Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Odia | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |

6.43 𑌯𑍁𑌦𑍍𑌧𑌕𑌾𑌂𑌡 - 𑌤𑍍𑌰𑌿𑌚𑌤𑍍𑌵𑌾𑌰𑌿𑌂𑌶 𑌸𑌰𑍍𑌗𑌃

𑌶𑍍𑌰𑍀𑌮𑌦𑍍𑌵𑌾𑌲𑍍𑌮𑍀𑌕𑍀𑌯 𑌰𑌾𑌮𑌾𑌯𑌣𑍇 𑌯𑍁𑌦𑍍𑌧𑌕𑌾𑌂𑌡𑌮𑍍 ।
𑌅𑌥 𑌤𑍍𑌰𑌿𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ।

𑌯𑍁𑌧𑍍𑌯𑌤𑌾𑌂𑌤𑍁𑌤𑌤𑌸𑍍𑌤𑍇𑌷𑌾𑌂𑌵𑌾𑌨𑌰𑌾𑌣𑌾𑌂𑌮𑌹𑌾𑌤𑍍𑌮𑌨𑌾𑌮𑍍 ।
𑌰𑌕𑍍𑌷𑌸𑌾𑌂𑌸𑌂𑌬𑌭𑍂𑌵𑌾𑌥𑌬𑌲𑌕𑍋𑌪𑌸𑍍𑌸𑍁𑌦𑌾𑌰𑍁𑌣𑌃 ॥ 1 ॥

𑌤𑍇𑌹𑌯𑍈𑌃𑌕𑌾𑌂𑌚𑌨𑌾𑌪𑍀𑌡𑍈𑌰𑍍𑌧𑍍𑌵𑌶𑍍𑌚𑌾𑌗𑍍𑌨𑌿𑌶𑌿𑌖𑍋𑌪𑌮𑍈𑌃 ।
𑌰𑌥𑍈𑌶𑍍𑌚𑌾𑌦𑌿𑌤𑍍𑌯𑌸𑌂𑌕𑌾𑌶𑍈𑌃𑌕𑌵𑌚𑍈𑌶𑍍𑌚𑌮𑌨𑍋𑌰𑌮𑍈𑌃 ॥ 2 ॥

𑌨𑌿𑌰𑍍𑌯𑌯𑍂𑌰𑌾𑌕𑍍𑌷𑌸𑌵𑍍𑌯𑌾𑌘𑍍𑌰𑌾𑌨𑌾𑌦𑌯𑌂𑌤𑍋𑌦𑌿𑌶𑍋𑌦𑌶 ।
𑌰𑌾𑌕𑍍𑌷𑌸𑌾𑌭𑍀𑌮𑌕𑌰𑍍𑌮𑌾𑌣𑍋𑌰𑌾𑌵𑌣𑌸𑍍𑌯𑌜𑌯𑍈𑌷𑌿𑌣𑌃 ॥ 3 ॥

𑌵𑌾𑌨𑌰𑌾𑌣𑌾𑌮𑌪𑌿𑌚𑌮𑍂𑌰𑍍𑌬𑍃𑌹𑌤𑍀𑌜𑌯𑌮𑌿𑌚𑍍𑌛𑌤𑌾𑌮𑍍 ।
𑌅𑌭𑍍𑌯𑌧𑌾𑌵𑌤𑌤𑌾𑌂𑌸𑍇𑌨𑌾𑌂𑌰𑌕𑍍𑌷𑌸𑌾𑌂𑌕𑌾𑌮𑌰𑍂𑌪𑌿𑌣𑌮𑍍 ॥ 4 ॥

𑌏𑌤𑌸𑍍𑌮𑌿𑌨𑍍𑌨𑌂𑌤𑌰𑍇𑌤𑍇𑌷𑌾𑌮𑌨𑍍𑌯𑍋𑌨𑍍𑌯𑌮𑌭𑌿𑌧𑌾𑌵𑌤𑌾𑌮𑍍 ।
𑌰𑌕𑍍𑌷𑌸𑌾𑌂𑌵𑌾𑌨𑌰𑌾𑌣𑌾𑌂𑌚𑌦𑍍𑌵𑌂𑌦𑍍𑌵𑌯𑍁𑌦𑍍𑌧𑌮𑌵𑌰𑍍𑌤𑌤 ॥ 5 ॥

𑌅𑌂𑌗𑌦𑍇𑌂𑌦𑍍𑌰𑌜𑌿𑌤𑍍𑌸𑌾𑌰𑍍𑌧𑌂𑌵𑌾𑌲𑌿𑌪𑍁𑌤𑍍𑌰𑍇𑌣𑌰𑌾𑌕𑍍𑌷𑌸𑌃 ।
𑌆𑌯𑍁𑌧𑍍𑌯𑌤𑌮𑌹𑌾𑌤𑍇𑌜𑌾𑌸𑍍𑌤𑍍𑌱𑍍𑌯𑌂𑌬𑌕𑍇𑌣𑌯𑌥𑌾𑌽𑌂𑌤𑌕𑌃 ॥ 6 ॥

𑌪𑍍𑌰𑌜𑌂𑌘𑍇𑌨𑌚𑌸𑌂𑌪𑌾𑌤𑌿𑌰𑍍𑌨𑌿𑌤𑍍𑌯𑌂𑌦𑍁𑌰𑍍𑌮𑌰𑍍𑌷𑌣𑍋𑌰𑌣𑍇 ।
𑌜𑌂𑌬𑍁𑌮𑌾𑌲𑌿𑌨𑌮𑌾𑌰𑌬𑍍𑌧𑍋𑌹𑌨𑍁𑌮𑌾𑌨𑌪𑌿𑌵𑌾𑌨𑌰𑌃 ॥ 𑍭 ॥

𑌸𑌂𑌗𑌤𑌸𑍍𑌤𑍁𑌮𑌹𑌾𑌕𑍍𑌰𑍋𑌧𑍋𑌰𑌾𑌕𑍍𑌷𑌸𑍋𑌰𑌾𑌵𑌣𑌾𑌨𑍁𑌜𑌃 ।
𑌸𑌮𑌰𑍇𑌤𑍀𑌕𑍍𑌷𑍍𑌣𑌵𑍇𑌗𑍇𑌨𑌮𑌿𑌤𑍍𑌰𑌘𑍍𑌨𑍇𑌨𑌵𑌿𑌭𑍀𑌷𑌣𑌃 ॥ 𑍮 ॥

𑌤𑌪𑌨𑍇𑌨𑌗𑌜𑌸𑍍𑌸𑌾𑌰𑍍𑌧𑌂𑌰𑌾𑌕𑍍𑌷𑌸𑍇𑌨𑌮𑌹𑌾𑌬𑌲𑌃 ।
𑌨𑌿𑌕𑍁𑌂𑌭𑍇𑌨𑌮𑌹𑌾𑌤𑍇𑌜𑌾𑌨𑍀𑌲𑍋𑌽𑌪𑌿𑌸𑌮𑌯𑍁𑌧𑍍𑌯𑌤 ॥ 𑍯 ॥

𑌵𑌾𑌨𑌰𑍇𑌂𑌦𑍍𑌰𑌸𑍍𑌤𑍁𑌸𑍁𑌗𑍍𑌰𑍀𑌵𑌃𑌪𑍍𑌰𑌘𑌸𑍇𑌨𑌸𑌮𑌾𑌗𑌤𑌃 ।
𑌸𑌂𑌗𑌤𑌃𑌸𑌮𑌰𑍇𑌶𑍍𑌰𑍀𑌮𑌾𑌨𑍍𑌵𑌿𑌰𑍂𑌪𑌾𑌕𑍍𑌷𑍇𑌣𑌲𑌕𑍍𑌷𑍍𑌮𑌣𑌃 ॥ 10 ॥

𑌅𑌗𑍍𑌨𑌿𑌕𑍇𑌤𑍁𑌶𑍍𑌚𑌸𑍁𑌦𑍁𑌰𑍍𑌧𑌰𑍍𑌷𑍋𑌰𑌶𑍍𑌮𑌿𑌕𑍇𑌤𑍁𑌶𑍍𑌚𑌰𑌾𑌕𑍍𑌷𑌸𑌃 ।
𑌸𑍁𑌪𑍍𑌤𑌘𑍍𑌨𑍋𑌯𑌜𑍍𑌞𑌕𑍋𑌪𑌶𑍍𑌚𑌰𑌾𑌮𑍇𑌣𑌸𑌹𑌸𑌂𑌗𑌤𑌾𑌃 ॥ 11 ॥

𑌵𑌜𑍍𑌰𑌮𑍁𑌷𑍍𑌟𑌿𑌸𑍍𑌤𑍁𑌮𑍈𑌂𑌦𑍇𑌨𑌦𑍍𑌵𑌿𑌵𑌿𑌦𑍇𑌨𑌾𑌶𑌨𑌿𑌪𑍍𑌰𑌭𑌃 ।
𑌰𑌾𑌕𑍍𑌷𑌸𑌾𑌭𑍍𑌯𑌾𑌂𑌸𑍁𑌘𑍋𑌰𑌾𑌭𑍍𑌯𑌾𑌂𑌕𑌪𑌿𑌮𑍁𑌖𑍍𑌯𑍌𑌸𑌮𑌾𑌗𑌤𑍌 ॥ 12 ॥

𑌵𑍀𑌰𑌹𑍍 𑌪𑍍𑌰𑌤𑌪𑌨𑍋 𑌘𑍋𑌰𑍋 𑌰𑌾𑌕𑍍𑌷𑌸𑍋 𑌰𑌣 𑌦𑍁𑌰𑍍𑌧𑌰𑌃 ।
𑌸𑌮𑌰𑍇 𑌤𑍀𑌕𑍍𑌷𑍍𑌣 𑌵𑍇𑌗𑍇𑌨 𑌨𑌲𑍇𑌨 𑌸𑌮𑌯𑍁𑌧𑍍𑌯𑌤 ॥ 13 ॥

𑌧𑌰𑍍𑌮𑌸𑍍𑌯 𑌪𑍁𑌤𑍍𑌰𑍋 𑌬𑌲𑌵𑌾𑌨𑍍 𑌸𑍁𑌷𑍇𑌣;𑌇𑌤𑌿 𑌵𑌿𑌶𑌰𑍁𑌤𑌃 ।
𑌸 𑌵𑌿𑌦𑍍𑌯𑍁𑌨𑍍 𑌮𑌾𑌲𑌿𑌨𑌾 𑌸𑌾𑌰𑍍𑌧𑌂 𑌅𑌯𑍁𑌧𑍍𑌯𑌤 𑌮𑌹𑌾 𑌕𑌪𑌿𑌃 ॥ 14 ॥

𑌵𑌾𑌨𑌰𑌾𑌶𑍍𑌚𑌾𑌪𑌰𑍇𑌭𑍀𑌮𑌾𑌰𑌾𑌕𑍍𑌷𑌸𑍈𑌰𑌪𑌰𑍈𑌸𑍍𑌸𑌹 ।
𑌦𑍍𑌵𑌂𑌦𑍍𑌵𑌂𑌸𑌮𑍀𑌯𑍁𑌸𑍍𑌸𑌹𑌸𑌾𑌯𑍁𑌦𑍍𑌧𑌾𑌯𑌬𑌹𑍁𑌭𑌿𑌸𑍍𑌸𑌹 ॥ 15 ॥

𑌤𑌤𑍍𑌰𑌾𑌸𑍀𑌤𑍍𑌸𑍁𑌮𑌹𑌦𑍍𑌯𑍁𑌦𑍍𑌧𑌂𑌤𑍁𑌮𑍁𑌲𑌂𑌰𑍋𑌮𑌹𑌰𑍍𑌷𑌣𑌮𑍍 ।
𑌰𑌕𑍍𑌷𑌸𑌾𑌂𑌵𑌾𑌨𑌰𑌾𑌣𑌾𑌂𑌚𑌵𑍀𑌰𑌾𑌣𑌾𑌂𑌜𑌯𑌮𑌿𑌚𑍍𑌛𑌤𑌾𑌮𑍍 ॥ 16 ॥

𑌹𑌰𑌿𑌰𑌾𑌕𑍍𑌷𑌸𑌦𑍇𑌹𑍇𑌭𑍍𑌯𑌃𑌪𑍍𑌰𑌭𑍂𑌤𑌾𑌃𑌕𑍇𑌶𑌶𑌾𑌦𑍍𑌵𑌲𑌾𑌃 ।
𑌶𑌰𑍀𑌰𑌸𑌂𑌘𑌾𑌟𑌾𑌵𑌹𑌾𑌃𑌪𑍍𑌰𑌸𑍁𑌸𑍍𑌰𑍁𑌶𑍍𑌶𑍋𑌣𑌿𑌤𑌾𑌪𑌗𑌾𑌃 ॥ 1𑍭 ॥

𑌅𑌜𑌘𑌾𑌨𑍇𑌂𑌦𑍍𑌰𑌜𑌿𑌤𑍍𑌕𑍍𑌰𑍁𑌦𑍍𑌧𑍋𑌵𑌜𑍍𑌰𑍇𑌣𑍇𑌵𑌶𑌤𑌕𑍍𑌰𑌤𑍁𑌃 ।
𑌅𑌂𑌗𑌦𑌂𑌗𑌦𑌯𑌾𑌵𑍀𑌰𑌂𑌶𑌤𑍍𑌰𑍁𑌸𑍈𑌨𑍍𑌯𑌵𑌿𑌦𑌾𑌰𑌣𑌮𑍍 ॥ 1𑍮 ॥

𑌤𑌸𑍍𑌯𑌕𑌾𑌂𑌚𑌨𑌚𑌿𑌤𑍍𑌰𑌾𑌂𑌗𑌂𑌰𑌥𑌂𑌸𑌾𑌶𑍍𑌵𑌂𑌸𑌸𑌾𑌰𑌥𑌿𑌮𑍍 ।
𑌜𑌘𑌾𑌨𑌸𑌮𑌰𑍇𑌶𑍍𑌰𑍀𑌮𑌾𑌨𑌂𑌗𑌦𑍋𑌵𑍇𑌗𑌵𑌾𑌨𑍍𑌕𑌪𑌿𑌃 ॥ 1𑍯 ॥

𑌸𑌂𑌪𑌾𑌤𑌿𑌸𑍍𑌤𑍁𑌤𑍍𑌰𑌿𑌭𑌿𑌰𑍍𑌭𑌾𑌣𑍈𑌃𑌪𑍍𑌰𑌜𑌂𑌘𑍇𑌨𑌸𑌮𑌾𑌹𑌤𑌃 ।
𑌨𑌿𑌜𑌘𑌾𑌨𑌶𑍍𑌵𑌕𑌰𑍍𑌣𑍇𑌨𑌪𑍍𑌰𑌜𑌂𑌘𑌂𑌰𑌣𑌮𑍂𑌰𑍍𑌧𑌨𑌿 ॥ 20 ॥

𑌜𑌂𑌬𑍁𑌮𑌾𑌲𑍀𑌰𑌥𑌸𑍍𑌥𑌸𑍍𑌤𑍁𑌰𑌥𑌶𑌕𑍍𑌤𑍍𑌯𑌾𑌮𑌹𑌾𑌬𑌲𑌃 ।
𑌬𑌿𑌬𑍇𑌦𑌸𑌮𑌰𑍇𑌕𑍍𑌰𑍁𑌦𑍍𑌧𑍋𑌹𑌨𑍂𑌮𑌂𑌤𑌂𑌸𑍍𑌤𑌨𑌾𑌂𑌤𑌰𑍇 ॥ 21 ॥

𑌤𑌸𑍍𑌯𑌤𑌂𑌰𑌥𑌮𑌾𑌸𑍍𑌥𑌾𑌯𑌹𑌨𑍂𑌮𑌾𑌨𑍍 𑌮𑌾𑌰𑍁𑌤𑌾𑌤𑍍𑌮𑌜𑌃 ।
𑌪𑍍𑌰𑌮𑌮𑌾𑌥𑌤𑌲𑍇𑌨𑌾𑌶𑍁𑌸𑌹𑌤𑍇𑌨𑍈𑌵𑌰𑌕𑍍𑌷𑌸𑌾 ॥ 22 ॥

𑌨𑌦𑌨𑍍 𑌪𑍍𑌰𑌤𑌪𑌨𑍋𑌘𑍋𑌰𑍋𑌨𑌲𑌂𑌸𑍋𑌪𑍍𑌯𑌨𑍍𑌵𑌧𑌾𑌵𑌤 ।
𑌨𑌲𑌃𑌪𑍍𑌰𑌤𑌪𑌨𑌸𑍍𑌯𑌾𑌶𑍁𑌪𑌾𑌤𑌯𑌾𑌮𑌾𑌸𑌚𑌕𑍍𑌷𑍁𑌷𑍀 ॥ 23 ॥

𑌭𑌿𑌨𑍍𑌨𑌗𑌾𑌤𑍍𑌰𑌶𑍍𑌶𑌰𑍈𑌸𑍍𑌤𑍀𑌕𑍍𑌷𑍍𑌣𑍈𑌃𑌕𑍍𑌷𑌿𑌪𑍍𑌰𑌹𑌸𑍍𑌤𑍇𑌨𑌰𑌕𑍍𑌷𑌸𑌾 ।
𑌗𑍍𑌰𑌸𑌂𑌤𑌮𑌿𑌵𑌸𑍈𑌨𑍍𑌯𑌾𑌨𑌿𑌪𑍍𑌰𑌘𑌸𑌂𑌵𑌾𑌨𑌰𑌾𑌧𑌿𑌪𑌃 ॥ 24 ॥

𑌸𑍁𑌗𑍍𑌰𑍀𑌵𑌸𑍍𑌸𑌪𑍍𑌤𑌪𑌰𑍍𑌣𑍇𑌨𑌨𑌿𑌰𑍍𑌭𑌿𑌭𑍇𑌦𑌜𑌘𑌾𑌨𑌚 ।
𑌅𑌗𑍍𑌨𑌿𑌕𑍇𑌤𑍁𑌶𑍍𑌚𑌦𑍁𑌰𑍍𑌧𑌰𑍍𑌷𑍋𑌰𑌶𑍍𑌮𑌿𑌕𑍇𑌤𑍁𑌶𑍍𑌚𑌰𑌾𑌕𑍍𑌷𑌸𑌃 ॥ 25 ॥

𑌸𑍁𑌪𑍍𑌤𑌘𑍍𑌨𑍋𑌯𑌜𑍍𑌞𑌕𑍋𑌪𑌶𑍍𑌚𑌰𑌾𑌮𑌂𑌨𑌿𑌰𑍍𑌭𑌿𑌭𑌿𑌦𑍁𑌶𑍍𑌶𑌰𑍈𑌃 ।
𑌤𑍇𑌷𑌾𑌂𑌚𑌤𑍁𑌰𑍍𑌣𑌾𑌂𑌰𑌾𑌮𑌸𑍍𑌤𑍁𑌶𑌿𑌰𑌾𑌂𑌸𑌿𑌨𑌿𑌶𑌿𑌤𑍈𑌶𑍍𑌶𑌰𑍈𑌃 ।
𑌕𑍍𑌰𑍁𑌦𑍍𑌧𑌶𑍍𑌚𑌤𑍁𑌰𑍍𑌭𑌿𑌶𑍍𑌚𑌿𑌚𑍍𑌛𑍇𑌦𑌘𑍋𑌰𑍈𑌰𑌗𑍍𑌨𑌿𑌶𑌿𑌖𑍋𑌪𑌮𑍈𑌃 ॥ 26 ॥

𑌵𑌜𑍍𑌰 𑌮𑍁𑌷𑍍𑌟𑌿𑌸𑍍 𑌤𑍁 𑌮𑍈𑌂𑌦𑍇𑌨 𑌮𑍁𑌷𑍍𑌟𑌿𑌨𑌾 𑌨𑌿𑌹𑌤𑍋 𑌰𑌣𑍇 ।
𑌪𑌪𑌾𑌤 𑌸𑌰𑌥𑌹𑍍 𑌸𑌾𑌶𑌵𑌹𑍍 𑌪𑍁𑌰𑌾𑌟𑍍𑌟 𑌇𑌵 𑌭𑍂 𑌤𑌲𑍇 ॥ 2𑍭 ॥

𑌨𑌿𑌕𑍁𑌂𑌬𑌸𑍍𑌤𑍁𑌰𑌣𑍇𑌨𑍀𑌲𑌂𑌨𑍀𑌲𑌾𑌂𑌜𑌨𑌚𑌯𑌪𑍍𑌰𑌭𑌮𑍍 ।
𑌨𑌿𑌰𑍍𑌬𑌿𑌭𑍇𑌦𑌶𑌰𑍈𑌸𑍍𑌤𑍀𑌕𑍍𑌷𑍍𑌣𑍈𑌃𑌕𑌰𑍈𑌰𑍍𑌮𑍇𑌘𑌮𑌿𑌵𑌾𑌂𑌶𑍁𑌮𑌾𑌨𑍍 ॥ 2𑍮 ॥

𑌪𑍁𑌨𑌶𑍍𑌶𑌰𑌶𑌤𑍇𑌨𑌾𑌥𑌕𑍍𑌷𑌿𑌪𑍍𑌰𑌹𑌸𑍍𑌤𑍋𑌨𑌿𑌶𑌾𑌚𑌰𑌃 ।
𑌬𑌿𑌭𑍇𑌦𑌸𑌮𑌰𑍇𑌨𑍀𑌲𑌂𑌨𑌿𑌕𑍁𑌂𑌭𑌃𑌪𑍍𑌰𑌜𑌹𑌾𑌸𑌚 ॥ 2𑍯 ॥

𑌤𑌸𑍍𑌯𑍈𑌵𑌰𑌥𑌚𑌕𑍍𑌰𑍇𑌣𑌨𑍀𑌲𑍋𑌵𑌿𑌷𑍍𑌣𑍁𑌰𑌿𑌵𑌾𑌹𑌵𑍇 ।
𑌶𑌿𑌰𑌶𑍍𑌚𑌿𑌚𑍍𑌛𑍇𑌦𑌸𑌮𑌰𑍇𑌨𑌿𑌕𑍁𑌂𑌭𑌸𑍍𑌯𑌚𑌸𑌾𑌰𑌥𑍇𑌃 ॥ 30 ॥

𑌵𑌜𑍍𑌰𑌾𑌶𑌨𑌿𑌸𑌮𑌸𑍍𑌪𑌰𑍍𑌶𑍋𑌦𑍍𑌵𑌿𑌵𑌿𑌦𑍋𑌽𑌪𑍍𑌯𑌶𑌨𑌿𑌪𑍍𑌰𑌭𑌮𑍍 ।
𑌜𑌘𑌾𑌨𑌗𑌿𑌰𑌿𑌶𑍃𑌂𑌗𑍇𑌣𑌮𑌿𑌷𑌤𑌾𑌂𑌸𑌰𑍍𑌵𑌰𑌕𑍍𑌷𑌸𑌾𑌮𑍍 ॥ 31 ॥

𑌦𑍍𑌵𑌿𑌦𑌿𑌧𑌂𑌵𑌾𑌨𑌰𑍇𑌂𑌦𑍍𑌰𑌂𑌤𑍁𑌨𑌗𑌯𑍋𑌧𑌿𑌨𑌮𑌾𑌹𑌵𑍇 ।
𑌶𑌰𑍈𑌰𑌶𑌨𑌿𑌸𑌂𑌕𑌾𑌶𑍈𑌸𑍍𑌸𑌵𑌿𑌵𑍍𑌯𑌾𑌧𑌾𑌶𑌨𑌿𑌪𑍍𑌰𑌭𑌃 ॥ 32 ॥

𑌸𑌶𑌰𑍈𑌰𑌭𑌿𑌵𑌿𑌦𑍍𑌧𑌾𑌂𑌗𑍋𑌦𑍍𑌵𑌿𑌵𑌿𑌦𑌃𑌕𑍍𑌰𑍋𑌧𑌮𑍂𑌰𑍍𑌛𑌿𑌤𑌃 ।
𑌸𑌾𑌲𑍇𑌨𑌸𑌰𑌥𑌂𑌸𑌾𑌶𑍍𑌵𑌂𑌨𑌿𑌜𑌘𑌾𑌨𑌾𑌶𑌨𑌿𑌪𑍍𑌰𑌭𑌮𑍍 ॥ 33 ॥

𑌵𑌿𑌦𑍍𑌯𑍁𑌨𑍍𑌮𑌾𑌲𑍀𑌰𑌥𑌸𑍍𑌥𑌸𑍍𑌤𑍁𑌶𑌰𑍈𑌃𑌕𑌾𑌂𑌚𑌨𑌭𑍂𑌷𑌣𑍈𑌃 ।
𑌸𑍁𑌷𑍇𑌣𑌂𑌤𑌾𑌡𑌯𑌾𑌮𑌾𑌸𑌨𑌨𑌾𑌦𑌚𑌮𑍁𑌹𑍁𑌰𑍍𑌮𑍁𑌹𑍁𑌃 ॥ 34 ॥

𑌤𑌂𑌰𑌥𑌸𑍍𑌥𑌮𑌥𑍋𑌦𑍃𑌷𑍍𑌟𑌵𑌾𑌸𑍁𑌷𑍇𑌣𑍋𑌵𑌾𑌨𑌰𑍋𑌤𑍍𑌤𑌮𑌃 ।
𑌗𑌿𑌰𑌿𑌶𑍃𑌂𑌗𑍇𑌣𑌮𑌹𑌤𑌾𑌰𑌥𑌮𑌾𑌶𑍁𑌨𑍍𑌯𑌪𑌾𑌤𑌯𑌤𑍍 ॥ 35 ॥

𑌲𑌾𑌘𑌵𑍇𑌨𑌤𑍁𑌸𑌂𑌯𑍁𑌕𑍍𑌤𑍋𑌵𑌿𑌦𑍍𑌯𑍁𑌨𑍍𑌮𑌾𑌲𑍀𑌨𑌿𑌶𑌾𑌚𑌰𑌃 ।
𑌅𑌪𑌕𑍍𑌰𑌮𑍍𑌯𑌰𑌥𑌾𑌤𑍍𑌤𑍂𑌰𑍍𑌣𑌂𑌗𑌦𑌾𑌪𑌾𑌣𑌿𑌃𑌕𑍍𑌷𑌿𑌤𑍌𑌸𑍍𑌥𑌿𑌤𑌃 ॥ 36 ॥

𑌤𑌤𑌃𑌕𑍍𑌰𑍋𑌧𑌸𑌮𑌾𑌵𑌿𑌷𑍍𑌟𑌃𑌸𑍁𑌷𑍇𑌣𑍋𑌹𑌰𑌿𑌪𑍁𑌂𑌗𑌵𑌃 ।
𑌶𑌿𑌲𑌾𑌂𑌸𑍁𑌮𑌹𑌤𑍀𑌂𑌗𑍃𑌹𑍍𑌯𑌨𑌿𑌶𑌾𑌚𑌰𑌮𑌭𑌿𑌦𑍍𑌰𑌵𑌤𑍍 ॥ 3𑍭 ॥

𑌤𑌮𑌾𑌪𑌤𑌂𑌤𑌂𑌗𑌦𑌯𑌾𑌵𑌿𑌦𑍍𑌯𑍁𑌨𑍍𑌮𑌾𑌲𑍀𑌨𑌿𑌶𑌾𑌚𑌰𑌃 ।
𑌵𑌕𑍍𑌷𑌸𑍍𑌯𑌭𑌿𑌜𑌘𑌾𑌨𑌾𑌶𑍁𑌸𑍁𑌷𑍇𑌣𑌂𑌹𑌰𑌿𑌪𑍁𑌂𑌗𑌵𑌃 ॥ 3𑍮 ॥

𑌗𑌦𑌾𑌪𑍍𑌰𑌹𑌾𑌰𑌂𑌤𑌂𑌘𑍋𑌰𑌮𑌚𑍍𑌨𑌿𑌤𑍍𑌯𑌪𑍍𑌲𑌵𑌗𑍋𑌤𑍍𑌤𑌮𑌃 ।
𑌤𑌾𑌂𑌶𑌿𑌲𑌾𑌂𑌪𑌾𑌤𑌯𑌾𑌮𑌾𑌸𑌤𑌸𑍍𑌯𑍋𑌰𑌸𑌿𑌮𑌹𑌾𑌮𑍃𑌧𑍇 ॥ 3𑍯 ॥

𑌶𑌿𑌲𑌾𑌪𑍍𑌰𑌹𑌾𑌰𑌭𑌿𑌹𑌤𑍋𑌵𑌿𑌦𑍍𑌯𑍁𑌨𑍍𑌮𑌾𑌲𑍀𑌨𑌿𑌶𑌾𑌚𑌰𑌃 ।
𑌨𑌿𑌷𑍍𑌪𑌿𑌷𑍍𑌟𑌹𑍃𑌦𑌯𑍋𑌭𑍂𑌮𑍌𑌗𑌤𑌾𑌸𑍁𑌰𑍍𑌨𑌿𑌪𑌪𑌾𑌤𑌹 ॥ 40 ॥

𑌏𑌵𑌂𑌤𑍈𑌰𑍍𑌵𑌾𑌨𑌰𑍈𑌶𑍍𑌶𑍂𑌰𑍈𑌶𑍍𑌶𑍂𑌰𑌾𑌸𑍍𑌤𑍇𑌰𑌜𑌨𑍀𑌚𑌰𑌾𑌃 ।
𑌦𑍍𑌵𑌂𑌦𑍍𑌵𑍇𑌵𑌿𑌮𑍃𑌦𑌿𑌤𑌾𑌸𑍍𑌤𑌤𑍍𑌰𑌦𑍈𑌤𑍍𑌯𑌾𑌇𑌵𑌦𑌿𑌵𑍌𑌕𑌸𑍈𑌃 ॥ 41 ॥

𑌭𑌗𑍍𑌨𑍈𑌖𑌡𑌗𑍈𑌰𑍍𑌗𑌦𑌾𑌭𑌿𑌶𑍍𑌚𑌶𑌕𑍍𑌤𑌿𑌤𑍋𑌮𑌰𑌪𑌟𑍍𑌟𑌸𑍈𑌃 ।
𑌅𑌪𑌵𑌿𑌦𑍍𑌧𑍈𑌶𑍍𑌚𑌾𑌭𑌿𑌨𑍍𑌨𑍈𑌶𑍍𑌚𑌰𑌥𑍈𑌸𑍍𑌸𑌾𑌂𑌗𑍍𑌰𑌾𑌮𑌿𑌕𑍈𑌰𑍍𑌹𑌯𑍈𑌃 ॥ 42 ॥

𑌨𑌿𑌹𑌤𑍈𑌃𑌕𑍁𑌂𑌜𑌰𑍈𑌰𑍍𑌮𑌤𑍍𑌸𑍍𑌸𑍈𑌸𑍍𑌤𑌥𑌾𑌵𑌾𑌨𑌰𑌰𑌾𑌕𑍍𑌷𑌸𑍈𑌃 ।
𑌚𑌕𑍍𑌰𑌾𑌕𑍍𑌷𑌯𑍁𑌗𑌦𑌂𑌡𑍈𑌶𑍍𑌚𑌭𑌗𑍍𑌨𑍈𑌰𑍍𑌧𑌰𑌣𑌿𑌸𑌂𑌶𑍍𑌰𑌿𑌤𑍈𑌃 ॥ 43 ॥

𑌬𑌭𑍂𑌵𑌾𑌯𑍋𑌧𑌨𑌂𑌘𑍋𑌰𑌂𑌗𑍋𑌮𑌾𑌯𑍁𑌗𑌣𑌸𑍇𑌵𑌿𑌤𑌮𑍍 ।
𑌕𑌬𑌂𑌧𑌾𑌨𑌿𑌸𑌮𑍁𑌤𑍍𑌪𑍇𑌤𑍁𑌰𑍍𑌦𑌿𑌕𑍍𑌷𑍁𑌵𑌾𑌨𑌰𑌰𑌕𑍍𑌷𑌸𑌾𑌮𑍍 ॥ 44 ॥

𑌵𑌿𑌮𑌰𑍍𑌦𑍇𑌤𑍁𑌮𑍁𑌲𑍇𑌤𑌸𑍍𑌮𑌿𑌂𑌦𑍇𑌵𑌾𑌸𑍁𑌰𑌰𑌣𑍋𑌪𑌮𑍇 ।
𑌵𑌿𑌦𑌾𑌰𑍍𑌯𑌮𑌾𑌣𑌾𑌹𑌰𑌿𑌪𑍁𑌂𑌗𑌵𑍈𑌸𑍍𑌤𑌦𑌾𑌨𑌿𑌶𑌾𑌚𑌰𑌾𑌶𑍍𑌶𑍋𑌣𑌿𑌤𑌦𑌿𑌗𑍍𑌧𑌗𑌾𑌤𑍍𑌰𑌾𑌃 ।
𑌪𑍁𑌨𑌃𑌸𑍁𑌯𑍁𑌦𑍍𑌧𑌂𑌤𑌰𑌸𑌾𑌸𑌮𑌾𑌸𑍍𑌥𑌿𑌤𑌾𑌦𑌿𑌵𑌾𑌕𑌰𑌸𑍍𑌯𑌾𑌸𑍍𑌤𑌮𑌯𑌾𑌭𑌿𑌕𑌾𑌂𑌕𑍍𑌷𑌿𑌣𑌃 ॥ 45 ॥

𑌇𑌤𑍍𑌯𑌾𑌰𑍍𑌷𑍇 𑌶𑍍𑌰𑍀𑌮𑌦𑍍𑌰𑌾𑌮𑌾𑌯𑌣𑍇 𑌵𑌾𑌲𑍍𑌮𑍀𑌕𑍀𑌯 𑌆𑌦𑌿𑌕𑌾𑌵𑍍𑌯𑍇 𑌯𑍁𑌦𑍍𑌧𑌕𑌾𑌂𑌡𑍇 𑌤𑍍𑌰𑌿𑌚𑌤𑍍𑌵𑌾𑌰𑌿𑌂𑌶𑌸𑍍𑌸𑌰𑍍𑌗𑌃 ॥


Browse Related Categories: