
𑌅𑌤𑍍𑌰𑌮𑌾𑌂𑌕𑍈𑌕𑌯𑍀𑌪𑍁𑌤𑍍𑌰𑌪𑍍𑌰𑌸𑌾𑌦𑌯𑌿𑌤𑍁𑌮𑌾𑌗𑌤𑌃 ॥ 51 ॥
𑌏𑌷𑌾𑌸𑌾𑌯𑌮𑍁𑌨𑌾𑌰𑌮𑍍𑌯𑌾𑌦𑍃𑌶𑍍𑌯𑌤𑍇𑌚𑌿𑌤𑍍𑌰𑌕𑌾𑌨𑌨𑌾 ।
𑌭𑌰𑌦𑍍𑌵𑌾𑌜𑌾𑌶𑍍𑌰𑌮𑌃𑌶𑍍𑌰𑍀𑌮𑌾𑌂𑌦𑍃𑌶𑍍𑌯𑌤𑍇𑌚𑍈𑌷𑌮𑍈𑌥𑌿𑌲𑌿 ॥ 52 ॥
𑌇𑌯𑌂 𑌚 𑌦𑍃𑌶𑍍𑌯𑌤𑍇𑌗𑌂𑌗𑌾𑌪𑍁𑌣𑍍𑌯𑌾𑌤𑍍𑌰𑌿𑌪𑌥𑌗𑌾𑌨𑌦𑍀 ।
𑌨𑌾𑌨𑌾𑌦𑍍𑌵𑌿𑌜𑌗𑌣𑌾𑌕𑍀𑌰𑍍𑌣𑌾𑌸𑌂𑌪𑍍𑌰𑌪𑍁𑌷𑍍𑌪𑌿𑌤𑌕𑌾𑌨𑌨𑌾 ॥ 53 ॥
𑌶𑍃𑌂𑌗𑌿𑌬𑍇𑌰𑌪𑍁𑌰𑌂𑌚𑍈𑌤𑌦𑍍𑌗𑍁𑌹𑍋𑌯𑌤𑍍𑌰𑌸𑌖𑌾𑌮𑌮 ।
𑌏𑌷𑌾𑌸𑌾𑌦𑍃𑌶𑍍𑌯𑌤𑍇𑌸𑍀𑌤𑍇𑌸𑌰𑌯𑍂𑌰𑍍𑌯𑍂𑌪𑌮𑌾𑌲𑌿𑌨𑍀 ॥ 54 ॥
𑌨𑌾𑌨𑌾𑌤𑌰𑍁𑌶𑌤𑌾𑌕𑍀𑌰𑍍𑌣𑌾𑌸𑌂𑌪𑍍𑌰𑌪𑍁𑌷𑍍𑌪𑌿𑌤𑌕𑌾𑌨𑌨𑌾 ।
𑌏𑌷𑌾𑌸𑌾𑌦𑍃𑌶𑍍𑌯𑌤𑍇𑌸𑍀𑌤𑍇𑌰𑌾𑌜𑌧𑌾𑌨𑍀𑌪𑌿𑌤𑍁𑌰𑍍𑌮𑌮 ॥ 55 ॥
𑌅𑌯𑍋𑌧𑍍𑌯𑌾𑌂𑌕𑍁𑌰𑍁𑌵𑍈𑌦𑍇𑌹𑌿𑌪𑍍𑌰𑌣𑌾𑌮𑌂𑌪𑍁𑌨𑌰𑌾𑌗𑌤𑌾 ।
𑌤𑌤𑌸𑍍𑌤𑍇𑌵𑌾𑌨𑌰𑌾𑌸𑍍𑌸𑌰𑍍𑌵𑍇𑌰𑌾𑌕𑍍𑌷𑌸𑌾𑌸𑍍𑌸𑌵𑌿𑌭𑍀𑌷𑌣𑌾𑌃 ॥ 56 ॥
𑌉𑌤𑍍𑌪𑌤𑍍𑌯𑍋𑌤𑍍𑌪𑌤𑍍𑌯𑌸𑌮𑍍𑌹𑍃𑌷𑍍𑌟𑌾𑌸𑍍𑌤𑌾𑌂𑌪𑍁𑌰𑍀𑌂𑌦𑌦𑍃𑌶𑍁𑌸𑍍𑌤𑌦𑌾 ।
𑌤𑌤𑌸𑍍𑌤𑍁𑌤𑌾𑌂𑌪𑌾𑌂𑌡𑍁𑌰𑌹𑌰𑍍𑌮𑍍𑌯𑌮𑌾𑌲𑌿𑌨𑍀𑌂𑌵𑌿𑌶𑌾𑌲𑌕𑌕𑍍𑌷𑍍𑌯𑌾𑌂𑌗𑌜𑌵𑌾𑌜𑌿𑌭𑌿𑌰𑍍𑌵𑍃𑌤𑌾𑌮𑍍 ।
𑌪𑍁𑌰𑍀𑌮𑌪𑌶𑍍𑌯𑌨𑍍𑌪𑍍𑌲𑌵𑌗𑌾𑌸𑍍𑌸𑌰𑌾𑌕𑍍𑌷𑌸𑌾𑌃𑌪𑍁𑌰𑍀𑌂𑌮𑌹𑍇𑌂𑌦𑍍𑌰𑌸𑍍𑌯𑌯𑌥𑌾𑌮𑌰𑌾𑌵𑌤𑍀𑌮𑍍 ॥ 5 ॥
𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌷𑌡𑍍𑌵𑌿𑌂𑌶𑌤𑍍𑌯𑌧𑌿𑌕𑌶𑌤𑌤𑌮𑌸𑍍𑌸𑌰𑍍𑌗𑌃 ॥
