śrīmadvālmīkīya rāmāyaṇē yuddhakāṇḍam ।
atha trichatvāriṃśassargaḥ ।
yudhyatāntutatastēṣāṃvānarāṇāmmahātmanām ।
rakṣasāṃsambabhūvāthabalakōpassudāruṇaḥ ॥ 1 ॥
tēhayaiḥkāñchanāpīḍairdhvaśchāgniśikhōpamaiḥ ।
rathaiśchādityasaṅkāśaiḥkavachaiśchamanōramaiḥ ॥ 2 ॥
niryayūrākṣasavyāghrānādayantōdiśōdaśa ।
rākṣasābhīmakarmāṇōrāvaṇasyajayaiṣiṇaḥ ॥ 3 ॥
vānarāṇāmapichamūrbṛhatījayamichChatām ।
abhyadhāvatatāṃsēnāṃrakṣasāṅkāmarūpiṇam ॥ 4 ॥
ētasminnantarētēṣāmanyōnyamabhidhāvatām ।
rakṣasāṃvānarāṇāñchadvandvayuddhamavartata ॥ 5 ॥
aṅgadēndrajitsārdhaṃvāliputrēṇarākṣasaḥ ।
āyudhyatamahātējāstRyambakēṇayathā'ntakaḥ ॥ 6 ॥
prajaṅghēnachasampātirnityandurmarṣaṇōraṇē ।
jambumālinamārabdhōhanumānapivānaraḥ ॥ 7 ॥
saṅgatastumahākrōdhōrākṣasōrāvaṇānujaḥ ।
samarētīkṣṇavēgēnamitraghnēnavibhīṣaṇaḥ ॥ 8 ॥
tapanēnagajassārdhaṃrākṣasēnamahābalaḥ ।
nikumbhēnamahātējānīlō'pisamayudhyata ॥ 9 ॥
vānarēndrastusugrīvaḥpraghasēnasamāgataḥ ।
saṅgataḥsamarēśrīmānvirūpākṣēṇalakṣmaṇaḥ ॥ 10 ॥
agnikētuśchasudurdharṣōraśmikētuścharākṣasaḥ ।
suptaghnōyajñakōpaścharāmēṇasahasaṅgatāḥ ॥ 11 ॥
vajramuṣṭistumaindēnadvividēnāśaniprabhaḥ ।
rākṣasābhyāṃsughōrābhyāṅkapimukhyausamāgatau ॥ 12 ॥
vīrah pratapanō ghōrō rākṣasō raṇa durdharaḥ ।
samarē tīkṣṇa vēgēna nalēna samayudhyata ॥ 13 ॥
dharmasya putrō balavān suṣēṇa;iti viśarutaḥ ।
sa vidyun mālinā sārdhaṃ ayudhyata mahā kapiḥ ॥ 14 ॥
vānarāśchāparēbhīmārākṣasairaparaissaha ।
dvandvaṃsamīyussahasāyuddhāyabahubhissaha ॥ 15 ॥
tatrāsītsumahadyuddhantumulaṃrōmaharṣaṇam ।
rakṣasāṃvānarāṇāñchavīrāṇāñjayamichChatām ॥ 16 ॥
harirākṣasadēhēbhyaḥprabhūtāḥkēśaśādvalāḥ ।
śarīrasaṅghāṭāvahāḥprasusruśśōṇitāpagāḥ ॥ 17 ॥
ajaghānēndrajitkruddhōvajrēṇēvaśatakratuḥ ।
aṅgadaṅgadayāvīraṃśatrusainyavidāraṇam ॥ 18 ॥
tasyakāñchanachitrāṅgaṃrathaṃsāśvaṃsasārathim ।
jaghānasamarēśrīmānaṅgadōvēgavānkapiḥ ॥ 19 ॥
sampātistutribhirbhāṇaiḥprajaṅghēnasamāhataḥ ।
nijaghānaśvakarṇēnaprajaṅghaṃraṇamūrdhani ॥ 20 ॥
jambumālīrathasthasturathaśaktyāmahābalaḥ ।
bibēdasamarēkruddhōhanūmantaṃstanāntarē ॥ 21 ॥
tasyataṃrathamāsthāyahanūmān mārutātmajaḥ ।
pramamāthatalēnāśusahatēnaivarakṣasā ॥ 22 ॥
nadan pratapanōghōrōnalaṃsōpyanvadhāvata ।
nalaḥpratapanasyāśupātayāmāsachakṣuṣī ॥ 23 ॥
bhinnagātraśśaraistīkṣṇaiḥkṣiprahastēnarakṣasā ।
grasantamivasainyānipraghasaṃvānarādhipaḥ ॥ 24 ॥
sugrīvassaptaparṇēnanirbhibhēdajaghānacha ।
agnikētuśchadurdharṣōraśmikētuścharākṣasaḥ ॥ 25 ॥
suptaghnōyajñakōpaścharāmannirbhibhiduśśaraiḥ ।
tēṣāñchaturṇāṃrāmastuśirāṃsiniśitaiśśaraiḥ ।
kruddhaśchaturbhiśchichChēdaghōrairagniśikhōpamaiḥ ॥ 26 ॥
vajra muṣṭis tu maindēna muṣṭinā nihatō raṇē ।
papāta sarathah sāśavah purāṭṭa iva bhū talē ॥ 27 ॥
nikumbasturaṇēnīlannīlāñjanachayaprabham ।
nirbibhēdaśaraistīkṣṇaiḥkarairmēghamivāṃśumān ॥ 28 ॥
punaśśaraśatēnāthakṣiprahastōniśācharaḥ ।
bibhēdasamarēnīlannikumbhaḥprajahāsacha ॥ 29 ॥
tasyaivarathachakrēṇanīlōviṣṇurivāhavē ।
śiraśchichChēdasamarēnikumbhasyachasārathēḥ ॥ 30 ॥
vajrāśanisamasparśōdvividō'pyaśaniprabham ।
jaghānagiriśṛṅgēṇamiṣatāṃsarvarakṣasām ॥ 31 ॥
dvididhaṃvānarēndrantunagayōdhinamāhavē ।
śarairaśanisaṅkāśaissavivyādhāśaniprabhaḥ ॥ 32 ॥
saśarairabhividdhāṅgōdvividaḥkrōdhamūrChitaḥ ।
sālēnasarathaṃsāśvannijaghānāśaniprabham ॥ 33 ॥
vidyunmālīrathasthastuśaraiḥkāñchanabhūṣaṇaiḥ ।
suṣēṇantāḍayāmāsananādachamuhurmuhuḥ ॥ 34 ॥
taṃrathasthamathōdṛṣṭavāsuṣēṇōvānarōttamaḥ ।
giriśṛṅgēṇamahatārathamāśunyapātayat ॥ 35 ॥
lāghavēnatusaṃyuktōvidyunmālīniśācharaḥ ।
apakramyarathāttūrṇaṅgadāpāṇiḥkṣitausthitaḥ ॥ 36 ॥
tataḥkrōdhasamāviṣṭaḥsuṣēṇōharipuṅgavaḥ ।
śilāṃsumahatīṅgṛhyaniśācharamabhidravat ॥ 37 ॥
tamāpatantaṅgadayāvidyunmālīniśācharaḥ ।
vakṣasyabhijaghānāśusuṣēṇaṃharipuṅgavaḥ ॥ 38 ॥
gadāprahārantaṅghōramachnityaplavagōttamaḥ ।
tāṃśilāmpātayāmāsatasyōrasimahāmṛdhē ॥ 39 ॥
śilāprahārabhihatōvidyunmālīniśācharaḥ ।
niṣpiṣṭahṛdayōbhūmaugatāsurnipapātaha ॥ 40 ॥
ēvantairvānaraiśśūraiśśūrāstērajanīcharāḥ ।
dvandvēvimṛditāstatradaityāivadivaukasaiḥ ॥ 41 ॥
bhagnaikhaḍagairgadābhiśchaśaktitōmarapaṭṭasaiḥ ।
apaviddhaiśchābhinnaiścharathaissāṅgrāmikairhayaiḥ ॥ 42 ॥
nihataiḥkuñjarairmatssaistathāvānararākṣasaiḥ ।
chakrākṣayugadaṇḍaiśchabhagnairdharaṇisaṃśritaiḥ ॥ 43 ॥
babhūvāyōdhanaṅghōraṅgōmāyugaṇasēvitam ।
kabandhānisamutpēturdikṣuvānararakṣasām ॥ 44 ॥
vimardētumulētasmindēvāsuraraṇōpamē ।
vidāryamāṇāharipuṅgavaistadāniśācharāśśōṇitadigdhagātrāḥ ।
punaḥsuyuddhantarasāsamāsthitādivākarasyāstamayābhikāṅkṣiṇaḥ ॥ 45 ॥
ityārṣē śrīmadrāmāyaṇē vālmīkīya ādikāvyē yuddhakāṇḍē trichatvāriṃśassargaḥ ॥
