ශ්රීමද්වාල්මීකීය රාමායණේ යුද්ධකාංඩම් ।
අථ ෂඩ්විංශත්යධිකශතතමස්සර්ගඃ ।
අනුජ්ඤාතංතුරාමේණතද්විමානමනුත්තමම් ।
හංසයුක්තංමහානාදමුත්පපාතවිහායසම් ॥ 1 ॥
පාතයිත්වාතතශ්චක්ෂුස්සර්වතෝරඝුනංදනඃ ।
අබ්රවීන්මෛථිලීංසීතාංරාමශ්ශශිනිභානනාම් ॥ 2 ॥
කෛලාසශිඛරාකාරේත්රිකූටශිඛරේස්ථිතාම් ।
ලංකාමීක්ෂස්වවෛදේහීනිර්මිතාංවිශ්වකර්මණා ॥ 3 ॥
ඒතදායෝධනංපශ්යමාංසශෝණිතකර්දමම් ।
හරීණාංරාක්ෂසානාං ච සීතේ විශසනංමහත් ॥ 4 ॥
අත්රදත්තවරශ්ශේතේප්රමාථීරාක්ෂසේශ්වරඃ ।
තවහේතෝර්විශාලාක්ෂීනිහතෝරාවණෝමයා ॥ 5 ॥
කුංභකර්ණෝऽऽත්රනිහතඃප්රහස්තශ්චනිශාචරඃ ।
ධූම්රාක්ෂශ්චාත්රනිහතෝවානරේණහනූමතා ॥ 6 ॥
විද්යුන්මාලීහතශ්චාත්රසුෂේණේනමහාත්මනා ।
ලක්ෂ්මණේනේංද්රාජිච්චාත්රරාවණිර්නිහිතෝරණේ ॥ 7 ॥
අංගදේනාත්රනිහතෝවිකටෝනාමරාක්ෂසඃ ।
විරූපාක්ෂශ්චදුර්ධර්ෂෝමහාපාර්ශ්වමහෝදරෞ ॥ 8 ॥
අකංපනශ්චනිහතෝබලිනෝऽऽන්යේ ච රාක්ෂසාඃ ।
ත්රිශිරාශ්චාතිකායශ්චදේවාංතකනරාංතකෞ ॥ 9 ॥
යුද්ධෝන්මත්තශ්චමත්තශ්චරාක්ෂසප්රවරාවුභෞ ।
නිකුංභශ්චෛවකුංභශ්චකුංභකර්ණාත්මජෞබලී ॥ 10 ॥
වජ්රදංෂ්ට්රශ්චදංෂ්ට්රශ්චබහවෝරාක්ෂසාහතාඃ ।
මකරාක්ෂශ්චදුර්ධර්ෂෝමයායුධිනිපාතිතඃ ॥ 11 ॥
අකංපනශ්චනිහතඃශෝණිතාක්ෂශ්චවීර්යවාන් ।
යූපාක්ෂශ්චප්රජංඝශ්චනිහතෞතුමහාහවේ ॥ 12 ॥
විද්යුජ්ජිහ්වෝऽऽත්රනිහතෝරාක්ෂසෝභීමදර්ශනඃ ।
යජ්ඤශත්රුශ්චනිහතඃසුප්තඝ්නශ්චමහාබලඃ ॥ 13 ॥
සූර්යශත්රුශ්චනිහතෝබ්රහ්මශත්රුස්තථාපරඃ ।
අත්රමංදෝදරීනාමභාර්යාතංපර්යදේවයත් ॥ 14 ॥
සපත්නීනාංසහස්රේණසාග්රේණපරිවාරිතා ।
තත්තුදෘශ්යතේතීර්ථංසමුද්රස්යවරානනේ ॥ 15 ॥
යත්රසාගරමුත්තීර්යතාංරාත්රිමුෂිතාවයම් ।
ඒෂසේතුර්මයාබද්ධස්සාගරේසලිලාර්ණවේ ॥ 16 ॥
තවහේතෝර්විශාලාක්ෂිනලසේතුඃසුදුෂ්කරඃ ।
පශ්යසාගරමක්ෂෝභ්යංවෛදේහිවරුණාලයම් ॥ 17 ॥
අපාරමභිගර්ජංතංශංඛශුක්තිසමාකුලම් ।
හිරණ්යනාභංශෛලේංද්රංකාංචනංපශ්යමෛථිලි ॥ 18 ॥
විශ්රමාර්ථංහනුමතෝභිත්ත්වාසාගරමුත්ථිතම් ।
ඒතතත්කුක්ෂෞසමුද්රස්යස්කංධාවාරනිවේශනම් ॥ 19 ॥
අත්රපූර්වංමහාදේවඃප්රසාදමකරෝත්ප්රභුඃ ।
ඒතත්තුදෘශ්යතේතීර්ථංසාගරස්යමහාත්මනඃ ॥ 20 ॥
දූෂණං චාග්රතෝ හත්වා ත්රිශිරාස්තදනංතම් ।
තතස්තේනාර්දිතා බාලා රාවණං සමුපාගතා ॥ 21 ॥
අත්රරාක්ෂසරාජෝऽऽයමාජගාමවිභීෂණඃ ।
ඒෂාසාදෘශ්යතේසීතේකිෂ්කිංධාචිත්රකානනා ॥ 22 ॥
සුග්රීවස්යපුරීරම්යායත්රවාලීමයාහතඃ ।
අථදෘෂ්ටවාපුරීංසීතාකිෂ්කිංධාංවාලිපාලිතාම් ॥ 23 ॥
අබ්රවීත්පශ්රිතංවාක්යංරාමංප්රණතසාධ්වසා ।
සුග්රීවප්රියභාර්යාභිස්තාරාප්රමුඛතෝනෘප ॥ 24 ॥
අන්යේෂාංවානරේංද්රාණාංස්ත්රීභිඃපරිවෘතාහ්යහම් ।
ගංතුමිච්ඡේසහායෝධ්යාංරාජධානීංත්වයාසහ ॥ 25 ॥
ඒවමුක්තෝऽऽථවෛදේහ්යාරාඝවඃප්රත්යුවාචතාම් ।
ඒවමස්ත්විතිකිෂ්කිංධාංප්රාප්යසංස්ථාප්යරාඝවඃ ॥ 26 ॥
විමානංප්රේක්ෂ්යසුග්රීවංවාක්යමේතදුවාච හ ।
බ්රූහිවානරශූර්දූල සර්වාන්වානරපුංගවාන් ॥ 27 ॥
සීතාං ගෘහීත්වා ගච්ඡංතං වානරාඃ පර්වතෝපමාඃ ।
දදෘශුර්විස්මිතාස්තත්ර රාවණං රාක්ෂසාධිපම් ॥ 28 ॥
අභිත්වරස්වසුග්රීව ගච්ඡාමඃප්ලවගාධිප ।
ඒවමුක්තස්තුසුග්රීවෝරාමේණාමිතතේජසා ॥ 29 ॥
වානරාධිපතිශ්රීමාංස්ස්සෛශ්චසර්වෛස්සමාවෘතඃ ।
ප්රවිශ්යාංතඃපුරංශීඝ්රංතාරාමුවදීක්ෂ්යසෝऽऽබ්රවීත් ॥ 30 ॥
ප්රියේ ත්වංසහනාරාභිර්වානරාණාංමහාත්මනාම් ।
රාඝවේණාභ්යනුජ්ඤාතාමෛථිලීප්රියකාම්යයා ॥ 31 ॥
ත්වරත්වමභිගච්ඡාමෝගෘහ්යවානරයෝෂිතඃ ।
අයෝධ්යාංදර්ශයිෂ්යාමඃසර්වාදශරථස්ත්රියඃ ॥ 32 ॥
සුග්රීවස්ය ව චඃශ්රුත්වාතාරාසර්වාංගශෝභනා ।
ආහූයචාබ්රවීත්සර්වාවානරාණාංතුයෝෂිතඃ ॥ 33 ॥
සුග්රීවේණාභ්යනුජ්ඤාතාගංතුංසර්වෛශ්චවානරෛඃ ।
මමචාපිප්රියංකාර්යමයෝධ්යාදර්වනේන ච ॥ 34 ॥
ප්රවේශංචෛවරාමස්යපෞරජානපදෛස්සහ ।
විභූතිංචෛවසර්වාසාංස්ත්රීණාංදශරථස්ය ච ॥ 35 ॥
තාරයාචාභ්යනුජ්ඤාතාස්සර්වාවානරයෝෂිතඃ ।
නේපථ්යවිධිපූර්වංතුකෘත්වාචාපිප්රදක්ෂිණම් ॥ 36 ॥
අධ්යාරෝහන්විමානංතත්සීතාදර්ශනකාංක්ෂයා ।
තාභිඃසහෝත්ථිතංශීඝ්රංවිමානංප්රේක්ෂ්යරාඝවඃ ॥ 37 ॥
ඍෂ්යමූකසමීපේතුවෛදේහීංපුනරබ්රවීත් ।
දෘශ්යතේऽऽසෞමහාන්සීතේ සවිද්යුදිවතෝයදඃ ॥ 38 ॥
ඍෂ්යමූකෝගිරිවරඃකාංචනෛර්ධාතුභිර්වෘතඃ ।
ත්රාහංවානරේංද්රේණසුග්රීවේණසමාගතඃ ॥ 39 ॥
සමයශ්චකෘතඃසීතේවධාර්ථංවාලිනෝමයා ।
ඒෂාසාදෘශ්යතේපංපානලිනීචිත්රකානනා ॥ 40 ॥
ත්වයාවිහීනෝයත්රාහංවිලලාපසුදුඃඛිතඃ ।
අස්යාස්තීරේමයාදෘෂ්ටාශබරීධර්මචාරිණී ॥ 41 ॥
අත්රයෝජනබාහුශ්චකබංධෝනිහතෝමයා ।
දෘශ්යතේऽऽසෞජනස්ථානේශ්රීමාන්සීතේ වනස්පතිඃ ॥ 42 ॥
ජටායුශ්චමහාතේජාස්තවහේතෝර්විලාසිනි ।
රාවණේනහතෝයත්රපක්ෂිණාංප්රවරෝබලී ॥ 43 ॥
ඛරශ්චනිහතෝයත්රදූෂණශ්චනිපාතිතඃ ।
ත්රිශිරාශ්චමහාවීර්යෝමයාබාණෛරජිහ්මගෛඃ ॥ 44 ॥
ඒතත්තදාශ්රමමදමස්මාකංවරවර්ණිනි ।
පර්ණශාලාතථාචිත්රාදෘශ්යතේශුභදර්ශනේ ॥ 45 ॥
යත්රත්වංරාක්ෂසේංද්රේණරාවණේනහෘතාබලාත් ।
ඒෂාගෝදාවරීරම්යාප්රසන්නසලිලාශුභා ॥ 46 ॥
අගස්ත්යස්යාශ්රමශ්චෛව දෘශ්යතේ කදලීවෘතඃ ।
දීප්තශෛවාශ්රමෝහ්යේෂසුතීක්ෂණස්යමහාත්මනඃ ॥ 47 ॥
වෛදේහිදෘශ්යතේචෛවශරභංගාශ්රමෝමහාන් ।
උපයාතඃසහස්රාක්ෂෝයත්රශක්රඃපුරංදරඃ ॥ 48 ॥
ඒතේහිතාපසාවාසාදෘශ්යංතේතනුමධ්යමේ ।
අත්රිඃකුලපතිර්යත්රසූර්යවෛශ්වානරෝපමඃ ॥ 49 ॥
අස්මින් දේශේමහාකායෝවිරාධෝනිහතෝමයා ।
අත්රසීතේ ත්වයාදෘෂ්ටවාතාපසීධර්මචාරිණී ॥ 50 ॥
අසෞසුතනුශෛලේංද්රත්රකූටඃප්රකාශතේ ।
අත්රමාංකෛකයීපුත්රප්රසාදයිතුමාගතඃ ॥ 51 ॥
ඒෂාසායමුනාරම්යාදෘශ්යතේචිත්රකානනා ।
භරද්වාජාශ්රමඃශ්රීමාංදෘශ්යතේචෛෂමෛථිලි ॥ 52 ॥
ඉයං ච දෘශ්යතේගංගාපුණ්යාත්රිපථගානදී ।
නානාද්විජගණාකීර්ණාසංප්රපුෂ්පිතකානනා ॥ 53 ॥
ශෘංගිබේරපුරංචෛතද්ගුහෝයත්රසඛාමම ।
ඒෂාසාදෘශ්යතේසීතේසරයූර්යූපමාලිනී ॥ 54 ॥
නානාතරුශතාකීර්ණාසංප්රපුෂ්පිතකානනා ।
ඒෂාසාදෘශ්යතේසීතේරාජධානීපිතුර්මම ॥ 55 ॥
අයෝධ්යාංකුරුවෛදේහිප්රණාමංපුනරාගතා ।
තතස්තේවානරාස්සර්වේරාක්ෂසාස්සවිභීෂණාඃ ॥ 56 ॥
උත්පත්යෝත්පත්යසම්හෘෂ්ටාස්තාංපුරීංදදෘශුස්තදා ।
තතස්තුතාංපාංඩුරහර්ම්යමාලිනීංවිශාලකක්ෂ්යාංගජවාජිභිර්වෘතාම් ।
පුරීමපශ්යන්ප්ලවගාස්සරාක්ෂසාඃපුරීංමහේංද්රස්යයථාමරාවතීම් ॥ 57 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ෂඩ්විංශත්යධිකශතතමස්සර්ගඃ ॥
