ශ්රීමද්වාල්මීකීය රාමායණේ යුද්ධකාංඩම් ।
අථ ත්ර්යාශීතිතමස්සර්ගඃ ।
රාඝවශ්චාපිවිපුලංතංරාක්ෂසවනෞකසාම් ।
ශ්රුත්වාසංග්රාමනිර්ඝෝෂංජාංබවංතමුවාච හ ॥ 1 ॥
සෞම්යනූනංහනුමතාකෘතංකර්මසුදුෂ්කරම් ।
ශ්රූයතේ ච යථාභීමස්සුමහාවායුධස්වනඃ ॥ 2 ॥
තද්ගච්ඡකුරුසාහාය්යංස්වබලේනාභිසම්වෘතඃ ।
ක්ෂිප්රමක්ෂපතේතස්යකපිශ්රේෂ්ඨස්යයුධ්යතඃ ॥ 3 ॥
ඍක්ෂරාක්ෂස්තථෝක්තස්තුස්වේනානීකේනසම්වෘතඃ ।
ආගච්ඡත්පශ්චිමද්වාරංහනූමාන්යත්රවානරඃ ॥ 4 ॥
අථායාංතංහනූමංතංදදර්ශර්ක්ෂපතිපථි ।
වානරෛඃකෘතසංග්රාමෛශ්ශ්වසද්භිරභිසම්වෘතම් ॥ 5 ॥
දෘෂ්ටාපථිහනූමාංශ්චතදෘක්ෂබලමුද්යතම් ।
නීලමේඝනිභංභීමංසන්නිවාර්යන්යවර්තත ॥ 6 ॥
ස තේනසහසෛන්යේනසන්නිකර්ෂංමහායශාඃ ।
ශීඝ්රමාගම්යරාමායදුඃඛිතෝවාක්යමබ්රවීත් ॥ 7 ॥
සමරේයුධ්යමානානාමස්මාකංප්රේක්ෂතාංපුරඃ ।
ජඝානරුදතීංසීතාමිංද්රජිද්රාවණාත්මජඃ ॥ 8 ॥
උද්භ්රාංතචිත්තස්තාංදෘෂ්ටවාවිෂණ්ණෝऽහමරිංදමඃ ।
තදහංභවතෝවෘතංවිජ්ඤාපයිතුමාගතඃ ॥ 9 ॥
තස්යතද්වචනංශ්රුත්වාරාඝවශ්ශෝකමූර්චිතඃ ।
නිපපාතතදාභූමෞඡින්නමූලංඉවද්රුමඃ ॥ 10 ॥
තංභූමෞදේවසංකාශංපතිතංදෘශ්යරාඝවම් ।
අභිපේතුස්සමුත්පත්යසර්වතඃකපිසත්තමාඃ ॥ 11 ॥
ආසිංචන් සලිලෛශ්චෛනංපද්මෝත්පලසුගංධිභිඃ ।
ප්රදහංතමානාසාද්යංසහසාග්නිමිවෝද්යතම් ॥ 12 ॥
තංලක්ෂ්මණෝऽථබාහුභ්යාංපරිෂ්වජ්යසුදුඃඛිතඃ ।
උවාචරාමමස්වස්ථංවාක්යංහේත්වර්ථසම්යුතම් ॥ 13 ॥
ශුභේවර්ත්මනිතිෂ්ඨංතංත්වාමාර්යවිජිතේංද්රියම් ।
අනර්ථේභ්යෝ න ශක්නෝතිත්රාතුංධර්මෝනිරර්ථකඃ ॥ 14 ॥
භූතානාංස්ථාවාරාණාං ච ජංගමානාං ච දර්ශනම් ।
යථාස්ති න තථාධර්මස්තේනනාස්තීතිමේමතිඃ ॥ 15 ॥
යථෛවස්ථාවරංව්යක්තංජංගමං න තථාවිධම් ।
නායමර්ථස්තථායුක්තස්ත්වද්විධෝ න විපද්යතේ ॥ 16 ॥
යද්යධර්මෝභවේද්භූතෝරාවණෝනරකංව්රජේත් ।
භවාංශ්චධර්මසම්යුක්තෝනෛවංව්යසනමාප්නුයාත් ॥ 17 ॥
තස්ය ච ව්යසනාභාවාද්ව්යසනංචාගතේත්වයි ।
ධර්මෝභවත්යධර්මශ්චපරස්පරවිරෝධිනෞ ॥ 18 ॥
ධර්මේණෝපලභේද්ධර්මමධර්මංචාප්යධර්මතඃ ।
යද්යධර්මේණයුජ්යේයුර්යේෂ්වධර්මඃප්රතිෂ්ඨිතඃ ॥ 19 ॥
යදිධර්මේණවියුජ්යේරන්නධර්මරුචයෝජනාඃ ।
ධර්මේණචරතාංධර්මංචෛෂාංධර්මඵලංභවේත් ॥ 20 ॥
යස්මාදර්ථාවිවර්ධංතේයේෂ්වධර්මඃප්රතිෂ්ඨිතඃ ।
ක්ලිශ්යංතේධර්මශීලාශ්චතස්මාදේතෞනිරර්ථකෞ ॥ 21 ॥
වධ්යංතේපාපකර්මාණෝයද්යධර්මේණරාඝව ।
වධකර්මහතෝऽධර්මඃ ස හතඃකිංවධිෂ්යති ॥ 22 ॥
අථවාවිහිතේනායංහන්යතේහංතිවාපරම් ।
විධිරාලිප්යතේතේන න ස පාපේනකර්මණා ॥ 23 ॥
අදෘෂ්ටප්රතිකාරේණත්වව්යක්තේනාසතාසතා ।
කථංශක්යංපරංප්රාප්තුංධර්මේණාරිවිකර්ෂණ ॥ 24 ॥
යදිසත්ස්යාත්සතාංමුඛ්යනාසත්ස්යත්තවකිංචන ।
ත්වයායදීදෘශංප්රාප්තංතස්මාත්සන්නෝපපද්යතේ ॥ 25 ॥
බලස්ය යදි චේද්ධර්මෝ ගුණභූතඃ පරාක්රමේ ।
ධර්මමුත්සෘජ්ය වර්තස්ව යථා ධර්මේ තථා බලේ ॥ 26 ॥
බලස්යයදිචේද්ධර්මෝගුණභූතඃපරාක්රමේ ।
ධර්මමුත්සෘජ්යවර්තස්වයථාධර්මේතථාබලේ ॥ 27 ॥
අථචේත්සත්යවචනංධර්මඃ කිලපරංතප ।
අනෘතස්ත්වය්යකරුණඃකිං න බද්ධස්ත්වයාපිතා ॥ 28 ॥
අධර්මසංශ්රිතෝ ධර්මෝ විනාශයති රාඝව ।
සර්වමේතද්යථාකාමං කාකුත්ස්ථ කුරුතේ නරඃ ॥ 29 ॥
අධර්මසංශ්රිතෝධර්මෝවිනාශයතිරාඝව ।
සර්වමේතද්යථාකාමංකාකුත්ස්ථකුරුතේනරඃ ॥ 30 ॥
මමචේදංමතංතාතධරෝऽයමිතිරාඝව ।
ධර්මමූලංත්වයාඡින්නංරාජ්යමුත්සෘජතාතදා ॥ 31 ॥
අර්ථේභ්යෝහිප්රවෘද්ධේභ්යඃසම්වෘත්තේභ්යස්තතස්තතඃ ।
ක්රියාඃසර්වාඃප්රවර්තංතේපර්වතේභ්යඃඉවාපගාඃ ॥ 32 ॥
අර්ථේනහිවිමුක්තස්යපුරුෂස්යාල්පචේතසඃ ।
විච්ඡිද්යංතේක්රියාස්සර්වාග්රීෂ්මේකුසරිතෝයථා ॥ 33 ॥
සෝऽයමර්ථංපරිත්යජ්යසුඛකාමඃසුඛෛධිතඃ ।
පාපමාරභතේකර්තුංතදාදෝෂඃප්රවර්තතේ ॥ 34 ॥
යස්යාර්ථාස්තස්යමිත්රාණියස්යාර්ථාස්යස්යබාංධවාඃ ।
යස්යාර්ථාස්සපුමාන්ලෝකේයස්යාර්ථාඃ ස ච පංඩිතඃ ॥ 35 ॥
යස්යාර්ථාස්ස ච වික්රාංතෝයස්යාර්ථාස්ස ච බුද්ධිමාන් ।
යස්යාර්ථාස්සමහාභාගෝයස්යාර්ථාස්සමහාගුණඃ ॥ 36 ॥
අර්ථස්යෛතේපරිත්යාගේදෝෂාඃප්රව්යාහෘතාමයා ।
රාජ්යමුත්සෘජතාවීරයේනබුද්ධිස්ත්වයාකෘතා ॥ 37 ॥
යස්යාර්ථාඃධර්මකාමාර්ථාස්තස්යසර්වංප්රදක්ෂිණම් ।
අධනේනාර්ථකාමේනනාර්ථශ්ශක්යෝවිචින්වතා ॥ 38 ॥
හර්ෂඃකාමශ්චදර්පශ්චධර්මඃක්රෝධශ්ශමෝදමඃ ।
අර්ථාදේතානිසර්වාණිප්රවර්තංතේනරාධිප ॥ 39 ॥
යේෂාංනශ්යත්යයංලෝකශ්චරතාංධර්මචාරිණාම් ।
තේऽර්ථාස්ත්වයි න දෘශ්යංතේදුර්දිනේෂුයථාග්රහාඃ ॥ 40 ॥
ත්වයිප්රව්රජිතේවීරගුරෝශ්චවචනේස්ථිතේ ।
රක්ෂසාපහෘතාභාර්යාප්රාණෛඃප්රියතරාතව ॥ 41 ॥
තදද්යවිපුලංවීරදුඃඛමිංද්රජිතාකෘතම් ।
කර්මණාව්යපනේෂ්යාමිතස්මාදුත්තිෂ්ඨරාඝව ॥ 42 ॥
උත්ථිෂ්ඨනරශාර්දූලදීර්ඝබාහෝධෘතව්රත ।
කිමාත්මානංමහාත්මානංමාත්මානං න බුධ්යසේ ॥ 43 ॥
අයමනඝතවෝදිතඃප්රියාර්ථංජනකසුතානිධනංනිරීක්ෂ්යරුෂ්ටඃ ।
සරථගජහයාංසරාක්ෂසේංද්රාංභෘශමිෂුභිර්විනිපාතයාමිලංකාම් ॥ 44 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ත්ර්යාශීතිතමස්සර්ගඃ ॥
