ශ්රීමද්වාල්මීකීය රාමායණේ යුද්ධකාංඩම් ।
අථ ද්විතීයස්සර්ගඃ ।
තංතුශෝකපරිද්යූනංරාමංදශරථාත්මජම් ।
උවාචවචනංශ්රීමාන් සුග්රීවශ්ශෝකනාශනම් ॥ 1 ॥
කිං ත්වයා තප්යතේ වීර යථාන්යඃ ප්රාකෘතස්තථා ।
මෛවං භූස්ත්යජ සතාපං කෘතඝ්න ඉව සෞහෘදම් ॥ 2 ॥
සංතාපස්යචතේස්ථානංනහිපශ්යාමිරාඝව ।
ප්රවෘත්තාවුපලබ්ධායාංජ්ඤාතේචනිලයේරිපෝඃ ॥ 3 ॥
මතිමාන්ශාස්ත්රවිත්ප්රාජ්ඤඃපංඩිතශ්චාසිරාඝව ।
ත්යජේමාංපාපිකාංබුද්ධිංකෘතාත්මේවාර්ථදූෂණීම් ॥ 4 ॥
සමුද්රංලංඝයිත්වාතුමහානක්රසමාකුලම් ।
ලංකාමාරෝහයිෂ්යාමෝහනිෂ්යාමශ්චතේරිපුම් ॥ 5 ॥
නිරුත්සාහස්යදීනස්යශෝකපර්යාකුලාත්මනඃ ।
සර්වාර්ථාව්යවසීදංතිව්යසනංචාධිගච්ඡති ॥ 6 ॥
ඉමේශූරාස්සමර්ථාශ්චසර්වනෝහරියූථපාඃ ।
ත්වත්ප්රියාර්ථංකෘතෝත්සාහාඃප්රවේෂ්ටුමපිපාවකම් ।
ඒෂාංහර්ෂේණජානාමිතර්කශ්චාස්මින් දෘඪෝමම ॥ 7 ॥
වික්රමේණසමානේෂ්යේසීතාංහත්වායථාරිපුම් ।
රාවණංපාපකර්මාණංතථාත්වංකර්තුමර්හසි ॥ 8 ॥
සේතුරත්රයථාබධ්යේද්යථාපශ්යේමතාංපුරීම් ।
තස්යරාක්ෂසරාජස්යතථාත්වංකුරුරාඝව ॥ 9 ॥
දෘෂ්ටවාතාංතුපුරීංලංකාංත්රිකූටශිඛරේස්ථිතාම් ।
හතංචරාවණංයුද්ධේදර්ශනාවධාරය ॥ 10 ॥
අබධ්වාසාගරේසේතුංඝෝරේචතුවරුණාලයේ ।
ලංකාංනමර්දිතුංශක්යාසේංද්රෛරපිසුරාසුරෛඃ ॥ 11 ॥
සේතුර්බද්ධස්සමුද්රේචයාවල්ලංකාස්සමීපතඃ ॥ 12 ॥
සර්වංතීර්ණංචමේසෛන්යංජිතමිත්යුපධාරය ।
ඉමේහිසමරේවීරාහරයඃකාමරූපිණ ॥ 13 ॥
තදලංවික්ලබාංබුද්ධිං රාජන සර්වාර්ථනාශනීම් ।
පුරුෂස්යහිලෝකේऽස්මින් ශෝකශ්ශෞර්යාපකර්ෂණඃ ॥ 14 ॥
යත්තුකාර්යංමනුෂ්යේණශෞංඩීර්යමවලංබතා ।
අස්මින් කාලේමහාප්රාජ්ඤසත්ත්වමාතිෂ්ඨතේජසා ॥ 15 ॥
ශූරාණාංහිමනුෂ්යාණාංත්වද්විධානාංමහාත්මනාම් ।
විනෂ්ටේවාප්රණෂ්ටේවාශෝකස්සර්වාර්ථනාශනඃ ॥ 16 ॥
තත්ත්වංබුද්ධිමතාංශ්රේෂ්ඨස්සර්වශාස්ත්රාර්ථකෝවිදඃ ।
මද්විධෛස්සචිවෛස්සාර්ථමරිංජේතුමිහාර්හසි ॥ 17 ॥
නහිපශ්යාම්යහංකංචිත් ත්රිෂුලෝකේෂුරාඝව ।
ගෘහීතධනුෂේයස්තේතිෂ්ඨේදභිමුඛෝරණේ ॥ 18 ॥
වානරේෂුසමාසක්තංනතේකාර්යංවිපත්ස්යතේ ।
අචිරාද්ද්රක්ෂ්යසේසීතාංතීර්ත්වාසාගරමක්ෂ්යම් ॥ 19 ॥
තදලංශෝකමාලංබ්යක්රෝධමාලංබභූපතේ ।
නිශ්චේෂ්ටාඃක්ෂත්රියාමංදාස්සර්වේචංඩස්යබිභ්යති ॥ 20 ॥
ලංඝනාර්ථංචඝෝරස්යසමුද්රස්යනදීංපතේඃ ।
සහාස්මාභිරිහෝපේතස්සූක්ෂ්මබුද්ධිර්විචාරය ॥ 21 ॥
ලංඝිතේතස්යතෛස්සෛන්යංජිතමිත්යුපධාරය ।
සර්වංතීර්ණංචමේසෛන්යංජිතමිත්යවධාර්යතාම් ॥ 22 ॥
ඉමේහිහරයශ්ශූරාස්සමරේකාමරූපිණඃ ।
තානරීන්විධමිෂ්යංතිශිලාපාදපවෘෂ්ටිභිඃ ॥ 23 ॥
කථංචිත්සංතරිෂ්යාමස්තේවයංවරුණාලයම් ।
හතමිත්යේවතංමන්යේයුද්ධේශත්රුනිබර්හණ ॥ 24 ॥
කිමුක්ත්වාබහුධාචාපිසර්වථාවිජයීභවාන් ।
නිමිත්තානිචපශ්යාමිමනෝමේසංප්රහෘෂ්යති ॥ 25 ॥
ඉත්යාර්ෂේ ශ්රීමද්රාමායණේ වාල්මීකීය ආදිකාව්යේ යුද්ධකාංඩේ ද්විතීයස්සර්ගඃ ॥
